Odette Chow的個人專頁

呢間泰菜都係我上次叫外賣才首次嚐過，但發現外賣都有驚喜，所以一定要去試堂食，但因放工後返到荃灣都 8 點多，每次去到都已大排長龍在外邊等位，而因限聚令到晩上十點，所以都未能嚐到堂食。今日終於嚐到了，午餐時段會好些，我和 2 位朋友 11幾就排隊等，所以終於食到了。我地叫咗午市套餐 #泰式豬頸肉飯 #泰式無骨鹵水豬手飯 #黃咖喱雞飯 #炸蝦餅 #串燒 #泰式凍奶茶 #泰式西柚茶 #泰式青檸茶。樣樣都好好味😋，有水準💯，同埋好大碟😄，推介豬頸肉 & 豬手去到真係要必試。呢個價錢真係好抵食👍，小食+主菜+嘢飲🥠🧆🥤，每人都唔駛 $100👍…查看更多

兒時爸爸時常都帶我去大排檔食廣東小炒，到今日真的在街上大排檔已沒有了，因全部都已在室內。呢間係朋友生日點選的大排檔，在正街街市裡面，搭地鐵都好方便。上到去環境唔錯，設計都有點特色，清潔、服務態度幾好，食物味道好好呀😋，因有些菜式要先預訂，所以都在訂枱時訂好，例如 #碌鵝 & #避風塘炒蟹 要先預訂。每道菜都係水準之作👍 我地點咗 #脆皮咕嚕肉，個皮真係好脆，放了一段時間都仲脆。#黃金鮮魷，表面蛋黃比例恰到好處，魷魚仍係爽脆的。#碌鵝，個碌鵝汁好正，有薯仔墊底，索晒 D 汁，好好味，必食之選👍#避風塘炒蟹，野味，但略為2覺得隻蟹細咗少少，如下次再點，一定要指定大肉蟹。#白灼豬潤，熟度剛好，爽脆。 #啫啫芥蘭，正常水準#豉油皇炒麵，夠乾身，唔油，有鑊氣仲有，佢仲有日式串燒，但個師父逢星期三休息，所以記住想食串燒就唔好𢵧星期三。…查看更多

呢間日本放題又係好耐無去，今晚再去食，不過已與 3 年前不同，佢既任點食物少了，改為點一個主菜，然後有部份食物係任點的，但每類項目選擇並不多，剌身已經無咗任食，改為主菜點選剌身。我地 2 個人梗係叫咗 2 款主菜剌身啦，都算 OK，個海膽 OK，佢個麵豉三文魚腩湯幾好，唔腥，好多魚腩，可能呢個關係啖湯好鮮甜，其他任點食物就一過不失，不過味道都與 3 年前遜色很多了。以前座無虛席，現在因疫情問題眼見生意都比以往淡了很多。…查看更多

因疫情關係都好耐無去呢間潮州小炒館食晚飯，但如想食小菜，我都會𢵧呢間。呢個星期一再去，今次叫套餐 #豉汁蒸鱔 及 #鹵水鵝片、再加多碟豬油渣炒菜芯苗，如單超過 $300，跟以往一樣會送一碟鹵水併盤比你。今次叫嗰碟豬油渣炒菜芯苗好香口野味，只略為鹹咗少少，但都好食😋以荃灣區來講，呢間小菜館來說都算不錯，夠大碟，還記得第一次去食那碟薑蔥炒魚春，大碟到呢，抵食，所以在正常情況下每晚都坐滿人 及 好多年青一輩都在此幫襯。如講環境，坐位都較為迫，但都可接受，服務就一般啦，衛生來說，今次我見佢嗰 D 凍食海鮮類沒有蓋好，所以都沒有點，其他的的小炒水準都保持。…查看更多

今日繼續出去食，好想食泰國菜，呢間味道唔錯，仲好抵食，我地叫咗個 2 人套餐，有 #泰式炒雜菜、#泰式鮮蝦炒金邊粉、#咖喱炒蟹、#冬蔭功湯、#串燒，#啤酒、#椰子沙冰，加埋一都係 $410，碟蟹雖然係例牌，但都有隻半蟹，勁多羔；金邊粉夠乾身、唔油、有鑊氣、蝦新鮮彈牙；冬蔭功湯正常份量，但裡面有 6 隻好大隻既蝦，又係又新鮮又彈牙；好味。下次會再去試套餐另外幾樣主菜，我眼見另外幾枱點的魚都唔差，但咖喱蟹必先試。…查看更多