marco6b01's Profile

今日有幸揸車去到石澳同狗狗一齊，搵咗一個鐘車位之後，去到迴旋處見到間泰國餐廳。因為太肚餓關係義不容辭再沖咗入去。佢勝在可以坐喺戶外，所以有狗狗都唔怕。咁我哋就叫左一個青木瓜沙律，佢個青木瓜沙律非常特別，亦都非常惹味，佢亦都用咗一個好特別嘅中沙律嘅兜裝住。原本想試吓海南雞冬陰功湯河，不過去海南雞湯河係唔可以轉冬陰功，不過海南雞都滑，但係個湯就比較味精咗少少。好快最後叫咗個泰式炒通菜，尚算唔錯，不過都係非常之重味精，配過椰青就非常之好，食完嘢晏晝去村仲可以去埋情人橋。咁樣就美滿一天啦。…Read More

黎到祥囍，緊去食煲仔飯，今日慕名而來嗌咗兩個煲仔飯，一個係白鱔煲仔飯，另外一個就係排骨雞煲仔飯。兩個煲仔飯，一到咗之後就要落少少豉油，跟住冚蓋焗多佢一至2分鐘。咁個煲仔飯就會有飯焦。非常香口。另外仲叫咗豉椒鵝腸椒鹽九肚魚同埋薯仔牛柳粒。全部都不過不失，但係如果話薯仔牛柳粒好食呢我就覺得萬發好食啲。不過食肆係冇完美嘅，如果想食煲仔飯，祥囍可以滿足到喺筲箕灣住嘅人嘅需求。不過最好就要係一早book定枱，因為星期五六日非常多人。叫咗四支啤酒買三送一，性價比非常高的一間餐廳。…Read More

今日得閒揸車，入咗屯門食雲川，坐低咗之後叫咗個金湯墨魚咀炸醬紅薯粉扣底。辣到適中，而且又多蔥砂漿，未有夠湯底非常之濃郁，金湯味道夠重，雖然味精係多咗少少不過叫返一杯熱檸水補返數。另外個墨魚咀都夠彈牙，雖然嗰個米線叫咗爽口都唔係好爽口，但係嚟到梗係食佢嘅。如果比起老闆娘佢就唔算太多味精，都係好食嘅！最緊要唔使排隊！希望可以試到更加多其他嘅湯底，另外叫咗瞓手撕雞，手撕雞都好食，配埋個麻將，不過青瓜少咗啲。…Read More

今日啱啱行完山，喺鰂魚涌落山，就去到太古坊附近呢間餐廳。坐喺戶外個感覺非常之好，因為我帶住隻狗，又可以比狗仔休息吓。叫咗一個意粉同埋一杯啤酒。整體嚟講個意粉都幾好食，啲芝士份量都好多。可能行完山太肚餓嘅關係，乜都覺得好好食😂個餐牌仲有幾款啤酒揀添，除咗鬼佬仲有YAU可以揀。啤酒到夠凍，真係幾爽。我隻狗狗都好enjoy佢嘅自己嘅空間🥰如果一大班狗友都可以去呢度食個tea都唔錯不過近排隔離好似做緊裝修，封晒板，所以有少少影響咗咗個，希望到時我冇裝修嘅時候，個露天位置會更加大。…Read More

今日諗住小試牛刀去牛奶冰室食個lunch 。餐牌上面啲相就非常之吸引，咁我就叫咗一個蔥油叉燒飯加煎蛋喺面，一個咁嘅餐要$73，唔緊要，但係佢啲蔥油真係肉酸到不得了，同餐牌個樣完全唔成正比。叉燒食落都還算OK ，軟冧得來都係算係好食，不過佢呢隻叉燒就唔係我哋平時喺街嗰啲斬件叉燒。個飯就非常之硬，唔明點解佢要打滿壓實個飯😇煎蛋話係流心蛋，但係其實熟晒，同埋啲蛋漿流晒出嚟已經結埋晒，好似煮咗好耐凍晒咁嘅樣。講真，只可一不可再唔會再試，可能去啲早餐會好啲，食出前一丁或者公仔麵一定唔會出事。…Read More

嗱嗱嗱，今次真係抵食夾大件，我哋七個男人去稻香食一蚊雞雞煲，七人樓下就可以叫兩個，不過就一定要兩個煲都要一樣，唔可以一個揀酸菜魚另外一個揀雞煲。啤酒就全部半價，我哋七個人食咗兩個雞煲，叫咗好多好多打邊爐配料，配料就全部六折。🤷🏻‍♂️都係$1400 埋單😂飲咗24大枝順滑嘉士伯，真心抵。不過如果係要求有食物質素嘅你哋就千祈唔好去，因為去得一蚊雞煲就預咗啲質素一般。唔會有任何驚喜，當自己去食緊放題一樣。記得叫牛肉豬肉都唔使嗌最貴嗰隻最平嗰隻都其實音樂一樣。😝見到有啲阿叔阿婆食完一蚊雞煲就，埋單都係幾十蚊。🙈…Read More

除咗譚仔之外，我最鍾意就係食呢一間前座米線😜😜😜真係好好食呀，尤其是係佢個米線撈薯粉，另外佢個手撕雞都非常出色。我今次仲叫咗老闆娘要多芫荽，湯底好濃，另外米線係我鍾意食幼嗰隻米線☺️☺️☺️最緊要係佢同隔離間舖頭合作做手工啤酒，鍾意飲手工啤嘅人就最適合啦。同埋老闆娘都係愛狗之人，帶狗狗經過都會請佢地食零食，勁開心，超興奮。前座間鋪有啲復古風，最啱啲人打卡！總括嚟講，呢間我係會覆桌嘅餐廳🙆🏻‍♂️🙋🏻‍♀️…Read More

見下午茶想食個雲吞撈麵，就入咗麥兆記，佢係一間好傳統嘅雲吞麵店。不過價錢就貴咗少少，我就叫咗一個雲吞撈麵，麵質彈牙不過重鹼水味。蠔油就唔使錢㗎，雲吞都新鮮嘅，整體來講就不過不失，不過又唔係最好食嗰間。勝在出邊可以泊車？睇住架車又唔驚抄牌。唔使等位又多款式😝😝😝…Read More

嚟到鯉景灣，如果有寵物嘅朋友就一定要去salted pig。原因就係喺鯉景灣雲雲中得呢間西餐係最好。雖然佢對比起出邊好多西餐都唔係一定最出眾，但係喺位置方面呢間又可以大狗又可以望住個海，又可以泊車係出面睇住架車。算唔錯啦！而我最鍾意食呢就係呢個pulled pork sandwich 😝😝😝如果happy hour仲可以喺度飲杯啤酒添，真寫意🤓…Read More

公道啲，如果你要當放題質素，要食平燒肉嘅話，價錢可接受。不過肉質方面我寧願去食牛角。好處係等位唔洗太耐，坐得都舒服嘅，落單都好快送到，入面又唔算大煙。我叫左個燒肉拼盤，最好食竟然係啲雞，其次豬同牛都一般般。牛舌就有少少變色，問佢哋究竟係咪咁樣？佢哋竟然答係，可能我唔係好識。整體如果要過下燒肉口癮都唔係太差，不過如果對肉有要求就可以有更好選擇😉嘢飲都有啲貴🫠…Read More

喺灣仔工作嘅我，都食過好多燒味店，不過入咗呢間燒味店嘅時候，可能因為新裝修的關係，坐得都幾舒服，係個廁所細咗啲。不過要讚嘅，係佢啲燒味，真係超級超級超級好食，尤其是係叉燒同燒鵝，相片會說話。雖然貴左少少，不過都值得嘅。以後我喺灣仔返工，都會叫呢間燒味嘅網上外賣平台。燒鵝髀勁大隻，叉燒好似炆咗好耐好入味！推介俾大家灣仔嘅朋友，咪走寶。唔講咁多大家自己試。…Read More

食物簡直係唔值得去食，普通屋低買到200蚊嘅食材要成1000蚊，夠膽死雙拼鍋收兩個鍋嘅價錢，問佢嘅時候又唔講清楚。下次唔該俾返兩個鍋我，免得再有人中伏，我平時都唔留言，今次要題醒大家，乜鬼三秒響令，跟本就係包裝開出來，炸都無炸過，垃圾！真心嬲，快啲收當，湯低貴唔緊要，仲以為有咩新鮮蘿蔔皮，點知無味，頂爆佢。我留呢個言已經過咗一日，諗清楚先數你！千萬唔好去！為咗有得評， 我要寫夠200字 and I would like to express my feeling in English for English reader. This shop is a scamp, you won’t get what you paid for and food are totally rubbish! So don’t go, I really regret after going, not because of the price, but mainly the quality. …Read More

話說佢加左個響字系和民前面，諗住一定好食啦，點知用平價嘢用高價價錢厄錢。圖同食物都唔一樣，我好少寫食評，希望其他人唔好中伏。 very disappointed, food portions are really small, seafood dish with small pieces of sea food only!真係要用放大鏡，不之所謂…Read More