beabetterme's Profile

今日相約幾位好友一齊到尖沙咀食韓餐。我地一行四人一早到達，等待店鋪開門。等待期間望住店外的食物照已經令人垂涎欲滴。店內風格簡約時尚，播放著輕快柔和嘅音樂，十分舒適。煎餃外層煎到微微焦脆，咬落依舊保持住餃子皮原有煙韌，不會變柴皮。餃子裏面包住肉末，韭菜粒和粉絲，食落口帶點微辣，不錯的開胃菜。韓式醬牛肉薯蓉比薩批上層鋪滿濃濃的芝士，下層薯蓉香綿軟滑，薯蓉混入左酸酸甜甜的醬汁，食落唔會膩口。加埋韓式醬牛肉，口感同味道都十分豐富。芝士迷一定要食，見到呢個拉絲已經值回票價。迷你蒜香雞肉熔岩比薩即叫即整，上台熱烘烘的。外層面包皮鬆鬆脆脆，入面塞滿左芝士，外面脆入面軟綿嘅感覺。雞肉烘過，但唔會鞋口，好滿足。甜米水味道清清甜甜，入面仲有軟糯嘅米粒，增加不少口感。泡菜海鮮煎餅煎餅好香口，混入切粒嘅海鮮同泡菜，微辣中又有海鮮嘅鮮甜味，令人停唔到口。今餐大家都好滿意，不但環境舒適令人放鬆，食物好味又不失驚喜。…Read More

好耐之前已經知道圓山呢間台灣料理但一直都未有機會黎試下今次機緣巧合之下終於有機會同朋友嚟試下啦佢個位置好好,係諾士佛臺下面門口係一道小樓梯,係個度已經有人接待,服務好好入到去坐低,就問要咩茶,同埋有青瓜做前菜茶位同前菜好似係人頭$16見佢早排有$328 自選4個菜既套餐 本身想叫呢個套餐既 可惜已經無咗不過唔緊要 散叫自由度更加大首先上既菜係台式鹽酥豆腐 $82本身想叫鹽酥雞既,都係貴幾蚊豆腐好似無咁抵咁,點知,好有驚喜外面個層炸到好脆,唔會一夾就散,好考功夫入面豆腐好軟滑,而且估唔到佢會咁入味無後悔到試佢不過一定要趁熱食,豆腐凍左真係會無咁好食蚵仔煎 $88又係一道好有驚喜既菜係台灣試過蚵仔煎之後,已經無乜興趣再試見佢啲蚵仔煎幾愛歡迎,所以試下點估到佢比台灣個啲更加好味蚵仔夠哂大隻,而且唔會太生或者太腥個醬汁都調到好好,甜甜酸酸,好開胃,拎黎送飯都得三杯雞 $138成日都聽到三杯雞係台灣既地道小菜但我從來無係台灣食過,因為都無見到有邊間係特別好食圓山既三杯雞整得好惹味一上菜個時,啲香味出哂黎而且啲成隻雞都入哂味,以咸為主,但又唔會太膩不愧為招牌菜之一台南擔仔面$25台式肉燥飯 $25無論係個面定係個飯都偏向清淡,唔會太油膩所以如果餓既話,不妨再叫多一碗極品流沙包 $35流沙包都係圓山既名物之一本身仲以為係飲茶張點心紙先有晚市係無但原來係晚市都有既,實在係太好啦新鮮蒸出黎既包熱辣辣要小心燙到個咀小心咁咬開個包,吸吮啲奶黃汁,真係一大享受一向都好鍾意食流沙包既我覺得入面啲奶黃一定要夠流圓山係呢方面做得好好,見到啲金黃色既汁'朗下朗下',就想即刻將佢食入肚啦最後都食得好飽好滿足不愧為係香港少有既正宗台灣料理啊…Read More

通常都係星期五六先會落LKF星期一去都真係第一次約左朋友落LKF happy hour飲酒之前梗係要食返啲野架啦見sodam位置又好啲野食又吸引,就去試下啦餐廳有2層,我鍾意居高臨下,望窗外既景,就坐樓上啦呢度出名係炸雞,不過有好多款我地經過一番掙扎之後決定要1種炸雞1種焗雞另外芝士火焗都係呢度既名物,我就最鍾意食芝士架啦淨係叫農夫包粒既話,我覺得會唔夠喉加多百幾蚊就有多好多料,抵啊另外再叫個清清地既水冷麵平衡下先太陽芝士炸雞 $198有得揀有骨或無骨我地就無乜所謂既我覺得有骨就好似多一份味道啲,無骨就方便啲因為焗雞一定有骨,咁炸雞我地就要無骨啦出到黎個賣相好好,中間有個芝士農夫包個鐵盤都有芝士既,所以有好香既芝士味食落口真係不得了外層炸到好脆,咬落去'索索'聲入面啲肉都係好嫩好新鮮點埋啲芝士一齊食真係一流啊蜜糖蒜香焗雞 $140有得揀標準$140或大份$198係我心目中,焗雞始終係無炸雞咁吸引因為炸雞感覺上係香啲脆啲好食啲但佢既蜜糖蒜香焗雞又比到我驚喜既感覺喎雖然係焗,但外面層皮個口感都好好,有機會係焗之前或後特別處理過唔係既話焗完層皮應該係會腍左,無咁好咬口食落去甜甜地,因為啲蜜糖係好平均咁遍佈係每一隻雞既每一個地方食哂啲雞之後我仲忍唔住去刮佢個碟底既蜜糖黎食添特級芝士火鍋 $278一開頭坐低見有個好似蠟燭既物體原來係芝士火鍋既爐黎,都幾得意雖然個芝士火鍋睇落好迷你,但其實好足夠可以免費加一次芝士,但我地都無加到了點著左火之後,芝士既香味就隨即慢慢散發出黎先試下啲農夫包粒先,無令我失望,夠哂脆,口感一流之後就試埋其他材料啦薯條就梗係最好選擇之一啦,同啲芝士好夾另外一提豬仔骨係帶點微辣既啲年糕都好特別,好有qq既口感韓式涼伴水冷麵 $90食左咁多heavy既野真係要食返個水冷麵黎中和下佢既味道係甜甜酸酸既食落去好開胃好舒服只係我地3個人share一碗真係唔多夠喉不過其實都飽飽地嚕另外我地仲有叫飲品既朋友叫左荔枝啤酒$75 同埋蜜桃啤酒 $75無記錯既話左邊係荔枝,右邊係蜜桃我都試左一啖,都係易入口既比較起黎我偏向蜜桃啤多啲我自己就要左杯士多啤梨燒酒啦黎韓國餐廳,點可以唔試下佢地既特式soju呢佢既味道係重重既士多啤梨味帶點淡淡既酒味甜甜地,好易入口,好好飲,我覺得好岩我,亦都可以中和返啱啲heavy既食物又可以當係pe drink喎整體黎講,sodam既食物同飲品都好出色下次黎LKF都會考慮再食…Read More

火鍋或者放題就食得多啦但同一時間又火鍋又放題真係未試過同朋友2個人喺荃灣搵火鍋店既時候無意中發現左呢間又有火鍋又有扛放題既餐廳唔止咁啊,好似連任食既甜品都有好多款,質素仲唔差添所以我地就決定黎呢度試下啦去到先揀湯底我地揀左椰香沙爹湯同埋蕃茄薯仔牛粒湯 (雙拼 +$18)喺等個火鍋黎既時候我地就開始劃野食啦沙律/一品料理中華沙律蟹籽沙律清清甜甜,啱哂一開始食,開吓個胃口架啦黑松露牛油粟米平時去放題食既粟米粒都係味道好啖又或者無乜味既但呢度既粟米又出奇地甜喎,食到停唔到口,好快就食哂成碗啦刺身三文魚,鮑片,帶子,北寄貝,甜蝦雖然牛の鍋主打火鍋, 但刺身既質素都唔錯整體黎講都係新鮮清甜既之後我地仲有再叫多一碟添壽司/手卷/軍艦火炙和牛壽司唔好睇塊牛薄薄地,食起上黎都好有味道火炙三文魚腩壽司最鍾意食就係三文魚腩,貪佢肥肥地,入口即溶燒鰻魚壽司鰻魚都係我最愛之一,鰻魚配上個汁,真係睇見都想食啊芝士炸蝦卷芝士同炸蝦都係一個好好既配搭,一啖放入口真係好滿足啊海膽手卷平時食海膽好驚佢會有腥臭味,好彩呢個手卷無,等我可以一野放入口要讚一讚既係佢無論壽司定係手卷都係細細舊既點解細舊要讚呢,因為如果好大舊飯,就會容易飽,食唔到其他野架啦天婦羅/揚物/燒物大蝦天婦羅，蟹棒天婦羅好鍾意食佢地個天婦羅啱炸出嚟熱辣辣,又夠脆喎,炸粉又啱啱好,唔會太多所以食完又再點過芝麻雞翼，牛舌，海蝦，雞軟骨，雞骨腸個芝麻雞翼都炸得好香脆,唔會太油一邊食就覺得自己真係好忙因為上菜速度夠快連同朋友講野既時間都唔得閒啊一邊食放題食物,一邊就放啲料落去火鍋到所以一食完放題食物就即刻開始食火鍋啦大家要記住留肚,唔好食放題食物就食飽自己啊話明係牛の鍋,就梗係要試下佢啲牛啦美國牛肉美國極上牛肉就咁睇個名,正路應該係美國極上牛肉好食啲啦我地2樣都試左,朋友鍾意美國極上牛肉,因為牛味比較重我就鍾意美國牛肉,因為多啲肥肉咁食邊樣好?why not both?豚肉羊肩肉雖然牛肉先係主角,但佢啲豚肉同羊肉都幾新鮮,值得一試既粟米流心丸,黃金麻吉燒,炙燒之心包,芝士波波腸,龍蝦丸,蟹柳,響鈴朋友問我做咩叫咁多丸無他既,我就係貪佢多款式,樣樣都想試海蝦,廣島蠔,鮑片,魚片,魷魚,墨魚滑海鮮類都好新鮮,值得一試另外自己可以出去自助吧夾菜食我地係咁食波菜,因為覺察到佢同火鍋呢度啲波菜又新鮮喎最後就係甜品啦甜品類真係有好多選擇架但我地都飽飽地,唔可以試哂全部揀左4類黎試抹茶芭菲,荔枝奶凍,綿綿冰,香芋西米露抹茶芭菲係一定一定一定要試因為個抹茶味真係好濃郁即使我地好飽,都仍然係有種意慾去食哂佢…Read More

約一位曾經一齊去過韓國既朋友食飯,每次都好自然咁去左食韓式食品,今次都唔例外約左收工係尖沙咀等,就行去'韓國街'啦今次既目標係oppa cooffe car restaurant,去試想食左好耐既蛋漿熔岩炒飯好彩大家都早收工,去到都未夠7點,唔洗排隊等位就可以入座啦打開餐牌,唔洗諗,識叫一定係叫蛋漿熔岩炒飯但係要考慮要邊隻口味好呢既然係韓國野,就叫泡菜口味啦!!第二道要叫既就係炸雞啦,不過又係要苦惱叫邊隻口味好本身想試原味既,但都係試我最愛既蜜糖牛油味啦最後一道菜有啲掙扎,叫芝士小丸子好定係紫菜包飯好呢雖然比較想試芝士小丸子但係又懶得落手整,所以都係食紫菜包飯啦口味好快就有決定,就試最特別既炸紫菜包飯泡菜蛋漿熔岩炒飯 $158第一道上既係泡菜蛋漿熔岩炒飯 首先店員會倒啲蛋漿落去個鐵盤到然後就灑啲芝士上去 (落得好多好平均,一啲都唔吝嗇)跟住,戲肉就黎啦,佢用火槍開始燒啦呢部份真係好精彩,我又欣賞又影相又拍片真係目不暇及,好忙好忙,大飽眼福!!製成品係已經將泡菜炒飯,蛋漿,芝士融為一體啦味道:第一啖入口品嚐到既係濃郁既泡菜味,但係又唔會太辣伴隨之既係蛋漿同埋芝士味,甜甜地,配合得好好係食完第一啖想繼續食,停唔到落黎咁溫馨提示:一定要趁熱食,因為凍左會黐埋一舊蜜糖牛油炸雞 $178第二道係蜜糖牛油炸雞一黎到見到炸到金黃色已經流哂口水而且每一件雞都係大大舊咁,完全係乎合返個價錢試上口同預期一樣,有好豐富既蜜糖甜味同埋牛油既香味上面仲有啲杏仁片添叫雞大得黎仲要係肥瘦適中食食下發覺原來底下係有薯條架!!真係好驚喜,薯條又係我既愛好平時食薯片都係鍾意食蜜糖牛油今次既蜜糖牛油薯條一樣都係咁滋味另外仲伴左碟酸蘿蔔黎開胃同埋消滯添busan style炸紫菜包飯 $98紫菜包飯就食得多啦炸紫菜包飯都係第一次食就連去韓國busan個時都無食過上碟既賣相令我諗起日本既天婦羅,好吸引食落雖然唔係脆卜卜個隻,但係幾有咬口雖然係炸物,但又唔會係好油膩食完呢3道菜後已經好飽,但係有啲口渴想叫罐韓國桃肉果汁,可惜無貨唯有叫韓國蜜桃梳打 $27好彩都好有桃味蛋,芝士,蜜糖,牛油都係我好鍾意既食物呢度一次過可以比我試哂佢地,真係好滿足,又食到好飽最重要係,火槍個一幕都已經值回票價了…Read More

來到年終的時間，真的十分多朋友聚餐，今晚就相約了中學的舊同學一起到大圍飯聚啦！由於大家都想選擇地點較方便的餐廳，於是便選了位於大圍港鐵站對面的居酒屋啦！我們立刻打開餐牌點餐！我們點了「三文魚、帶子、吞拿魚及玉子壽司」，另外也叫了「海膽魷魚卷」。它們全部都不只是賣相精美而且魚生新鮮肥美！海膽與魷魚的配合有喜出望外的感覺呢！除了壽司，我們還點了「三文魚炒飯」。廚師把飯炒得粒粒分明，而且十分乾身沒有多餘的油，材料亦十分豐富！大愛是也！它們的串燒同樣做得不錯，「汁燒雞小腿肌」燒得十分嫩滑，有淡淡的蜜糖香味，是下酒的好良伴呢！女士們最愛食甜品，最後我們選了「柚子雪葩」。雪葩盛在一個小柚子內，每口雪葩也食到濃濃的柚子果香，酸酸甜甜，可以中和飽肚的感覺！想不到大圍也開了一間出色的居酒屋，下次必定與家人再次光顧呢！…Read More

天氣凉凉地，打邊爐是常識吧。朋友推介長沙灣嘅“大煲皇主廚“，話有個火煱湯底好正，叫我一定要去試下。今日睇完示範單位，順道去嚐鮮。火鍋湯底同火鍋配料選擇多，價值相宜。魚翅花膠雞湯$168朋友推介嘅就係佢。係好濃郁嘅雞燉湯， 每一啖都似係飲緊雞嘅精華。用料十足，就連花膠都毫不吝嗇。由於太好飲，未打邊爐我已經飲左兩大碗。果然係好介紹！頂級手切鮮肥牛 (大)$298打邊爐點可以唔叫牛肉。要食就梗係要食最好嘅。不負眾望，牛肉好新鮮，輕輕一淥，點一點豉油，已經好食到停唔到口。炸魚皮$38十分脆口，咸咸香香，仲以為自己食緊薯片，好味道！白鱔片$78切到薄薄一片，食落夠彈牙，新鮮無泥味，重點係完全唔腥。午餐肉$38午餐肉係我打邊爐必點嘅食物。佢嘅午餐肉係厚切，索曬雞湯味，每一啖都好滿足。皇帝菜$35份量十足，多到好似一個菜籃咁，爽口清甜，食得出好新鮮。炸竽件$28竽件外層炸到香脆，入面卻十分鬆化。朋友話，唔使淥，就咁食都好好味。魚皮餃$38自家制魚皮餃，大大粒，共有8隻。外層魚皮唔會太厚，帶點煙韌唔會過硬。內餡鮮甜，必點食物之一。估唔到長沙灣都有咁高質素嘅火鍋店，湯底更係令人回味無窮。必定會再光顧，下次試埋佢個雞煲先。…Read More

秋風起，天氣凉凉地，心思思想打邊爐，身邊朋友一致推介101手工涮涮鍋。今日相約好友一齊到銅鑼灣探個虛實。餐廳門外擺放左舒適嘅凳俾等侯入座嘅客人，好貼心。餐廳環境打破左我對一般打邊爐食肆煙霧彌漫，嘈吵喧鬧嘅諗法，佢讓人有一種優雅舒適嘅感覺。餐廳座位十分寬敞，餐台採用雲石面設計，喺淺紫色嘅燈光照射下更顯高貴。一坐低，餐廳職員就好詳細地為我地介紹餐牌。又跟據我地嘅喜好，推薦不同嘅火鍋湯底。今時今日，呢個服務態度真係要俾個like佢。$398/位無限時任飲任食套餐包括左前菜，主菜，肉類，手工火鍋拼盤/台灣夜市火鍋拼盤等。當然仲有無限追加火鍋配料同飲品。令人驚喜嘅係佢嘅飲品竟然仲有cocktails同wine揀。愛飲酒嘅朋友真係唔可以錯過。如果想食海鮮嘅朋友，可以加$58要埋時令海鮮拼盤。前菜：手工麻辣麻醬手撕雞，秘製麻辣木耳麻辣嘅程度好適合香港人，不禁令人一口接一口地吃，係一道好醒胃嘅前菜，而且佢仲可以追加。主菜：酸菜白肉鍋打邊爐火鍋料新鮮故然重要，但係個火鍋湯先係靈魂所在。呢個酸菜白肉鍋真係無得輸。酸味拿捏得剛剛好，不會是嗆喉嘅酸味，而是溫柔嘅酸，且帶點微辣，十分有層次，完全是為之後嘅火鍋料錦上添花。不得不提佢嘅白肉，肥瘦均勻，薄薄嘅一片卻味道濃郁。除左白肉，鍋內仲有好多配料，例如豆卜，菇，酸菜，蕃茄…十分豐富，凈係食佢都已經好飽。肉類：手切prime grade牛頸脊肥牛片脂肪分佈平均，食落嫩滑牛肉味濃。即使淥耐左都唔會韌，愛牛之人必食之選。101特選手工火鍋拼盤總共有8款，全部手工製作。我最愛黑松露餃子，黑松露味好突出，帶起肉嘅甜味，食完齒頰留香，回味無窮。朋友最愛墨魚汁鳥結糖，外形特別，爽口彈牙又鮮甜。手工即炸響鈴卷拼即炸魚皮響鈴卷足足有前臂咁長，上台後，店員仲好貼心地幫我地剪開一半，方便食用，抵讚。響玲卷炸得十分鬆化，魚皮都好脆口，完全無油溢味。因為即炸，就咁食已經好好味。飲品：Mojito ，柚子蜜Mojito薄荷冰冰凉凉，好清新，食完邊爐飲一啖，好refresh。柚子蜜一啲都唔hea，用料十足，好滋潤。甜品：木槺香芋奶茶布丁布丁軟滑，香芋味中滲著淡淡嘅奶茶香，清清甜甜，食左都唔會有罪惡感。難怪身邊朋友都紛紛推薦，無論食物，環境，甚至服務都係無可挑釁。餐廳嘅貼心，細心，用心，真係要俾佢101分。…Read More

喺銅鑼灣行完街突然好想食窩夫,就諗到黎呢間餐廳食啦，Green Waffle Diner。幸運地職員安排左近窗口位,可以望下出面既風景,夠曬Chill呀。餐廳環境開揚舒適，其中一角更有沙律吧。$58/3款 $78/5款啱曬著重健康又或者晚餐想食得清淡啲嘅客人。因為太肚餓,見個set dinner幾吸引，就叫2個SET DINNER啦！重點係個set入面有窩夫嘛。頭盤：南瓜忌廉湯頭盤可以選擇沙律或是日餐湯又或者加$15要雞翼。我同朋友都揀左湯。南瓜blend到剛剛好，令到成個湯嘅口感豐富左，食落有南瓜味，幾清新，唔錯嘅頭盤。主食我揀左B：水牛汁烤春雞伴印第安香料薯條及粟米成隻春雞咁上好吸精！因為係燒烤過，所以外層焦脆，內裏肉質嫩滑，肉汁被鎖住左，一啲都唔鞋口。春雞下面仲有粟米同薯條。粟米好貼心地切到條狀，方便食用。薯條係我最愛嘅粗薯條，外脆內軟。朋友揀C： 香煎美國連骨豬扒拌香蒜薯蓉及蔬菜賣相好吸引，有高級西餐廳風範。豬扒切到好厚身，一啖咬落去，一啲都韌，好juicy。薯蓉好滑口，加埋香蒜，味道好有層次。甜品：窩夫伴雪糕只可以講，不枉佢改名為Green Waffle Diner，真係實至名歸，啲窩夫真係好出色。即叫即做，已經誠意可嘉。窝夫上台熱烘烘，食落外脆內軟，香味濃郁。配上雪糕，一冷一熱，果種冰火嘅感覺，真係正到難以形容。水果新鮮，配埋窩夫酸酸甜甜，又係另一種美味，好滿足。今次已經係第2次黎呢度食,水準依舊,單係窩夫已經值得我再三光顧。…Read More

平時約食飯都係去尖沙咀，銅鑼灣等地方，好友提議去黄大仙覓食。最後揀左位於黄大仙南館嘅和氣食堂食日本野。估唔到黄大仙有咁高質嘅食肆，真係一大發現。餐廳裝修優雅，座位寬敞舒適。餐具都十分用心，充滿和風氣息。打開menu食物總類十分多元化，而且賣相好吸引。芝士厚燒玉子 $38上層芝士火焯過後大大提升左芝士嘅香味，下層玉子好軟滑，蛋味濃郁。芝士同玉子合成一體，咸香嘅芝士同清甜嘅玉子原來可以咁夾。鵝肝壽司$42(1件)鵝肝好厚身，外層燒到焦脆，入口即溶，油脂嘅香氣喺口腔內爆發，令人回味無窮。食得出佢用料新鮮，完全唔會有怪味。電擊雞翼$48呢個雞翼好有驚喜。以前食開嘅炸雞都係熱嘅，但呢個竟然係冷盤，做法好創新。外層俾蜜糖包住，雞翼好入味。以為佢只有甜味，誰知咀嚼後會有少少辣味，越食越有層次。令人不禁一舊接一舊。值得一讚嘅係佢嘅雞翼已經開邊，偽淑女都可以食得好優雅。黑豚肩燒丼$72份量十足。豚肉大大塊，有咬口但一啲都唔韌，每一啖都食到濃濃嘅燒烤味。丼飯上嘅芝麻同蔥花起到畫龍點睛嘅作用。將蔥花芝麻珍珠米同豚肉撈勻一啖食，好滿足。幾時都話女仔有第二個胃。幾飽都好，都要食甜品，而且睇menu佢嘅甜品好吸引，無理由唔食。宇治抹茶芭菲$52一上台已經好吸睛。雪糕口感軟滑，抹茶味濃郁，但完全唔會有苦澀味，拍得住綠茶專門店。旁邊嘅糯米丸子煙煙韌韌，栗米片香香脆脆，一個甜品多種口感，正。驚喜在後頭，甜品食到落底仲有紅豆。紅豆煮到好稔，唔會太甜，加埋抹茶雪糕味道剛好，推薦！！吃著吃著人潮湧現，店內客人絡繹不絕，果然人氣非凡。朋友們都紛紛說幸好早到，不然要等上好一會。呢間餐廳性價比高，已經列入我地encore list入面。…Read More

工廠區越黎越多隱世食肆，除左觀塘，荔枝角嘅小店都不可以小覷。喺D2 place一帶更加係百花齊放，美食如雲。鮨芸館裝修有別於一般傳統日本餐廳，行時尚精緻路線，但又不失親切感。原因係店內貼上一張張客人用木顏色嘅畫作作為裝飾，令人有一種溫暖感。我最欣賞佢嘅餐具，十分優雅。今日叫左三文魚三色丼定食。前菜嘅沙律，漬物均屬普通。味噌湯十分濃郁。三文魚丼分別有三文魚片，三文魚子同三文魚碎。魚片只有幾塊，切得略嫌太薄，幸好尚算鮮甜。三文魚子好新鮮，粒粒飽滿，食落有咸鮮味。唯獨份量相對地少。三文魚碎有啲乾，凈食有啲鞋口，似食緊雞胸。撈埋飯一齊食就無問題。印有日文字嘅玉子口感軟熟，蛋香十足。…Read More

終於完成一個大project，一身都鬆曬。要好好獎勵下自己同慰勞下自己個胃。Kowloon East Kitchen正合我心意。小食拼盤左邊係炸魷魚鬚，好似已經擺左段時間，變得軟淋淋。中間係薯角，新鮮炸，十分香脆。右邊係芝士波波，外脆內軟，拉到絲。隨小食仲有三個醬任君選擇，有蕃茄，蛋黄，同牛油果。最突出嘅係蛋黃醬，其他普通。芥末蟹肉長通粉個醬調得好好味，但食唔出芥末嘅辣味。長通粉好彈牙。好快食曬成碟，都不見蟹肉踪影。座位尚算舒適，但餐廳內播放嘅音樂過於吵耳，同餐廳格調有點違和感。客人說話音量都不期然提高。結果有啲似去酒樓飲早茶咁紛紛擾攘。…Read More

星期六，家庭樂，孝順仔女一早陪長老飲早茶。一台十人，熱熱鬧鬧。鳳爪姪女至愛。打孖上，叫左兩籠。姪女獨享一籠。一籠鳳爪就可以令小孩乖乖自己食，好抵。大大隻鳳爪蒸到好稔，入口即化，味精濃郁。姪女果然識食。酥皮叉燒包酥皮唔酥脆，叉燒餡過甜，食落有啲油膩感，食一個已經有啲漏。叉燒包老人家最愛還是傳統叉燒包。其實個餡同酥皮嘅一樣。酥皮蘿蔔外面酥軟，內裏蘿蔔絲好稔無渣，值得一試。蛋散，唔夠新鮮，有少少油溢味，唔鬆化。點左蜜糖，會好食啲。…Read More

當譚仔仲未發跡，只有長沙灣一間分店，到依家總有一間喺左近，我由中學食到出黎做野，望住佢嘅變遷，心情係複雜嘅。份量而言，其實大不如前。以前一碗米線已經足夠兩個女仔食，啲配菜更加係多到似一座山丘，性價比高，好抵食。依家同抵食已經扯不上邊。心水清嘅人，其實應該食得出佢個湯底都悄悄地改變左。味道單調左，高湯甜味逃掉了。以前即使係十小辣都會食到好似有小螞蟻喺咀唇亂跳，又麻又辣嘅感覺，依家只有辣味獨領風騷。不變嘅可能係佢啲餸嘅選擇，大致上無太大改變。豬肉竹笙十小辣係我喺譚仔時常叫嘅。今次豬肉略嫌煮過左火，竹笙爽口，但量少。不太肚餓嘅原故，叫左少米線，米線煮得剛好，不會糊掉。物轉星移，萬物都在變，不變嘅係對譚仔嘅情義結。…Read More

今日去element睇戲，一早打電話book定左呢間西餐。睇完戲七點幾去到，已經接近full house，好彩有book位。Menu選擇都唔少，但係最吸引我嘅係pizza。M6和牛拼虎蝦pizza和牛拼蝦，配搭好新奇，二話不說即刻order呢個pizza。薄pizza烘到好香脆。和牛切到薄薄一塊，蝦都幾大隻，爽口彈牙。碳燒安格斯西冷牛排西冷排好厚身，燒到七成熟，一啲都無鞋口嘅感覺，肉質juicy。粗薯條新鮮炸，熱辣辣，香香脆脆。…Read More