dalish's Profile

等你回歸好耐啦，由深水埗搬入旺角，間鋪闊落咗，可以慢慢嘆😳一睇餐牌，選擇困難又嚟，最終揀咗 #全日早餐 😛 店員一送上枱，我係勁開心，俾我想像多，同埋好！好！味！慢煮雞胸烤蔬菜🥬 雞胸一啲都唔嚡，仲要有烤邊，煮得勁有心思，配菜亦都特別多，新鮮好味千層薯仔🥔 呢個勁有驚喜，滿滿嘅薯味又香口，好好食😍沙律菜🥗 正常水準飯團🍙 有兩個小飯團，係我第一次食全日早餐 #alldaybreakfast 見到，你以為會好飽，但係又唔會，同埋睇得出係自己整，我都幾鍾意❤️楓糖酸種麵包🥯 酸種麵包配食烤菜好好食整體係令到你食得津津有味，每一味都係有佢嘅特色，絕對係有誠意，又健康，有別於平時食煙肉、茄汁焗豆之類，呢個我都推介大家試吓，我真係食晒㗎😎我叫咗杯 #flatwhite，豆唔係佢哋自己烘焙，係嚟自 @oakscoffeeco ，滑身而且超級fruity😳有自閉位，亦有同三五知己傾偈嘅座位，好體貼🥹一直係忙碌同疲倦之間周旋，但不忘要俾啲 #metime 自己，同自己好好相處，然後再出發🫶🏼…Read More

多謝港島食神介紹，喺銅鑼灣呢個小小角落，隱藏咗大大驚喜🫣蕃茄布拉塔沙律🥗撈出嚟非常開胃，橙紅蕃茄兩溝配搭下味道更豐富，再加埋周邊烘多士去配合，食到停唔到口🤣黑糖麵包配自製雞肝🥖無緣食到佢哋自家製麵包，但係食到自製雞肝，超出色，呢籃麵包必點青口鍋我人生追求嘅青口鍋最基本係夠熱，呢度唔止熱，個汁超出色（我認我字窮），青口份量多不得止，個汁係超級好飲到我哋係好似飲湯咁飲（所以先會有點埋麵包🥯）烤魷魚🦑我本身麻麻地魷魚，但係呢款鐵板上烤魷魚超出色，熟度時間掌握得剛剛好，佢係整到魷魚爽彈，自調汁酸酸甜甜亦好開胃🫢24oz US ribeyes 🥩又係鐵板上，係正宗medium，塊牛軟身，入口即溶無得輸，配埋佢自製醬係好獨有嘅美食享受😋Steak fries 🍟 叫扒送埋，真係好大份，好開心，鍾意食薯條一定好滿足😁Souffle Pancake即叫即整，好厚身但超鬆軟。朋友生日，好多謝寫咗生日快樂係碟上，配沾三款醬，大大大滿足😌叫咗蘋果酒同抹茶椰子水，幾特別整體真心驚喜不斷，每一道菜上個陣我哋一食就靜靜地食，呢度大部分都係一人主廚處理，時間上要等一等絕對值得等。有咩想食，早啲打電話同佢哋落定，就唔會錯過😝…Read More

冇乜幾可嚟呢頭，去啟德體育園 就搵好嘢食😜呢間食啲特色嘅東南亞菜，嚟到先知可以喺 GULU app撳定飛🫡如果大家離開呢邊睇演唱會，預計定時間就可以撳定飛🤩我哋三個人就叫咗一個二人套餐，再加小食同甜品都好飽🤭首先係二人套餐B越式大蝦柚子沙律：正常水準，大蝦算係鮮爽雞肉串燒：燒得啱啱好，雞肉唔鞋咖喱牛腩煲配蒜蓉法包：咖喱味夠，牛腩亦都好腍，識食梗係要用法包點咖喱食啦，好味😍馬拉盞炒通菜：中間食一住菜係最好，炒得啱啱好👍🏻芒果糯米飯：好耐冇食過芒果糯米飯，平時出邊嗌一碟都唔平，呢度個餐有埋就覺得零舍抵🫢另外加嘅有香葉蟹肉辣肉脆脆球：呢個見到餐牌嘅時候就覺得好特別，於是就點嚟試吓，咁樣用個脆球夾住啲肉嚟食，都幾好食，口感都幾豐富越式炸春卷：唔算貴，餡都幾足，配埋新鮮嘅生菜食🤭咖也班蘭多士：咖也唔算多，難得食一次，都幾滋味個餐仲包兩杯嘢飲，我哋叫咗唔使加錢而價錢最貴🤭斑蘭芒芒特飲：斑斕味都幾夠，配埋芒果冇得輸🤩朱古力牛油果沙冰：以為沙冰會易稀，又唔會話都幾好食，呢兩樣嘢加埋原來都唔會話好奇怪😆我諗係呢頭搵嘢食，呢間算係幾抵食，環境都幾闊落，而且都幾乾淨，服務都OK，值得推介一下😎…Read More

聽咗好多年呢間茶樓，終於我有機會嚟 #理大 飲茶🤣 我哋埋位時間比師生早少少，店員安排我哋坐到偏廳🤨 點心就係隨意點，想食就點（四個人好似多咗少少😜）蜜汁叉燒包：一籠有三個，包實淨，餡還可以馬拉糕：好味，正常水準黑蒜蒸排骨：好惹味，蒸嘅時間啱啱好，個底唔會好多汁韮黃鮮蝦腸：皮薄餡夠，蝦大大粒，爽彈😍上湯杞子娃娃菜：呢道抵食，娃娃菜都幾多，湯頭清甜😋黃橋燒餅：估唔到呢度有得食，幾層外皮保持到脆口，餡料幾足，如果鍾意食台灣Q餅，不妨可以嗌嚟食😉脆皮燒腩仔：估唔到好食，係咁追食😛椒鹽魷魚鬚：食出係即整無翻炸，薄粉魷魚份量都唔少XO醬炒腸粉：夠哂火喉，唔會過辣，腸粉有先煎香再炒👍🏻鴛鴦釀燒賣：大大舊，螺片花菰，我個人認為可以唔使叫記得爸爸在世，身體仲行得食得，每個禮拜日佢都會同佢幾位朋友去呢間茶樓飲茶（當時唔需要登記做訪客），有時食嘢係為咗聚埋一齊吹下水，人生能有傾得到計嘅朋友，開心笑下就好，希望我老咗都係咁🤭 …Read More

靜靜地搵個地方傾下計，簡單食啲嘢，老best聚會就揀咗呢間已經開咗70年（香港開咗27年）懷舊餐廳🥰餐廳係用咗深木色為主，懷舊得嚟非常乾淨，皮革依然保持得好好，而且空間感十足🪑點好餐會先上暖暖法包，配佢哋嘅牛油🧈真係一絕Sizzling crabs cakes 🦀呢個蟹餅係佢哋必點之一，上菜個陣仲聽到滋滋聲蟹餅外面有小小脆，直落一啖餅裡面肉好多，而且好彈，牛油溶咗係好香😋我欣賞佢哋用類似一個網袋包起舊檸檬，成件事好優雅😆16oz ribeyes 🥩with 4 shrimp 🍤 佢哋用嘅係USDA Prime cut，今次食嘅係medium，一上菜不得了，爆香，聞到番西同牛油味已經留口水🤤 蝦正常水準重點係本身店員會俾隻熱碟俾你，當你將塊牛放落碟會稍微加加個熱度，塊牛軟身，入口個下無得輸。記得快啲影完相唔好講嘢住，真係要快啲食，由於隻碟持續有溫度係度，慢慢牛肉就有7成，點熟度嘅時候要留意😉Steak fries 🍟 好特別嘅粗薯條，落咗啲rosemary，非常濃厚Cheese 🧀 berries唔係講笑，真係要大讚呢個蛋糕，真係有驚喜🤩 唔係平時食開嘅紐約芝士風，上面係鋪咗乳酪，真係好豐富，餅底唔會過硬，每層都好平均，就係啱啱好，一啲都唔會膩，搞到好想點埋其他蛋糕食Chocolate cake我係Openrice訂位，原來有寫明生日嘅話，餐廳會根據當日有嘅驚喜款出，可以寫到字，我哋今餐就食到朱古力蛋糕，又係好出色，即使比例上唔多朱古力，都已經好濃🫣 最最最開心係餐廳同我哋影咗一張相即曬返俾我哋做紀念😍 要大讚呢度服務一流，好多提議，我最欣賞夠老實，佢真心同你講邊樣相對上好食👍🏻 整體體驗好好，欣賞每一道菜嘅驚喜…Read More

嚟到金鐘想搵好嘢食，成日都唔知食咩好🤷🏻‍♀️知道Little Cove Espresso喺太古廣場開 ，好滾動，掂啦掂啦🤩好早喺2017年西貢開已經知道呢間係好嘢，每次幫襯幾乎會點沙律。本來想點三文治，點知下午茶都會賣哂🫠 今次點咗 🥗 Spiced Chicken Salad印度香料雞好出色，係會忍唔住會輕輕發出「唔～～」😋佢哋提供埋嘅醬係必沾，一秒再提昇配菜一啲都唔hea，配搭得好好，有黃瓜、牛油果、羽衣甘藍、番茜等等，各樣嘅獨特香味溝埋一啲都唔會好怪，份量控制得啱啱好，令到成道菜香口而入口完全冇打交嘅感覺，再加埋果仁喺面，呢個沙律繼續令到我好快完成🙈☕️ Flat White，仍然係出色，偏nutty，夠滑😍裝修配合到商場嘅風格，亦都帶有Little Cove嘅簡單線條，坐都算幾舒服👍🏻服務就我幫襯嗰刻一般，唔知係咪因為啱啱忙完午飯時間，加上counter同用餐地方隔咗條通道，想order嘢都要等一等職員先會留意到🥲…Read More

由喺牛頭角樓上小店識你，做到幾間分店嘅老闆，幾忙都要路過嚟會一會杯啡😬 遲來嘅恭喜，返到嚟觀塘開分店🎊一杯Black magic，一杯floral magic，絕對推介floral magic，加入咗由老闆變出嚟嘅薰衣草糖漿，香味有，味道亦非常驚喜（連唔好咖啡嘅朋友都話好飲，已經幫襯幾次😆）🤭 老闆一直專研咖啡，而且越做越出色，加油💪🏻 有唔同嘅咖啡豆可以揀（睇到老闆好似整自家製麵包🤩唔知係咪真係有呢🤪）…Read More

好耐無嚟太子，行花墟前，入嚟FSTW攞啲綠植靈感💚無論午飯定下午茶，都好抵食😍仍然喜愛FSTW厚厚嘅Flat white，啡師再次做出厚度奶啡，送上一刻既擔心又期待，好好飲，大愛。佩服🫶🏼幫襯嘅時間正好係下午，陽光透過窗戶射入店內，望著窗邊植物格外舒服，彷彿喺呢個空間亦變得清新起來🍀依家咁熱嘅天氣，望住狗狗勁嘆咁瞓喺地下，你望著我，我望著你😂。 店內 「飛仔」嘅畫風帶有七八十年代漫畫風格，望住狗狗眼神，真係有感覺哦😳…Read More

話說有排特別有興趣食餃子，聽同事講佢認為最好食嘅餃子，即刻去試試佢😋平時食得多湯餃，呢間見到佢有邪惡金沙餃，點咗雙併嚟食😁每隻餃黃金係面都好平均，一款係麻辣🌶️白菜鮮肉餃，唔會過麻或者過辣，絕對係令到即止；另一款係芝士🧀粟米鮮肉餃，芝士有誠意地放多少少，又唔會搶咗肉味👍🏻聽到隔籬位一位哥哥講，佢平時都好鍾意嚟呢一間食湯餃，個湯底係有料😳 係好好飲，仲不斷帶朋友嚟一齊食，下次我都試下湯餃先，椰子海帶鮮雞排骨濃湯😍…Read More

繼續搵朋友食個靚飯系列，今次係食日本嘢🤭搵到呢一間喺工廈裡面算係大家都認同好食嘅小店。好耐冇食，睇吓佢keep 唔 keep到到水準先🫢款式超多，都睇咗一陣先至決定食乜，最後睇到有牛舌，有feel，就即刻揀咗啦✌🏻特製蔥醬厚切煎牛舌丼，估唔到個牛舌咁好味😳厚切得來仍然係爽彈，完全唔會韌，仲要有幾塊。佢哋自己特製嘅蔥醬食落去又有另外一番味道，呢個有驚喜。套餐有埋前菜、麵豉湯，仲有一杯嘢飲都係幾十蚊，唔錯呀👏🏻咖喱珍寶蟹棒油揚烏冬，朋友話佢嗰個都好食😋…Read More

好耐以前係Hotel Page 148飲到Ideaology 咖啡，宜家越做越出色，喺商場開分店，呢個位一定勁旺場，樓上係商廈，附近係即將開嘅樓盤👏🏻突然好想飲Americano，又想drip，Chester見到我想飲，倒少少hand drip俾我試，盧旺達水洗豆，係一杯好濃嘅紅茶☕️😋我企係度等杯咖啡大概幾分鐘，之後已經有好幾位想食小食類（由於我嚟個陣已經乜都無，唔知道有咩🫢）佢哋問完一次Chester，同樣都係要問多次係咪真係無哂，睇嚟下次我要早啲過嚟食，我真係好想知係咩🤭（有人知係咩留言或pm話我知係咩🥹）有時幸福可以嚟得好突然，每次回味個陣仍然覺得好開心。真正適合自己，唔需要擔心任何嘢。識得享受生活上微小幸福，先至會等到大幸福☺️…Read More

Bookmark咗好耐，終於有機會嚟幫襯，九龍灣分店呢個位都唔易過嚟🫢Flat White ☕️ 初初偏fruity，輕輕朱古力加入熱食，多咗選擇，可以做埋輕盈午飯之選👏🏻龍蝦汁鮮蝦扁意粉，用上中蝦，汁適中，朋友話可以蕃茄忌廉汁雞胸扁意粉，整體上輕盈，啲汁剛剛好，雞亦算嫩👍🏻唔想食意粉？可以揀火腿芝士牛角包配埋抹茶拿鐵，很有feel吧？😆店舖樓底高，見到有啲枱同杯墊係用咗香港木庫之前喺颱風收集返嚟嘅環保木製成，真係好有心💚 坐同朋友傾吓偈坐梳化有啲私隱度又得，想放空揀窗邊位又得😉 三間風格各有不同，不坊探索哂😝…Read More

有時口痕，想食啲濃味嘢，今次食呢間尖沙咀24小時營業嘅沙嗲店😆招牌鴨嗲粉有幾片燒鴨件，Q彈米通粉口感都幾特別，滑身小彈👍🏻 加咗個沙嗲汁落去撈咗之後，食落沙嗲香味夠，本身有菜譜，撈落都幾好味，無想像中咁濃味，佢個汁係偏湯多少少🤏🏻小食拼盤當中有魚蛋、燒賣、牛柏葉、水魷魚、齋，滿滿一兜，樣樣都有少少，味道尚可☺️整體我個人覺得偏貴，不過喺尖沙咀地段，又要開24，定價上可以理解。除非你好想食呢類Comfort food，如果要當正餐嘅話，一碗粉份量就未必夠，建議叫埋小食就會滿足🫢 喺呢區確實好難得有呢啲特色小食👏🏻老闆話佢哋出嘅辣椒油係最熱賣，下次堂食再試吓，堂食都有少量座位。朋友見到我哋買，佢哋都買咗嚟，都話okay😉…Read More

Take a sip Unwind Yourself之所以我會鍾意flat white，就要講我係朋友口中分享佢去澳洲飲過之後覺得好好飲。後來香港咖啡店都開始多推出 flat white ，真係濃同滑，我一試愛上😍 呢間咖啡店用上澳洲 Dukes Coffee Roasters，我未飲過真正澳洲flat white，呢杯當係啦😆☕️ Flat White 濃烈啡，莓味係尾，滑身雖然間鋪係商場內，不過喺呢度，我有啲與世隔絕嘅感覺，可以放空一下。呢間同樣係pet friendly嘅店，不過幫襯個陣就無緣見到毛孩…Read More

難得有興致想食一餐好食嘅泰菜，知道呢間喺上環出名嘅，就嚟試吓，點知大伏。我唔係咩食家，我對冬陰功嘅基本理解應該係香料要得到平衡，夠鮮，酸辣鹹應該係啱啱好。我無要求少辣又盛，原汁原味咁上，我食落第一啖知道出事，我感覺到一啖含有超標鈉含量，好鹹。我知道要食快啲，如果唔係啲金邊粉一索咗湯，就嚟唔切。但係碗嘢好熱，加上跟住辣就走出嚟，嗰種辣係死辣🫥其實佢另外一樣嘢出名嘅係呢個雞髀，冇錯，雞髀係炸到外脆內軟，係好Juicy，但奈何碗粉鹹度已經好夠，頭幾下都真係覺得好味，食多幾啖之後我感覺到我好似食緊幾羹鹽落肚。。。我心諗唔怕，我仲有呢一杯泰式奶茶紅豆冰，應該可以救到。原來我條脷早已食到麻木晒，呢杯嘢究竟甜唔甜，我其實都已經唔係好飲得出，紅豆仲要少得淒涼。如果輕輕估計，基本上一湯羹都唔知有冇。。。真心好失望我唔知係已經過咗午飯時間換咗廚煮定係點，明明人又唔係多，時間上寬鬆，呢餐係我暫時食過最難食嘅泰菜，仲要食完冇幾耐肚痾要去廁所🫠 我唔會再嚟，亦都應該有一段時間暫時唔食泰菜。…Read More