cheuklam9898's Profile

我先放後續，員工回覆話老闆叫員工燒快d,高級韓牛餐廳，當我地係7月時節嘅人,燒快d，食左上路d 朋友仔，沒有一絲尊重，而家真呼籲大家唔好幫襯呢間餐廳，除非你好多錢，又唔介意服務質素差，被人當ghost （經理叫個staff 覆我,我真切感受）招待就去。忠告：以後大家真係要睇差評嘅post, 不要只看好評，我自己衰，淨係睇左好評就去食。利申:我真心白銀俾錢食。平時都唔會咁得閒打comment，但救得一個得一個，那怕你去茶記都唔會被人趕，呢個point 好重要。3宗罪1.上醬油蟹時，服務員就咁丢低個醬油蟹喺枱面，完全冇同我哋講個飯喺下邊，我一直以為因為天氣熱，餐廳諗住保持新鮮，所以下邊放咗冰，點知食到尾我拎開梨睇，原來係飯梨，咁嘅服務手法，第一個叻。2.我家人同我慶祝生日，叫左個韓牛盛宴最貴個set, 佢地個職員一上場摩打手，不停將我哋叫嘅貴牛肉一次過沒有間斷，一野燒哂，完全冇諗過個客嘅進食速度，然後將燒好嘅牛肉就咁架上鐵架，d野凍哂，叫人點食，叫你地翻燒，你地咁嘅態度，我唔想食枱布，最後只好打包番屋企自己慢慢有心機整番熱又會柴先食到。3.打劫嘅餐廳，外賣盒$5 (我當丢俾你) 正常外賣盒，$1-2，staff會講聲，後尾一睇單，把鬼火，$5一個盒，你地餐廳咁樣打劫個客，你地食相好核突，我費事浪費食物，折福，所以我俾你。香港有更多嘅餐廳又務實，又需要你地支持，絕對唔係呢間唔值得嘅餐，我地有更好嘅選擇。…Read More

平時都唔想打食評，但唔想有人中伏。因為女友人在附近商鋪做facial ,所以揀左呢間餐廳食飯。裝修同環境都ok, 但服務員嘅態度帶左口罩都感覺非常惡劣。事情大概如下，我叫了一個正常份量的牛河，我朋友叫了一個輕盈版的牛河，上菜時個服務員話呢個係招牌牛河，咁我簡單問佢一句，呢個大定細，佢話都話係招牌牛河，我再問係咪正常份量個個，佢先答係。首先，我唔係做你間餐廳，你答我大或正常份量，就解決到我問題，同我唔係冇禮貌問你，你唔洗咁嘅樣。另外，我係唔要青葱，想要莞茜，佢話另上俾我。如果你地係混好左，係可以同我講，其實你另上左俾我，我都係食唔到。我離開餐廳後同左我朋友講，因為佢講國語，佢話以為淨係對國內遊客差，冇諗過對本地都咁差。食完仲要超級口渇，我一定唔會再幫襯。可能茶餐廳態度中好過呢間餐廳。…Read More