Yoshilong's Profile

今日同朋友喺沙田新城市行街 見到一間大排長龍嘅餐廳 一睇點知係米芝蓮餐廳嘅天天海南雞飯 我哋就諗住入去試一試 食完實在覺得大部份食物都係水準以上 一試難忘青檸汁蒸鱸魚大大條嘅鱸魚配上刺激味蕾嘅青檸汁 一上菜已經令人胃口大開 鱸魚口感嫩滑 味道清甜熱騰騰嘅蒸氣加上別出心裁嘅裝飾 令到成道菜式更加昇華雞油飯雞油飯香而不油膩 米飯粒粒分明 食落飯香充滿口腔古法肉骨茶豆腐卜 腐皮 豬肋骨 浸泡喺古法肉骨茶入邊 配上淡淡的胡椒香味 食落齒頰留香火焰沙嗲串串看似平凡無奇嘅沙嗲串燒其實別出心裁 一碟簡單嘅串燒已經有齊豬肉牛肉雞肉 而醬料更加配上新穎嘅花生醬 食落熱辣辣香噴噴 充滿驚喜超級水果茶一杯飯後水果茶實在係解膩良方 由唔同水果調製而成嘅水果茶充滿淡淡的小清新 酸酸甜甜 飲落口腔舒暢…Read More

今日放工同朋友喺觀塘行街搵嘢食嘅時候 就被呢一間少女風十足嘅餐廳吸引住我哋嘅眼球 文青嘅樓面設計同隔離人來人往嘅觀塘街道形成強烈對比 我哋諗都唔諗就入左去食飯 一解我哋放工嘅愁苦夢幻粉紅海鮮澳洲薯仔沙律呢一道粉紅菜色非常吸睛 就咁望落去好似三個雪糕球咁 殊不知其實係薯仔沙律 食落亦都非常好食 滑口嘅薯仔蓉配上煙韌嘅海鮮同埋蟹籽 層次分明 配搭埋雪糕筒一齊入口簡直係絕配蒜香牛油龍蝦番茄全蛋闊麵呢一道闊條麵亦都非常之令人驚喜 首先闊條麵由雞蛋製成 入口口感煙韌 而且令人食得出濃濃嘅雞蛋香味 而且個芡汁食落去微辣香口 口感豐富令人好滿足香煎比目魚柳配烤虎蝦配意式蕃茄龍蝦汁呢個比目魚柳嘅成功之處就係廚師煎到外皮香脆 肉質鮮嫩 魚肉食落口嘅時候甚至有入口即溶嘅感覺 顯出廚師技術 而拌碟嘅蕃茄龍蝦汁更加顯出比目魚樓嘅鮮味 最後係大大隻嘅烤虎蝦 食落口啖啖肉 非常滋味Ocean paradise呢杯Ocean paradise最大嘅特色就係佢嘅清新 淡淡的甜味配上薄荷同埋青檸嘅點綴 就好似海洋咁清新 我哋嘅味蕾Strawberry avocado smoothie呢杯smoothie同樣地係非常吸引眼球 少女風十足 味道飲落去唔會太甜 好適合食完濃味嘅西餐之後作結尾…Read More

同屋企人經過九龍灣德福，想食台灣野，於是就去咗茶木，裝修舒服，環境乾淨。軟殼蟹龍蝦汁手作麵套餐 軟殼蟹炸得十分香脆而不油膩，咬落去軟熟多肉，而佢個手作麵十分有驚喜，咬落去彈牙，又掛汁， 而龍蝦汁都十分香濃，估唔到台灣fushion嘢都咁好食精選可頌窩夫套餐仲加送窩夫，加熱後嘅窩夫鬆脆可口，加上甜甜的朱古力醬，係一個不錯飯後甜品。四季青萱鮮果茶真係要讚一讚他們的飲品，同坊間飲品鋪味道大不同，果茶十分清甜，飲完後，甘香的茶味慢慢飄出來，入面水果用料很足。櫻花蝦魚湯浸娃娃菜 娃娃菜都很清甜。鹽酥雞扒肉燥飯 另一個餐，我們叫了鹽酥雞扒 炸得十分香脆，炸皮不會太厚，味道剛剛好，不會過咸，入面的雞肉十分鮮嫩多汁，肉燥也十分好味，很下飯。紅油抄手抄手大大粒，入面啲肉都好鮮嫩，加上辣辣的紅油，令人不禁一啖接一啖。茶木珍珠奶茶冰淇淋奶茶味十分濃郁珍珠，加上煙煙韌韌的口感，正。佛手柑水果茶佛手柑畀人的感覺就更加潤喉清甜，喺水果茶上面加上了回甘。 整體來說是次用餐不錯，款式選擇多，飲品有驚喜。…Read More

今日早收工，約左媽咪去屋企附近商場食飯，食我最愛嘅韓國野。見到有二人餐，即刻諗都唔諗就決定叫啦，甘就唔使心大心細唔知食咩好。 香芒炸雞沙律呢個沙律好足料，有成5，6件炸雞，上面淋左韓式辣醬，好惹味韓式豬頸肉 呢個豬頸肉食落唔會韌，配埋韓式醬，啖啖肉大醬龍蝦海鮮鍋呢個鍋真係好多配料，有半隻龍蝦，肉質鮮甜，有埋其他海鮮，仲有粉絲同埋年糕係入面，超豐富泡菜肥牛炒粉絲好鐘意佢嘅粉絲煮得啱啱好，唔會咬唔斷，調味好好，肥牛都唔會韌奶油芒果窩夫窩夫好脆卜卜，芒果雪糕好味，唔係死甜，好夾。巨鋒乳酸特飲/白桃乳酸特飲兩杯特飲都唔會好甜，乳酸味重，幾清新…Read More

同朋友經過尖沙咀想食日本嘢 ，搵到呢一間頗有盛評的黑門水產。 我哋都叫了好幾樣食物， 有幾樣係店員喺我哋面前幫手燒，環境裝修都風味十足。牛油燒帆立貝 帆立貝很大一粒，配上香濃的牛油味煮， 牛油香滲入落去帆立貝裏面，帆立貝都十分彈牙新鮮。黑門令蟹味噌甲羅燒好濃嘅蟹膏味，一定要食！ 裏面有鵪鶉蛋，蟹子， 口感多元化，配上梳打餅，很不錯。黑門靚龍蝦湯煮海鮮裏面有很多海鮮，包括蠔，魷魚，螺， 款款都味道鮮甜， 配上龍蝦湯越煮越濃郁而又不失海鮮味，啱曬鍾意重味道的人。赤鬼海老天反捲這款完全係口感大爆炸，有細細粒嘅蟹子，又有晶瑩剔透嘅三文魚子，再加上炸得香脆的海老喺反捲中間，令人不禁一嚿接一嚿。黑門令大漁魚子醬脆脆包魚子醬味道香濃，裏面有蝦，吞拿魚魚蓉，配埋底下的脆脆包， 又係另一款令人回味的食物。刺身六盛 海膽十分鮮甜，軟滑，味道充滿了口腔。 魚片亦新鮮，尤其係三文魚片，厚切口感很滿足， 入口甘甜。 帆立貝刺身油潤，鮮味。梅酒，巨峰乳酸都很不錯，搭配刺身壽司一流。…Read More

今日嚟到旺角豉油街附近，同屋企人去食和牛壽喜燒，舖頭唔算難搵， 裝修十分特別，有氣氛，環境衛生不錯，不會有異味。我哋叫了係鹿兒島a5和牛二人餐， 和牛賣相十分吸引，總共有六塊，每塊都捲好，好整齊，睇到油脂分佈平均，好似雪花，令人十分期待他的味道。店員係會幫手燒和牛，一開始有個棉花糖會融化，然後加上壽喜燒汁， 然後用蔥白帶出味道後，店員就落咗第一塊的和牛，燒到剛剛好就放落我們已打好的蛋汁上，和牛 十分嫩滑， 好軟，油滋味充滿了整個口腔， 不用很多咀嚼， 隨著滑滑的蛋汁變滑落喉嚨。另外嗰餐仲有野菜盛盒，有很多壽喜燒必吃配菜， 例如娃娃菜，菇，豆腐同油揚。悠揚同娃娃菜很好味，他們吸曬香濃的壽喜燒汁，越食越好味，豆腐都很滑。最後我們都嗌了3串串燒包括 牛舌，芝士紫薯，同大蔥雞肉。厚厚的牛舌,配上鹽嚟燒，很惹味,不會韌之餘很彈牙。甜甜的紫薯配上溶了的芝士，鹹甜交溶也是很特別。整體來說這是壽喜燒的用餐體驗很理想，店員服務質素友善，食物質素高， 下次一定會encore，帶多啲朋友再食多次和牛。…Read More

住喺將軍澳嘅我對附近嘅餐廳已經非常熟悉，甚至已經開始食到有啲厭。咁啱今日喺寶琳行街，見到呢個新開嘅燒肉放題，係日本開過嚟嘅。門口仲有大大隻牛吸睛，晚飯時間好多人幫襯，好吸引，所以一於叫男朋友陪我試下。我哋兩個揀咗個b餐，可以食120分鐘，咁就唔使趕啦。呢個餐已經包好多款牛肉，雞肉，豬肉，野菜，海鮮可以任食。入座之後，餐廳會首先送上兩個好靚嘅燒肉拼盤，舟・盛合同埋桶・盛合，入面有齊海蝦帆立貝， 牛里脊肉，牛肋肉，雞肉。 牛肋肉質素唔錯，切得夠薄，肉味好濃郁。其他肉類炸物等等就可以掃 q r code電子落單，而我最愛嘅就係特選薄炙牛肋肉，牛肉係薄切嘅好大片，上面油花好靚，配埋日本蛋嚟食，又滑又嫩，，encore咗足足四次！另外薄切嘅牛舌，質素都好好，唔會太韌。海鮮方面除咗原本拼盤有嘅，我哋亦都再試埋有牛油嘅海蝦同帆立貝，我會話整個層次完全向上升，香味濃郁，而且creamy。海蝦夠彈牙，帆立貝食得新鮮，燒到半熟就最正。除咗燒物之外，我哋試咗炸蝦同炸蠔，質素可以媲美出面日本餐廳單叫嘅。 炸粉唔厚，炸蠔好勁多汁好juicy。而除咗可以手機落單仲有自助巴，有好多款式嘅布甸，有沙律可以自己整， 飲品方面又有汽水果汁美人水等等，而最驚喜嘅竟然有爆谷 ！冰品方面，呢度係有好多款明治嘅雪條，出面買一條都好貴架。 我哋就試咗四隻味，其中我最鍾意嘅係白桃烏龍味，食咗兩條！整體嚟講呢度環境好大，坐得好舒服，嘢食都嚟得好快，選擇又多 係一個食晚飯嘅好選擇！…Read More

同男朋友經過觀塘想食cafe，就搵到呢間喺東廣場，裝飾得好文青，大地色的cafe，服務態度同食物都冇令我失望。蒲燒鰻魚薄餅薄餅上到嚟就有好香嘅鰻魚味 ，鰻魚咬落十分嫩滑，感覺就好似一個好大嘅鰻魚大阪燒，燒汁同芝士味好濃烈，上面嘅木魚碎喐喐下，好吸引。煙肉及意大利豬肉腸花椒忌廉汁扁意粉呢個扁意粉十分有驚喜，估唔到四川花椒， 同忌廉咁夾，香濃嘅煙肉配上微微滲出的辣味，好過癮令人不禁一啖接一啖，扁意粉煮得剛剛好保持韌勁，豬肉腸鹹鹹甜甜，味道不錯。薯條薯條炸得十分香脆，裏面熱辣辣，十分軟熟。蜂蜜水果台灣阿里山金萱烏龍茶蜂蜜味道十分濃，感覺很養生，甜甜的，剛剛好中和烏龍茶的結尾，十分清新。鮮奶朱古力鮮奶和朱古力味都很濃烈，但凍飲又帶點清新， 整體飲品覺得很不錯。…Read More

今日約咗一個好耐冇見嘅朋友食飯，佢推介呢一間泰國餐廳 ，去到門口估唔到呢間餐廳成棟都係佢嘅，有成三層咁多。 我哋兩個坐左二樓嘅位置，畀咗個四人位畀我哋 ，餐廳裝修得幾靚 好寬落好光猛。由於我朋友成日食呢間，所以今次食咩就由我發板， menu好厚，有好多選擇，多到差啲樣樣都想叫黎試下。最後我揀咗一個椒鹽軟殼蟹，蜜糖燒肋骨，諗住試下啱唔啱口味先，下次再叫多啲泰式野。椒鹽軟殼蟹🦀軟殼蟹分量都幾多，我諗佢每件切成大約四分之一嘅大細，好方便我哋食，上面放滿炸蒜 ，椒鹽味幾重。軟殼蟹咬落脆卜卜，但一啲都唔會覺得硬，而且都仲有好多肉， 送飯真係一流蜜糖豬肋骨 總共有五件咁多，每件都唔細，嚟到嘅時候色澤超靚，閃令令咁樣，咬落去好驚喜，因真係好容易就可以咬到肉同骨分離。蜜糖味重但係唔會過甜 ，同樣係好開胃。飲品我見到好特別呢度有得叫酒，所以叫咗杯荔枝mojito ，入面有好多薄荷葉，仲有原粒嘅荔枝果肉，荔枝好甜，而杯飲品好重薄荷味，成件事好清新，易入口，飲開水果酒嘅我都ok。而我哋兩個因為眼闊肚窄，所以淨係叫咗呢兩個餸嚟送飯，飯叫咗兩碗，特別一讚佢嘅白飯，一碗有平時兩碗甘多，裝到滿，而且熱辣辣，呢個細節位好加分！ 呢間餐廳的確唔錯，下次等我會再搵一大班人專食泰式菜式先！…Read More

今日放工唔想煮飯，所以決定自己一個去覓食。之前聽朋友介紹呢間餐廳坐得舒服，嘢食都ok， 所以就去試下啦， 餐廳係喺裕民坊商場入面，幾年冇嚟，估唔到呢度翻新得咁靚，成個商場好舒服，一去到餐廳門口已經見到好多花花。原來佢有得俾你揀坐出面定係入面，外面其實超級吸引，好似外國嗰啲庭園咁樣。只不過因為今日實在太熱喇，所以我都係揀咗坐入面嘅位置。原來夜晚嘅話佢係冇dinner set嘅，需要單叫，menu都幾多元化，有唔同嘅意粉啦，意大利飯啦，羊架啦等等。因為得我自己一個，所以我叫左燒美國露筍澳洲牛柳6安士配忌廉薯蓉。牛柳嚟到都好厚身，賣相好好 ，露筍都畀咗好多條，牛柳我就叫咗七成熟嘅，入面都仲係粉嫩，咬落唔會話好韌，忌廉薯蓉都好大嚿， 食到佢一層層嘅薯仔同埋都好creamy，仲有少少酸酸地似sour cream嘅味道。食食下咁啱突然之間播生日歌，原來係隔離枱嘅兩個女仔喺度慶祝生日 ，仲見到佢哋叫咗幾個甜品一齊食，甜品感覺好好食，等我下次都試下先。…Read More

今日同朋友喺觀塘行街，晚餐時間見到呢一間台灣店，見到menu價錢唔貴 所以就入去試下。閒日去六點左右，人都唔會好多， 坐得幾舒服。 有好多個set可以揀，有牛肉麵，特色撈麵，魯肉飯套餐等等。我自己就叫咗一個魯肉飯同埋兩個小食同朋友share。鹽酥雜菇：分量好多，啲菇咬落有好多汁，外皮炸得好酥脆 椒鹽鮮魷魚：鮮魷好驚喜，炸得一啲都唔會乾，仲係彈牙嘅，唔會好似其他餐廳一樣炸到硬咗又韌。 台式魯肉飯：魯肉飯係單叫嘅，20蚊唔使，但係都好大碗 ，味道夠濃郁，肉都多， 不過重口味嘅我覺得醬汁可以多啲，前就可以更加惹味啦！最後跟餐我叫咗一杯重碳培桂香烏龍奶茶加仙草，因為最近戒緊糖，所以走甜，好欣賞呢間店因為走甜真係唔甜，飲得出好重嘅炭焙味，仙草份量都好多好滑。整體嚟講呢間店坐得舒服，價錢都唔貴，味道都好食，唔錯唔錯！…Read More

同朋友去The One行街，行到攰想搵個地方坐低飲杯嘢食下嘢。見到呢間飲品店，有少量坐位，同埋一啲企位，感覺好chill，所以一於試下。 見到有好多唔同嘅飲品，主打嘅有水墨系列 ，所以我就叫咗一杯黑糖珍珠芒果鮮奶，少甜。嚟到賣相好靚，啱曬我打卡。叫左少甜，所以飲落係黑糖嘅甜，黑糖味夠濃，但都飲得到牛奶味，好特別嘅係，同時飲到芒果嘅甜，有果香，但係唔係好搶嘅芒果味，飲落幾夾，令到杯野清新左。朋友就叫左杯焦糖芝士莓莓茶，係沙冰嚟嘅，顏色粉紅好少女心。我試左幾啖，又真係飲到有焦糖碎，芝士味超濃，其實就好似將一個甜品濃縮左甘，好得意，超飲會超試癮，不過就會有少少甜，所以建議少甜會再light啲。另外，我地仲叫左個cake share。我地揀左清新柚子芝士蛋糕。呢個蛋糕好出色，柚子味好出好香，芝士都做到綿密，好正。…Read More

今日同朋友食飯，喺openrice見到呢間居酒屋好似幾好又唔貴，一於試下。地點都幾方便，好近朗豪坊，係樓上舖嚟嘅。入到嚟環境都幾闊落，我哋被安排去一個卡位，望出玻璃就係見到街景。呢度係q r code落單嘅，所以都好方便。檯面會有一壺暖水，同埋兩個茶包畀我哋自己沖茶飲，茶係玄米茶黎嘅，食完凍野之後飲返啖好暖胃。三文魚 （十切） 三文魚黎到色澤都幾新鮮，每塊都切得好厚，食落新鮮唔會好重雪味，所以質素其實唔錯。大蝦天婦羅 嚟到都有五大件，炸到好大，炸得好酥脆，擺咗一陣都唔會話好快就淋，咬落蝦係彈牙嘅，不過如果炸粉可以少啲嘅話就會更加滿足啦！炸雞軟骨粒 分量超級多，好驚喜，炸得幾好，而且呢隻雞軟骨係會帶埋少少肉嘅，所以唔會淨係得骨畀你食，點埋佢嘅沙律醬好惹味。牛油果軟殼蟹卷 一入口牛油果係熟嘅，超重牛油果味，好creamy，而軟殼蟹炸得啱啱好，分量都多由於我哋兩個女仔，所以食咗唔多嘢，整體嚟講質素唔錯，價錢都好平民貼地，好適合一大班friend一齊可以share更加多嘅嘢食…Read More

每次同best friend食飯，佢都會幫我揀好餐廳帶我食好嘢，今次都唔例外。 帶子薄片呢度菜嘅主角係帶子，配料有三文魚子溫泉蛋青檸雪葩仲有魚子醬。唔同嘅口感，味道，溫度都喺口腔入面混合，係一度好特別嘅菜式。牛肝菌泡沫濃湯飲之前要將上面嘅白色泡沫撈勻，令到佢溶入湯入面。入口口感順滑而且充滿菇嘅香氣。八爪魚意大利飯意大利飯吸滿汁醬，軟硬程度同調味適中。八爪魚非常大條，口感煙韌但唔硬。立鱗燒金目鯛魚皮煎得非常香脆，魚肉鮮嫩，係一度好特別嘅菜式。佢碟上附有兩種調味畀你選擇，而碟係有加熱過嘅可見用心。白朱古力檸檬雪糕用白朱古力包住檸檬雪糕，上枱嘅時候店員仲會加入熱嘅醬汁令到朱古力溶化，令你可以食到冷熱交融嘅感覺。…Read More

今日同屋企人經過牛頭角嗰邊， 聽講有間西餐廳幾好食就上去試下， 餐廳環境好闊落，裝飾樸素自然。兩個人就嗌咗個二人餐， 包沙律，麵包，餐湯，野飲。主食就嗌咗煎三文魚柳，三文魚柳十分大條，魚皮煎得十分香脆， 魚肉嘅肉汁咗喺入面， 食落口魚油香喺口腔充滿， 再配上伴碟的黑松露薯蓉， 口感再升一個層次。另外亦叫了意大利傳統卡邦尼意大利粉， 醬汁十分香濃， 濃厚的蛋汁掛在意大利面，而意大利粉煮得剛剛好，彈牙軟熟， 溫度剛剛好，令人一試難忘。 整體而言， 價格適中，味道好，餐湯都好好味， 沙律菜新鮮，朱古力泡芙味道濃沃，絕不欺場， 下次有機會會再試埋其他菜品。…Read More