我哋兩個坐左二樓嘅位置，畀咗個四人位畀我哋 ，餐廳裝修得幾靚 好寬落好光猛。
由於我朋友成日食呢間，所以今次食咩就由我發板， menu好厚，有好多選擇，多到差啲樣樣都想叫黎試下。
1
最後我揀咗一個椒鹽軟殼蟹，蜜糖燒肋骨，諗住試下啱唔啱口味先，下次再叫多啲泰式野。
椒鹽軟殼蟹🦀
軟殼蟹分量都幾多，我諗佢每件切成大約四分之一嘅大細，好方便我哋食，上面放滿炸蒜 ，椒鹽味幾重。軟殼蟹咬落脆卜卜，但一啲都唔會覺得硬，而且都仲有好多肉， 送飯真係一流
蜜糖豬肋骨
總共有五件咁多，每件都唔細，嚟到嘅時候色澤超靚，閃令令咁樣，咬落去好驚喜，因真係好容易就可以咬到肉同骨分離。蜜糖味重但係唔會過甜 ，同樣係好開胃。
飲品我見到好特別呢度有得叫酒，所以叫咗杯荔枝mojito ，入面有好多薄荷葉，仲有原粒嘅荔枝果肉，荔枝好甜，而杯飲品好重薄荷味，成件事好清新，易入口，飲開水果酒嘅我都ok。
而我哋兩個因為眼闊肚窄，所以淨係叫咗呢兩個餸嚟送飯，飯叫咗兩碗，特別一讚佢嘅白飯，一碗有平時兩碗甘多，裝到滿，而且熱辣辣，呢個細節位好加分！
呢間餐廳的確唔錯，下次等我會再搵一大班人專食泰式菜式先！
