Ting chris's Profile

相信每一個人食到好飽，總會有另外一個胃裝到甜品，當我和朋友剛剛食完午餐，行行吓就見到這間餐廳，在門外看看Menu，即時被甜品吸引住，我哋嘅第二個胃要啟動。呢間餐廳甜品好吸引，我哋叫咗兩個甜品和兩杯飲品，綠茶紅豆麻糬窩夫，鑊仔焦糖金寶雪山熱香餅，另外飲品係凍美式咖啡和摩卡咖啡。綠茶紅豆麻糬窩夫，窩夫唔夠脆，但紅豆滿滿的，雪糕是雲呢拿味。而另外一個甜品熱香餅，是用一個鐵鍋裝上，所以甜品夠熱，不過覺得甜咗啲，可以係太多焦糖。飲品都是正常。…Read More

因為朋友生日，都知道佢未食過呢類嘅鐵板燒，就想俾一個驚喜佢，當帶到朋友上餐廳佢都覺得好surprise。餐廳環境好舒適，光線好充足，可能係樓底好高，以及中午嘅時候唔係太多人。我哋光顧係中午嘅時間，每人叫咗一個午餐，我哋叫咗一個有龍蝦海鮮餐🦞，有大蝦🍤，有薄切牛肉，最先嚟係一個清新嘅沙律，再嚟一個茶碗蒸，然後廚師，比你睇吓將要為你烹調嘅海鮮，廚師煮嘅每一樣食物都恰到好處，唔會太韌。服務態度方面，每一位嘅店員很有禮貌，朋友話有機會一定再去光顧…Read More

和朋友食過一個遲遲的午餐後，到了晚飯時間，仍然有飽肚嘅感覺，周圍行吓，都係想搵啲輕食，行一間店舖門口，覺得好日系，好吸引，去看看menu, 果然係好吸引，不用多講，就入去啦！我和朋友都叫咗法式多士餐，一個是牛油果雞胸，牛油果有半個，而雞胸有6-7片，雞肉唔乾。另一個是芒果派對（改抹茶雪糕）芒果好甜，配上幾種水果，雪糕轉抹茶是要加10元。份量算多，但我們都能夠全部食晒，因為朋友將我餘下的一舊多士食埋。…Read More

好耐冇去沙田，知道之前沙田好多個商場都裝修，而好多嘢食嘅好運中心亦一樣，知道現在好多店舖都重新開業，就去逛一逛有什麼新店舖進駐，發現海皇粥店仍存在，而且裝修後，環境好好，店舖光猛，食物選擇亦多咗，點完餐，只要搵位座底，服務員就會送餐，他們有禮貌，送餐好快。今次我選擇咗一個粥套餐，有菜乾排骨粥，蝦米腸粉，再加杯熱豆漿，合共五十元正，粥料很多，但蝦米腸粉唔夠熱，只是微暖，而豆漿正常，本人覺得真係幾抵食，又好飽。…Read More

這間火鍋店之前已經好想去，朋友去過話好好食，屋企人去過又話好好食，所以今次趁住假期，就去試一試，可能當日係年初三，仲要每位加$20，所以人唔多。我和朋友選了C豪華（每位$248），因為我喜歡食澳洲牛，而佢係澳洲M6+和牛。鍋我哋選養生藥膳醉雞鍋，好得意係自己加湯，一樽樽，好得意。食材真係好新鮮，牛肉冇雪味，放落鍋沒有泡浮面，食物嘅種類繁多，飲品亦一樣，因為任飲任食，我哋點咗好多轉，可能每一樣都有份量限制，所以好放心不停點。今次真係一試難忘，下次一定再去。…Read More

朋友放假搵我食個lunch，選擇了一間主題餐廳，餐廳環境好舒服，裝修好靚，一定是打卡必到嘅餐廳，我哋三人同一時間都點選了一模一樣嘅食物和飲品。紅噹噹龍蝦意大利飯，配鮮奶抹茶。意大利飯份量多，而杯鮮奶抹茶就有好多抹茶粉，好濃。另外，只要加$58，就有一個甜品，我哋就點了兩個，一個係英式伯爵茶疏乎厘，簡單又經典疏乎厘配上一小件貝殼蛋糕，而另一個士多啤梨疏乎厘配上幾款水果，再加上一個超可愛嘅龍仔作裝飾，相信店舖係食物上嘅心思，真係一定要試一試…Read More

之前要到深水埗買過節用品，講起深水埗，大家都會聯想到有好多美食，我梗係要周圍去搜羅一下。今次想食湯粉麵，所以就到Openrice apps search一下，有一間店舖的粉是自家製，就去一試。坐低就見到牆上掛上一個十大必食，我點選了一個套餐，有一碗粉，一碟小食，一杯飲品，我選了魚片頭水餃瀨粉，湯底可以自選，有辣有唔辣，我選擇了唔辣嘅豬骨湯，小食就叫炸魚皮，而飲品就叫了豆漿。總結，自家製嘅瀨粉和平時在粉麵舖買的不一樣，粉麵舖的粉表面平滑，容易斷，而自家製的表面不平滑，不易斷，而且有口感。…Read More

放假和朋友周圍行吓，朋友話有啲攰，不如隨便搵間餐廳坐吓食吓嘢。見到一間台式餐廳，食物好特別，環境又唔錯好舒服，好適合傾計，所以就選了這間。我哋坐低點選咗三款食物和兩杯飲品，有三文魚明太子蛋餅，墨汁鹽酥雞刈包，紫薯粉地瓜條，大甲芋頭鮮奶，紅豆抹茶鮮奶。點餐後，食物好快就到，見到就覺得好味。三文魚明太子蛋餅，包住嘅餡料適中，配上醬汁，墨魚鹽酥雞刈包，有驚喜，好似係以黑色嘅墨魚汁包著雞，炸得非常鬆脆，而地瓜好脆，再配上紫薯粉，最後，加埋兩杯飲品…Read More

這間店想試好耐，今次朋友竟然提議去，我梗係即刻話好啦！裝修好靚，環境好舒服，好日系，只係環境同外觀都咁吸引，更意想不到係食物嘅質素，非常之高。我哋叫咗五款嘢食，第一款梗係叫好好評嘅龍蝦濃湯蟹肉帶子麵，呢個真係冇得輸，濃濃嘅龍蝦湯配墨魚汁麵，龍蝦湯味道啱啱好不太鹹，而墨魚汁麵煙靭，龍蝦湯多到可以掛上每一條麵。第二款係炸薯條配黑松露蛋黃醬，這個叫咗帶子麵只需加$20就可以有，薯條好脆，配上兩款醬，蛋黃醬和茄汁。第三款係秘製流心蛋治，這個我和朋友一致決定係超級好食，如果下次再光顧一定encore，滿滿嘅碎蛋，混入蛋黃醬，再配上一塊脆卜卜嘅麵包和流心蛋，真係無敵。最後，我哋叫咗兩杯嘢飲，一杯係紫薯鮮奶，而另一杯係抹茶鮮奶，呢兩杯飲品唔太甜好味。…Read More

本人真係好鍾意食蟹，妹妹通知有buffet係蟹主題，我就第一時間book位，約埋妹妹一齊食。午餐的buffet都好多嘢食，冷盤：長腳蟹、麵包蟹🦀、凍海蝦🦐、鮑魚、蜆、刺身壽司、冷麵，沙律都有，不過我覺得佢選擇少啲。熱盤：串燒（秋葵/冬菇/雞肉串…..）、燒味、燒牛扒、點心、中湯西湯、時菜、魚、都有少少台灣美食。甜品：種類繁多，馬卡龍、泡芙、小蛋糕、水果、豆腐花，每樣食少少和妹妹share已經好飽。雖然餐廳蟹嘅菜式唔多，但食物嘅種類質素，是很好的。…Read More

呢間餐廳時常經過，每次都好想試，今次同朋友食飯，佢竟然揀咗呢間餐廳，開心到不得了。門口嘅裝修已經覺得好靚，入到餐廳內，簡直係覺得舒服、寬敞，三五知己聚餐嘅好地方。我哋點咗一個二人餐，好抵食。有西班牙風乾火腿烤菠蘿（本人已經好鍾意食菠蘿，菠蘿烤得剛剛好，又juicy)，松露忌廉牛肝菌意大利粉，白酒煮藍青口鍋，海陸滋味（牛扒大蝦配薯條），鮮果雪糕杯兩客，每一碟食物份量都唔細，食到我哋兩個攬住個肚，真係超飽。…Read More

本人很喜歡藥膳，再加上天氣開始轉涼，更加需要進補一吓，去過幾間食藥膳嘅舖頭，呢間真係唔錯，之前食嘅都係較淡味，可能藥材份量唔夠多？又或者大家嘅用料唔一樣？今次試呢一間，材料十足，味道濃，真係覺得真材實料。今次叫咗一個古法藥膳雞湯，佢可以選擇配飯、銀針粉、米粉、米線及粉絲，真係好多選擇，我今次選擇配飯，當食物到來，已經聞到好大陣藥材味，第一當然要試吓啖湯，真係好好味，唔單只係湯好，連湯入邊嘅雞都有好多，相信有七八件。今次食完下次一定要再去:)…Read More

一個人放假，遊吓遊吓，發現一間日式放題嘅餐廳，但我只係一個人，放題唔啱我啦！當想走時，發現佢有午餐🍱set食, 所以就入去試吓。入面嘅人大多選擇食放題，因為真係抵食。我就選了一個午餐，燒油甘魚鮫定食（有沙律，麵豉湯，白飯及一杯飲品），油甘魚份量好多，有成三四舊，味道方面，魚鮫表面加咗啲好似七味粉嘅東西，然後先去燒或者炸（點解我話炸😅，因為我覺得有燒完小小，然後去炸嘅感覺，魚皮冇乜燒嘅味道），雖然係咁，但魚肉一樣咁滑😋。但整體上，這間餐廳食物質素係高，又抵食👍🏻…Read More

夜晚只得自己一個人食飯，又唔知食咩好，行到商場見到有一間食韓國小食，只有外賣，沒有堂食嘅外賣店，又有好多人等外賣，相信會好食，就決定試一試。我買咗三樣嘢，黃金蜜糖炸雞、牛肉紫菜飯卷、炸冬粉海苔卷。炸雞我選擇了杯裝，份量較少，亦有份量較多全隻或半隻雞，而味道有七款選擇。而飯卷我選了牛肉，餡和飯嘅份量都好平均，相信應該係用機器做，而不是人手包嘅原因。另外，炸冬粉海苔卷，紫菜已經好淋好濕，所以口感都係一般。…Read More

我屋企人生日，當然要慶祝一下，搵啲新嘢試吓，呢一間餐廳，開業唔算太耐，但時常都會full Booking。我哋叫咗八樣嘢食。一定要叫餐廳嘅招牌菜，留香烤鴨🦆，個個都話在這間餐廳必叫必食，上枱嘅時候，仲有一個爐蒸住，這個當然要試吓啦！留香烤鴨🦆（一鴨兩食，片皮和炒七彩火鴨絲）、松子糖醋桂花魚、砂鍋雲吞雞、上湯雜菌時蔬、上海小籠包、招牌生煎包、蘿蔔絲酥餅、香蕉高力豆沙和豆沙鍋餅。如果要評一評烤鴨，佢比起平時食嘅北京片皮鴨，鴨皮烤得較為乾身，冇咁油膩嘅感覺，至於鴨肉方面，不是好嫩，亦不會乾。但我覺得都值得一試。…Read More