hoho_shanshan的个人专页

呢間午餐好抵食,26元就可以有飯有湯同野飲!出面好多都無,最多都係飯,野飲同湯就要揀其中一樣,仲有d餐廳係唔送的.,只得飯tim,所以呢間真係抵死!最鐘意食呢間餐廳的煎肉餅.粟米肉餅同蓮藕肉餅都非常好味!…查看更多

上星期六(22 Jun 2008)我同男朋友去呢間餐廳食飯,味道ok的,但服務就麻麻啦,我地點了,肥牛炒意粉同埋雞扒石頭飯!我男朋友去了洗手間,我先叫了一杯熱咖非,另一杯等他回來再叫,之後他回來再叫了一杯凍奶茶,我見我男朋友飲凍的,我又想轉喎,跟住就問個待應: 可唔可以幫我睇下杯熱咖啡整左未呢? 如果未,我想改凍咖啡,跟住個待應同我地講,出緊來架啦,唔轉得啦,跟住過左分幾鐘,我地問佢又話整左既?仲未黎喎,,你都無入去睇過,睇都唔睇下就話佢整左出來? 之後個待應同我地講,唔轉得,.轉要收錢的!!我地初初以為佢話轉要收多一杯飲品錢?原來佢意思係話轉凍飲要加3蚊,所以同我地講唔轉得.咩意思呀?我地識字,menu有寫凍飲要加錢的,個待應咁講野,即係話我地想先叫熱飲,後轉凍飲呃佢3蚊!我男朋友即時話佢,你check都唔check就話整左出來,原來未整,跟住你先話要收錢所以唔比轉?係人都知要加錢啦,你咁講野都得?個待應無應我地,就咁問咁係咪轉凍,跟住走開!='=,呢間餐廳d員工服務態度同常識真係要認真改善!!食物方面: 肥牛炒意粉,味道很好,少少辣味的!味道好像落了我最鐘意的七味粉,牛肉又唔"銀"雞扒石頭飯,飯吃到一半還很熱,因為石頭保温,不錯!!…查看更多

上星期五,婆婆生日,在這訂了兩圍食飯,比左間房我地,服務都OK的,之後看過食評都有D擔心唔好食,但家人都一早訂了枱,無法,但吃過後又覺得OK喎!第一碟: 乳豬全體,D皮好脆,雖然有少少肥,但好好味!第二碟: 芝士龍蝦伊麵,芝士味好濃,我最鐘意呢味餸,好好好味!第三碟: 炸蟹夾,ok!第四碟: 帶子炒西芹,味道和出面的差不多,無特別!第五碟: 花膠鵝掌,我沒有吃,但家人說味道ok第六碟: 雞絲花膠魚刺,好味!第七碟: 東星斑,d肉有少許"銀"可能蒸過龍第八碟: 炸子雞,肉有少少"銀"第九,十碟:炒飯,伊麵,大家都飽晒了,打包回家,但都吃了少許,炒飯我可能不太喜歡太乾身,所以覺得味道差點,但家人說炒飯乾身才好味喎!!!伊麵不錯!最後還有壽包同紅豆沙,水果呢!!兩圍約$6,600元,共23人…查看更多

父親節沒有訂枱，呢間萛是等得最快的一間，所以在這裏吃！可能人多關係，等左咁耐先比了一張後門走廊的枱我們，明顯是加枱來的，服務就麻麻了，我們入坐先，但侍應就幫後來入坐的６人枱執先！可能節日就係咁啦～～我們叫你四道菜：第一碟來：海折分提，味道不錯！海折彈牙第二碟來：豉油雞半隻，很好味，雞肉很滑！第三碟來：通菜牛肉，味道ＯＫ！第四碟來：龍蝦伊麵，龍蝦就ＯＫ，不過Ｄ芝士伊麵汁就希左Ｄ了，芝士汁唔夠濃！麻麻，還有龍蝦如果第一道菜來會好Ｄ，因為都飽晒了！…查看更多

味道係OK,但絕非好味到受氣都要死去買!!,唔試唔得law!我去過呢間舖頭三次,但每次都唔係我自己想食去買的!,而是我家人見我返工近成日叫我去幫佢訂幫佢地拿,咁我就去啦,點知,三次都一肚氣咁走,因為呢間舖頭d人服務太差,似住自己有點名氣老治號,就不可一世咁!更係啦,唔優做麻,態度咪差law,到第四次我家人再叫我去,我就同佢地講,幫你地去邊間都得,不過呢間唔洗諗!死我都唔會再去!第一次去的時候,我唔知原來要訂的,家人無講,咁個日收工去啦,去到佢話買晒,我見到仲有好多喎,佢話個d全部都係有人訂左的,咁我就問佢可以讓一盒比我嗎?個叔好唔客氣咁話,無啦,人地訂左點比你呀?你下次打來訂啦!第二次,家人又叫我去啦,咁我見第一次去話要訂,我打去訂,點知個叔話有呀,你落黎買得啦,我話: 下?你地上次話要打來訂喎,.一陣黎到無點萛,佢問我幾點來到,我話我一點收,點幾鐘應該到啦!!我話訂左好d喎,佢話你來買有架啦,點知,我去到佢竟然話買晒!!我嬲啦,話你地頭先話唔洗訂落買有,現在又話買晒???咁你比住你舖頭個D我先啦,佢話人訂左,咁萛點呀???佢話買晒無辦法!!第三次,我已經非常不願意去,但家人話今次佢地自己打去訂左,但兩個星期前的事,一直唔得閒去拿,叫我去,我都知遲左去拿都應該無啦,當順下佢地意去啦,去到我都同佢講係兩個星期前訂的,佢係到係咁揭本簿話無,我比埋個留的電話佢,佢都話無記錄,係咁問我邊日打來訂,我已經同佢講,唔係我打來的,我屋企人打來訂的,佢回去北京了,我怎知道係邊日呢,大約兩星期,比埋電話同個姓佢CHECK都話無??????又叫我唯有再訂過,,,,我預左無,你同我講太耐啦,你要再訂過就好地地,無記錄?無訂又話要訂, 想訂又唔比訂, 訂左又話無記錄?結果三次我都買唔到!…查看更多

昨天男朋友生日,看過這裏的食評,就想來這裏試一下!!夜晚的舖頭的閃燈著了很美,我好鐘意呢度的環境!!門口帶位的外國人,講廣東話很流利,像香港人一樣!!廚司又親自拿menu來介紹食物,態度親切~~幾好!!食物方面: 我們選左龍蝦湯,味道很濃,唔錯!! 頭盆: 芝士焗田螺+鵝肝, 芝士焗田螺是我覺得咁多樣最最好味的,有很多芝士!鵝肝我是第一次食的,因為我平時唔鐘意呢d野,但我都覺得ok,男朋友都話呢度鵝肝幾好~~ 主菜: 鴨批+肉眼扒, 鴨批就味道有小小喊,可能我食唔慣種味啫,男朋友話係咁既味的,肉眼扒就很大件,好抵食,而且味道好好,又唔un, good good! 甜品: 橙酒班cake+意大利芝士餅,班cake看樣子平凡,但好好味!!酸酸甜甜的!! 意大利之士餅就無什麼特別,和出面吃到的差不多!!呢間餐廳真的ok,我們會再去的!! …查看更多

不停叫人入來, 但根本沒有位. 都算數.食野期間, 有人叫炒河, 黎左炒意..果個人同佢講話唔係要意, 係河...個女待應扮聽唔到行開左...跟住不來係俾錯客..因為另一個叫炒意...但俾左之前果個客既炒河佢...個好似老闆既女人竟然大大聲叫個女待應"睇下有冇客要...賣左佢啦" 唔係咁做生意呀?? 好似蝕唔起一碟炒意咁...跟住有客走個女待應叫佢收錢...佢話.."我叫緊人入黎食呀..去左隔離果間啦..."要個客等佢拉完客先收錢....真係唔知咩做生意既態度... 野食方面...叫左常餐同焗吞拿魚意粉...麻麻...焗吞拿魚意粉係下午茶...但同午餐一樣價錢....…查看更多