味之源's Profile

想著近來不是去泰國來的刨冰就係食日本來的，就想著支持本地小店，特意跑去西營盤試這間，我入去時我是唯一的顧客，不用等位，研究一陣後還是決定要了期間限定的櫻花刨冰，想著有可能過一段時間後就沒有得吃，就點這個，等咗一陣，送上來之後，嗅到的味道，給我第一印象可惜是藥水味！心想，不應該信網上推介的！但食物已經上桌，又不想浪費，就只好開始食用，味道只加強了我想像藥水的味道，食到差不多，我想終於有救了，因我發現紅豆及豆花，這兩樣都好味，好有紅豆味，豆花香滑，我想這店是否只賣這些是否會好些呢。再看其他食客，根本無其他人點櫻花冰，只會點牛奶冰，唉！只怪自己點錯嘢，不過我想這店試過一次就足夠了。…Read More

唔想等位，又想飲茶，就去新開嘅好記買外賣返屋企慢慢食，雖然無堂食咁熱，但係啲蝦餃都唔錯，腐皮卷係即炸嘅，味道幾好，义燒腸啲皮有啲厚，除此之外還可以，魚翅餸同义燒包都ok啦。下次會再食，貪近。…Read More

今日放假去完深水埗配水庫，正好午餐時間，見到附近居然有素食餐廳，咁就惗都唔惗就行去試吓。門口嗰位姐姐好開心好有笑容，入到去都幾舒服，有清新feel。個menu有幾大部分係無可能肉，我惗即係impossible meat 卦，個人對此唔係好有興趣，覺得素就素啦，做咩扮肉啫。所以揀咗個三文魚照燒豆腐定食（都係走唔甩「扮三文魚」😅不過算啦見佢其他嘢係本地有機農場嘅蔬菜。個餐拎到嚟都幾靚呀，好多顏色，有紫色（茄子），有橙色(橙）,有紅紅哋(扮三文魚）等等，好有食慾呀，食落啲味道唔算十分出色，但勝在清新舒服，食完覺得自己好健康，唔錯，下次嚟開，再食過。…Read More

訂了片皮鴨外賣，年初八6:00去取，收銀話要搵外邊的同事，很不容易見到個，但幫客人開緊酒，等咗一陣都無其他人，只好走過去同佢講要取外賣，她看也不看指一指收銀方向話你要係嗰邊攞，咁只好又回到收銀處，有其他職員話要同貴賓房入面穿西裝的女士講；我知唔係好啱規矩但無其他方法，只好照入去同個西裝女士講要取外賣，佢仲要話我哩度人哋訂了，唔應該入去，叫我去收銀處嗰邊，真係火都嚟埋，係咁將我點來點去，同佢投訴後，才跟我出去攞外賣。這次是這個月第三次訂外賣（乳豬，片皮鴨等），這次服務態度是最差的，個個職員都好似事不關己，將啲客點來點去！盒片皮鴨好少，唔似有一隻鴨，食落無肉味，餅皮咬落去成口粉。總結就係一無是處，完全唔掂☹️…Read More

今日放假想去大館睇吓，想起未去過一樂，就順便去食吓嘢，去到中午12點幾，已經開始要排隊等位，好彩我今日得一個人，幾分鐘就有位, 叫咗碗义鵝瀨及熱奶茶，啲燒鵝皮都幾脆，肉有鵝味，义燒都好香好味，啲湯就有少許咸，但係都還可以吧，呀姐好好人，叫我唔駛咁急，慢慢飲茶添，下次可以再嚟呀。…Read More

惗住上機前快快趣趣食啲嘢，點知無晒大X樂等等啲傳統快餐，咁惗住嚟食碟腸粉算數，誰知等差不多十分鐘都未有，我同個staff講可唔可以快啲，佢話都係幾分鐘啫，激死，你急佢唔急，我同佢講可唔可以快啲，我話個牌好應該寫要等十分鐘等人有預算，個樣似稍為高級啲嘅staff話收銀應該有同我講，我好肯定個收銀無講，如果唔係我自已搵嚟急咩，對方一二三將個責任推落個客度，真係九流服務，啲嘢食，真係倒落個胃咁，趕到呀，唔該機管局招標時考慮一下顧客在快餐區的期望，唔好比啲慢餐進駐快餐區…Read More

由旺角行去深水埗途中見到有石磨腸粉就惗住試下，見到個餐牌啲價錢不貴，最貴嘅套餐先至35蚊，有豆漿，有粥，又有腸粉，抵呀！先講碗瑤柱咸骨粥，好味又足料，有蠔豉，有瑤柱，腸粉揀咗鮮蝦腸，腸粉都滑，鮮蝦都真係有鮮味，唔係透明蝦，總體而言，抵食有品質，Good!…Read More

剛巧端午節入梅窩，見到哩間多人讚就試下，入到去全部座滿，好彩提前訂位；叫咗豉椒炒蜆，薑蔥炒蟹，菠蘿拼大腸，腐乳椒絲通菜，古法鹽焗雞，椒鹽九肚魚，蠔餅，楊州炒飯。鹽焗雞係即整，要等半個鐘，但非常值得，因為好有雞味，一齊上嘅雞汁係精華所在，蠔餅啲蠔都幾大隻，有蛋味，無乜油，啲蜆似花甲咁大，炒飯有鍋氣，整體都好滿意，又抵食，我哋6個人只1100埋單。最初惗住遊客區都唔好期望咁高，但係結果真係好驚喜，讚！讚！讚！…Read More

與朋友約在沙田見面，見到這間餐廳可以係網上訂位，雖然未試過，都試下啦，叫咗4個set lunch加沙律同南瓜湯，惗唔到又幾好味，環境唔會太嘈，同朋友頃偈最啱，座耐咗唔會趕你走，價錢亦不貴，Good Choice!…Read More

一行四人點了signature combo, beef skewers, margarita pizza with Parma ham, crab cake 同蜆意粉。Signature Combo 的海鮮有鮮甜味，crab cake 充滿鮮味的蟹肉，不會只係得粉食唔到蟹嗰種，蜆意粉的蜆係連殻的都有成十幾隻，隻隻鮮味，就算無海鮮嘅pizza都好味，beef skewers 也有牛肉味，侍應服務很周到同有禮，會自動幫我哋加水同𢴇嘢，美中不足是每樣嘢嘅份量都很少。…Read More

好耐之前已經想試，但要訂位就遲遲未付諸行動，今日終於‘的’起心肝試試。點咗蘑菇汁牛扒配野米同蟹肉意粉；蘑菇汁應是以真蘑菇打汁，牛扒以百幾蚊嚟講算係咁啦，蟹肉意粉充滿蟹肉，幾好味。係鰂魚涌來說這家西餐廳算係幾抵食，下次會再去…Read More

同屋企人行經新光，有下午茶食，就點咗燒鵝瀨同燒腩仔飯，燒鵝皮脆，肉味香；燒腩脆皮，重點係有炭燒味，真係好耐無食過呢陣味，好正呀！呢喥都係祺哥燒鵝，但係比鵝頸嗰間平幾蚊添…Read More

一入到間舖就聞到羊羶味。細碗羊肉米線都大過我個面，夠晒抵食。米線有很重嘅羊味，但有點偏咸，整體都可算是好味；口水雞有雞味唔錯；豬耳可能因為走辣所以只剩咸味。對喜歡羊肉的人來說，不防一試…Read More