openwahrice's Profile

親戚多年前食過鏞記，所以提出再來，但冇諗過這間所謂老字號是如此的劣質...- 食物貴質素差·叉燒似茶記質素 瘦得黎唔入味·蒜蓉炒西蘭花直頭冇蒜蓉味 同清炒一樣 (呢碟菜仲有一個小插曲，詳細睇下面...)·燒鵝雖然是鎮店之寶 但燒得一般 肥肉唔多 而且上菜時已經唔暖 失望·東星斑600g賣$2,680 雖然唔腥 但沒有鮮味 這個價錢絕對不值·皮蛋係好味 但冇理由為前菜而黎- 服務唔合格 ·人未齊腳 所以我們遲了點落單 並吩咐樓面東星斑盡量後上 費事放得耐變腥 豈不知人未到 魚最先到... 齊人後 上菜時間亦都非常慢·上西蘭花時 隔離枱叫左清炒 而我們叫左蒜蓉 所以傳菜唔小心放錯枱我們已經隨即發現錯誤 同傳菜反映 此時隔離枱已經夾起一兩件... 但傳菜竟然直接對調兩碟菜 放彼此既檯面 當冇事發生 傳菜更揚言「未食過/未掂過冇事」...之後經理有換給我們 但再上既菜已經係唔熱 懷疑連再炒一下都冇...…Read More

平時經過都會飲天仁，味道的確唔錯。但好幾次我都有唔愉快嘅經歷，可以講係失望。失望嘅地方係唔止一次我突登加咗$4 要珍珠，但就算張單有寫到，最後竟然冇幫我加落去。問題唔只係錢，而係飲唔到一杯完整嘅味道。希望天仁可以睇到呢個評論，多加留意每間店舖甩漏嘅問題。 …Read More

相信大家都知道壽司郎係要早兩個月左右係App預約。就算黃埔新開咗間分店，似乎都係要咁早預訂，可能想預留多啲位置比Walk in。係兩個月前，我就已經期待住今日，終於比我等到啦！呢間壽司又係一間性價比高嘅壽司店。壽司嘅價錢合理，最平都只係$12一碟有兩件。另外，壽司係肥美，壽司飯亦都唔會太酸，配搭埋檯面鹹同甜豉油一齊食就完美。不得不提嘅係，茶碗蒸都幾多料，以$19嘅價錢實在係抵食！記得睇住佢個YouTube Live派籌現況，同埋上到去就算預訂咗都要先係部機確認。大概10分鐘後就會被安排到座位。…Read More

上星期到呢間「秘」食吉烈牛，竟然出乎意料地好食一開頭過咗第一輪，所以要攞籌等。不過大約20分鐘左右就有位。入到去感覺有啲逼，不過都夠擺整個套餐 (如果有張紙巾比我用會好啲 )。我點咗呢個吉烈牛餐連飯、溏心蛋和湯，價錢大概$140左右，合理價錢。牛嘅品質都不錯，肥瘦均勻，配飯食一流！ 而且最緊要係可以自己燒鍾意嘅熟成度！反而係個湯唔太適合我胃口。以呢個價錢可以食到咁嘅品質，的確係一個意想不到嘅經驗，多謝朋友介紹。…Read More

Pizza Hut通常都夜晚去食，但下午茶原來都好吸引好抵食!同兩位朋友叫咗三個餐，大概50蚊一個連嘢飲。自己點咗一個墨西哥海鮮餡餅，啖啖海鮮肉好滿足，配上墨西哥餡餅簡直是絕配。另外，朋友點咗超級夏威夷迷你批，經典口味當然冇問題啦。第二位朋友揀咗個再平啲嘅蒜蓉包同薯蓉餐，三十幾蚊，適合細食嘅朋友。至於嘢飲，青檸梳打唔太啱我口味，如果有得加糖漿會更好。整體嚟講下午茶好抵食，當Early Dinner食就啱。今次用咗Pizza Hut 會籍，有埋9折優惠…Read More

平時都習慣食元氣，因為幾乎周圍都有分店，但適逢今日係朋友嘅生日，就去Openrice搵呢間十和田試試。十和田距離地鐵站大概十分鐘路程，亦都幾易搵。一入到去，侍應安排我哋坐，然後比咗部Ipad我哋落Order。不過感覺部Ipad嘅反應有啲慢。到嘢食嚟到嘅時候，見到一件件壽司已經流晒口水。講真嘅係壽司唔算太貴，最緊要當然係好食! 尤其佢嘅三文魚刺身同中吞! 非常肥美! 蒸蛋亦都好好味，但價錢同元氣板長差唔多。小小不足係Wasabi唔夠味，一掂豉油就好易化開哂。同埋枱我覺得有啲細小，其實都擺唔得多野。不過整體當然係非常滿意! …Read More

今日嚟炑八唔係嚟燒烤，反而想去試吓食佢其他野。Order咗一份烤五花肉飯同一份年糕，再加杯荔枝梳打。五花肉嘅肉雖然有啲硬，但味道上嘅配搭幾好。年糕我覺得一般，而且價錢都唔平。反而，杯荔枝梳打幾Refreshing，可以試試~…Read More

意樂嘅脆鹹豬手大家有冇試過？早幾日前夜晚去咗食意樂，見到Menu上面第一版嘅脆豬手幾吸引，所以試試，成個餐連薯菜加湯$88。個湯係濃香菌皇忌廉湯，味道都可以，有雜菌粒。主角脆豬手嚟到，賣相絕對係上得Instagram，擺盤出色。原本仲以為佢係燒豬手，原來係成個攞去炸，對我嚟講係有啲熱氣，尤其個塊又硬又脆嘅豬皮。豬手拌上黑椒汁、鹽同胡椒粒，但我Prefer成個豬手先醃過鹽同胡椒，可能會比就咁點更均勻同入味。不過成個豬手炸得好靚，值得試試!…Read More

今日食咗牛角Lunch嘅Level 2 Buffet，等咗一排終於有時間食Beef Buffet，但出乎意料嘅係，牛角嘅豬比牛更加吸引!牛有分多幾個等級，今次嘅Level 2係美國見島特選和牛，味道不過不失，辛味醬汁嘅牛舌幾有驚喜。出奇地，牛角嘅豚肉係幾啱我胃口。佢嘅豬頸肉軟身好有咬口，搭上燒肉汁呢個配搭簡直係一流。而佢嘅豚肉燒更加係必食，記得要order。至於其他小食，個人覺得牛油金菇略淡，可能因為冇加鹽。同時唔好忘記要為自己整一碗牛角飯，絕對係一試難忘！P.S. 今次用左滙豐信用卡優惠，積分可以當兩蚊洗。…Read More

某日難得放假嘅下晝，嚟到灣仔呢間新加坡餐廳，試咗一碗幾好食嘅娘惹濃厚喇沙同Kaya Toast。當日因為係平日所以到下晝有唔少打工仔一齊排隊，但係好快就被安排到入去，服務態度良好。我試咗個娘惹濃厚喇沙同Kaya Toast。娘惹濃厚喇沙味道非常濃郁，而且好香口。不過份量方面可以再多啲，因為一碗喇沙真係唔夠餓底食。Kaya Toast係第一次試，味道幾特別，有奶油香。大家不妨經過都去試下呢間Rempah Noodles…Read More

今日難得嚟到樂富附近，本身打算去吉野家打邊爐，但見到電梯隔離有一間都係食邊爐嘅，所以就決定試新嘢～～之前經過都見過呢間，今日終於第一次試。先講下服務，一開頭個女侍應就話冇位要等吓，但個男侍應就即刻走過嚟安排比我地。兩個人分別點咗一個安格斯牛肉邊爐同8安士嘅美國安格斯牛排。個邊爐套餐個人認為唔夠飽，因為料比較少，而且湯唔夠入味，以九十幾蚊呢個價位其實可以再多啲配料。呢個套餐連埋士多啤梨雪糕，味道尚可。對於個安格斯牛排其實有少少失望，雖則唔係以鐵板上，但係上嘅時候連熱嘅氣都無，食落都好唔熱。牛排冇乜牛味，加上個燒汁唔夠出，整體評價低。大家有冇試過呢？你地嘅評價又如何？…Read More