a457951的個人專頁

湯餃再選花膠湯要加$8 但非常之值 仲有幾款唔洗加錢嘅選擇 但因為網上推介花膠湯 就完全無留意其他選擇係乜 而花膠湯除咗兩片花膠之外 裡面仲有用豬同雞去煲 非常足料夠味係我香港餃子店飲過最好味嘅湯可惜嘅係餃子店嘅主角餃子相對平庸 呢款係白菜鮮蝦餃子瘦肉比例較多 口感比較鞋 當然我知肥豬肉cheap啲 但都需要比例均衡先好食嘅鮮蝦細隻又無蝦味 令人覺得有冇蝦好似都冇分別 8隻入面仲有1隻是無蝦的:(白菜有小部分已變黃 無咩菜味 可能不夠新鮮店員服務態度親切 店裡望落都算乾淨 為咗碗湯都值得一試 …查看更多

好耐無嚟食了，餃子種類無變過 ，但串燒小食多咗 店員多咗一倍 以前3個人 依家6/7個人 都好似好忙咁因為其他嘢要煮 所以當歸醉雞就上咗先，有當歸香味但就咁食嘅話調味咸咗啲，肉質似係雞髀肉但比較緊實，好食過某些知名醉雞店但食落係用李x記醉雞汁椰菜冬菇雲耳豬肉餃子一如既往嘅大隻，餡料比起之前稍淡的味道，依家落多咗少少鹽更加突出咗每種食材本身嘅味道，個人非常喜歡，比起某些知名排隊店的大餃子每款餃子都只能吃到一樣的醬油調味，完全掩蓋了食材的味道，真係唔能夠同呢種用新鮮豬肉，爽甜椰菜嘅店比。唯一可惜嘅係，有一隻餃子咬到碎骨，可能呢個就係用鮮肉嘅缺點吧，畢竟我媽包的餃子也會這樣湯底都係家常煲湯嘅味道，就是粟米蘿蔔湯加沙葛無花果，比較甜雞胸肉串燒保持水準 絕對唔鞋媽媽腳受傷後，太耐無食到好食嘅餃子了一個人咁就食咗100蚊 大滿足…查看更多

已經試晒全部menu上有興趣嘅嘢:)真係幾抵食牛扒食咗兩次 但有一次比較多筋 運氣唔好不過咁平又大塊都無咩投訴嘅 呢個價位呢個質素嘅牛扒除咗觀塘某一間知名餐廳同那個light 都無乜邊間做到 牛肝菌汁同龍蝦汁都唔錯 辣汁就辣咗啲 我麻麻哋魚柳幾大塊 切開入面仲要juicy有汁嘅有啲驚喜證明佢哋食材處理同烹飪方式應該幾好 抵食之餘 用心處理食材 不過牛扒同魚柳配菜都係出面自助任食嘅沙律菜如果可以跟其他餐咁有其他配菜就好了最欣賞都仲係佢哋嘅雞胸 除咗表面有啲蛋白唔太美觀之外 真係處理得好好 口感有80%似雞扒 壽喜燒牛肉 食過三次 中間嗰次很難咬又比較肥 但其餘兩次係唔錯嘅想睇嘅可以睇返我上一個食評 Btw想食飽啲要揀紅米飯/原個焗薯 薯仔粒份量偏少芒果沙冰跟餐$25 正常糖水鋪嘅水平 嗰盞燈每張枱面都有 係店家今年出嘅月餅盒嚟另外我發現手機落單時在網站登記會員有9折券用 更抵食 無加一再九折 真係抵到爛另外店內仲有chiiwaka 汽水賣不過有一次晚上7點幾去到 沙律菜 水 都無refill 要提醒店員先做嘢:(其實店家可以自己留意一下 因本人社恐 希望可以唔洗講嘢行返出門口…查看更多

網上見到呢間價錢實惠嘅健康餐餐廳，突地搭到奧運站行過嚟試，一出地鐵站見到出面落大雨，但沿著A出口睇住google map跟住啲天橋行咗5分鐘左右落到地面斜對面幾步就到，好在都唔洗淋雨。位置實在係有點偏僻揀了壽喜燒牛肉便當加雞胸一塊同冰杯 澱粉選了薯仔 有紅米飯 椰菜花飯 黑松露焗薯揀 雞胸十分有驚喜，$15一塊份量起碼有150g 難怪敢聲稱有40g蛋白質，目測用了大量蛋白腌制，叮熱後表面佈滿蛋白，口感極似雞扒，我以前食過有呢種口感嘅雞胸只有大x活，不過佢比大x活再好食啲，夠厚而且厚度口感均衡，呀活嗰塊通常只有半塊的口感好食厚薄不一，而且要加$20 仲要細塊啲。壽喜燒牛肉份量充足，夠厚又不會滿是肥膏，其實一般人唔洗加雞胸都絕對夠飽有凸。底下仲有椰菜花、枝豆、菇同兩片紅蘿蔔 自助吧就是提供紅茶、即磨咖啡機、同沙律菜，我$3加了冰杯，但冰杯太高要用紙杯去裝再倒入冰杯，雖然咖啡任添，但飲完一杯已經無乜冰了，所以我添了紅茶，味道正常，個人不太會評價咖啡。呢間仲係一間台式甜品店，但我得自己一個就唔試了，無人幫忙分擔傷害健康餐嚟講價格同味道都非常好，個人其實不太喜歡poke bowl，唔係因為唔好食，而係因為偏貴又無乜烹調技術可言，不如去食壽司郎仲開心。但此店位置真係有點偏僻，希望之後會開多啲分店或者開網店賣雞胸牛肉都唔錯…查看更多

串燒價錢唔貴 幾抵食 餃子口味選擇不算多 但都有素餃選擇 會想有白菜/西洋菜之類的選擇椰菜冬菇木耳豬肉湯餃 大大隻 但調味很淡除了材料本身的味道可能連鹽都落咗好少好少 本身不是重口味的人都覺得淡 但可選擇用辣菜莆伴食 湯底足料 除咗蕃茄仲有肉碎薯仔和蘿蔔最驚喜的是雞胸肉串燒 腌過香料夠入味又不會鞋 仲要只係11蚊1串可以睇到煮食過程 感覺比較衛生 但店員煮食工作期間有時會愁眉苦臉得有點誇張 但絕不是話她們態度「西」，留意到佢哋對客人都不錯且有笑容 但望住佢哋煮食時的愁眉苦臉真的讓人有點不自在呢知道她們工作辛苦 但都想善意提醒一下她們 工作時也可以輕鬆一點 新年希望她們用心製作的小店生意興隆 笑口常開喺我打緊食評嘅時候 老闆娘突然請眾食客試食涼瓜同韭菜餃 睇嚟對自己很有信心 想比大家試吓其他口味的餃子雖然我還不到愛吃涼瓜的年紀 但這涼瓜餃沒什麼苦味 口感也爽脆 韭菜餃的韭菜都幾嫩 不會食到有「渣」 感覺食材品質好又新鮮…查看更多

香港好似無乜聽過泰北麵所以就去試吓平時食泰國菜通常都好重調味 但今次食泰北麵所以嘢整體口味都偏淡 除咗雞髀腌得好好味 最好食係隻雞髀 炸麵再配底下看似濃厚嘅醬汁 但其實啲汁味道都幾淡 另一碗湯麵就類似越南河 但都係淡 不過有提供魚露同辣椒油辣椒粉 比你自己調味。。。蝦餅都見到有唔少蝦肉 不過實在係食唔出任何蝦味:(55蚊4件真係麻麻地店鋪環境衛生正常 食完去隔離食芋圓圓仲有折扣 我好鍾意佢哋嘅仙草芋圓 不過下次可能過對面食月橋再食芋圓圓好過。。。。。…查看更多

門口大大個牌寫住晚市套餐入到去問佢攞晚市套餐餐牌就話星期五六日晚上唔供應 咁你唔好棟個牌喺門口啦 而且個牌上面都無寫過咩唔供應囉唔怪之得店舖唔大仲有咁多空位 做生意咁唔老實 抵你無乜人幫襯！…查看更多

小店空間細 枱亦都比較細可以接受 想叫炸雞加部隊鍋但驚佢唔夠位擺 所以落單前先詢問店員：唔該，如果叫炸雞加部隊鍋夠唔夠位擺？點知得到店員非常唔耐煩又無禮貌嘅回覆：「我點都剩係比一張枱你架咋喎。」你其實無回應過我嘅問題囉，講到我夾硬要多張枱咁 你可以答我夠位擺/唔夠位擺 如果唔夠位擺你可以話食完一樣收走再上另一樣，咁答到底係咩意思呢，我想即刻走人，但由於一坐低佢就擺低咗前菜亦都食咗啲，朋友話唔好走所以就食埋先走期間又再次聽到嗰位店員回覆客人可以幾無禮貌，有位小姐入嚟：可唔可以留位8點先過嚟食呀？店員又係非常唔耐煩地：我哋呢度無得訂位㗎喎 人哋有禮地詢問，點解要受到佢嘅鄙視呢，不過我都希望自己係嗰位小姐，可以唔洗食就走人…查看更多

有任食火鍋選擇 但因為第一次吃 所以選擇了晚市套餐 套餐附有肉燥飯，熱飲和油菜 朋友選了泡椒酸菜魚（中辣）真正的泡椒其實比較少，反而紅色的辣椒很多，可能是點了中辣的緣故🤔因為泡椒經腌製過，本是比較辣度低的，所以需要紅色辣椒增加辣味，但對於不太能吃辣的我來說這有點超過我能吃的辣度了而我選的藤椒魚（小辣）辣度相對溫和，而且麻味比較重，麻跟辣味兩者融洽在一起，湯也沒那麼紅紅油油的嚇人。兩款魚的底料只有些微的差別 但都有萵荀、金菇、芽菜等 而肉燥飯較一般，肉燥飯也偏咸，但肉燥飯淋上湯汁之後混在一起吃就非常惹味了😝 魚片數量不少，只有兩片魚有一條魚刺，但也很容易吃了～ 價錢覺得很經濟 畢竟其他店這樣一碗酸菜魚已經要價一百多元了！特別是在沒留意之下收到了附送的油菜，又吃魚又吃菜感覺很健康😝店員服務也很親切，很滿意也很舒服的一餐 最後去了附近的糖水鋪吃了糖水又是一天幸福的生活～ 下次來吃火鍋前會訂位 因為見到其他人提前訂位吃火鍋就會預留卡位比佢哋 卡位不擠逼 就算4人吃也坐得比較鬆動～…查看更多

眾所週知，深水埗區起碼五六間正常既拉/沾麵店，黑岩，一京，隱家等等，諗住呢間野夠膽係深水埗開店，唔會差得去邊啦，點知就係中大伏，而且呢間野新開張免加一，緊係快手試左先，呢個決定真係令我後悔莫及🤮一福豬骨拉麵，硬膠麵質，無乜味既味精豬骨湯，食味千，五十嵐，或者自己煮個出前一丁豬骨味都絕對絕對好食過佢，起碼唔洗比$75食呢啲野先啦。叉燒飯，65定75蚊，連珍珠米都唔係，無味叉燒，CLS，唔知食緊乜。佢啲小食拉麵店黎講都算係中上級價錢，所以諗住佢啲野好食先再叫小食或者雪糕，唔洗啦，食完即刻走人掃下街填飽返個肚。等左咁多日終於係openrice search到佢啦，即刻寫返個食評先，未試過食到咁嬲。…查看更多

因為睇皇上演唱會，所以就係紅磡附近食晚餐，之前都有bookmark過呢間漢堡，決定一試！位置都幾偏僻下，係科學館個邊既小巷轉角，唔易搵，不過都見到有幾枱客，應該唔差。蜜糖芥末菠蘿豬堡好juicy，好鍾意佢個醬，菠蘿唔酸，好正，下次想食雞扒堡朋友話個牛堡夠牛味同juicy，好食！炸物即叫即炸唔會差炸燒賣配沙律醬唔係好夾，如果配千島醬會更好。炸雞翼外脆內軟，配以香草調味，唔錯！薯格熱辣辣都係咁正如果有機會再黎到附近一定再食！…查看更多

上網見到有人推介呢間野，所以用openrice訂了座1800，訂座二人餐係有八折架，跟住我睇完戲去食竟然話取消左我訂座，因為打唔通我個電話，okay可能戲院收唔到，但係我無見到你有寫過一定要聽你地電話如果唔係就會取消booking囉，如果唔係我一定戲都唔睇等你電話啦！我已經唔太想食呢間野架啦，但朋友堅持想試下，咁無計啦，我地唯有大熱天時坐出面了，一路食一路有人行過，用同情既目光望住我地幾個傻仔，我諗係因為佢地都知呢間野幾難食😖咁我地就叫左個二人餐，因為有八折嘛，但原來呢佢個menu咁樣但佢係計原價438再八折，真係識計數呀，食完佢啲咁既野，再睇到張單咁計真係嬲到震首先黎左個蕃茄湯同餐包，餐包正正常常，個湯就好酸兼且好似飲緊嘔吐物咁🤮，飲完個湯，對接下來既食物開始感到不安...跟住侍應出黎派碟比我地，佢當住我面徒手抹我隻碟，因為隻碟面頭有啲黑色物體...阿小姐你當住我地面咁樣做，即刻無晒食慾，雖然我知出街食唔好怕污糟，但你識唔識換過隻碟或者唔好係客人面前咁樣做😂白酒煮鮮蜆，望落幾好，但試一試個汁，水黎既喂，不過唔緊要，啲蜆夠鮮咪得囉！😂不過啲蜆原來連沙都唔識吐，一食成口沙，之後我就唯有代替隻蜆吐沙啦真係好有趣呀，有得食又有得玩！第一隻蜆就搞到我成隻碟都係沙，最後唯有用佢兜蜆水黎洗碟啦原來啲無味水係咁用架，amazing!跟住係炸得唔夠燶，啲汁又奶味重過芝士味既薯角，承惠$68跟住主菜個牛呢，我無形象啦，因為執邊個啲煙肉薯仔仲好食啲，btw個牛加左$78轉架呢個最正常，無咩值得讚同彈，完。最後仲見到佢用原價黎八折，真係忍唔住寫呢篇咁負面既負評，同埋講一個字既粗口…查看更多

老豆食過話好好食，啲雞好滑，湯又好飲，所以晚餐就外賣左個海南雞飯比我啦。首先隨餐附送既南瓜蘿蔔雞湯真材實料，好鮮甜，比起住家湯更有雞味，畢竟主打去骨海南雞，一煲湯都唔知落左幾多雞骨重點啲雞肉極嫩滑且剛好熟透，有小量血水但唔會食到有血味，忍唔住連皮食晒！（平時怕肥所以唔食雞皮的）😂隻雞應該用鹽腌過，餸飯一流睇圖都應該睇得出佢好滑，就算雞胸都唔會覺得鞋，我估要整到咁滑又岩岩好熟應該係用左慢煮先做到。飯比較乾但都有味，另外仲有甜豉油同薑蓉比你點，但佢本身有味，我覺得原汁原味更正總結，五十幾蚊同一般晚餐比係比較貴，但如果同其他海南雞飯比（e.g x潮 x國人海南雞）質素超班之餘份量充仲要平唔小，雖然位置較偏僻，但係我諗我已經唔會再食其他個啲海南雞了…查看更多

一入去見到周圍既牆掛滿刀刀劍劍，幾得意，應該係以武林江湖為主題，坐低就比佢本menu吸引，原來張張枱既menu都係唔同既武林祕及其實我想學九陽神功多啲架自選臘腸田雞滑雞煲仔飯$78 - 煲仔飯真係好食，估唔到佢比既豬油同豉油都係熱既，好有heart，仲要係自家製豬油，臘腸都唔係啲cheap貨幾好食，不過田雞有點過熟所以太淋，滑雞都正常，飯焦岩岩好，唔係太痴，只有好小部分係比較難刮，個煲仔飯絕對好食過小弟之前係廟街食過好出名排晒長龍個間，不過份量唔算多，一煲大概有三碗飯，男仔食一煲應該差不多。油鹽水煮花甲$7x - 一路食一路數大概有廿幾隻味道岩岩好，唔會太咸，合格有餘，但無咩特別。蒜蓉燒扇貝時價$78 - 新鮮好食大大隻，燒得岩岩好，不過偏貴。蒜蓉燒茄子$48 - 好大隻，燒得幾好食，下次試下轉馬拉盞燒牛舌 - 唔係好淋個種而係有咬口又唔會太un ，有少少牛味，都唔錯。燒雞翼$22 - 普通，唔值。總結：值得推介既煲仔飯，但座位唔多，記得訂位，星期六晚六點半就滿座了。…查看更多

呢間小店除左burger出色之外，甜品亦都可謂蔗渣既價錢，燒鵝既味道。食過牛burger，五十幾蚊好食過burxxxman之流，認真抵食，不過其實只係食過一次，之後每次都係為左佢既甜品而來，畢竟在荃灣正餐選擇太多了甜品真係抵食，無論係焦糖燉蛋，抑或係梳乎厘班戟都係中上級數，梳乎厘班戟只係$28，抵到爛，而家每次去荃灣，飯後甜點都一定係佢。$28仲包一球雪糕（曲奇/綠茶味）或者可以轉椰奶布甸。即叫即製既梳乎厘熱辣辣配上凍既忌廉/雪糕，一熱一凍溝埋食真係好正！…查看更多