一福 (Closed)

眾所週知，深水埗區起碼五六間正常既拉/沾麵店，黑岩，一京，隱家等等，諗住呢間野夠膽係深水埗開店，唔會差得去邊啦，點知就係中大伏，而且呢間野新開張免加一，緊係快手試左先，呢個決定真係令我後悔莫及🤮一福豬骨拉麵，硬膠麵質，無乜味既味精豬骨湯，食味千，五十嵐，或者自己煮個出前一丁豬骨味都絕對絕對好食過佢，起碼唔洗比$75食呢啲野先啦。叉燒飯，65定75蚊，連珍珠米都唔係，無味叉燒，CLS，唔知食緊乜。佢啲小食拉麵店黎講都算係中上級價錢，所以諗住佢啲野好食先再叫小食或者雪糕，唔洗啦，食完即刻走人掃下街填飽返個肚。等左咁多日終於係openrice search到佢啦，即刻寫返個食評先，未試過食到咁嬲。