hiuming916's Profile

夜麻麻先黎食晚餐，打開app見到有間「小豬媽」，平時我叫開新鋪頭既外賣，都會慣性開open rice 睇下啲食評先，一開open rice,竟然寫佢收左工，但係app有得叫喎，就打個電話問清楚先，原來「小豬媽」係收凌晨2點架，希望open rice 快啲改番個營業時間，唔係會好多人都錯過左依間小店🥹一共叫左7樣野：-小豬媽炸醬麵原諒我撈到佢亂哂🤣一黎到個麵好靚架，仲好多料，但係太肚餓食緊先記得影相，搞到啲料係哂個底度，叫外賣麵最怕係啲麵會焗到淋哂，但係佢依隻麵仲保持到彈牙，肉碎好冧好入味，個面有啲蒜茸，撈埋一齊仲勁香口！！-小豬媽手工煎餃我叫左椰菜粟米豬肉餃，睇相可以睇到佢好足料，但係睇唔到佢咬開個一下既爆汁！我一打開見佢啲餃係炸既，仲心諗一定會炸到乾哂🥲點知有驚喜！勁多汁，個餡仲好入味，佢一份有十隻，我食左6隻已經飽飽地🤣🤣佢仲有跟左個餃子汁，一樣咁出色！個餃子點左佢即刻開胃左，佢個汁係辣椒油同醋整既，但係提鮮得黎又唔會過咸過辣！個味調得岩岩好！一定要試-拍青瓜，涼拌蓮藕，無骨鳳爪全部我都要左小辣拍青瓜我鐘意佢會清左個青瓜囊，因為唔清既話就會係咁出水而拎到碟青瓜冇哂味，佢清左就可以保持到青瓜既清爽！蓮藕都好好食，但係就係普通涼拌蓮藕，係好食既，不過冇咩特別點可以講🤣無骨鳳爪，佢個簡介係寫酸酸甜甜小小辣辣完全冇錯，佢個酸甜係食左會開胃既酸，好正，一份都唔小，唯一美中不足就係可能白蘿蔔未當造，食落有啲苦-腐竹雞蛋糖水最欣賞係佢小甜仲要好足料！宜家好小食到腐竹雞蛋係有白果🥹腐竹，薏米，白果，雞蛋有齊哂真係好開心，又好好味-茶葉蛋睇個顏色好深色，可惜唔入味🥹唯一一樣唔推薦既野食🤣可惜我一個月先番娘家一次🥹🥹唔係我應該會成日叫，夏天係食麵，涼拌，餃子，糖水既日子，依間「小豬媽」正正滿足哂我既要求🤣🤣…Read More

22-03-2023我地一行8人去屯門三聖村「南記海鮮飯店」朋友早啲去附近街市買定海鮮，拎黎南記安排點煮，到5點半左右等齊人，就叫侍應可以安排上菜，等到6點15分，都未有菜上，就問其中一位四眼叔叔，點解仲未上，我地一共追左2次，2次四眼叔叔都話：「肚餓啊？點解唔叫隻燒鵝食啊？」我地懷疑因為我地冇叫到南記入邊既餸同埋燒鵝，就專登遲遲唔上菜，因為我地5點半叫上菜，佢地鋪頭既客人連一半都冇，係都要拖到最後先幫我地上菜，去到7點，我朋友忍唔住再問四眼叔叔，我地等左成個幾鐘，湯都未見到有得飲喎，跟著15分鐘之後啲海鮮就好快咁上哂！第一道菜-「脆皮芝士焗龍蝦」不愧係招牌菜，真係好好食！個芝士醬唔會好濃味而搶左龍蝦既鮮味龍蝦焗得岩岩好，唔會過火，真心好食第2道菜-「椒鹽瀨尿蝦」我地懷疑南記用我地既新鮮瀨尿蝦，換左去比人地，因為我地買海鮮個度係識人，逐隻新鮮識跳既簡黎買，但黎到8隻入邊有2隻係梅架啲肉，同佢地職員反映，就話係我地啲蝦黎，我地拎黎唔關佢地事！第3道菜-「西芹炒花尾躉腩」依道菜煮得好好，肉冇過火，但味道偏淡第4道菜-「炆花尾躉骨腩」依個炆得好好食！好夠味但唔會過咸，不過一定要親熱食，凍左食就覺得好油🤣第5道菜-「鹽焗花螺」我地又懷疑佢地換左我地既花螺🫠因為我地簡既時候係一大袋，仲要粒粒都好平均好大隻，但黎到既時候變左做一兜仔用錫紙裝住，仲要啲螺放得好有技巧，大粒係面，底下個啲全部細細粒，咁樣幾好食都假啦，同侍應講又係一句：「你地帶黎既海鮮，我地唔清楚」第6道菜-「粉絲蒸消失的元貝」我地買海鮮個陣，人地寫係「特大蘇格蘭元貝」點都冇諗過送到上黎，睇唔到粒元貝係邊🤣我個人認為佢處理海鮮既時候，可以問下客人啲裙邊要唔要，我真係第一次見到會掉左我啲裙邊既鋪頭，仲要蒸到過哂火，有2個朋友牙口唔好，食唔到🫠後尾問番做凍肉批發既朋友，佢懷疑間鋪會唔會用急凍帶子換左我地新鮮既，因為急凍係有連殼帶子買，正正就係冇裙邊既第7道菜-「鹽焗重皮蟹」我第一次食重皮蟹，賣海鮮個姨姨叫我地一定要食埋個皮，真係冇得彈！好好食～第8道菜-「滾豆腐蜆肉魚骨湯」啲蜆係買海鮮既姨姨送既，但係佢送得太多🤣成5斤，個湯埋單要3舊水🤣蜆太多，變相個湯好咸，如果淡番小小其實好好味😋總結：「南記海鮮飯店」其實煮出黎既野係好食，不過加工費偏貴，不過係咪真係會發生我地懷疑既情況，我諗就見人見智喇，因為我地唔係搭朋友訂檯，我朋友就話以前托人訂檯，係冇發生過我地懷疑既情況，更加唔會等成個幾鐘先上菜，同逼人食燒鵝🤣🤣至於服務-啲服務員全部都愛理不理咁，全部都係「做就36唔做36」既態度，其實都幾無奈…Read More

今日黎左依度食，食食下見到個壽司師傅冇帶口罩咁整壽司，跟著我就同個高高大大既侍應講聲，叫佢提一提人，頂，個侍應同我講：「廚房唔帶唔緊要，冇影響架，樓面要對客先要帶」，咩話咩邏輯？咁既想法你啲野幾好食都死啦，仲要你啲野唔係好食喎，你賣生野嫁大佬！啲壽司飯勁大舊，一個壽司set D,有3-4件係白飯！唔夠醋飯用白飯湊夠數？唔知啦！隔黎枱有客人投訴冷氣對住個頭，問侍應可唔可以撥高啲冷氣葉，或者轉枱，侍應就話：「你坐隔黎張櫈啦，隔黎吹唔到嫁」我擰過去望，成張枱無死角吹到正一正，個客問可唔可以撥高少少，個侍應就話：「整唔到嫁冇得整嫁，你試下坐隔離張櫈啦」個客就：「得啦冇野喇」又成功俾侍應解決到一個問題👍🏻今餐飯我所見到就呢兩個問題，都被侍應以高超既應答技巧解決左👍🏻…Read More

話說生完bb之後就做左全職媽媽，逢星期日老公放假就會帶我地出省城，今日我地黎左荃灣行街，去到晚飯時間，老公就提議我地食一年前黎食過既「寶田源素食餐廳」一入到去，職員見到我地有bb車，即刻好主動咁安排座位比我地，又聊我個仔玩，我地叫左個「純素2人餐」套餐頭盤有：-芒果藜麥牛油果沙律沙律醬汁係醋汁，我鐘意佢落得唔算多，岩岩好啲料全部都有汁但唔會太多，芒果同車厘茄都好甜！-餐湯（今日係紅菜頭湯）我同老公都覺得今日個湯淡左啲不過個湯好夠熱！唔係暖既主菜「4選2」我地要左：-新鮮猴頭菇配薯菜第一次係新鮮既猴頭菇，平時煲湯掂都唔會掂，因為食唔到，但係原來新鮮既係好好食架，佢索哂啲汁，一咬落去啲汁湧哂出黎，正～薯菜就係炸薯條同啲西蘭花紅蘿蔔同黃，紅椒薯條脆身一啲都唔冧，啲菜我冇食，比左bb同老公食，見佢地食完又食，就知好味喇-燒菠蘿芝士素扒漢堡一黎到我同老公一齊嘩左一齊，好靚啊個擺盤老公切左一半比我，一咬落去啲菠蘿汁咇哂出黎，最好係一啲都唔酸，個包係熱辣辣，同埋好脆，應該係即時焗脆番，我老公好鐘意食佢個包，話佢外脆內軟好好味喎小食「4選2」我地要左：-香草玉醬焗大啡菇雜菜大啡菇有半個，跟著下邊分別係啲番茄，脆肉瓜，茄子，佢個醬食落佢好似肉醬意粉啲肉醬咁，連埋啲菇同菜一齊食都好夾，而且啲菜煎到好多汁，唔會話好乾-寶田源特色串燒依個串燒我一年之前食過，到宜家都仲念念不忘！因為佢個汁好好食啊！佢係沙嗲醬黎，仲要係好濃個隻，我地係拆左條串燒，逐舊餸點啲醬黎食，最好笑係我老公咬左一啖「串燒肉」就即刻吐出黎，同我講係肉黎架，我笑到收唔到聲，我記得我地第一次食個陣都一樣好懷疑，點解啲串燒可以整到好似食緊肉咁？甜品我地加左$38-「綠茶牛油果蛋糕」我諗個名係差唔多咁，原本我老公仲話唔夠飽，點知食埋個蛋糕就飽到要抖陣，我都唔識形容個蛋糕，佢唔係啲好鬆化既蛋糕，似係餅底咁，不過就實小小，但係夾埋佢中間個醬又出奇地夾，食完一啖又一啖，而且佢唔會好甜，用黎做結尾真係好好。最後餐茶係-桂花茶，一黎到好香既桂花味，我地仲以為係餐廳送既，因為多數啲花茶都要錢，但佢地用黎做餐茶真係好好，飲完個肚仔暖住咁走。今晚依餐我地食得好開心，而且店員好細心，知我地有bb車，有客黎都冇要我地拆檯，又會同bb傾計，又會問我地啲野好唔好食，我見之前既食評話佢地既服務唔係咁好，我諗佢地已經改善左喇，所有野佢地都好主動，我諗我地好快會再黎第3次…Read More

次次老公接收工，話要出街食我就會覺得好苦惱，點解呢？因為好似男同女掉轉左咁啊，次次都係佢叫我諗食咩，老麥？好熱氣，壽司？成日食生冷野，韓國，泰國，平野貴野，講乜都唔滿意😂今次黎到依間「Sixer Burger」佢就突然話想食，咁就一天都光哂，就走入去食啦！一坐低，原來有好多選擇，我依啲選擇困難症既人真係簡得好辛苦，因為樣樣都想食啊😜最後兩公婆簡左--「牛肉啡菇芝士漢堡」配薯條，可樂一上檯見到佢咁大份已經好興奮，首先講個包先，好脆口，我覺得佢似出邊食奶油豬個隻豬仔包既口感，老公切左舊啡菇比我食，一切啲汁流哂出黎，舊啡菇一啲都唔乾，淡淡都係汁，好正～而個牛肉睇落去好似乾乾地咁，但其實食到中間都係好多肉汁，可惜舊牛太易散，一想切開一半就散左🤔最後老公要用把叉磅住舊牛同啡菇一齊食，咁就冇食到咁狼狽。跟餐粗薯條-新鮮炸好，好脆入邊仲熱辣辣👍🏻老公話個薯條有啲咸，我就覺得岩岩好-「芥末籽醬牛肉漢堡」配沙律，可樂首先講個醬，個醬份量比較小，小到我連埋番茄牛肉同包一齊食，係完全食唔到個醬既味，我建議醬可以多番啲，而我個牛肉都係一樣食到中間好多肉汁～跟餐沙律-沙律汁係油醋汁黎，我鐘意佢分開上個汁，咁樣就可以比客人自己選擇落幾多汁總括黎講都唔差啊，下次會再黎試下佢既意粉…Read More

近排心血來潮好想試下韓國出名既「醬油蟹」咁就上網睇下邊度有得食，咁岩睇到openrice，「新麻蒲」又有燒肉食，又有醬油蟹，醬油蝦好多選擇，咁就約老公係31-05-2018 收工食喇。到左新到會見到已經有人排隊，我地都好開心諗住咁多人食，openrice啲人又講到好好食實冇死啦，咁就入到去，叫左：-SS5 牛/豬套餐 -醬油蟹 一份-醬油蝦一份一坐低見到成檯都係配菜，有泡菜，海帶，芽菜，洋蔥，蘿蔔，沙律，生菜，芝士粟米-醬油蝦我都係第一次食，我覺得個蝦頭啲膏都幾甜，啲肉冇咩味，似食緊生蝦刺身，點左佢跟黎既醬油會好食啲-醬油蟹依份醬油蟹真係好離譜！一黎到睇落去好似好好食架，又有膏，但係完全咸到食唔到！2百蚊一份蟹係可以咸到食唔到，直頭我同我老公想頂硬上唔好哂野食埋佢都做唔到，係食到我地怕怕，就係依份蟹嬲到我地要上黎openrice比負評。-SS5 牛/豬套餐套餐部隊鍋 -最快黎到 入邊有一個公仔麵，餐肉，腸仔，菇，泡菜啲餐肉係好粉好霉，啲菇好入味，個公仔麵我地諗住要煮就食左醬油蝦先，點知食完個蝦再食個麵，已經淋到唔好食，其實我覺得個部隊鍋可以由得個客人幾時煮先開火煮套餐霜降牛肉-有4塊，一開始燒諗住半生熟咁包生菜食，點知咬唔開喎，咁諗可能係隻牛唔係for半生熟食，要燒耐啲先食，另外個兩塊燒到全熟，都係咬唔到，要剪碎左先食到套餐護心肉-係豬肉黎既，冇乜特別，因為我地已經食到冇哂期望套餐牛排骨-其實即係牛肋條，個味甜甜地，又多肉汁幾好食，佢好食係因為陣味係似出邊買醃好左用黎燒野食啲醃肉，完全冇肉味套餐拼盤-腸仔幾好食，燒到個皮脆脆地，兩隻大蝦又係霉既，反而佢啲冬菇同雞比菇係最好食套餐火脊牛肉壽司-佢係黎到先至係你面前燒，叫有啲睇頭，但係佢燒到啲牛熟哂，乾到唔知自己食咩肉套餐飲品- 我地叫左兩杯青提子果醋，佢奇在一啲都唔酸，仲好飲支支冰好假既糖水味套餐甜品-我地加12蚊升級做綿花豬古力雪花冰 啲綿花糖燒左個面脆卜卜好味埋單一供$952蚊，但係就食到成肚火依個價錢食依啲垃圾，真係永遠都唔會再黎…Read More

自從大家畢左業後，要約得齊人食飯都變左一件難事，由最初成日見，慢慢變到一個月，幾個月，半年，到宜家一年先見到一次，雖然耐冇見，但友情依舊不變以前聚會約親都係食放題，打邊爐依啲任食既餐廳，貪佢咩都有得食，直至有朋友頂唔順，提議今餐轉轉口味，轉到黎食「大都烤鴨」「大都烤鴨」（半隻）-一坐低就即刻叫左個招牌先，叫完過左一陣，就有個廚師走埋黎拎住隻鴨同你講，一陣就係切依隻鴨既一半比我地食，鴨片得夠大塊，我地5個人，一人都食到兩塊左右，配料可以比多小小，太小配料搞到要就住就住咁夾，因為師傅片鴨既時候會片埋啲肥膏走，所以食落一啲都唔油，連埋配料一齊食會覺得好爽脆「野菌炒鴨絲」-野菌夠入味，唔會過咸，可惜鴨絲太小，食到最後直頭搵唔到鴨絲既蹤影「醉雞」-聞落去好香酒味，以為咁重酒味食落口會好苦，但係食落又唔苦，雞肉夠嫩滑，好味。「小籠包」-每次食小籠包都一定要好小心，個皮一穿左就大件事，小籠包皮夠薄，汁略小，不過汁同肉都好鮮甜「松子魚」-唔知魚係咪炸定呢？叫完好快送到上檯，可惜魚肉一啲都唔脆，浪費左啲汁，汁甜酸度岩岩好而且汁夠多，舊舊魚肉都充滿哂甜酸汁，用黎送飯食一流「黃金蝦仁炒飯」-一送上檯就聞到好香，個飯用咸蛋黎炒，好惹味，連埋放係上邊既木魚一齊食，成個飯變到好香口，真係可以食十碗「貝勒燕蕃薯」-食甜品既時候，大家都比佢張圖片吸引住，我地諗住應該好似食反沙芋咁，送到上黎係超級熱，而且唔會太甜，上邊啲糖唔會庶到蕃薯既甜味，好想食完一舊到一舊👍🏻…Read More

18/3約左班朋友仔去K11食飯，咁岩醒起附近有間飲台式茶出名既「茶理史」，見未齊人就行去睇下有咩飲喇。「腐竹白玉奶茶」（微冰半糖）-飲落去好似飲豆漿咁，可惜珍珠太甜，一大陣糖水味，同奶茶撈暈左就好似飲緊成杯糖水咁。珍珠夠煙韌「薄荷可可鮮乳地瓜小芋圓」（正常）-好重朱古力味👍🏻薄荷味適中，我覺得岩岩好芋圓咬到有芋頭粒，不過冇珍珠咁煙韌芋圓唔甜反而食到有芋頭味，原來芋圓同朱古力唔夾😂下次識叫唔叫朱古力「蘭貴人烏龍」-好濃既烏龍茶，唔會澀「茉莉銀毫香片」-聞到好香既茉莉味，不過太濃有啲苦，飲一半加番啲水就岩岩好。「京都八重櫻花白茶」-睇佢個貼紙係寫住甜茶，以為飲落去係甜🤔點知原來同個甜字扯唔上關係😂我覺得飲落去有啲苦，不過可以接受到用黎夏天解渴應該唔錯…Read More

星期五約左幾個朋友食飯傾計，原來宜家好多餐廳全部都有限時🤫想搵間餐廳同朋友傾下計都難😔卜依間餐廳個陣打左個電話黎問係咪冇限時🤔有職員答我不限時，但入坐職員就話有90分鐘限時，不過佢地態度十分好👍🏻即刻話可能係同事搞錯，帶位同事話有客入會比其他位入先，到最後我地坐左4個鐘都冇人趕👏🏽👏🏽我地5個人叫左「安格斯肉眼」- 3成熟 兩個-兩個三成熟但係送到上黎兩份既熟度都唔同😂入口冧，容易咬，但係冇咩牛味。「巴馬火腿沙律」-冇咩特別，沙律醬太小，小到撈唔到沙律。「水牛城雞翼」-好味，唔會太辣，雞翼入邊好多汁😛「墨魚汁大蝦意粉」-個墨魚汁好好味，佢地話食得出係真既墨魚汁而唔係色素👍🏻意粉偏硬「卡邦尼意粉」-都係意粉偏硬，啲汁岩岩好，唔會過咸。「千島海鮮薄餅」-十分足料，啖啖都食到海鮮同芝士👍🏻飲品：手工啤酒「蜜麥」-小麥味重，但係飲唔出有蜜味🤔手工啤酒「港男」-朋友話冇乜野😂啤酒一支Cocktails「nothing」-酒味太淡，濃番小小就好飲好多特飲「可遇不可求」-朋友話好飲，冇咩野沙冰「士多啤梨奶昔沙冰」-朋友話成杯野都好甜，好似藥水，唔好飲最後職員話我地經openrice訂位，會送甜品比我地，就送左三個賣相好靚既意式甜品🤫…Read More

之前同好友行街既時候，佢同我講好想食依間泡飯，咁就約左佢星期六黎食，睇食評話要排好耐隊，咁岩見到openrice原來有得訂位，咁就卜左星期六晚上六點半。我地準時六點半到已經見到有好多人排緊隊，比左訂位cap圖老闆睇，等左大約10分鐘就安排到我地入去喇～真係好快。一坐低就發覺餐廳冷氣好足，我地仲以為會好熱食到出哂汗，點知原來餐廳冷氣係好夠凍👍🏻👍🏻同朋友一人叫左一個「花膠螺頭雞煲翅」另外叫左一個「生灼墨魚圈」我地個餐一個跟拉麵，一個跟公仔麵。我地諗住個麵係一個熟麵冇湯～點知黎到個麵有個清湯跟，我同朋友都話早知叫飯就冇食得咁狼狽。「花膠螺頭雞煲翅」一飲個湯好濃，好香，螺頭同花膠都煲到好冧，容易咬開，隻雞有半隻，一撕開入邊仲有雞汁流出黎，雞肉唔鞋，入味😝「生灼墨魚圈」好細碟😂不過好好食，灼得岩岩好，唔會韌。個豉油加左啲辣椒，用黎點墨魚提味，如果碟墨魚可以多兩舊就好喇😛😛…Read More