Dick Plus Sze Sze's Profile

今日同老婆收工係尖沙咀搵食，行經金輝大廈見到開左間新餐廳，名字有趣又易記，叫香香宮煮，就入去睇下有咩食，入內裝修好有宮廷feel，好似置身古代一樣，老婆已經不停打卡。連點餐紙都很特別，大家唔食都可以上去睇睇，哈哈。湯底選擇很多，我們點了一個豬骨湯底，一個牛拼盤，一些菜及餃。湯底味道濃郁料又多，有別於很多火鍋店只係比煲湯你。牛拼盤內有多款牛肉，亦有不同部位，可能新開，人不多，店員細心解說了一翻，兩個人食牛亦食得很滿足。餃子一看便知是即製，絕非工場科可比。整體來就食物新鮮，製作用心，會介紹多d 朋友幫襯。…Read More

囡囡一向在馬寶學林補習，見呢間火鍋店剛開不久，裝修望落又幾靚，就一家大細假期黎試下，可能因為新開，所以人未算好多，但係食完覺得可以推介一下。成家人都鍾意食辣於是就點咗個麻辣火鍋， 麻辣火鍋嚟講呢個都印象好深刻，因為其實佢又唔係好辣，但係呢就好麻同埋好香，個湯仲令到啲食物都好有麻辣香。其實叫咗唔少嘢，不過講番幾味比較特別的，首先佢呢個鴨血食，咁大個人都未食過，味道鮮甜加上麻辣火鍋嘅香味個人應為係絕配。幾款丸裏面呢我就推介豬肉丸， 六點半點解個沙葛口感一流。牛呢就點咗安格斯，雖然呢價錢呢就係最實惠嗰款，但係呢質素都非常之唔錯呀。埋單都係三百零蚊一個人， 可以帶朋友嚟再食多次。…Read More

試問，有誰沒有在家中吃過鹹蛋蒸肉餅？出街吃飯，永遠和在家中吃的有分別，今次到來這間肉餅專門店，不知可否尋回一點家的感覺呢？一看見這款鹹蛋肉餅，就知道是不同的，因為媽媽永遠不會用那麼多鹹蛋黃，原來這就是金沙蛋黃，媽媽也不會選擇煎的方法，一定會選擇用蒸的。意想不到的，煎比起蒸，香脆很多， 比起媽媽煮的，大不同， 只能夠膽說一句，各有各好。在一個十分香口的肉餅上，加上熱騰騰的鹹蛋黃醬汁， 惹味，香口，十分出色的配搭，再配合菜飯，回味中。…Read More

今日左敦見客，客人介紹到此餐廳，午餐唔平，但物有所值，絕對可以再黎先上餐前湯同餐包，是磨菇湯，磨菇味香濃，加上香脆的包粒，口感豐富，已經先聲奪人因為第一次食，沒有點較貴價的扒餐，但客人點了，見扒餐一上台，馬上後悔，因為好大份，賣相一流，配上薯蓉，直頭睇樣就覺得自己走寶講返自己個焗飯，好味，炒飯底，選用的牛粒是真材實料，牛味十足，個汁加上芝士味道一流，美中不足可能就係汁太多，令飯不夠乾食食完飯加件意大利芝士西餅做甜品，不算大件，味道幾甘香一百蚊有找算物有所值，不過下次黎要食佢一百蚊唔夠比的扒餐…Read More

人生得意須盡歡，莫使金樽空對月今晚同幾個知己良朋約左黎呢間乾杯串燒居酒屋，店內氣氛真係非常適合三五知己把酒談歡，一坐就三粒鐘，仲飲左好多，返到屋企差D比老婆問罪講返食物，選擇多不在講，樣樣都幾好味，加上環境同酒精，快樂的時間過得特別快重點推介食物有蒜蓉燒蠔，大大隻，一食就知係廣島蠔，味道一流其次要數台灣肉腸，其實我次次去台灣都有買，唔多餐廳有得食，一見到就即點，幾款口味，條條甘香仲有燒魷魚，燒得剛剛好，不老不嫩，非常彈牙，燒汁配答十分美味其他肉類串燒，不算得上特別，但燒出豬牛羊味的原味，不正是串燒的特色嗎？服務不錯，適時問人加唔加酒，醒目埋單位位300，飲埋酒，價錢合理…Read More

近來愛吃串燒，貪佢可以食出食物的原味，在尖沙咀收工，於是約埋老婆去試呢間新野店鋪裝修同店名一樣給人逍遙自在的感覺，睇得出店主在此花過心思，有意思講返食物，種類都幾多，單係雞就已經有多達8種選擇，當中蒜蓉燒雞翼同鹽燒雞軟骨都係本人推介以下是重點推介，味道真係唔錯芝士焗扇貝，芝士味香又不蓋過扇貝的鮮味，而且夠大隻，推介吉烈炸蠔，粉唔厚，咬落去feel到d 蠔汁爆出黎，勁juicy燒魷魚筒，原條上，大大份，個汁仲好好味，必食之選服務員招呼好殷勤，個個都幾好笑容，香港人，食飯除了食物，服務都好重要，比個讚佢地…Read More

睇openrice 話呢間野平均消費100-200，於是就幾個朋友約埋一齊去食喇，點知一睇個餐牌就知無300-400落唔到樓OK, 尖沙咀平極有限，於是都唔理價錢照點，點知物非所值首先金菇肥牛卷理應甚難失手，點知佢肥牛燒到牛用乾咁，失敗燒聖子，成舊水得兩隻，唔大隻都算，仲要12成熟，OMG燒露筍，又一大伏，得幾條，仲要有渣5x蚊一粒的蒜蓉燒帶子，蒜蓉太多，好似食蒜蓉多過食帶子燒羊肉串，可能見人見致，個人覺得唔膻的唔係羊，講完全晚得隻燒香蕉叫幾特別，反而只收16蚊，當甜品店食可能另有一種風味…Read More

男人到中年，有幾個知心好友，可以同自己拍住一齊上，共同進退，共渡難關，同慶歡騰，實在係一件美事今日對我黎講係非常特別的一天，於是就約埋一班老死，一行5人出黎聚一聚。因為係尖沙咀工作，真係咩都食過晒，就約左係一間新餐廳到食，就係呢間叫Hungry Bird 的餐廳店內裝修簡單得不失格調，可能因為新開關係，第4台客，非常適合我地暢所慾言。講返食物，令我印象最深刻就係個烤冬陰功汁黑豚肉，有一層焗皮，層皮可以點入面D 汁食，而且D 汁無論夾黑豚肉定層皮都非常夾，不像傳統的冬陰功，但有好特別。另一個我很喜歡的，就係燒韭菜，講真真係第一次食，非常惹味，極力推介。另外一人一客羊鞍，個個都話燒得剛剛好，既燒得乾身又保留肉汁。除了燒同焗的，仲有吉烈蠔同蝦，都係28蚊3隻，D蠔不算大，但非常鮮味，抵食，結果5個人加碼食左各3客。其實仲食左好多野，焗薯，鴨胸，砵仔蠔，樣樣都做得唔錯，連埋飲品，食到飽飽都係200唔洗蚊位坐足3粒鐘，勁抵下次我一定會再黎…Read More

假期前，同公司同事行遠少少食飯，朋友極力推介呢間韓餐個人唔多食，不過北京道1號就一向賣食物又賣景，一坐低已經比佢個海景帶出我的holiday mood ，可惜作為午餐，飲品實在太貴，唔想成舊水落樓，所以只係飲茶叫左佢個午餐，炆牛肋骨飯，牛肉味好噥，I like it, 個飯都軟硬適中。下次可以帶埋老婆黎晚餐了…Read More

今天同同事夜收工, 一齊去左亞士厘道搵野食, 一直都無發現原來有間板長,三個男人都幾鐘意食壽司於是入左去食坐低個WAITER 比左部IPAD 我地落單, 發覺是宵夜時段, 於是就狂點特價壽司 每款壽司叫3件 三文魚, 八爪魚, 火灸芝士三文魚, 劍魚, 吞拿魚軍艦, 和牛卷....太多不能盡錄可能人不多, 上菜算快, 各款魚生壽司都幾新鮮, 魚生以宵夜價錢都夠大件, 最好味就係以下呢款, 火灸芝士三文魚, 食到芝士味之餘又沒有蓋過三文魚的鮮味朋友就最鍾情吞拿魚軍艦, 佢話吞拿魚味唔似其他壽司店咁被salad味蓋過喎, 食完一件仲再加Order 要多兩件個人覺唯一就係個壽司飯少左醋味, 食物都非常不錯最重要係埋單個個人都飽飽都只係每位150蚊, 尖沙咀食壽司個人覺得都算係平霸…Read More

平日在尖沙咀返，每次經過都見呢間野排晒隊，一直都無食過，今日老婆接收工話想食，於是就去排隊排左近半粒鐘，終於入到去，坐低就叫左兩個牛肉石窩飯，同埋炒年糕上菜其實到幾快，5分鐘就出，見佢上菜咁快都排長龍真係令我充滿期待可惜期望同實情真係有幾大落差，三個字-無驚喜，個飯多菜少肉已經令我呢類食肉獸大打節扣，味道同一般韓國餐廳又沒大分別，個醬的味道仲有點偏甜，只可以話合格。至於個韓式炒年糕，就係本人第一次試，口感有點太軟，雖然不知是否地道韓國風味，個人就比較喜歡硬身一點雖然我老婆話ok, 但排半粒鐘我就覺得唔值law 總括黎講，唔洗排隊可以一試，要排隊就等下一次…Read More

今天工作又在尖沙咀，廣東道呢間上樓鋪勁有茶記Feel, 上到去又點我最愛的焗飯，今次午餐係鮮茄焗豬排飯，叫左個午餐，上飯個下真係有驚喜首先，佢不用2分鐘就到，另外，佢係連焗製時個鐵煱一齊上，熱辣辣之外仲有2大片豬排，味道算是不過不失，連冬飲都只係46蚊，在尖沙咀價錢叫合理最差就係佢上得快，收你碗碟更快，坐多陣都唔得，如果唔係我可能會再黎…Read More

本人喜歡食焗飯，因為乾身飯加上不的汁，比一般的飯口感更好之前對紅螞蟻印象都幾好，但尖沙咀呢間真係有少少失望昨天同朋友在Ashley Road搵食，見間紅螞蟻裝修幾靚，之前印象又幾好，於事就坐低點左個牛魔王棕咖哩焗飯，點知一食，成舊水一個焗飯，啲飯竟然是濕的:(:(，再好的醬汁同牛都已經令呢個焗飯失去靈魂。再食焗飯我都唔會搵呢間紅螞蟻…Read More