Aruspex's Profile

久仰天鴻大名已久, 但係身為元朗人既我一直都唔知間餐廳係邊... 今次總於的起心肝去揾, 原來就係我屋企隔離 鍾意有選擇既我永遠都唔會齋叫一味, 所以即使隻燒鵝好食到識飛都好我都堅持要雙併 - 就咁出事.油雞燒鵝飯 - 一上碟見到有雞比, 大喜, 但係食落隻雞都幾生, d 肉好 "un"... 而隻燒鵝就的確係有水準既, 皮脆肉嫩. 個人覺得燒鵝係同中環既一樂差唔多 - 無論係味道定價錢 杯凍奶茶幾好飲.…Read More

行到世貿中心想試下 d 未食過既日本餐廳, 於是走左入黑瀧揾食. 雖然講到明係蕎麥麵專門店, 但係大家今次都係想食壽司多過食麵…豚肉野菜沙律 – 豚肉既肉身好爽, 同麻醬好夾! 份量比想像中多, 醒胃前菜.珍寶壽司拼盤 – 今餐飯既主角! 24件壽司放係一塊 (條?) 好長既盛盤上面, 霸氣十足! 壽司既飯粒唔會一夾起就支離破碎,上面既刺身都好鮮甜! 可惜既係海膽同魚子壽司都各得一件, 要同飯腳鬥快夾 和牛卷 – 見住餐牌上既圖以為會好細份, 點知一上枱就發現其實都有一定份量! 入面既和牛絕無欺場, 咬落啖啖肉而唔會覺得好膩, 味道亦好有層次感, 絕對係今餐飯既驚喜!燒魷魚筒 – 貪口痕叫既一道菜, 味道不過不失, 有咬口得黎唔會以為自己食緊香口膠. 開頭無諗過件和牛卷咁飽肚, 所以食唔哂條魷魚 整體黎講份量都比預期大份, 如果想試多少少蕎麥麵以外既野食的話就真係要揾多幾個飯腳… 餐廳入面既裝修都幾靚, 坐得舒服.…Read More

約左朋友係旺角食飯. 周邊乜都食過哂, 就諗住試下呢間升級左既 Pokka. 見佢裝修左都一段時間, 其實都想試好耐.點完餸無耐就上左呢碟女生們堅持要點既前菜. 骨膠原啫喱本身無乜味道, 不過西柚汁加埋無花果清清甜甜既味道, 配返啫喱食落口既感覺其實都唔錯. 出面比較少見既一道菜, 所以我都唔堅持食我叫開既凱撒沙律.賣相幾靚, 但係份量就唔係好夠 6 個人分... 三種火腿之中淨係認得出最右面個隻係黑毛豬. 味道都唔錯, 其中黑毛豬鹹香味濃, 配埋鮮甜既蜜瓜, 正!! (佢地好鍾意用無花果做配菜?) 味道本身其實幾清甜, 唯獨係果渣比較多. 開頭我仲以為食到仙人掌針, 淆左一淆, 小心咁咬多兩啖先confirm 個 d 係果渣... 勇於嘗試既朋友可以 try 下.賣相吸引, 份量較小. 飯上面淋左層好香既洋蔥泡沫, 好惹味! 飯粒既軟硬度適中, 黑松露既味道亦唔會話太濃. 正! 好耐無食過咁足料既海鮮燴飯! 好大碗! 份量唔止兩個人食都得! 海鮮好新鮮, 食落好滿足! 飯底味道一般. (至於個幾片檸檬個人覺得有 d 多餘)今日既重頭戲! 雖然餐牌上面已經寫左要等45分鐘,但係等既時候其實時間真係過得幾慢 ... 塊排上枱個陣大家即刻歡呼! 話雖如此, 眼見面前咁大既一塊肉, 大家一時三刻都唔知點分好... 就係呢個時候, 侍應竟然主動問我地洗唔洗幫我地分埋! 聽到就緊係話好啦! 可惜無睇到個侍應叫咩名, 如果唔係我一定會係度公開讚揚佢一番!講返塊排個味道. 五成熟, 肉味比想像中豐富, 咬感唔錯, 食落又唔會話好似食香口膠咁嚼極都嚼唔爛. (就係價錢有 d 貴... 一定要同一大班人 share)本身自己唔係太鍾意食飯後甜品, 但係呢個格格脆堅係好食! 佢其實應該係一舊面包, 但係咬落去個下又好 crispy; 外脆內軟, 連埋雪糕同 d Tiramisu醬一啖咬落去個下真係無得頂!…Read More

食過幾次當吉都係為左塊吉列豬扒而來 – 到最近先留意到原來間餐廳個英文名係 Tonkichi Tonkatsu “SEAFOOD” – 有見及此, 今次約埋班朋友去試佢 d “seafood” (當然豬扒都依然係會食既)先上一客生蠔. 生蠔本身都幾鮮甜, 配埋上面既魚子同骨膠原啫喱另口感同味道都更上一層樓, 食落好 refreshing! 雖然有 d 貴, 但個人覺得值得.炸軟殼蟹 – 用佢地既炸物技術炸出黎既軟殼蟹. 脆身唔油膩, 完全無最憎既腥臭味,咬落去既感覺有 d 似食緊薯片. 配埋蘿蔔醋汁黎食都唔錯, 幾醒胃.魚生刺身 – 超級新鮮! 一食個口感就知唔係急凍貨, 每一啖都超級鮮甜! d 蘿蔔絲食落 “shot shot” 聲, 食得出真係新鮮刨落黎. 食魚生既時候記得食埋 d 蘿蔔, 唔好嘥!聽人話白菌黑松露斧飯味道較淡, 所以 order 左海膽黑松露斧飯. 開頭見到碗飯細細碗好似好 dry, 但係食落去 d 黑松露既味道好濃厚! 反而海膽既味道比較之下就無咁濃,飯粒先係主角.最後當然有唔洗介紹既招牌菜. 炸得鬆脆而不油膩, 仲要保留到其肉質同肉感, 唔容易係其他地方食到. 詳情可以參考其他食評.親切服務~…Read More