先上一客生蠔. 生蠔本身都幾鮮甜, 配埋上面既魚子同骨膠原啫喱另口感同味道都更上一層樓, 食落好 refreshing! 雖然有 d 貴, 但個人覺得值得.
炸軟殼蟹 – 用佢地既炸物技術炸出黎既軟殼蟹. 脆身唔油膩, 完全無最憎既腥臭味,咬落去既感覺有 d 似食緊薯片. 配埋蘿蔔醋汁黎食都唔錯, 幾醒胃.
魚生刺身 – 超級新鮮! 一食個口感就知唔係急凍貨, 每一啖都超級鮮甜! d 蘿蔔絲食落 “shot shot” 聲, 食得出真係新鮮刨落黎. 食魚生既時候記得食埋 d 蘿蔔, 唔好嘥!
聽人話白菌黑松露斧飯味道較淡, 所以 order 左海膽黑松露斧飯. 開頭見到碗飯細細碗好似好 dry, 但係食落去 d 黑松露既味道好濃厚! 反而海膽既味道比較之下就無咁濃,飯粒先係主角.
最後當然有唔洗介紹既招牌菜. 炸得鬆脆而不油膩, 仲要保留到其肉質同肉感, 唔容易係其他地方食到. 詳情可以參考其他食評.
親切服務~
