12Tommy14's Profile

炎熱天氣最啱食啲清新開胃嘅嘢，最近搵到一間 越食越上癮 嘅小店——📍河內越式料理（油麻地分店）。舖頭唔算大，但好有越南街頭感覺，木系裝潢加幾盞黃色燈，坐低已經有種飛咗去胡志明嘅錯覺！🍜 必試推介逐樣講：1. 🌟 生牛肉湯河粉一上枱已經聞到濃郁牛骨湯香。湯底唔油膩、冇味精，夠層次。牛肉片用得新鮮，湯熱得嚟啱啱好，將牛肉「燙熟一半」，保持嫩滑。河粉唔會淋，滑口有咬感。加少少青檸同辣椒更有驚喜。2. 🐷 香茅豬扒撈檬呢碟真係越南靈魂所在。豬扒用咗香茅、蒜、魚露醃得超入味，燒得微焦帶香口。撈檬底部有爽口生菜、青瓜絲、酸蘿蔔，加埋店家秘製魚露汁，酸酸甜甜、超開胃，炎夏一流！3. 🥟 越式炸春卷外皮炸到金黃薄脆，一咬爆汁。內餡用料十足，咬落唔會空心。點啲魚露汁，解膩又提味。4. 🍤 越式炸蝦餅蝦膠炸得剛剛好，唔油而且外層香脆，入面彈牙，食得出真材實料。帶淡淡香茅味，同啲米紙卷有異曲同工之妙。5. 🥭 芒果牛油果鮮蝦米紙卷米紙包住新鮮芒果、牛油果、蝦仁，口感非常豐富，酸甜清爽。配埋魚露汁，無得輸。🥥 飲品推介椰皇。新鮮椰子即開，透心涼。飲完椰水，刮埋啲椰肉，一杯兩食，好滋潤。呢間【河內越式料理】真係有驚喜，唔止係好味，係用心做菜嘅味道。每款都有細節位，唔會平平無奇。價錢合理，份量飽肚，無論lunch定晚餐都啱晒。…Read More

If you’re a steak enthusiast, La Parrilla Steakhouse is definitely worth a try. One standout starter is the bone marrow with herbs and garlic—an absolute must-try. It takes around twenty minutes to prepare, but it’s well worth the wait. The rich, beefy flavor of the marrow, paired with the crispy garlic bread, creates a decadent and satisfying combination that’s hard to beat.We also tried the grilled octopus salad, which was beautifully presented and perfectly cooked. The octopus was tender with just the right amount of char, and it paired well with the fresh greens and light citrus dressing, offering a refreshing contrast to the heavier starters and mains.For the main course, the ribeye steak was the star of the show. Cooked to perfection with a juicy, smoky finish, it had a wonderful crust on the outside while remaining tender and flavorful inside. The seasoning was simple but effective, allowing the natural flavors of the beef to shine through.The langostino pasta was another highlight. Generous portions of Argentinian pink tartare were tossed with al dente pasta. Every bite was indulgent without being too heavy.Overall, La Parrilla offers a solid menu with high-quality ingredients and thoughtful preparation. The cozy yet elegant atmosphere adds to the dining experience, making it a great spot for a date night or a relaxed evening with friends.…Read More

D2 Place入面有一間日式燒肉店想食好耐，今次朋友生日，終於可以黎呢間燒肉店啦。餐廳有好多款唔同部位嘅A4黑毛和牛可以叫。咁我地叫左和牛4點拼盤、和牛羽下、和牛友三角同埋帆立貝。今次和牛4點拼盤有和牛芯芯、和牛龜之甲、上後腰脊肉同埋和牛肋肉。每款都有2至3塊不等。個人比較推薦和牛肋肉，因為肉質非常嫩滑，入口即溶，油脂分佈均勻，味道濃郁。如果散叫和牛就會有5塊。和牛羽下亦都唔錯，肉質細嫩，帶有少少嚼勁，適合鍾意口感豐富嘅朋友。和牛友三角則係脂肪較多，入口香濃，但唔會覺得太膩。整體黎講，呢間燒肉店嘅和牛質素非常高，每款肉都各有特色，值得一試。如果你係和牛愛好者，呢度絕對係唔可以錯過嘅好地方。…Read More

懷舊餐廳買少見少，香港經濟環境差，要試到老字號嘅餐廳愈來愈困難。聽朋友講佐敦呢間Tivoli意大利餐廳有超過40年歷史，所以今次帶埋另一半撐枱腳。呢度食物選擇都幾多，晚餐套餐有牛柳、大蝦拼牛柳…亦都有二人套餐同埋四人套餐選擇。除此之外，仲可以散叫其他野食。今次叫咗牛柳套餐 $168，除咗有三塊牛柳之外，仲有一球薯蓉、半個焗蕃茄、紅洋蔥同埋蘑菇汁。牛柳份量都幾多，我地叫左五成熟，都煮得好好，牛味亦都濃郁，幾抵食。薯蓉質感算幾滑，味道香濃，為牛柳套餐增添色彩。至於焗蕃茄同紅洋蔥就正常發揮。總括嚟講，Tivoli意大利餐廳性價比好高，而且環境都幾有情調，適合帶另一半黎享受燭光晚餐。…Read More

大埔好野食真係好多。大埔墟火車站行大約10分鐘就黎到東昌街。逸東小館主打手工雲吞同埋雞湯湯麵，見到門口寫住下午茶時段3pm至6pm有7折，今次就黎試下係咪咁好食咁抵食。餐牌上有幾多野食，有招牌雞湯手工雲吞、招牌雞湯麵、撈麵、擔擔麵同客飯套餐。我地就叫左花膠雞上海麵、醉雞上海麵、沙嗲牛柳雲吞同埋蝦仁鮮肉雲吞。個人覺得沙嗲牛柳雲吞幾特別，雲吞皮唔厚，配搭沙嗲牛柳嘅沙嗲味，幾juicy。蝦仁鮮肉雲吞都不錯，蝦仁幾新鮮，幾好食。👍至於花膠雞上海麵嘅雞都幾滑，而且有雞翼同雞髀，幾好幾好。花膠都幾大塊，但如果炆淋啲就perfect。醉雞上海麵嘅湯底就係醉雞湯，配搭上海麵，每一啖都飲到醉雞湯。👍有雞髀同雞胸，正。…Read More

灣仔月街呢間cafe sleepyhead 矇茶茶，非常適合一班知己黎chill下傾下計食下野。Cafe裝修簡約，非常舒服。坐室內嘅話可以坐高凳，坐室外就可以坐矮矮嘅露營凳或者企係度攞住酒杯吹吓水。另外，大家有狗狗嘅話都可以黎食下野，因為呢間cafe係pet friendly👍🏻食物方便，主要有fusion嘅三文治、沾麵同埋拌麵，主打港式風味。咁我就叫咗黯然銷魂菠蘿叉燒三文治同埋蔥油雞三文治。黯然銷魂菠蘿叉燒三文治值得一試。叉燒嘅鹹香配上菠蘿嘅甜味，口感豐富，唔會覺得肥膩。三文治塊包都焗得好香脆，好好食。蔥油雞三文治都好特別，雞肉嘅嫩滑度整得恰到好處，蔥油味可以香濃d就完美啦。下次黎嘅話要試下沾麵先…Read More

俾呢間韓國餐廳個名「海陸空」吸引左，所以同老婆黎呢間韓國餐廳食下韓國美食。一入黎就有韓國人黎招呼我地，好似去左韓國咁🤣我地叫左烤肉套餐、韓式海鮮辣麵同埋韓式芝士煎蛋卷。韓式芝士煎蛋卷賣相好吸引，食落味道都好正。芝士蛋卷當然有厚厚嘅蛋，蛋卷都好滑唔會煎得好老。蛋卷包上濃香芝士，好好味。食韓國野一定要試下辣麵。我地叫左韓式海鮮辣麵，海鮮有魷魚、青口同半隻蟹。呢度嘅辣麵非常辣，食到出哂汗，非常適合冬天嘅時候食。海鮮就幾好，無煮得過左火。黎到重點嘅烤肉套餐，呢個套餐有兩件羊扒、一塊五花肉、1++嘅韓牛同埋不同蔬菜。首先會有位韓國侍應簡單介紹下套餐嘅內容，之後就開始幫我地燒韓牛同蔬菜先，完全唔需要自己煮。當然一定要先試試件韓牛，韓牛好淋好滑，肉味濃濃，非常好食，我地都忍唔住係咁食。侍應見我地食完韓牛，就幫我地燒五花肉同羊扒，五花肉肥瘦適中，油份都幾多，好好味。羊扒唔會有好濃烈嘅臊味，非常好。呢個套餐非常抵食。…Read More

同老婆慶祝聖誕，黎左中環呢間新開嘅雞尾酒酒吧，The Mansion bar & night。酒吧富有藝術特色，紅色梳化加吊燈，特別迷人。餐廳主打雞尾酒，當然要嗌黎試試。The Mansion ($130)用左冧酒, 菠蘿, 椰子 同 雪利酒混合，椰子味嘅淡香，配上酒精嘅濃度，非常易入口。To Be Or Not To Be ($130) 用左Calvados, 黑莓同蘋果混合，味道濃厚。呢款雞尾酒用左較有日本特色嘅杯上，好特別。食物方面，Pintxo Set ($550)就可以試哂八款小食。羅勒車厘茄配mozarella好開胃，番茄仔好juicy，好味。另一款素食係茄子卷，幾香口。西班牙奄列配padron peppers，味道可以再豐富d。忌廉芝士三文魚卷味道都唔錯。肝醬拼魚子醬最有驚喜，魚子醬小小咸香，配搭肝醬非常夾。d醬配上小pancake，同平時食法好不一樣。另一款小食係伊比利亞黑毛豬、曼切高羊奶芝士、鯷魚乾拼切片麵包。小食味道咸香，佐酒一流。牛肉鵪鶉蛋薄荷拼切片麵包，牛肉味好濃，拼上薄荷，好清新。烤大蝦拼大啡菇亦都好出色。係中環收工嘅各位，值得黎呢度同另一半或者朋友飲杯雞尾酒吹下水。…Read More

黃埔都有幾間台灣餐廳，最近開左一間新嘅台灣餐廳係地鐵站附近，放左工就去食。餐廳環境都有啲台灣特色。👍🏽晚餐都有套餐嗌，有滷肉飯、香酥排骨飯等等，加$10仲有杯飲品添。香酥雞扒魯肉飯 ($55)。 4大舊雞扒都炸得好香脆，肉汁依然keep到。食呢d雞扒最好就係好多炸粉，呢度嘅雞扒無呢個情況，值得一讚。但滷肉嘅份量比較少，可以多番d😆紅燒牛筋腩油麵 ($60)。牛肉麵個湯好濃味而且唔油。牛筋煮得䭃而且入味，好好味。麵方面可以揀油麵、米線、米粉。小食方面，黎台灣餐廳食必定嗌台灣腸食。台灣腸 ($37) 味道小小咸香，幾開胃。蒜片略嫌厚得制，辣左d。肉鬆起司蛋餅 ($37)。肉鬆同芝士份量都幾多，好飽肚。冬瓜茶同鳳梨綠茶都係主餐加$10就有。冬瓜茶飲落好舒服。鳳梨綠茶唔甜，幾解渴。總括黎講，九份飽都好抵食，絕對可以食到九份飽走。😆…Read More

大埔餐廳好多，今次黎左呢間homeland，同女朋友食個晚餐。星期一至五晚餐都有dinner set，好抵食。飲品方面，白桃氣泡伯爵茶清新易入口，白桃味都幾香，好好飲。前菜叫左慢煮雞胸凱撒沙律同埋法式龍蝦濃湯。慢煮雞胸仲保持到肉質嫩滑，抵讚。但沙律份量略嫌少左D。而龍蝦湯入面都有兩隻小龍蝦，味道濃郁，飲完湯無覺得口渴。小食就嗌左蒜香辣椒炒蜆。每隻蜆肉都幾飽滿同埋無沙，辣辣地幾開胃。主菜就揀左安格斯西冷扒配薯菜同埋海鮮桶。西冷扒叫左5成熟，煮得恰到好處，肉味都幾濃。薯菜方面，薯蓉好creamy，真心好好食。而海鮮桶入面唔同海鮮，有小龍蝦、八爪魚仔、青口、大蜆、翡翠螺、西蘭花、粟米同埋薯仔。咁3款醬汁可以揀，我哋就揀左檸檬叼草忌廉汁。海鮮都幾新鮮，而且同醬汁好夾，值得推介。另外，餐廳提供濕紙巾同膠手套俾我哋食呢個海鮮桶，非常貼心。👍🏽總括嚟講，homeland上餐速度都幾快，肚餓去食唔驚等好耐。讚👍🏽…Read More

銅鑼灣呢間樓上日本水產，食物十分新鮮，性價比高，位置亦好近銅鑼灣地鐵站，係崇光百貨隔離，非常方便。到澳門逸園中心，上到19樓一出𨋢，就見到餐廳門面已經有日式居酒屋嘅感覺。前菜一定有沙律提供，餐廳今次提供左由多春魚同沙甸魚整成嘅醬，配上爽口嘅蔬菜。醬汁用小蠟燭保溫，唔會令個醬咁快凍咁易變腥。醬汁配蔬菜呢個配搭十分好，醬汁味濃，配上清淡嘅蔬菜，好balance。食小小前菜，確實開胃d。鱈場蟹腳浜燒都好正。蟹肉只需要細細力就拆到出黎食，好方便。蟹肉肉質鮮甜，想再encore。蟶子浜燒都新鮮，無沙，味道都幾好。刺身盛合七款，每款都好新鮮。想特別講下拖羅，師父輕輕係拖羅𠝹幾刀，賣相更吸引。拖羅肉質油潤軟滑，油份適中，非常正。另外，刺身盛合有北海道嘅白海膽，肉質嫩滑而且帶點鮮甜，配埋紫菜食好滿足。鹽燒三文魚鮫都值得推介俾大家。三文魚魰燒香後，好多油份，肉質唔會鞋拾拾。魚肉配上檸檬汁可以中和油膩感，很不錯。…Read More

為食火鍋公司位於觀塘區，搭地鐵牛頭角站落車好方便。呢間火鍋店舖頭外有個義賣區，主要係幫動物協會籌款，非常好。鋪頭2週年有新款牛同埋可以做會員儲分。今次我就揀左$368冇限時火鍋盛宴，早一日訂座仲送燉湯👍🏽套餐包左好多野食。首先就有自選餐前小食，包括薯條、炸雞、沙律、炸大腸，全部都熱辣辣。👍🏽食完仲可以添食。食完餐前小食，就有五點刺身盛合，刺身有三文魚、帆立貝、北寄貝、油甘魚、赤蝦。刺身賣相精緻而且新鮮👍🏽刺身完就可以揀酸菜魚或者雞煲。咁我哋揀左雞煲。咁雞煲食哂唔夠仲可以再加添。雞煲個醬汁好惹味，食到咁上下仲可以加D豬皮同埋魷魚落去炒，索埋d醬汁👍🏽食完雞煲就揀火鍋湯底，今次我地揀牛尾湯。呢個套餐就包一次性海鮮拼盤同埋牛肉拼盤。海鮮拼盤有7款海鮮，樣樣都新鮮。蜆同蟶子都無沙，一流👍🏽牛肉拼盤有8款唔同部位嘅牛，最特別係黃喉，食落幾爽口。至於任食火鍋配料方面，牛肉種類都幾多，幾好食。手打黑/白滑都好足料，基本上每舊滑都有墨魚肉/蝦肉👍🏽一口雲吞皮薄用料十足👍🏽…Read More

銅鑼灣美食真係好多，今次係銅鑼灣就黎左呢間樓上嘅日式餐廳😄今次我就揀左呢個lunch menu，有竹炭麵包配海膽汁、刺身三點、手卷、串燒等。首先呢個竹炭麵包配海膽汁真係非常好食。一見到海膽汁就會覺得好腥，但呢度嘅海膽汁好好味，濃濃嘅海膽味加上d酒味，配上竹炭麵包，完全係perfect。刺身三點有三文魚、油甘魚同赤蝦。三款刺身都好新鮮。串燒有三款，包括豚腩肉、雞軟骨同埋露筍。全部串燒都熱辣辣，非常正。另外，我揀左火炙左口魚邊迷你杯。燒過嘅左口魚邊油香味好重，配埋一啖飯，好滿足。飲品方面我就叫左荔枝乳酸梳打，係炎炎夏日下飲呢杯飲品，真係透心涼呀。總括黎講，呢度食lunch係物有所值，食物質素高，而且環境適合靜靜傾計，絕對值得推介俾大家。…Read More

Omakase廚師發辦由主廚決定用餐內容，今次黎到好近銅鑼灣地鐵站呢間omakase食午餐。Lunch set主要有2種，一款$580，另一款$780。我今次就叫左$780呢個set。咁呢個set有茶碗蒸、2款酒餚、10件壽司、1件卷物、玉子燒、1碗湯同埋甜品。茶碗蒸上舖左好多蟹肉，口感豐富。茶碗蒸內有不小配菜，令茶碗蒸更特別。酒餚係北海道蠔，蠔好飽滿，好creamy，好新鮮。蠔上配上酸汁，令食慾大增，呢個配搭好好。另一酒餚係吉列真名鰹配他他汁，魚肉嫩滑。壽司10件最突出係石垣貝壽司，口感幾爽。另外師傅用左北海道霧多布嘅海膽，做左件海膽壽司，海膽新鮮鮮甜，非常好味。卷物係用左鮟鱇魚肝加拖羅碎做餡，配紫菜同壽司飯，好滿足。甜品配上抹茶雪糕👍🏽師傅服務非常好，細心講解每一道菜式嘅來源。總括嚟講係一個好好嘅用餐體驗。…Read More

一聽到即將要限制日本海產進口，二話不說就去搵間日本餐廳食下刺身先啦。九龍城有間性價比高嘅日本餐廳，都幾值得去食。🦞鐵板燒原隻龍蝦🦞龍蝦肉肉質飽滿，加埋小小炭燒味，好滿足。師傅將龍蝦肉切到一口size，方便我地呢d懶人食哂龍蝦d肉。而龍蝦頭就開左一半俾我地食埋龍蝦頭d膏😋😋😋呢道菜值得大家一試。上戶刺身盛🐟黎到日本餐廳，一定要食下刺身。呢度嘅刺身盛有4款刺身，每款刺身都好新鮮。刺身最好就當然係厚切啦，呢度就做到呢個效果。油甘魚、三文魚同埋赤蝦都各有2件，而帶子就有4-5片，非常鮮甜。😋😋😋壽司盛🍣呢度嘅壽司盛有8款壽司，每款都好有特色。鰻魚肉質鮮嫩，而且好厚肉😋赤身肉質厚實，有咬口😋左口魚裙邊輕輕燒過後，帶點魚油，入口即溶😋赤蝦鮮味十足，師傅將蝦尾切埋，非常細心😋…Read More