fancysweet's Profile

一年將至，又係約朋友出嚟聚舊的日子~正好秋風起，簡直是辣妹最愛的季節！千挑萬選下，最後揀了食酸菜魚~ 店內的裝潢挺講究一年一度的聚餐一定要食得夠霸氣所以我們幾個女仔點了土豪版酸菜魚侍應捧上酸菜魚時，我們忍不住哇了出聲！ 實在太浮誇了酸菜魚份量十足，三條魚浸在熱辣辣的湯中，肉眼已看到啖啖魚肉，當然少不得小妹最愛的寬粉啦，有韌勁，索滿湯汁，令人欲罷不能！(比起內地酸菜魚，這裡的應該調減了辣度，迎合香港人口味~我們這次選了 中等辣度，下次要挑戰一下特辣)這份脆筍是怕辣人士恩物， 當舌頭辣得發麻的時候，吃一口脆筍真的有解辣的作用另外點了上上簽，我們輪流抽簽，小妹幾次都抽到海帶，某姊妹每次也抽中鳳爪😂難道真的內有玄機?? 這道"上上簽"真的為這餐飯增添了不少趣味點這道菜無非因為他的菜名---酥炸無臉男 單看菜名真的不知它是什麼，原來是酥炸豬肉條！略嫌炸粉有點過厚，但沾了附帶的辣粉，味道挺惹味！最後要讚一讚這杯巨峰提子特飲，沒有預期中的藥水味，甜度剛好，少女之選…Read More

作為coffee lover，%Arabica剛在香港開業，小妹已幫襯了ifc和尖沙咀分店～一杯飲完再一杯，證明小妹對呢個品牌的咖啡幾咁受落！有一日在電視看到有關%Arabica西環分店的報道（原來是網紅，所以引來大批旅客前來打卡），所以小妹也有點心動，決定在閒日lunchtime朝一朝聖。聽說近來少了旅行團來港，當日咖啡店的客人不多，其實這樣更能feel到這間coffee shop的文青風！純白色﹑木材質感，完全是文青風的調子～我例牌點了spanish latte～對小妹而言，black coffee是提神，拉花的咖啡是享受！Spanish latte加入了煉奶，但甜度未有搶去咖啡味，整體感覺香滑creamy～（緊記要攪拌杯底的煉奶，否則最後幾啖會甜到喊）同朋友share試一試燕麥奶latte，用燕麥奶沖Latte，沒有豆奶咖啡帶出的苦澀味，燕麥奶的味道較佳及口感較為厚，與咖啡配合得較好，可謂是乳糖不耐受者的最佳取代品店子對出望海景，嘆住咖啡望海，lunchtime都可enjoy濃縮版週末時光～…Read More

“$10 隻蠔嚟唔嚟食?” “邊有咁抵呀！自己開都唔得啦，好唔好食㗎！” “你入嚟食咪知囉，最多我請啦！”...就係咁，我又畀閨蜜氹咗入荃灣陪佢食嘢！去到餐廳門口，大大個牌寫住$10隻生蠔，仲要係愛爾蘭添，就算其他蠔種都抵食！睇睇Menu有乜嘢食先？咦！唔貴喎！既然有人請，當然食豪啲啦！就食烤西班牙黑毛豬鞍伴菠蘿配意粉啦！先來半打生蠔，哇！估唔到特價蠔都有半隻手掌咁大，閃令令，好新鮮喎，食落爽脆鮮甜，少少creamy帶少許海水味，好味道...食蠔有點可以唔飲白酒呢！差啲忘記咗烤西班牙黑毛豬先至係主菜，黑毛豬烤到剛剛好，外面焦香，入面仲好juicy，微酸帶甜嘅烤菠蘿減低肉食嘅油膩感，簡直係絕配，好味！最後食埋件New York Cheese Cake，為呢餐畫上完美嘅句號！…Read More

雖然而家食火鍋都冇分季節，但仍然覺得天冷食特別過癮，在翻起季候風嘅日子，火鍋癮忽然在呼喚，小妹當然嗱嗱聲約埋閨蜜去食返餐，閨蜜係荃灣食神，有佢帶路就十拿九穩，今次就去大鴻輝中心登頂食呢間—相馬日式火鍋~今次揀咗美國特選牛肉，有120分鐘，又可施展宇宙大胃王嘅威力！一人一鍋，湯底就分別選咗豬骨及蕃茄出公海遊一轉先，飲品選擇都好多~蔬菜好多選擇，都幾新鮮喎呢隻大豆芽出邊好少見，好鮮甜，一定要試主角出場，牛肉嫩滑，肉味濃郁，豚肉鮮甜，雞肉閃令令，一睇都知新鮮！啲肉丸雖然唔係手打，但都幾好味，尤其是爆漿豬肉丸及芝心丸，食嘅時候小心辣親個咀仔啊！雪糕用北海道Milk Top，都幾落本，小妹當然食勻朱古力、綠茶及雲呢拿啦，連維記雪米糯都唔放過！…Read More

看著餐牌上不同的潮州美食，感覺就身於潮州家鄉中，雖然得一個肚子但仍想食晒所有潮州食品，以滿足多年的思鄉病。滷水鵝片切得片片夠薄，肉不硬夠腍，濃味但又不會太重八角那種是剛好程度，放底的豆腐也不錯，點些醋豐富口感層次。瑤柱蛋白炒飯米飯炒得粒粒煙韌，不會炒到好散飯味十足，瑤柱不太多卻有淡淡的瑤柱鹹香味，加上蛋白更有口感綠豆爽幾款食物皆不錯，還喝了甜品綠豆爽，糖水竭色似用庶糖煮，清爽甜度不會過份，雖然挺飽但還是喝清到碗底。中國美食博大精深，每省每地皆有特色，而當中潮州潮食是我個人嚮往，所以這間私房菜館我就更喜愛呢!…Read More

今晚落街跑完步，本來諗住輕食，經過呢間食雞店，諗左一陣，最後都係敵不過menu 上既「蜜糖香烤雞」被吸引入左去，因為小妹好鍾意蜜糖香味，所以即刻點左呢個，揾個藉口俾自己食餐好嘅補充體力💪🏻💪🏻 點左冇骨個款，啖啖肉而雞肉嫩滑又juicy，配埋小妹至愛嘅蜜糖，有點胡椒味，甜中帶微辛，yummy！因為係烤雞，所以食落唔熱氣但又好香口，唔使一定食炸雞，又多個選擇👍🏻 另外，為左配合今晚晚餐嘅主題，仲點左意大利青醬雞胸肉沙律，賣相同味覺都好清新，個沙律醬係分開上既香草同橄欖油混成，但係個雞胸肉就比較失色，看上去同食落去就比較乾，有待改善。配埋兩杯清新特飲，薄荷或檸檬特飲我都覺得幾好飲，好夾食烤雞同沙律，可以再encore呢😋…Read More

周末本來打算與家人到某餐廳吃午飯，怎料已結業，所以改往應該不用等位﹑位處樓上的意粉屋～ 還記得以前這家意粉屋的set lunch可配酒類，但今次餐牌就沒有了！ 我們點了二人餐和2個午餐～二人餐非常豐富，炸雞薯條份量很多，惟炸雞的炸粉過厚，肉質及味道亦未見突出，而小妹小時最愛的煙斗粉的煙斗粉過稔，芝士粉不再是卡夫，很重羶味 墨魚汁飯的墨魚汁顏色不夠黑，賣相有點失色，但豬扒厚而不老！ 北海道帶子海鮮意式茄醬燴扁意粉挺令人開胃，帶子雖小但頗彈牙～ 對我來說，現在Pizza和意粉連鎖店不過是吃回憶吃情懷吧！ …Read More

住家飯帶來家的感覺，奈何有時下班累得無法下廚，所以這天放工出矛招～其實對唐記的印象是買稍為健康的早餐(蒸的始終比焗的好)，今次試試外賣回家當晚餐！ 買了那麼多才不到100元，實在是小資家庭的恩物！ 出矛招！把食物放在自家碟上，即時變了住家飯，家的感覺返晒黎～ 晚上始終要吃飯，所以點了鳳爪排骨飯及梅菜肉餅飯，份量比想像中多，女生應該很難KO一盒！亮點在於梅菜肉餅，梅菜的鹹甜比例適中，佐飯一流～排骨的肥肉就有點多～ 原以為蒸飯份量少，所以點了兩個早餐常吃的菜肉包，但原來馬拉糕更加超班，出奇地綿滑不粗糙，還有蛋香燒賣的賣相跟酒樓的不相伯仲，味道尚可，而缽仔糕是小時候回憶，紅豆超多，回憶總是美麗，但可以在開到成巷成市的店子輕易買到，可以過下口癮！ 不得不提的是樽裝奶茶，在零expectation下，實在驚喜！！奶茶算是香滑，也不失茶味！ 在家也可嘆一盅兩件，價錢比同區的點心專門店更平了一大截呢！…Read More

每次去旺角食飯都係亂打亂撞，因為太多選擇了🤔 今晚天寒地凍又唔想食火煱，經過一幢新新地嘅商廈見到有間食韓燒嘅餐廳，好啦，決定今晚無肉不歡啦 點了個二人餐，由於小妹最近要戒一戒牛，所以揀咗濟洲島黑毛豬柳肉同豆腐湯。黎咗碟豬，燒完配埋用生菜包住、加埋d有少辣嘅生菜沙拉同麵豉醬，肉質幾嫩又唔係咁肥膩，原來加左麵豉醬甜甜地都幾好味幾夾，感覺又唔係啖啖肉，所以不知不覺食咗好多塊！食到一半覺得熱熱地，叫左一杯韓啤，夠凍好爽👍🏻 所以又食多左幾塊肉，所以碟肉嘅份量唔算少。跟住黎個豆腐湯，味道一般沒有驚喜，豆腐都幾滑，但飲完會覺得略鹹，所以都要飲番支啤酒中和下。下次可以再戰牛牛…Read More

上星期朋友選了這間法國菜小店和我聚舊，很久沒有吃法國菜了，因為覺得一頓好味的法國菜起碼千元以上一位吧🤔先來頭盤- 辣肉腸沙律，吃頭一片辣肉腸覺得有點油，接著吃一口新鮮無花果及新鮮蔬菜。。係柚子蜜香醋呀，口中嘅油膩感瞬間轉化為清新嘅味道，好鍾意呀我點了龍蝦湯，侍應未放上枱上已經聞到好香濃嘅龍蝦味，好有誠意的一碗湯，喝出龍蝦嘅鮮味，大滿足😋好期待接下來的主菜~~French Confit Duck個皮煎得好香又有點脆，配上自家製嘅雜莓汁，小妹很喜歡食莓類，所以我覺得呢個配搭好出色，雖然食了一半主菜時已經很飽，唔知點解捧住個肚都要食曬佢！差點忘記介紹一下主菜前嘅青萍果雪葩，好清新又有青萍果果肉，喚醒我嘅味蕾去食主菜甜品選了心太軟，甜度適中，但小妹覺得不夠軟同流心，普通左d啦小店用心烹調嘅味道，價錢很合理（每人約$600），小妹好友果然是吃貨👍🏻…Read More

成班同事晨早出去做嘢，經過一輪煎熬後大家都想大擦一餐，咁午市放題就最合適，想起朋友介紹附近有間極上帝王水產嘅放題唔錯，一於去馬！點餐紙都十幾張，選擇多多，令人眼花撩亂，咁就由大胃王同事劃啦！先來一大盆刺身，有成十幾款，好誇張，但食材一啲都唔hea再嚟壽司，壽司賣相一流，其實同事點咗乜我都唔知，但最有印象就係有牛油果蝦壽司，清新健康，味道不俗！燒蝦、雞翼、芝士焗蠔都值得推介，尤其是燒蝦，同事要encore呢！蟹粥係我點嘅，好鮮甜，正！呢個牛肉鍋送上枱熱騰騰，牛肉嫩滑又有牛味，加埋隻蛋撈嚟食，味道一流蟹鍋擺咗成隻蟹落去煮，湯底鮮甜雪糕有多款選擇任食～連名牌雪糕都有，不過只限一杯開心時光過得真快，成班嘩鬼同事食到捧住個肚又要返公司開工啦！…Read More

星期一難得約到在附近上班的舊同學lunch，當然要投其所好啦！一想就想到曾經經過一家餃子專門店，令我留下印象除了她搞鬼的店名「餃掂」，還有店外絡繹不絕的人龍！ 幸好(?)當天有微雨，所以不用等很久便能入座。店子比一般餃子店企理，有點台灣風～這裡的餃子款式真是應有盡有！ 一場來到，就試試招牌「至尊松茸豬肉餃配狀元九鼎湯」，狀元九鼎湯味道比想像中清淡，如果再濃味點會更好，尤其吃過湯底較濃的湯麵後便會覺得太淡，可幸是應該沒加味精，勝在真材實料。而松茸豬肉餃認真皮薄餡靚，肥豬肉內混入松茸香，令人齒頰留香，是這裡獨有的餃子味。 另外點了雲吞湯麵及餃子麵，湯麵條條分明有韌勁，而僻愛芫茜的小妹大愛芫茜餃，配合小辣湯底，食極唔停！朋友都說雲吞湯麵味道不錯～ 我們不約而同點了自家製山楂雪梨水，山楂與雪梨的比例恰當，解渴好味～ 這裡的食品相當出色，愛餃之人不容錯過，惟侍應態度可稍為改善！ …Read More

很久沒和閨密K約會，女生聚會首選要有甜品，誰知我們癲到正餐時間去甜品店😂這間甜品店竟然有飯和鹹點，可以平衡一下心理，畢竟我們未食晚飯！踏入初秋，是臘味飯的季節這道芋頭生炒糯米飯甚有家的味道，不會太油膩，糯米飯夠咬口～老闆娘說是她媽媽親手製作的，難怪吃得出家的味道而份量對女孩子來說剛好，可以一試呀。椰皇鮮奶燉蛋白是小妹最愛的甜品之一椰子芳香清甜，不會太甜，鮮奶燉蛋白夠滑，看起來好像有點平凡，但其實簡單可口就足夠了，就似我倆的友誼。清心丸綠豆爽甜度剛好，熱食很暖胃，果凍質感煙韌，其他糖水舖少見~當天跟朋友談了幾個小時，老闆娘並沒有半點難聽說話，更在埋單時笑容滿臉地跟我們道別在節奏急促的社會中，這裡確是有點在家中被包容的溫暖…Read More

聞到陣陣秋意，又可以俾個藉口小妹食火鍋，粵式火鍋食到悶悶地，今次就試個台式火煱...養心殿裝修設計好中國式，幾別緻，座位分開一格格，都幾寬敞。養心殿都有好多款湯底，今次就試吓個酸菜白肉鍋，店員端上大銅煲，熱呼呼的，仲提醒我哋要飲吓個湯先...湯底除了酸菜白肉外，仲有蕃茄、胡椒粒及粉條，個湯酸酸地之餘，鮮甜又暖胃，粉條又Q，唔錯！見咸檸7做特價，整番杯先！食材就揀咗響鈴、午餐肉、牛肉、水餃及鵝肝墨魚丸...響鈴是新鮮炸嘅，如果唔係放响湯度滾幾秒就散，而佢係完全冇問題...響鈴吸收咗湯底精華，超好味！個人覺得食火鍋嘅牛肉不能太肥，否則會搞到成個湯底肥淋淋，所以今次揀霜降肉眼肥牛，唔太肥又有肉味就啱啦！水餃擺咗成隻蝦落去，脹卜卜好足料...鵝肝墨魚丸，墨味濃郁，魚子卜卜脆，鵝肝油脂甘香，好味！但食嘅時候要小心，如果唔係好容易燙親個咀仔...午餐肉就先炸咗，外脆內軟都幾特別！餐後仲有芋圓糖水送，芋圓QQ哋，幾好味！兩口子呢餐食咗六百幾，捧住個小肚腩好滿足咁結束今次家訪！…Read More

周末因有事要到久違了的旺角，隨意選了一間餐廳醫肚～ 大拇指的樓底高，以港式茶餐廳來說，裝修算乾淨有心思，座位也闊落！ 食品選擇很多，而小妹就選了台式肉燥豬耳飯，跟餐咖啡。 目測肉燥豬耳飯的餡料豐富，唯飯太乾和硬(感覺似用上for炒飯的隔夜飯)，肉燥跟飯的比例相對少。 咖啡比想像中OK，偏苦但不酸，還可以吧！ …Read More