SukiliSukili's Profile

之前食過佢D Burger 都可以，今日又再去，見到隔離枱個班㦸餐好似好正。跟住叫咗個楓葉糖漿pancake芝士豬柳黑松露蛋，點知嚟到真係嚇咗一跳真係好驚訝😦點解咁驚訝，因為仲衰過麥當勞嘅早餐包，但佢收咗Double嘅價錢，仲要冇飲品同薯餅架喎，pancake有啲又燶咗，個黑松露炒蛋又水椰椰，賣相不得了完全O咀，覺得同牛奶冰室個熱香餅包差不多。跟住我問佢頭先人哋嗰個係咩嚟，點解差咁遠，跟住佢話嗰個係all day ，但係我話all day menu 冇pancake架，跟住佢話今日冇晒包，所以轉左pancake ，但我話佢嗰個都唔係三文魚，佢話可能都係轉左…真係不知所謂，除非Novo walk 啲餐廳執哂，如果唔係真係以後都唔會再去。…Read More

同媽媽撐枱腳，兩個人叫咗五個點心。樣樣點心都好有份量，質素亦都幾好。除咗個魚肚唔夠腍，其他都好好。蝦餃皮薄餡靚，腸粉都好好，牛肚又夠份量。可以OpenRice訂位，坐得又舒服，又唔唔會趕人走，埋咗單都可以繼續坐。…Read More

話說我好喜歡呢間餐廳，又開業至今約兩至三個月就會光顧一次。因為地方較大，坐得舒服，員工服務又好，以前食物質素都好好。但係幾個月冇嚟，今次真係令我大失所望同以前一樣啦，都係嗌咗個burger ，都已經食過好幾次，之前食都係正常。但係唔知今次點解做得咁差，首先杯咖啡完全唔Firm，之後個burger嚿扒係燶晒，上枱已經聞到嗰浸燶味 ，梗係整開嚟睇吓啦，塊扒下面真係成塊濃哂黑色…..都仲可以攞出嚟上枱，勁濃到咁樣其實叫客人點食得落呢？咁正常嘅客人梗係會要換過啦，之後等咗勁耐….但出返嚟嘅出品就係將燶咗嘅地方切走，由於塊扒沒有再煎返，所以一食落去散晒……炸嘢嘅油亦都不太新鮮，薯條也炸得比較燶了希望廚房做嘢唔好咁求其，唔好因為分店多咗質素就差咗。由於呢間都係旺角常去嘅餐廳，因為好嘅餐廳都已經唔多，本人都希望佢可以繼續營運，會有所改善。…Read More

平時一直都好想試呢間餐廳….講咗幾年，終於食到喇如果平時lunch係超級多人，次次都冇位放工同朋友過嚟食，由於平日所以唔係真係太多人，雖然限時90分鐘，但係冇客人等位都比人坐耐啲，非常值得欣賞，可以再去。最怕啲餐廳冇人等位未食完都要趕客走，嗰啲去完一次唔會再幫襯。食物質素都唔錯，叫咗個二人餐個木瓜沙律幾好食，不過辣咗少少炸蝦餅非常足料意粉有驚喜，非常好食，下次要再食係個雞肉炒飯差啲，個味道麻麻哋下次可以再試吓其他嘢…Read More

見OpenRice啲食評一般，諗住小籠包擔擔麵咁簡單嘅嘢應該難食極都有限…. 疫情之前成日都會幫襯佢其他分店冇諗過真係中伏叫咗個四起烤夫，比較硬，雖然味道可以但口感太差擔擔麵呢個先至出奇，人生第一次食到咁難食嘅擔擔麵，辣到咩咁，越食越辣，個湯全部都係辣椒碎同辣椒籽，食唔到花生味，肉碎也沒有。但我太肚餓，所以都食咗，擔擔麵都咁..換其他嘢都唔覺會好得去邊。擔擔麵裏面有咁多辣椒籽已經好神奇。個小籠包又係，蒸完裏面的肉都是紅色的，以為未熟，好似平時啲雪藏豬肉咁，蒸極都係紅色，但店員解釋係啲豬肉醃料做成。究竟點樣醃先至會搞到啲肉蒸完都變咗紅色？雖然員工服務幾好，但而家食物出品太差了所以唔好問點解D食肆執笠….…Read More

以前間中都會去食吓，銅鑼灣旺角兩邊都有幫襯。最鍾意就係炸醬麵 ，以前炸醬麵有碗上湯跟，現在沒有了。炸醬麵冇上湯，乾爭爭都唔緊要，但味精實在太濃，食完碗麵要飲返成2公升水，實在太離譜吧！成口味精，感覺奇差。仲有個醬鴨，份量極少只有四舊，原來仲係醃製食品，又係乾爭爭咁，不如叫臘鴨點解啲質素差咗咁多…..不敢再去了…Read More

呢間都幫襯咗好多次，平時多數去元朗嗰間。元朗嗰間水準正常，對得住個名聲。唔知點解九龍灣依家可以難食到咁….之前都有幫襯過，係差過其他分店，但都未至於難食。喺元朗買過好好食，今次經過九龍灣，忍唔住再買，點知十級中伏。食到一半都忍唔住掉咗，好難得麵包可以難食至此。個包好硬，好似唔知擺咗幾多日咁，乾到呢…..伯爵茶味很假而且不均，都唔知點啃得落？明明人哋係流心軟包嚟㗎嘛，究竟點可以做到咁硬？How can you do it?冇心做就唔好浪費啲食物啦…Read More

之前同朋友請網上搵呢間啲煲仔飯幾好食就去試吓….嗰日平日，七點未夠已經去到，但好多著名小食都已經話冇坐咗10分鐘落單，每人叫左個煲仔飯同嘢飲，個煲仔飯等咗起碼20分鐘先嚟，咁不嬲食煲仔飯都唔係即上，所以我冇追過佢，點知個煲仔飯嚟咗10分鐘，佢就同我講差唔多夠鐘，不停咁吹我哋。跟住同我講食飯係一個鐘頭限制，跟住我同我朋友都話頭先都冇講，跟住佢話寫咗喺我哋後邊枱牆上邊，嘩😳真係多謝晒！我朋友想同佢嘈，我都都叫佢慳返啖氣，快啲食完走啦，又唔係多人等位，間嘢都唔係做生意嘅…..所以唔好問點解港人唔留港消費，你係客遇到啲咁嘅餐廳，你都話下次不了….執咗就唔好再開喇，免得影響香港形象…Read More

最近唔知點解好想食西多士，但疫情之下由於最近冇晚市，間間茶餐廳下午茶都鬼咁多人，見到咁逼都已經唔想食。今日假期嘅尾聲，終於比我食到。但一上枱個賣相已經唔掂，做咩切開我件西多士上？點均勻地抹牛油？真係唔知食咗啲乜，食落發現竟然冇花生醬香港茶餐廳西多士冇花生醬，乜料？完全唔正宗，依家去食茶餐廳西多士呀....唔係食緊西餐廳法式toast ok?使唔使慳到咁？加啲花生醬咪加多幾蚊囉。做咗幾十年人，由細到大喺茶餐廳都係食開有餡嘅西多士，香港而家仲乜會變成咁…Read More

看見OpenRice沒有一個劣評，以為真係咁好😒試過你就知等我放假山長水遠專登去，試過就知中伏，呢世都唔會再去見OpenRice 啲相咁靚，以為真係咁好食....等我比當時嘅質素大家睇吓就知，當日叫咗杯咖啡同一個提子鬆餅，個提子鬆餅嘅size比起OpenRice嘅相係細好多嘅，心諗細都唔緊要，最緊要好食麻但點知成個提子鬆餅裏面只有一粒提子真係未試過食提子鬆餅得一粒提子囉，仲要收我20幾蚊，味道連凱X餅店嘅都不如。講埋杯咖啡，未飲已經開始起泡，完全唔firm，雖然啲咖啡豆係可以，但杯咖啡一飲個花已經散晒。香港而家有好多好好嘅咖啡店，咁樣嘅質素真係唔會有第二次…Read More

平時鍾意食呢間舖頭嘅麵包，已經買過好多次，都是沒問題。但今次真係嚇我一跳，買返去嘅鬆餅，裏面竟然係未熟嘅粉團。咬了兩口，發覺味道不對，非常難食。再看看裏面，原來粉團還沒熟，即時嘔吐大作，心諗這是什麼東西？怪不得那麼難吃🤮就算喺三流麵包舖買嘅麵包，都未試過買到未烘熟的。但係竟然喺K11 Musea俾我買到，真係匪夷所思。這麼高級嘅麵包店，竟然售賣這樣的麵包。發電郵投訴也不獲理會。果然高級得目中無人這樣的麵包店，叫人怎樣在光顧？…Read More

被逼留港消費，唯有捐窿捐罅搵吓邊度有好野食。呢間開咗80年，屋企人話幾十年前來過之後就冇嚟過，反正經開附近想再嚟試吓。叫咗兩隻乳鴿，乳鴿還可以，食落都新鮮而且脆皮。不過有D仲黐住D鴿毛未整乾淨。之前某電視節目介紹嘅乾炒牛河，見電視講到咁好食，點知就真係差到冇朋友，色香味都無蝦餃還算正常，不過鹹水角味道就仲奇怪....正常係落五香粉，但佢唔知落咗一隻好怪嘅香料，似係印度香料味道，同鹹水角格格不入，總之就唔好食。…Read More

放假冇嘢做，又冇得去旅行，周圍搵吓有冇好嘅咖啡店。今次搵到偏僻嘅九龍城，見到呢間特式懷舊咖啡店，一於去試吓。環境非常唔錯，樓底夠高坐得又舒服。首先講吓杯咖啡，咖啡豆都OK，不過冲得唔好，飲到未夠一半，成個拉花已經散晒，變咗成杯奶茶咁嘅野至於食物方便，叫咗個雞蛋仔與雞，要咗西檸汁，酸酸甜甜中和返炸雞嘅油膩。我食完漢堡先至食雞蛋仔，所以個雞蛋仔有啲淋，不過整體都OK。大和堂漢堡都不錯，薯條好食而且係配黑松露醬和茄汁，不過食完有啲膩…Read More

行完山經過藍地呢間小店，見網上評價都好好，梗係要入去試吓啦。唔試由自可一試就上癮，叫咗兩杯拿鐵、雞翼同芝牛堡，每樣嘢都非常出色先講杯咖啡，真係冇得頂除咗拉花靚之外，仲冲得勁好，飲到底拉花都不變以我每星期去光顧兩至三次咖啡店，十之八九都冲唔到呢個質素，飲到底還有拉花的咖啡。咖啡入口非常順滑、厚實。芝牛堡也做得不錯，漢堡非常Juice，肉汁加上芝士半流心雞蛋，真係非常夾。雞翼有三款口味，由清新玫瑰、柚子至水牛城雞翼，滿足晒不同味道。真係令人想再次光顧的小店。…Read More

點了鹽酥雞滷肉飯，鹽酥雞還可以，蔥油鹽酥雞扒麵，麵有點偏鹹，鹽酥雞扒也可以。價錢不是特別便宜，正常價格，但連基本的白飯都可以煮得難食，其他好食也沒什麼關係。真係唔明白點解可以煮到啲飯硬成咁，雖然係用珍珠米，不過咬落去都唔知食緊啲咩，總之全部都‘硬骨骨’我都未食過啲咁難食嘅白飯，我唔知係落唔夠水定啲米本身有問題，簡直浪費食物。還叫了黑糖珍珠鮮奶，這個飲品還可以吧！除了飲品食物都不敢再試了，非常失望。…Read More