BcBB's Profile

我最鍾意的豆腐漢堡重現江湖👏🏼😄 除了大塊豆腐扒外..番茄+青瓜+生菜+芝士+醬汁..味道配合得相當好👍🏼..吃出清新的味道來..配菜用的沙律菜很新鮮..灑上應該是用熱情果汁做的沙律汁..很有畫龍點睛之效✅..而薯條或是薯角也不馬虎..應該是用胡椒+鹽焗的..在薯仔的香味上加了一道層次..很好吃😋整份高質的漢堡吃完了真的令人心情愉悅🥰另外..當然少不了要吃很出色的千層腐皮..那種豆香及脆皮..一吃難忘😎…Read More

2019年..我至親的媽咪離開了我..那種哀傷..不能言喻..好友告訴我..在七七四十九日內茹素的話..有助媽咪去更好的地方..於是..我找到了Loving Nature🍀.. 之後..Loving Nature 就成了我經常光顧的地方..用心製作的食物..確實令人有治癒感❤️我像發現了新大陸..想不到素食也可以這般新派美味😋..我尤其喜愛這裡的玫塊latte🌹..以中淺度烘培來保留了咖啡豆的養份..亦減低了由咖啡因所導致的心跳情況..玫瑰的香味與咖啡配合得剛剛好..喝一口..心～好像沒有那麼難過了☕️..特別喜愛洒在咖啡面上的字樣..每一次都有點期待..這次我能得到什麼字呢..可惜..我還未儲夠十二個😆一定要吃這裡的麵包..無人工香精/色素/防腐劑/添加劑..發酵最少18小時..咬下去就是實在..不會如風一般🌬..亦不會有胃脹不適感..讚👍🏼其他食物也很出色..我最愛的千層腐皮～豆香滿皮薄脆💯..牛油果天貝壽司～天貝增加了其他配菜的香味..加上牛油果的滑和飯粒的咬感..很讚👍🏼..還有還有..但再寫下去是會太長了..我建議大家每樣都試下..反正..到現時為止我沒有吃過不好吃的😂謝謝這裡美味的出品..讓我在艱難的過程中得到一刻的喘息❤️…Read More

是夜～刁民組(唔係好嘢唔食..食到個咀刁到不得了的人民也)來到大班樓..期待已久嘅飯局(訂位需要一個月是常識吧😝)..終於可以親身感受一下何謂色、香、味俱全😋共十三道菜..我們還加了兩個很想試的菜式..每道菜先聞到其香味..然後精緻地上枱..繼而充分滿足各人的味蕾😋 雖然並不是每道菜都驚艷..但總體上仍然是非常高分👍🏼推介如下：～龍井菊花煙燻乳鴿～採用BB鴿..細細隻..那種煙燻的味道就好似剛剛隻乳鴿係煙房走出嚟咁😂..好濃郁嘅煙燻味..乳鴿味道亦不過鹹..剛好👍🏼👍🏼～雞油花雕蒸大花蟹配陳村粉～我最期待這個菜..未上枱先聞到一陣花雕味..個汁好味到不得了..蟹當然鮮味..只係覺得陳村粉比較少咗dd👍🏼👍🏼👍🏼～香辣蘑菇胡椒蝦～這個很有驚喜..驚喜在個香辣胡椒味..香+辣+胡椒配合得剛剛好..同時能食出三種味道..不是一味的辣/香/胡椒👍🏼👍🏼👍🏼～三蝦炒飯(鮮蝦、蝦乾、蝦膏)～成碗飯夠乾身..好香蝦膏味但唔係死鹹味👍🏼👍🏼～二十年咸檸檬金銀蒜蒸蟶子～大愛..差d無得食..好在仲有兩隻..咸檸檬清香..蟶子夠爽甜👍🏼👍🏼👍🏼反而名物酥炸蟹肉香菇盒..十八味豉油雞好一般..可以不試..最後以自家制杏仁茶+杞子雪糕作結👍🏼👍🏼👍🏼年輕時..只知道大班樓出名-->貴<--😜..但時至今日..百物騰貴..以這個價錢..這個食物質素..這個服務態度..已是物有所值了👍🏼…Read More

私房菜--這個名詞對於我來說是有一定的吸引力😍..它代表食品質素高而價錢又比較相宜😊但由於近年太多食肆都濫用了這個名稱..現在一聽到私房菜..總有點保留😌有一晚..老公跟同事吃完這裡的私房菜後..一回到家便說要和我去一次..以海鮮為主打..我當然好期待😋這夜..一行四人..來到地點很方便的旺角..私房菜在朗晴坊..注意*係朗晴坊不是朗豪坊..在樓下有種周星馳國產凌凌漆戲中那種"麗晶大酒店"與"麗晶賓館"的感覺😆..但是不要緊..我們不是來吃環境的😁是夜晚餐👇涼伴豬耳～豬耳很爽脆不是硬彬杉的那種..很入味蒜蓉開邊蒸龍蝦~龍蝦肉非常之彈牙..絕對新鮮..只要是新鮮..便無得彈花雕蛋白雞油蒸花蟹(配陳村粉)~嘩..這個不得了..一上枱..就聞到很香的花雕酒味..買相又相當吸引..先食花蟹..鮮甜中帶有花雕酒味..很多食肆做這味菜..只有一陣上枱之花雕香味..但食物是沒有酒味的..而這個連蟹都有酒味又不會蓋過蟹本身之鮮甜味..超讚..好戲在後頭..之後送上即蒸陳村粉..可以將蛋白混和一起食..所有蟹之精華一點都不浪費..很聰明的做法!問大廚怎可做到蟹都有酒味..要知道酒一蒸便揮發..他說..要分三個時段加酒..酒才能保持在蟹內..果然..是有秘訣的!清蒸海班~睇到它的魚鰭豎起..就知道新鮮..蒸的時間相當準確..魚肉剛好離骨招牌炸子雞~皮相當的薄..雖然雞肉並不特別出色..但雞皮挽回不少分數清炒豆苗~一點都不油..而且豆苗鮮嫩好味..像似用濃湯焯過後再炒..又似加了雞油炒..但大廚不太願意透露怎可炒出這個"好味"龍蝦湯泡暴暴飯~是這裡的名物..湯很濃又清甜..暴暴飯很有咬口..雖然接近好飽但都可以吃清一碗最後還有芒果布甸作為終結!這個陣容..每人$300有找..價錢實在非常相宜..值得一去再去的私房菜!…Read More

恨到啦！恨到啦！ 一蘭粉絲的我們..成日話點解唔係香港開分店..終於登陸香港啦 去到當然預咗要等啦..旗上寫住等待時間為150分鐘..最後只係用咗90分鐘..真係好彩囉所有設定跟日本差不多..很喜歡她的"自閉式"格局..很有私人的享受空間..坐下等了一會..主角上場..湯底傳來非常香嘅豬骨湯味..麵依然爽口..唯一特別有個香港限定--凍豆腐..一味兩食..可作前菜及甜品..但味道有些少奇怪..吃不出豆腐味..朋友話反而食到有d芝麻味..質地係＂煙韌"嘅可能同我預期中嘅凍豆腐有出入..只覺一般因每次都不會把湯喝光..原來將湯飲晒之後，碗底便會呈現出「この一滴が最高の喜びです」的日文句子，大概意思係「把最後一滴湯都喝光，就是最高無上的喜悅」..最後..於02：50朝聖完畢!…Read More

很多時候..想去港式剧扒..會想起鳳呀..鷹呀..但通常都是牛無牛味..羊無羊味..只係想滿足一下剧大大塊扒嘅感覺..有日..朋友說這間剧扒很好吃..價錢合理..即刻去試一試朋友話..牛柳好好食..可惜我唔食牛..就叫咗羊扒..鐵板牛柳~叫半生熟..真的做到..牛柳很"淋"但有牛味..不是被梳打粉"整淋"的..鐵板羊扒~很有羊味但又不太"騷"..有些少羊脂在邊邊..增加了香口感..感覺上沒有梳打粉的感覺..全晚最驚喜~朋友叫咗個晚餐..有吉列豬扒..他說很好吃..給我試了一口..真的好味啊 吉列皮很薄又鬆脆..豬扒夠肉地..這個價錢..這個級數..很滿意:)…Read More

雖然今次重點不是想講其食物..但食評嘛..都是以食物行先~杏汁豬肺湯~是這裡有名的..很多人專誠來拜訪就是為了這個湯..湯濃..清甜..確實做得不錯..很有住家湯的感覺..三蔥炒魚球~非常之惹味..有驚喜是魚肉夠厚..啖啖肉又夠新鮮..干扁四季豆~正常..炸子雞~標榜用本地農場雞..我對這個挺有期望的..可惜今次這個雞肉做得亁咗小小又鹹咗小小..但皮薄也香脆千層咕嚕肉~很有趣..像在吃豬大腸..味道偏酸..焗釀蟹蓋~好味！蟹肉頗多..但價錢略貴($88/個)..頭抽豬扒(唔記得影相)~呢個正！豬扒肉質爽脆..味剛好..不會太鹹..其實..食物不錯..但我今次想講嘅重點係佢地嘅service!20:00坐低..不客滿..已經即刻落單..我個蟹蓋食剩4份1..阿姐就走埋嚟問我仲要唔要..我即刻愕咗然..我以為係咪我掛住傾偈..坐咗好耐而唔知？我一望隻錶..21:10..一個鐘啫..唔使咁趕呀？！跟住隔離走埋..得番我地一枱仲離譜..開始係我地旁邊掃地..我地食淨小小餸..阿姐A同阿姐B講..收唔收得..阿姐B話：收啦..喂..收唔收係咪應該問食緊嘅人-->即係我地呢？ 跟住朋友問..阿姐你地收幾點？佢話收23：00..不過無咩客就早d收！阿姐..你咁趕法..唔係趕收工..係趕客呀！ 酒樓嘅價錢..茶餐廳不如嘅服務..要人客再嚟..難度高d囉! 今時今日生意難做..如果好多人等緊位或者真係到收舖時間..我都唔會阻你發達..呢次真係接受唔到囉！四個人食咗成千蚊..比餐安樂茶飯食下都得啩:(…Read More

朋友帶我地到一間新開嘅酒店食自助餐..酒店行年青簡約型格路線..沒有大酒店的焗束:)自助餐有長蟹腳、翡翠螺、大蝦、青口、燒牛肉、羊架、pasta、點心、燉湯、雲吞麵、芝士、甜品...~長蟹腳夠大隻鮮甜~大蝦有半隻手掌咁大~羊架嫩口~Sea bass 鮮甜肉滑~椰子燉雞湯清甜足料~凍檸樂+鮮榨檸檬汁~cool~甜品有Tony Wong嘅拿破倫餅~最後原來雲吞麵都好正..但係已經食唔落啦打折後每人只需二百幾蚊..抵食!  雖然食品種類不算多..但 refill 很快..以這個價錢有這種食物質素..No complaint…Read More

記得第一次到小南國..是大約十年前..與朋友到上海玩..朋友話想食正宗上海菜..便要到小南國..我地仲專登撰一間舊舖..記得那一餐..所有菜色嘅份量都好大..侍應們都是上了年紀..好有懷舊氣味..有時吃東西..除了菜色之外..氣氛..都是能"吃"的一種..小南國登陸了香港之後..都沒有機會去試一試..最近..在葵芳開了分店..朋友約我食飯..很好..趁機去嘗一嘗這久違了的老上海:)是日晚餐：〜雞絲粉皮--值得一讚是那個麻醬..一看顏色就知道與別的不同..醬汁呈深啡色..不是一般的淺啡色..入口有濃濃的麻醬味道..粉皮爽口..讚！〜醉雞--還算是不馬虎之作..雞件都滲入了酒香味..至於雞件..不是太大驚喜..一般香港style的雞..〜皮蛋百頁豆腐--驚喜的是那刀工..豆腐都可以切到一片片咁薄..實在好厲害 至於味道..一般皮蛋豆腐的味道..豆腐好像平時百褔那種..沒什特別..~宋嫂魚羹--這個很好吃..沒有魚腥味之餘..還有一陣陣香味飄來..應該是莞茜加上豆腐香..很清新..最窩心是可以叫一碗的..不用大窩的叫..因為友人不喜歡魚羹..可以叫一碗就滿足了我的心願！〜椒鹽小黃魚--這是一個我很喜歡的菜色..這裡也合格..外脆內juicy..但感覺這味道很熟悉..好像某一間小籠包拉麵專門店的味道:(〜砂窩雲吞雞--湯很清甜..雞肉是正常的"鞋"及無味..說是正常是因為這是"証明"給我們看所有的味道都走進了湯裡去呀〜稻草肉〜東坡肉之變奏版..少了一份肥膩..還是很吸引附上硯殻形狀的包子用來放入稻草肉一齊食..比只吃肉容易入口..稻草肉炆得好淋..甜甜的醬油味跟肉很配合..真想多吃一舊..〜小籠包--不過不失〜干扁四季豆--唔得 好濕! 雖然味道對版..但唔係"干扁"囉..〜甜品：桂花拉糕--好吃..糕上少少的桂花醬..充滿桂花清香..少少的已經可以足夠配一整件拉糕吃..拉糕本身沒味道..但十分煙韌..讚！豆沙窩餅--新鮮做起..豆沙不太甜..皮薄..好吃！…Read More

今晚來這裡最主要之目的是吃"大鑊菜"--直骨大頭魚!..這條魚有十幾斤重..我地只有八個人..恐怕吃不掉整條魚哩..幸好大廚話可以給我們半條..好好人啊!..如果吃不到這味菜..今晚就白走一趟了一上枱..大家不其然"嘩"了一聲 好大鑊呀!!!..個鑊係好肯定大過全部洗面盆!..用火鍋形式上枱..其實眼見所有材料都是半生熟..有魚之外..仲有珊瑚蚌.魷魚.魚肉球......個魚上枱一陣間..大廚便走出來教我們應該點樣去享用這條魚..大廚話佢特登將所有材料煮成半生熟..等上枱之後再慢慢煮..所有材料就不會過熟..大廚又吩咐我地從條魚嘅邊邊開始食起..因為一開始魚中間未熟..如是者..聽完大廚講解後..我地慢慢咁開始食嘞..見到條魚滾下滾下..好心急想食哩..但最怏熟嘅係珊瑚蚌..咁唯有食住先..新鮮爽脆..而個上湯又好夠味..什麼醬油都不用加了終於等到魚熟啦..不得了 魚肉好滑呀..香甜之餘又唔多骨..一家大細都可以放心食!..呢個煮法實在好..可以嚐到剛剛熟..好滑嘅魚肉..一定唔會"鞋":)這個一定要讚 單睇賣相已經一百分..個半粒車厘子..曾經是我兒時最愛..布甸內有蓮蓉..而個布甸又軟綿綿又暖暖的..不太甜..很好吃!..暖暖的感覺除了來自布甸的溫度..還有那份懷舊的味道......…Read More

一向都是好旺角的粉絲..也愛她沒有分店..早陣子..知道西洋菜街的老店子要關門大吉..又知道會開幾家分店..心裡確是沈了一圈..因為.......通常新不如舊..有了分店便難保持水準..又或是會變成很"工廠"的味道..這晚..心情戰戰兢兢..來到這間店..現在不知舍是正店/分店..不過..反正老店子已沒有了..不需要分吧 是日點了--炸醬麵..魚旦豬潤湯麵..南乳豬手首先說麵..依然是我食慣的竹昇麵..彈牙無鹼水味..至於個湯..好似沒有以前咁濃..那份香噴噴的蝦子味去了哪裡? 但整體是可以接受的..魚旦不好吃..不彈牙又沒魚味..豬潤沒灌水..保持了原有豬潤的特質..炸醬..保持"好旺角"style..南乳豬手最讚^^b..豬手非常"淋"..南乳味不重但個人認為剛好足夠..…Read More

來到深井食燒鵝..每人都有不同之喜好(食肆)..小妹從小是陳記fans..但有一次試了裕記之後..打後十幾年來沒有變心 喜歡裕記有很多原因..在門口等位時已聞到很香的燒鵝味..如果是十分肚餓的話..這香味足以令你覺得可以一個人吃掉一隻燒鵝說回食物..當然燒鵝相當出色..皮脆肉又香又嫩..皮下0脂肪..讚^^b 其實燒鵝之外..我想推介兩味菜..覺得做得相當出色~琵琶豆腐--此味可稱為懷舊菜式..不是很多食肆有這味菜..材料很簡單..但工序頗煩覆..可能因此酒家都不做此菜..這裡的琵琶豆腐..可吃到魚肉和豆腐之味道..裡面還加了菜頭..令一團的豆腐魚肉吃起來很"爽口"..有些食肆是加芹菜的..我相信他們加的不是芹菜..因為我很怕那味道 琵琶豆腐面上加了一層薄薄的茨汁..令味道更加豐盛..很多食肆的琵琶豆腐..無論豆腐/茨汁都只是令人食下去有"一pat pat"之感覺..此處實在有驚喜!~檸檬蒸烏頭--烏頭大條肥美..加上用鹹檸檬來蒸..絕對沒有了很多人所說烏頭的"泥味"是日還點了豉椒炒雙腸..雙腸是鵝腸+鵝粉腸..我的至愛..美味!這4道菜..是我來此處必食之選!…Read More

我家主子從來都討厭食烏冬..有次迫佢陪我食完之後..偶爾..佢都會主動話要嚟食我問我家主子..你點解會喜歡食呢度嘅烏冬? 佢話..個湯夠熱(佢最怕食湯麵時..湯係暖嘅)..豬腩肉一層肥一層瘦仲要係厚切..講完一輪..其實都無提到個烏冬 哈哈......至於我..好鍾意佢個烏冬..煙煙韌韌..應該真係手打烏冬..黑豚肉味濃..雖然有些人不愛豬味..但我真的挺歡喜! 用石鍋上..像我食得慢嘅人都唔會好快成"碗"烏冬凍晒..仲有流心蛋..加上我至愛翡翠苗..厚切黑豚腩..大滿足!…Read More

這個中秋節..秋意很濃..所以家人問做節食咩好..我話不如去打邊爐啦..大家都贊成唔記得從幾時開始..係香港一年四季都有得打邊爐..對於我呢D邊爐精嚟講..真係開心到不得鳥! 呢個中秋邊爐..叫咗 :~鮑魚仔--超掂!!!!!! 上枱時個鮑魚邊仲係郁郁吓..真係好新鮮! 又爽又甜..真係好好食! Tips : 所有貝殼類放入鍋後都要計時..以鮑魚仔為例..大約"滾"15-18分鐘就要勺起嚟食..鮑魚剛好離殼..唔會韌又鮮甜..千祈唔好放係個鍋唔理..到記得再勺上嚟食就可能煮過咗時..大大浪費了美味食材..~田雞--好新鮮! 上枱時個田雞腿仲係度"震震"吓..我記得上次個朋友比佢嚇親 雖然唔算好大隻..但新鮮成咁..好難唔好食!~醉雞丸--上枱時有枝棋仔寫住"小心燙口"..好細心啊! 因為雞丸入面釀咗花雕酒係入面..如果剛煮熟一咬落去..一定"辣"親口..雞肉雖然打成丸..但係好爽口..酒味又夠濃..一齊食落口..好味道!~鵝粉腸--唔係好多地方有得食..我至愛..開心!~牛頸脊--我唔食牛..但家人話好食..好"淋"身..~韮菜餃--餃入面有大量韮菜..好香..而韮菜切到好細..唔會有吞嚥困難..一向唔食韮菜嘅我都覺得好食..~脆鲩腩--又一至愛..難得佢切到大大舊..咬落去好滿足..我比爆"脆"!~唐生菜/菜心--唔知點解..連呢度嘅菜我都覺得特別好食~響鈴--全晚唯一敗筆!!! 唔係即叫即炸..應該係"製成品"貨色..難食!當然..個鴨湯應記一功..因為佢令到所有食物都帶有淡淡甜味..甜味應該係來自於湯裡嘅杞子!…Read More

真的好喜歡食壽司..耐唔耐壽司癮就會發作 如果假日發作便煩惱鳥..因為一定好多人..等位等到傻:( 所以通常我都會入嚟機場呢間食..唔洗等位好開心另外..係出面已經改為一個order一件壽司..呢度大部份壽司都仲係維持一個order兩件..開心好多呢! 最愛~火灸帆立貝--帆立貝燒一燒..能帶出帆立貝鮮味..加上蒜蓉..増添香味.. ~鵝肝--入口即溶..能保持一貫水準..無失望過.. ~蟹棒--大大條..又甜又好咬口..點小小沙律醬..好味!…Read More