hkitty09的個人專頁

今次已經係第二次光顧，一間非常有誠意同埋講究既小店。第一次去叫左鎮店之寶： 醉燒雞湯麵湯底已經係勁有誠意，飲落感覺有少少藥材味，另外燒雞整法係， 鋪頭話每晚先浸酒6小時，然後風乾一晚， 再喺客人order之前， 即刻燒雞， 雞髀上檯時， 雞皮係超脆， 入邊仍然係好Juicy， 仲有淡淡酒香😋湯麵直頭驚喜， 好彈牙！ 不自覺食晒一碗，第二驚喜係佢哋嘅熱奶茶茶底好夠濃， 奶同茶比例做得好好我第一次入到鋪， 以為佢嘅奶茶會係好求其🤣但估唔到係好出色。今晚係第二次再去我哋叫咗紅燒四寶（牛肋/牛筋/牛尾/牛腸），但呢個冇影相， 因為個紅燒汁有少少麻椒味道，唔係我哋杯茶。另外叫左半生熟赤蝦蝦汁拌刀削麵聞落去碗麵到，已經有好濃郁嘅鮮蝦膏味； 而且刀削麵麵質好煙韌，同蝦湯好夾； 三隻蝦好大隻， 煎得好香，蝦頭同蝦身內外沾滿蝦湯味， 應該係煎香前處理過。仲有， 拌麵既配料係油漬風乾番茄🍅， 餐廳真係整得好好食， 完全唔識形容，我將所有蕃茄清光晒小店招呼好好加上用料用心講究，人均消費連飲品只係$100-$130， 會再去呀。小店加油！…查看更多

註： 我並沒有參加試食推廣， 是用原價購買餐點。今晚選擇了冇限時， 無論幾點入，總之11點前離開即可。 其實都真係幾抵。 我們由7:30 食到11 點， 我們選左$388 最貴的任食。 打邊爐食品總類很多， 牛肉不錯， 其他整體ok, 飲品用有多款， 也有串燒食, 味道不錯， 唯獨是甜品比較遜色， 不要期盼。餐廳缺點係比較嘈，環境一般， 檯與檯之間很近。 廁所尚可以。 整體都算ok.…查看更多

一直都好想試呢間日本餐廳，但入去之前， 見到OpenRice啲comments 全部都係負評， 其實都好掙扎， 餐廳價錢都偏貴，但既然去到門口， 就入去搏一搏。 整體服務都唔錯，今晚客人唔多、 有5-6 檯，所以服務員都唔算太忙， 主動添加水嘅次數都好多， 另外， 我哋問佢有咩推介， 佢都會問吓你想食咩， 然後再推介合適嘅食物。唯一係今晚串燒比較咸， 已即時反應給師傅。整體不錯， 但價格稍微偏貴， 建議可多做discount 推廣。否則， 都幾難滿客， 始終上面樓盤又未開晒。 …查看更多

今次已經是第2 次過黎， 第一次係食炭火tasting menu, 今次改食另一menu, 驚喜仍在， 尤其牛肉，5 成熟剛剛好， 肉質好林， 好香口。 其實每道菜都睇得出好用心， 小店要努力💪🏻今次menu 係$250/5 道菜， …查看更多

今晚突然好想食煲仔飯， 專登去深水埗尋找一下。 鋪頭係生隆餅家向前行， 轉灣就見到。 見到鋪面乾淨企理， 所以就決定試下。 結果真心覺得有驚起小店， 招呼好， 食物好用心。 窩蛋牛肉煲仔飯～好夠乾身， 好味五味鵝～招牌菜， 鵝好入味， 同時食到淡淡香料味。椒鹽吊筒～師傅話係今朝買， 所以好新鮮， 同埋炸得好夠乾身菜乾豬骨湯～好似屋企煲既老火湯， 超足料呀！頭說讚還有服務， 店家會問下食物好唔好， 見到我地食唔晒， 會主動攞盒比我地外賣。 重點係店家連廚師都好好笑容。推薦大家經過時要試下呀！呢餐好滿足！…查看更多

見到open rice , 這間甜品店竟然冇差既comments, 唸住唔伏， 滿心歡喜去食。 點知， 真心伏叫左薑汁燉蛋同芒果布甸奶冰。薑汁燉蛋係， 薑汁浸燉蛋， 但燉蛋出黎已經係偏硬， 薑汁水好‘希’；芒果布甸奶冰勁伏， 芒果布甸係完全冇味道， 同食緊魚膠粉糕冇分別， 伴碟既奶冰好彩係係正常。最後， 每碗只係食左一半。…查看更多

食物新鮮美味， 餃類、 手打丸類， 還有其他小食，很多都是師傅親手做， 十分欣賞師傅的手藝。他們很多特色餃類， 另外有些食物也是出面沒有的。多款湯底選擇， 我地點左椰子雞腳湯， 湯底濃郁， 材料豐富， 絕對像家中煲老火湯一樣。另外， 待應及老闆熱情招呼， 店鋪地方乾淨， 坐得很舒適。店鋪除打邊爐外， 也提供新鮮刺身及時令魚刺身， 今次去， 就遇上秋刀魚及金魚鯛魚，另外也有加拿大象拔蚌、龍蝦刺身。店舖也有自家大魚釭。整體都非常好， 唯一是要收醬油錢，$20/位， 這個個人認為是有點貴。 …查看更多

係荃灣廣場pop up store 買左3 件， 一件原味及一件綠茶巴斯克芝士蛋糕， 仲有一件菠蘿椰絲慕絲卷， 講真， 每件唔記得係$$56 定$58， 真係幾貴， 但見係明星開， 於是試下。點知， 真心勁伏， 蛋糕無芝士味， 蛋糕質地太實， 要好大力先叉得開， 但叉開後係散體。 而另外件慕絲cake, 中距中距啦。但最後全部都冇食晒， 食左半都已經扔晒。認實的， 想店有進步， 真係建議可以去家後或者cake life 試下人地整既，先會有進步。我相信我平時整既係好時過佢。一次就夠， 冇下次。…查看更多

一餐很有心思的晚餐， 由第一道菜到甜品， 睇得出廚師們的用心。 另外，最初睇menu 時， 我有懷疑過會唔會唔夠飽， 但當上菜上到一半時， 我地一家人已經飽左一半。個人最喜歡A5 仙台牛， 以往出街食A5 牛，多數太油膩， 我好多時都食唔到； 但今次、無論厚薄到、熟成度剛剛好之外， 兩款點牛既醬汁， 完全減低左牛既油膩， 我居然食晒。另外，脆巢乳豬鴿肉鬆，整體配搭好好， 乳豬唔會太肥😋整體非常滿意呀！ 另外、 一定要提係、 服務非常好， 每碟餸都清楚介紹一次， 我媽媽唔食辣同埋黑松露， 佢地都幫忙盡量安排配搭其他味道。 團隊整體服務殷勤， 笑容滿面， 100 分，而家一送一優惠下， 更加超值！！…查看更多

今天第一次去， 環境、 服務、食物非常好。 價錢雖然偏貴， 但真的是一分錢一分貨呀！今天點了以下食物， 我覺得整體有90 分。1. 鮮蝦餃～皮好煙韌，好薄， 餡料是滿滿蝦肉；2.小籠包～滿滿的湯汁，鮮肉餡料味道很好3. 芋角～餡料內是芋泥+白蘿蔔條，不過因為之前喺阿一鮑魚食過佢嗰個， 再好食好多。 但呢個都非常鬆脆。4. 蟹肉南瓜餃～雖然南瓜味唔重， 但談談蟹肉好滿足。5. 胡椒餅～好特別既整法， 好脆， 勁like6.鮮竹卷～我鐘意佢細細件， 湯鮮味，我連湯都飲晒7.御膳炒飯～好夠鑊氣， 炒飯個醬好鮮味, 好大碟我地會再去呀！平均：$350/位…查看更多

新一年黎一個自助餐， 因為想睇夜景， 所以選擇自助山。1.建議選6點個時段黎，因為天還光， 可以影到日景也同時可以影夜景；2.招呼週到， 大部份員工都親切殷勤；3. 講到食物， 熱盤選擇唔算多，魚生質數一般，但冷盤，如龍蝦，蟹卻不錯， 味道鮮甜。4. 甜品， 除左雪糕， 其他真係唔多吸引。5. 唯一我覺得非常好係， 鵝肝配多士， 鵝肝係厚切，而且質數不錯。 另外，點心如蝦餃、蟹粉小籠包、燒賣都頗有水準。還有， 熱檸茶會用鐵壺裝著，讓茶可以保溫一段時間， 這點餐廳做得很細心。總括而言， 已一個$688+10% 的價錢（成人）， 我覺得大概約值70-80分， 尚有很多改善空間。…查看更多

今日老公生日， 決定食餐好。首先稱讚下， 服務一流， 員工們笑容滿面。我地叫左下面食物：#燒雞泡魚乾# 燒得好乾身， 但仍然好軟熟👍🏻#蘋果煙薰拖羅（大腹）# 拖羅入口即溶， 煙薰味道特別， 必試#二人餐包魚生、沙律、壽司， 6oz 安格斯牛扒，慢煮八爪魚意大利飯，牛奶布丁～$598#壽司、意大利飯同埋甜品， 誠意推介； 壽司米軟硬適中，味道亦非常好； 慢煮八爪魚🐙，煮得好林 ，唔需要咬餐死， 意大利飯個汁100 分，亦都唔會煮得個飯太濕； 個牛奶布甸係用3.6 牛乳做， Whipping cream 份量好多， 食落口感好濃厚。至於， 安格斯牛， 我覺得一般， 唔係我杯茶。最後， 一定要推介北海道花咲蟹我隻$1380 ， 有成2斤幾， 肉質好鮮甜， 份量足，肉質結實，而且油脂夠多，味道比鱈場蟹及黃帝蟹更濃厚。再加埋餐廳自加製醋汁（類似大閘蟹醋）， 酸酸甜甜， 令到味覺更上一層樓。如果唔食蟹， 只係食二人餐，其實幾百蚊已經埋到單。…查看更多

今晚已經係第二次幫襯， 第一次去是剛剛開幕， 當時已經覺得是普通餐廳價錢，但酒店質素；今次第二次去俾第一次更滿足， 餐廳食材比第一次更多，只係牛扒已經有成10 幾款， 連日本飛驒牛同韓牛都有；麵包新鮮自家製， 配上優質既法國牛油， 回味無窮； 仲有必試佢既振店甜品， 麵包包丁， 呢間簡直無得輸。值得一提係， 佢地店鋪既老闆都好落力招呼客人， 親切友善， 非常有禮。 反而因爲員工仲係新手， 招呼上仲係有進步空間， 但態度可加而餐廳環境優美， 用上全雲石檯， 感覺雅緻；Open Kitchen 亦令到廚師同食客可拉近距離； 而且抽風系統做得非常好， 完全唔會有油煙味。係餐廳入面有好多home sweet home 既小裝飾， 有在家的感覺。…查看更多

其實路經過呢間鋪頭好多次， 但係因為見佢位置唔多， 所以次次都冇試。 直到今日，見佢廚師推介係牛肉漢堡，於是就入左去試下。侍應一送過來， 我即刻試食，嘩嘩嘩! 佢個牛肉好juice，薯角好新鮮， 味道同價錢都係非常驚喜。 感覺係一間用心的小店， 下次會再去試其鎮店之寶Pizza.…查看更多

今晚去完打邊爐，見到呢間甜品店，好多人係門口等緊，於是就試下。坐下了後，我們點了一個海底椰王燉燕窩、豆腐木槺布甸及蛋白杏仁茶，在等候期間，看見隔離檯讚口不絕，我和朋友們都很期待；第一個先上的甜品是燉椰王，結果大失所望，放在最頂的燕窩先不談，因為$42一樽的甜品，不要太期待燕窩質數，但內裏的燉奶／燉蛋白幾乎沒有椰青味道，另外，燉得太久了，連椰青肉都變得太林了，完全沒口感，真的很失望；到再來蛋白杏仁茶，嘩！杏仁味同水既比例，完全不相乎，淡到真係，蛋白既比例亦太多，我地食左少少已經冇再食；最後，再來木槺豆腐布甸，係個店員送來既時候，見個布甸振動很大，已經心知不妙，都唸係如膠粉既製成品多，結果一食落口，真係膠到，一點豆腐味都冇，得個甜字，結果我地都只係食左幾口就埋單了。這個豆腐布甸實在同＂綠林＂那個差得太遠了。總括三個甜品都係差差差。只是值得一讚是店鋪招呼不錯，但為了做生意，卻把顧客坐的位置安排得太迫了，一點空間也沒有。…查看更多