stephen.lmf's Profile

今日佢老婆行街，周圍餐廳都好多人，但係見 Dan Ryan’s 有位，又諗住喺大牌子，所以就試吓。誰不知呢間餐廳完全唔夠人手，雖然啲員工已經忙到傻，盡量有禮貌，但係真係唔夠人招呼客人落單，而且上菜極慢，order完50分鐘後牛扒先上。隔籬枱都開始燥底。最不滿嘅係唔知點解遲落單起碼15分鐘嘅枱會上晒菜先，但係早嚟嘅幾枱都冇嘢食。到上菜嘅時候，啲番薯條 overcooked 好多油又淋，6成熟牛扒 = 3舊全熟，2舊全生😅 睇openrice 大家嘅評論都發覺呢間餐廳嘅人手好有問題，今次親身體驗。不可一不可在。😅…Read More

小弟於9月一個週末預訂了Velo semi-buffet dinner慶祝屋企人生日。6點入座，坐位舒適，燈光略暗。點完主菜後就出去自助餐區攞野食，有大量健康及高蛋白質前菜 (包括生蠔) ，適合健身/瘦身之人。主食份量適中，比以前細份左。細份左係好事，因為以前食過Velo，大大份主菜，但事實上食完前菜都無咩位食主菜，搞到浪費😅甜品幾多朱古力類別選擇，濃郁朱古力味！另外入座時同店員講左有人生日，店舖都安排左一碟簡單，寫左字既慶祝甜品。下次會再黎😊…Read More

話說之前幫襯過幾次，適逢父親節又再去試吓。預訂時，店員話booking分兩節，11:30和1:30，小弟約了11:30，之後店員表示希望1pm交檯，為應付1:30pm booking。當日我哋準時11:30到達，都已經即刻order，本來都覺得1.5小時用餐時間應該充足，亦明白呢啲慶祝日子一定好忙，基本上食物一擺低我哋都好快清晒。雖然四人檯唔係太大張，放低所有食物時其實會有少少逼，但係食物味道還算不錯。我地order既主食係大約12:40全部送上（因為每一道菜上既時候都相機食先，所以知道時間），我地知1pm交檯，所以都渣渣林1pm左右食晒主食，同店員講可以上甜品埋單。點知等呀等呀，甜品同張單都無黎，但店員無催我地交檯，所以我地咪傾住計先。等到約1:20pm甜品仲未上，覺得有D唔對路，催一催店員話甜品仲未黎。店員就話OK幫我地追追。結果甜品連埋張單1:37pm送到，我地即刻埋單，5分鐘內食晒個甜品+碌埋卡。點知…係我地碌完卡執緊野走人途中，一個著唔同衫（無著制服）既男店員（貌似高級），竟然走過黎講一句 ”你好呀我地下一檯人已經到左啦，麻煩交一交檯吖，將心比己，你如果book左檯都唔想係出面等。“ 聽到果下都覺得呢位男店員講既野幾難聽，老豆塊面都黑左。明明我地已經盡量配合你地舖頭既交檯時間，甜品同張單遲黎，點解好似變左好似我地問題咁？其實都幾想同呢位男店員理論。但係為左避免進一步影響父親節喜慶氣氛，所以都係避免嘈交。不過都會想藉此機會同大家分享小弟既經驗，等大家有個心理準備。呢日係order左父親節套餐，另外加一盤酸菜魚，4個人一共$3200 (連10% 服務費)。…Read More

小弟今日放工忽然勁想食拉麵或者日式野但北角真係比較難搵拉麵 見呢間日本野未試過 招牌幾吸引 就俾次機會佢入去試下入到去 環境唔大 不過算乾淨坐低之後 雖然多員工 但大部份都掛住傾計 唔理客人 所以我都等左一陣子先有人俾餐牌我 叫左泡菜吉列豬扒出前一丁 同一杯乳酸飲品食物大概五分鐘後黎 (俾速度嚇親) 賣相幾好先試麵: 泡茶同吉野家d無分別 算係咁湯底不過不失麵硬度ok 證明廚房試整出前一丁 隻蛋啱啱打上去 黎時仲係完全生 d湯唔夠熱去將蛋白變哂白色 (透明係相睇唔到蛋既存在 其實係左手邊)ok試下餐廳主打 吉列豬扒:一咬落去咦？咁冧既？唔通啱啱淨係咬到d粉？咬大啖d先 都係好冧喎... 唔通未煮熟？望下塊肉 顏色睇落夠熟 但由於d豬肉 搓既時候太鬆 搞到炸完後 塊豬扒太冧搞到有d似食炸蕃薯咁...努力食多幾啖後 我放棄 唔食啦所以走時仲有一大塊剩番係枱面飲品:明顯係出面緊有得賣既支裝飲品 我算大半杯冰 小半杯水 我算但d冰唔夠凍....d野飲黎到不久 d冰已經溶左一半... 變左乳酸溝水.. 結果都係無飲完走人總結+價錢: $83唔算太貴 但絕對唔係平我會expect好少少有10% service charge 但一d職員掛住傾計 一d就dub低頭做野唔理我埋單自己出去埋唔明為何要加一服務費 唔會再去…Read More

今日小弟家人見呢間店快執所以去試下點知食完勁後悔1) 員工態度差 我明白我唔係食緊高級餐廳 但d員工連對人既一般尊重都無2) 第一樣到既食物係酸辣湯 一來唔熱 二來有"縮"味 似變壞左3) 大鹵麵d麵 煮得過份耐 一舊野咁 入口差唔多即溶4) 小籠包塊皮 厚過d員工塊面皮5) 銀絲卷加送蛋白質豐富昆蟲一隻估唔到星期日想去relax一下 都要食飯食到一肚火弟第一次係open rice出文 就送左俾呢間店…Read More