我地order既主食係大約12:40全部送上（因為每一道菜上既時候都相機食先，所以知道時間），我地知1pm交檯，所以都渣渣林1pm左右食晒主食，同店員講可以上甜品埋單。點知等呀等呀，甜品同張單都無黎，但店員無催我地交檯，所以我地咪傾住計先。等到約1:20pm甜品仲未上，覺得有D唔對路，催一催店員話甜品仲未黎。店員就話OK幫我地追追。結果甜品連埋張單1:37pm送到，我地即刻埋單，5分鐘內食晒個甜品+碌埋卡。點知…係我地碌完卡執緊野走人途中，一個著唔同衫（無著制服）既男店員（貌似高級），竟然走過黎講一句 ”你好呀我地下一檯人已經到左啦，麻煩交一交檯吖，將心比己，你如果book左檯都唔想係出面等。“
聽到果下都覺得呢位男店員講既野幾難聽，老豆塊面都黑左。明明我地已經盡量配合你地舖頭既交檯時間，甜品同張單遲黎，點解好似變左好似我地問題咁？其實都幾想同呢位男店員理論。但係為左避免進一步影響父親節喜慶氣氛，所以都係避免嘈交。
不過都會想藉此機會同大家分享小弟既經驗，等大家有個心理準備。
呢日係order左父親節套餐，另外加一盤酸菜魚，4個人一共$3200 (連10% 服務費)。
