bananking's Profile

愈多選擇既鬧市唔知點解總覺得愈難搵食晃著晃著，來到呢個充滿小店既首都廣場。尖沙咀來講人流唔算多，但喺2樓，估唔到一呆，我就喺呢度坐左2個鐘好可愛既牆，寫上了餐廳既活動。令人想起好多年都無再寫既schedule book，好懷念呀！香港郵意係一間以明信片為主題既cafe，又點少得post card呢！CAFE內有好多充滿香港特色既post card可以比客人買，仲有郵筒比大家填完代寄添！好有誠意喎！個場好大，好易就搵到一個舒服位，亦唔會太多人驚坐一陣唔好意思就要走。電子MENU，一眼睇哂有咩食落完ORDER就等食物喇！cafe係自助形式，食完野就要自己收拾，餐具亦有特定位比你自己拎。講左咁耐，終於到食物喇！・All day breakfast $88・卡邦尼意粉 $58・你啊你啊（蘋果雪梨）$48・煙三文魚火箭菜薄餅 $128見到佢地果刻都真係幾驚喜！無諗過呢間特色CAFE D野食唔差喎！All day breakfast好豐富！牛角包好香外面好脆，菇炒得好香，仲有我最愛既香草腸呀 重點係全部新鮮做起，熱辣辣好味！卡邦尼意粉係濃厚CREAMY肥肥既感覺，幸好叫左杯小清新蘋果雪梨汁，先不至於太滯煙三文魚火箭菜PIZZA好足料，煙三文魚舖滿PIZZA，不過小妹覺得咸左少少，同覺得火箭菜比例可以再多D呀！坐喺呢度食野都幾舒服，我見有D客睇落都係坐左好一陣，而且令個位都機乎搵到電掣，正呀！人少少真係可以來靜靜地寫下野，飲杯野慢活過一日呢…Read More

已從雞煲同打邊爐盛行後，真係已經好耐好耐無食過放題加上唔知係咪年紀大左，無以前咁食得凍野不過估唔到，我以前認識既放題已經進化左好多！今次同朋友去食lunch放題，因為個場都好大下 ，同埋可能因為下晝，所以人唔算多，一去到就有位了店員比我地落order用既QR code要首先download左個app先用得嫁個app都好清楚，圖文並茂對於用家來講，我覺得呢個app最好既地方係你可以睇返自己叫左乜野野食，唔怕叫多左，同埋食物唔小心漏左單都可以追單喔:)識食頭盆當然係食刺身啦呢度好難得有我最最最愛的劍魚腩，好新鮮！三文魚甜蝦，帶子都唔錯。不過極大赤海蝦就有少少遜色，無乜味咁好食既野當然黎多一round呢個黑松露油甘魚都好好食！松露味十足其他壽司質素都唔錯:)我尤其鍾意佢舊壽司飯，好食得黎唔會太大舊每次放題都會叫的海膽手卷鮮甜好味！個吞拿魚蓉就普通左少少，可以唔洗試。肉肉肉類芝麻雞翼好好好好食！熱辣辣即炸出黎，juicy外仲好多芝麻好香羊架都中規中矩，唔會太羶，肉質亦唔會太韌鰻魚，燒牛舌同燒菠蘿燒菠蘿永遠都無得輸，好甜呢個焗蠔我就覺得好難食，即係咁，除左沙律醬同面頭有d芝士外我乜都食唔出臨埋單既surprise 😍原來有Haagen Dazs同Movenpick雪糕食！不過只限一杯（出面有其他平價雪糕不過吸引唔到我） 我揀左焦糖脆餅味好食呀！一個午餐放題，食左咁多野一人都係200蚊左右，我都覺得幾抵下次午餐想豪食又有選擇喇…Read More

位於office區既Ninetys成日一到lunch time就好多OL排隊，坐無虛席，今次路過見有位終於可以試喇Choco Blend Flat White店員介紹話choco blend既咖啡豆會有淡淡既可可味，配上藍莓乾飲呢，個味道就可以發揮得最好咖啡好香，飲落真係有少少可可既感覺（不過大家唔好expect有朱古力味😅佢唔係mocha喔）大合照The best tartare ever好清新呀！平時食既他他多數係配芒果，但佢呢個係配西柚同碌柚碎，夾落三文魚同牛油果呢2樣口感較肥膩既食物可以中和返，食落感覺唔會好滯:)搽上有果香粒粒既薄脆包，好味呀朋友叫左呢個（唔記得左叫咩，另外都有牛油果果個😅😅😅），炒蛋都好滑，呢個餐就飽肚少少都好食！見到隔離枱有個有咸蛋黃喺面既龍蝦大家都讚好，下次再黎試過！:)…Read More

仲記得搬入西環既第一日個搬屋司機同我地講：掂啦，西環咁多野食！淨係加記個雞脾沙津已經贏出面九條街！講到咁誇張一直都想試，事隔2年終於有一日下午茶去左食！拿拿拿，講緊既就係佢！隻雞脾大到嚇親我絕對係手掌大！！！講左個沙津先。平時食茶餐廳沙津都係罐頭雜果沙津/薯仔沙津，但加記既沙津係用沙津菜！大大碟生菜，青瓜仔好清新！仲有大大片西瓜，認真足料！追求健康既大家可要求走沙津醬減少罪疚感喔。隻雞脾真係好大隻，好好食外皮炸到好脆得黎入面又唔會乾左，仲好juicy好厚肉嫁，雖然咁大隻但成隻炸得好好，唔會話有d太熟有d唔熟咁不過呢，店員既服務態度就一般般喇有少少趕客mode。但係呢隻雞脾絕對令我可以再光顧！…Read More

35度高溫燒滾了我，自殺式咁去左試想食左好耐既勝香園夏日炎炎，無冷氣，只有大風扇下姨姨們都依舊努力工作💪🏻💪🏻💪🏻蕃茄牛肉公仔面，絕對係勝香園既signature。一舊舊夾得到既蕃茄絕對唔係茄醬咁簡單牛肉係港式鮮牛，茶餐廳味道公仔面檸蜜脆脆啖啖鬆化，好快就食晒時代唔同了，大家都愛坐喺有冷氣，坐得舒服既餐廳享用食物，所以咁有香港特色既露天茶餐廳真係買少見少。大家有時間，天氣唔太熱既時候都來感受下舊時港式味道丫:)…Read More

由於呢頭實在太多選擇，每次經過希慎都要爭扎一番先揀好野食今次同朋友小聚，就試左kikusan。Kikusan卷 HKD$68我就係比佢吸引左入去🤤🤤🤤集吞拿魚蓉，海膽同筋子於一身既小卷材料非常新鮮，好鮮甜呀！完全俘虜左我既心一碟有8小粒，逐粒都可以享受到呢3樣食材，認真足料嫁！雞肉小籠包 HKD46平時食豬肉小籠包就食得多，雞肉又真係未試過😂 小籠包皮好薄，拍得住好多上海菜專門店呀！可惜個餡唔係豬肉，始終都係食唔慣 好似唔啱味咁😅😅😅下次叫返豬肉先！南瓜牛肉湯烏冬 HKD88作為烏冬狂，無理由唔試呢個烏冬不過南瓜湯底未算好出眾 牛肉亦有d過熟感有少少失望沖繩苦瓜豚肉炒蛋 HKD68呢個怕苦瓜苦的人士慎入！！！百分百苦既沖繩苦瓜，愛食苦瓜既我表示大愛入面仲有煎滑豆腐，中和返苦味，好食！價錢公道，食物有質素，下次都會再來！…Read More

西柚又有好介紹！今次係日韓料理口口口如果唔係朋友介紹真係唔會識搵到😅呢間餐廳對於我來講最特別既係老闆🤣老闆自己身兼廚師、店員、清潔etc⋯仲記得第一次黎食，啱啱落完單，老闆同我地講：「拎隻小吉去攞野飲啦！」我同友人即刻一個黑人問號，老細又無諗住解釋😅😅😅好在呢個時候有位食客同我地解釋返「你地拎門口隻小吉公仔去右手邊間舖頭拎野飲啦，個餐包埋嫁！」哦！！原來係咁😅😅😅日式牛柳粒飯口口口其中一個特色，就係老闆會好悉心咁做好賣相，有時係蘋果片，有時會有紫菜碎、木魚碎etc（左邊係飯黎嫁）～不過加左上去都係好夾，唔會覺得奇怪。牛柳粒就係好似圖中咁多，真係好抵食！煮得啱啱好，唔會過熟，讚！朋友叫左個豬軟骨烏冬烏冬食落係好食的讚歧烏冬，但係豬軟骨就一般，略嫌碎左d，湯底似係鰹魚汁湯底，鮮甜唔錯最後埋單，老細再兇神惡殺咁問：你點搵到呢度？D野好唔好食？我同朋友都覺得佢好搞笑大家睇完我個post，記得唔好比佢嚇親😂😂😂…Read More

想食好耐既人氣美式漢堡店諗住平日下午茶時間去食應該人少少唔洗排隊:)點知⋯⋯我錯了受歡迎既食店無論幾時都係全天候迫爆😓好彩排左一陣就有位餐牌一目了然，最吸引我既當然係佢d burger落好單等左10分鐘就有得食了一行4人，叫左4個burger，一個fries，2杯飲品同1個甜品🤤🤤🤤Shack Stack HKD86大家都好期待的burger配料有生菜，蕃茄，炸芝士大啡菇同肉肉肉果個大啡菇好好食！！！炸得脆之餘又唔會乾身，而且一咬漏到成口成手都係芝士不過唔係芝士控的人可能會覺得over左，因為芝士都確係有d多Cheese Fries HKD36早就聽講呢度既薯條唔係特別出色，果然一食都係無乜特別:)4個人食一盒過下口癮就算啦Fifty/Fifty HKD$24雖然好想試milkshake，但喺咁多肥膩野底下始終都想飲返d小清新呢杯Fifty/Fifty一半係茶，一半係lemonade，飲落微酸有茶香，好味建議大家叫少冰因為飲到尾太多冰會變淡喔！…Read More

自從上次食完韓式烤雞後就一直好掛住，終於有機會試喇！今次去左食銅鑼灣既The Hwaduk聽講呢度坐得舒服，可以慢慢坐傾下計就同朋友試下。平日既下午茶時間，人流唔多，鐘意坐幾耐都得:)韓式烤雞碟頭真係好大，我地叫左一個PIZZA，一個烤雞，同1壺飲品韓國米酒 （荔枝）HKD118愛飲米酒，因為口感濃滑，酒精味唔會太重淡淡荔枝味同米酒好夾一壺夠2-3個人飲烤牛肉薄餅 HKD$118熱辣辣PIZZA話咁快就黎左。實物比MENU中賣相更出眾 更多料PIZZA要有芝士拉絲係常識吧PIZZA個餅底係薄底，茄膏底配上烤牛肉碎同青椒粒，面頭仲有似日式燒汁既醬，好食！成個PIZZA條脆卜卜，平時既我會咬哂D料走邊，但呢個PIZZA我食晒D邊香辣烤雞 HKD198主角出場喇！話說落單果陣店員問我地，因為呢個雞非常之辣，洗唔洗叫少辣？比店員細心提醒，我同朋友當然即刻答好！好彩咋，少左辣就岩岩好喇！烤雞辣汁好夠，陣味有少少似泰式辣醬，少少辣又甜甜地咁，都幾惹味嫁真係好大碟，感覺成半隻大雞咁多影返張大合照先不過呢，又老老實實，2個人食真係有D太多，好似食緊4人份量咁等我下次約埋成班朋友REUNION再來過先…Read More

今次介紹呢間餐廳真係不得了，小妹強烈推介比各位附近返工既上班族（事實上都係我位減肥中的上班族朋友介紹我食的）事關佢D野食，健康，好味，低脂，食得飽！非常適合想健康飲食好想食得開心既朋友食店裝修走簡約路線，店內坐位唔多，估計都係主打做外賣生意多。無花巧的餐牌，一眼睇哂6個餐，因為新開張，除左餐飲外，仲有餐湯送:)見有位，我同友人揀左堂食，對住就係馬路，幸好唔多車經過，唔會要食住塵坐呀～一坐底無耐，店員為我地送上是日餐湯南瓜湯身後就係飲品櫃，店員話飲品係佢地日日新鮮製作，無添加飲品可選肉桂薑橙茶或蘋果雪梨茶，都係清新之選小妹同友人每人試一款，覺得肉桂薑橙茶較易入口，蘋果雪梨茶可能加左薄荷？感覺怪怪的C2．慢煮雞胸配雙色花醬 HKD $88畢竟平時大魚大肉開，老實講個餐來到我面前一開始真係滴左滴汁：PUREE會唔會好難食嫁?結果出乎意料，首先個湯係好濃既南瓜蓉，南瓜好清甜，好味至於個飯左邊係西蘭花蓉同芹菜頭粒，右邊係椰菜花蓉同蒜心雙色花蓉打得好滑之餘加上菜頭粒口感豐富左好多，另外蒜心淡淡蒜香又唔會好口臭都好食:)Slow cooked雞胸一D都唔鞋，仲好JUICY添雞胸下面仲有好健康既15穀飯，食哂成個飯原來都幾飽下B1．碎牛肉拌豆蓉辣茄醬 HKD $78嫌雞胸太悶，呢個B1可能帶到比大家新鮮感友人叫既呢個餐，一上台見到咁colourful即刻食慾大增辣茄醬好香，加埋牛肉碎好夾！店員話所有調味都係用天然食材，一滴豉油都無落嫁！作為健康餐，當然要有菜啦，除左蕃茄仔，仲有西芹粟米同豆蛋白質夠哂之除口感又好當然，同雞胸餐一樣，下面都有15穀飯。撈均來食口感更好除了大魚大肉外，間中食返餐健康又好味好飽肚既一餐清清腸胃都幾好呀:)大家都一齊試下啦！最後題外話，雖然店內食具都用即棄物料，方便外賣，但亦欣賞店不用發泡膠而採用紙餐具喔各位愛地球一族，不妨自帶餐盒，為環保出一分力…Read More

又係西柚介紹區內食物既時候喇！今次呢間，想食好耐，但食完真係失望西環的CAFE大多裝修都簡單而舒服，呢一間都唔例外呢 一入到去坐底就比佢靚靚既外表吸引左，好期待我是衝住窩夫而來的，朋友不嗜甜，所以點左個雞肉牛油果蜜糖芥末沙津不過味道就好一般，雞肉好乾同『鞋』口，個sauce亦太甜，唔太夾果一刻都以為因爲呢度主打WAFFLE啫，甜品應該會更好既點知⋯⋯睇個外表都覺得有少少HEA，但食落就覺得完全唔OK。我敢講，我自己都會整得好食D。⋯⋯主要係咬落去塊WAFFLE連個麵糊都未攪均，一路食一路咬到有未攪均既砂糖口感（面頭的係糖霜唔會有砂糖口感吧）除了個好難食的WAFFLE，剩下既就係香蕉，CREAM，朱古力醬說真的，我去超市都買到呢D原材料喇⋯⋯總結此行真係好失望，尤其佢係打著WAFFLE既旗號，無想過會咁差…Read More

油尖旺雖大，但成日都總覺得唔知食咩好今日同FD行完街 見到呢間紅橋睇落都幾新淨，野食唔貴，就入左去LU～:)睇個名以為係中餐，但店內既裝修就似西餐廳散叫餐牌 我同朋友叫左晚餐AB餐，分別係羊架配蛋包飯，同豬仔骨白汁菇意粉，另外散叫左個芝麻蝦多士餐湯係南瓜湯，好香南瓜味之餘仲帶南瓜絲嫁個跟餐沙津真係有驚喜，除左另叫既沙津外，真係無見過餐廳咁有誠意加埋煙火腿落去⋯⋯成件事即刻高級左好味呀小食先到！蝦多士有黑芝麻同白芝麻2款，熱辣辣之餘仲好厚肉，芝麻味好香，正呀！不過，小妹可能見識淺，第一次見蝦多士配煉奶感覺怪怪的，如果配蛋黃醬可能會更好大大碟main dish到！豬仔骨多到嚇親我地，因為有2排！而且除左骨仲好有肉地，滿足哂食肉獸我既慾望意粉都好食，唔會過熟，又有秋葵拌碟，唔錯！呢個蛋包飯應該係夠2個人食切開個飯，先知入面原來係炒飯底！！！加分加分。飯底好香，炒得粒粒分明至於個羊架，我係覺得還好，始終係平民西餐價錢，性價比算高了2個人食到捧住個肚走（仲食唔哂，少少浪費）都只係2舊水抵呀！下次大家可以帶埋身邊既大胃王來呢個抵食之選丫！…Read More

麻辣雞煲就成日都食，但川式麻辣烤魚又真係未試過:)今次係朋友極力推薦之下既第一次！大大個招牌o係京都廣場，好易就搵到！6點鐘唔洗等位就有得食，好幸運地方都算闊落侍應好快就拎左MENU過黎仲介紹左有D咩食:)雖然銀魚好吸引同感覺最抵，不過我地得2條友驚太飽，就先小試牛刀試左銅魚啦魚方面店員推介江團魚，話肉質比較實，無乜骨辣度既形容詞又幾搞笑⋯⋯我地最後揀左好銀辣⋯⋯下面冒尷尬辣（怕死二人組）另有散叫MENU食得辣野，唔係唔飲野呀？我地都戴定個頭盔，ORDER左任飲以防萬一前菜有芝麻醬菜沙津同手撕包菜，一個FRESH一個酸辣開胃，不錯喔:)餐入面仲包左派款配菜，我地點左牛舌 牛柏業 豬紅 同識食一定會叫既薯粉！ 魚未到飲品先到，紅桑莓蜜茶。淡淡莓味又唔會太甜不過建議如果為解辣的話可以叫另一款菊花薑蜜，因為甜少少，可幫助解辣！主角出來喇！店員叫我地滾起先開始，我地D口水已經流定出來先喇唔洗一陣就食得！店員好細心咁幫我地分好條魚，吉開一格格方便我地食開動喇！！條魚真係好鮮甜好滑，重點係一D都唔會腥！！魚皮煎過好香口，我食左超多件魚除了魚，旁邊既配菜仲帶蓮藕，莞茜同大豆芽，加埋好夾，蓮藕好爽口，莞茜好香，加埋個吸左辣汁既大豆芽，正！店員見我地辣得咁過癮，仲拎左個原始辣汁比我地試下好香好麻，不過食一啖就要飲半杯野飲都係加左湯安全D9秒9KO左條魚，食埋D配料岩岩好（薯粉好正！）下次帶多D朋友來再挑戰過銀魚！…Read More

今次介紹既係O係我家附近既平民好味之選！呢間唔起眼既茶餐廳係我強烈推介既飯堂世上無敵既萄汁雞王飯熱辣辣出爐。萄汁好香，椰汁同甜味較得岩岩好雞扒多汁鮮嫩，加埋炒飯底同上面焗燶既芝士，真係無得輸晚餐仲有配沙律蒜蓉包餐湯同餐飲甜品（甜品仲有得揀PANCAKE，啫哩同布甸），埋單100蚊有找下次你地都試下啦一個人食飯都可以好幸福嫁（午餐都有餐，不過甜品就只有啫喱同布甸揀）順帶一提，佢D扒都好值得一試喜歡茶餐廳中式扒房既朋友必試！…Read More

o係未講食左D咩之前要先警告大家，千其千其唔好比佢個店名呃左今次要介紹既係位於西營盤既一碗小麵，地鐵站行3分鐘就到，都唔算難搵:)一坐底貓奴如我就比對筷子架吸引住，好可愛餐廳充滿好多粉筆字同畫餐牌。我地點左麵麵俱到同老闆介紹既酸菜魚麵，仲有點左蒜泥白肉同口水雞做小食麵底可以揀上海麵，米線同薯粉:)開餐！唔洗一陣2碗麵已經到左，好快手！一到左，我地2個即刻比碗麵嚇親一。碗。「小」。麵？？？？！！唔好講笑，真係一D都唔小，建議餐廳改名做一碗大碗麵（SOR搞左爛GAG）酸菜魚麵個湯好鮮甜！酸同辣味調配得岩岩好（我仲飲哂D湯，無味精，好味）魚無腥味，不過就略嫌多骨左少少，如果係魚腩位可能會更好米線軟硬度剛好唔會過熟麵麵俱到呢碗麵真係好抵食！一碗大大大麵入面帶齊菜，豆，豬手，豬大腸，牛腩，肉碎豬手同牛腩夠淋夠入味，豬大腸大大舊不得不提個薯粉真係幾好食，唔會太韌，粗幼亦剛好2個小食蒜泥白肉食過真係包你唔會再o係譚仔食真係2個級數既事D肥膏入口即溶，邪惡感UP蒜蓉加上醋酸味令人停唔到口唯一唔好既，係食完個口真係好臭成口蒜味口水雞，同樣係大大碟不過個人覺得水準同之前既野食比就差D喇雖然醬汁好惹味，但食落d雞無乜雞味:(少少失望就係咁，成枱野食，我地食到捧住個肚走下次想要飽肚又好味之選？呢一碗大麵幫到你！…Read More