菜心蘿蔔's Profile

完左Project成個人輕鬆曬，多個月來嘅緊張心情，現在可以盡情地享受食一餐好嘅嚟慰勞下自己，於是就 就約幾個死黨出嚟食晚飯。磯燒海鮮，當店員把海鮮排列在枱上時，見到已經流口水，全是新鮮食材，大size嘅鮑魚，鮮味一流，滑嫩非常。大大隻嘅蟹，燒起嚟香氣逼人，肉質甜美。扇貝，青口同樣出色。刺身有甜蝦、生蝦、三文魚。超級甜蝦，爽口彈牙，汁液 豐富。生蝦同樣優質，咬口爽脆，鮮味無窮。三文魚肥大肉厚，冇得輸。海膽軍艦柔軟綿綿，香氣逼人。魷魚軍艦柔韌十足，咬口彈牙爽脆。小食螺肉八爪魚 味道濃郁惹味。芝士焗生蠔濃密嘅芝士香，融合生蠔嘅 鮮，時間控制得恰當，簡直係絕配。燉湯，一流嘅廚師配上優質嘅食材，做出呢個燉湯，濃密潤 甜。生果多款新鮮水果，無限添加。我們一班死黨，個個都食得好開懷，大家都盡興而回。…Read More

系香港打邊爐一直都系無分季節，特別系依家天氣開始凍， 圍圍喂約埋班Fd打邊爐就最好不過啦🤤今次黎到銅鑼灣呢間新開噶水佬榮，啱好4個人， 就叫左個航海海鮮盛宴， （除左海鮮盛宴仲有其他可以選擇噶， ）系4～6人份量， 每日有8款時令海鮮， 鍾意食海鮮噶就唔好錯過啦， 調味料多選擇海鮮盤先上檯後加湯， 見到D海鮮真系好新鮮下， 睇住侍應哥哥加湯落去， 見到D海鮮生蝦咁跳， 就知夠唔夠鮮啦，是日海鮮海鮮有蝦🦐，蟹，鮑魚，青口，蜆，花甲等等， 湯底有4款選擇， 今次我地就試左個水佬榮辣汁湯底小辣， 海鮮加湯後要15分鐘後先食得， 海鮮夠鮮甜， 再配上個特色湯底，辣辣地， 鮑魚一人一隻唔使爭啦， 配菜有安格斯特級肥牛， 新鮮蝴蝶腩，黑豚肉等等各5款，食到差唔多， 再落埋個配菜簡直系一大滿足呢度環境闊落， 我地今次仲坐系卡位，可以一邊慢慢食慢慢傾， 三五知己或著一大幫朋友聚會都系唔錯噶選擇…Read More

我是一個不吃飯會死人的飯痴，尤愛蒸飯、焗飯，因家住西灣河附近，最近愛上這店的臘味雞焗油飯。那晚公司加班回到家附近，找了這間店吃晚餐，看到餐牌上有這款臘味雞焗油飯，配了杯羅漢果茶，五十元有找，其實頗化算。先嚐了這油飯，不是滿口油膩，吃到飯內是加了黃薑、香茅、肉桂、南薑等等香料，香味有層次，最重要唔肥膩，不是滿口雞油那種，而且米有飯香，粒粒分明帶爽身，有咬口，我最怕吃到太爛的飯啊！油飯有水準，相信用了不少時間來烹調。另外吃時，亦有著臘味的絲絲油香豐膄，恰如其份，最愛佢樣樣有-潤腸、臘鴨、臘腸和雞。潤腸和臘腸不會太多肥肉，偏瘦，肉味濃但唔乾好好食。雞也不錯，有醃過，肉質夠滑。那臘鴨原本以為會好咸，但不算，少少咸香，油份恰好，不會有油”益”味，可謂有鴨香味，混著油飯食，飯味更昇華，個人認為比加了甜豉油的煲仔飯更好吃，更能嚐到新鮮食材的原有風味。再配那杯清甜羅漢果茶，潤肺養顏，熱氣全消，吃得好滿足。…Read More

之前同朋友兩個人去左龍門冰室食飯, 兩個人都叫左好多野食, 食到我地好飽, 而家再帶大家同我一齊回憶下啦!我同朋友都點左個忌廉粟米汁龍利柳撈丁配凍檸茶。職員送菜效率都幾快手, 好快就有得食又有得飲。凍檸茶一杯滿, 都有好多片檸檬, 飲得出有茶既甘香同檸檬既酸澀味, 檸檬茶果然係香港茶餐廳既偉大發明!我朋友就飲黑牛, 有好多茶餐廳同冰室都買少見少, 難得呢度有就一定要試下!忌廉粟米汁好濃, 忌廉味好突出, 粟米粒粒飽滿又香甜, 龍利柳都有兩塊, 都幾好味, 魚味都幾出色, 肉質都幾嫩, 值得一提就係呢個撈丁都配有幾多菜, 即食麵都幾彈牙, 唔會煮到過左火, 好似糊左咁, 所以就算撈左汁, 都可以保留一定口感!小食就點左蜜糖雞翼同韓式炸雞。蜜糖雞翼炸得好脆, 而且又相當入味, 出面蜜糖, 食落甜甜地, 幾好食!好少見到冰室有韓式炸雞食, 點都要試下, 送過黎見到都有好多件, 賣相同出面食既有D唔一樣, 食落香脆肉嫩, 少少辣辣地, 幾惹味, 裡面仲有好多肉汁, 估唔到都幾好食! 有D驚喜!總括而言, 呢度既食物種類有D特別同有創意, 同其他既冰室好唔一樣, 而且都好好味, 有驚喜!…Read More

天氣涼涼哋，可以開始食火鍋。見Yoho有間炸雞同韓式火鍋，啱哂呢個天氣!  一望入去，裏面唔會好大煙，見枱面又好多食物揀，應該几得！座底揀咗佢既升級濟州海鮮年糕鍋，都係比其他多15蚊就有埋海鮮，而鍋裏面已預備了煙煙靭靭既白年糕同靚靚哋紫色既芋頭年糕，再加上大大隻既墨魚、muscles等等海鮮材料，仲要新鮮既，再再再加d基本火鍋材料，例如魚型魚蛋呀，粉絲肉碎腐皮包等， 令到個鍋好豐富、好豐富~色、香、味齊哂！我哋又再叫咗几款炸雞，果到有起碼六款選擇，口味好唔同，我哋叫咗韓式甜辣炸雞同大蔥炸雞 ，酸、甜、辣、香都係哂兩款雞到，炸完外脆內嫩，雞肉仲好juicy, 真係食過痛快。飲品方面都好多選擇，鍾意試新嘢既人會好開心，因為佢d嘢飲我唔見係超市或便利店有賣囉！仲有呀，火鍋料可任添㗎，大家可大大班人一齊黎涮一餐！有一樣要提，係呢到食完係唔會好大陣火鍋味㗎，絕對唔怕整到d衫。我食嘢都著重店員有冇禮貌，佢哋都好好，反應又快，唔會話因為忙而唔理我哋呀！…Read More

今日同朋友去開荃灣，好耐之前已經聽講呢度噶瑞士雞脾好好味，今日有機會黎試下啦。 大概7點幾入到去已經差吾多滿座。黎呢度最主要系想食蕃茄湯通粉同瑞士雞脾，所以好快就點完餐。瑞士雞脾🍗大大隻雞脾見到都吸引啊，賣相都唔錯，雞肉夠入味， 味道唔會只停留系表面，瑞士汁濃郁。 平時我一般都唔會食雞皮， 但呢個瑞士雞脾噶雞皮食曬都唔會太油。特色蕃茄濃湯通粉配牛乳炒蛋 蕃茄湯底超濃郁， 果然無改錯名啊--蕃茄濃湯🍅🍅。蕃茄通上有一大舊滑蛋，浸左系湯度增加唔同口感。雖然好多蕃茄，但味道啱啱好，唔會太酸。厚切牛乳炒蛋治 個蛋治份量十足，好厚身， 大大份。 雖然系牛乳蛋治， 感覺也唔會太漏。紅豆冰紅豆冰系好多人噶童年回憶，黎到冰室茶餐廳一定要叫翻杯紅豆冰先， 只不過宜家要搵到杯有味道噶紅豆冰唔系咁容易。 今次呢個就唔會失望， 大半杯都系紅豆， 味道唔會過甜。 咖哩豬扒飯見到個咖哩豬扒飯有少少嚇親，份量足以夠兩個女仔食， 平時食噶豬扒飯最多都系得兩塊豬扒， 呢個就有成4，5塊。 份量驚人。每碟噶份量都好足，唔使驚唔夠飽啊， 而且價錢…Read More

作為一個半火鍋撚，都要試試呢間真既火鍋撚，睇過唔少評價，都有些少睇頭。見到呢到都有好多款蔬菜類，所以今次都試左唔少既菜，結果全部都好新鮮爽甜。叫左個鴛鴦鍋，一邊係麻辣一邊係媽媽滋補老火湯，麻辣湯入口又麻又辣，果然都是秘製的！老火湯有淮山、杞子、猴頭菇、紅棗等等，滋補且夠火喉，跟媽媽煮家湯一樣。五彩鮮蔬籃本來以為有彩椒個幾款，點知原來係粟米、木耳、蕃茄、娃娃菜、菜心苗。粟米意外地每一塊都好甜，木耳爽口，蕃茄爽甜清新，娃娃菜索左湯底味道更濃，菜心新鮮無渣。梅花豬肉捲成一朵朵花，豬肉入口豬肉肥香，但又不會太肥，油香淡淡，食落爽口，即使煮耐左都唔會韌日本蟹柳，一條一條咬落唔會雪藏味，雖然係火鍋點單點蟹柳好似幾不智，但係食落好有蟹柳味生菜好靚，洗到乾乾淨淨完全冇污糟野，放落湯底索左D湯汁非常之好食，索完但仍然食到生菜味，不錯腐竹糖水沙冰係贈送既，本身麻麻地中式糖水既朋友，試完都覺得好有趣，甜甜地，而且極似古時用黎飲酒既器皿，好搞笑，好好玩…Read More

琴日同家人去咗元朗嘅大瀛喜食放題，一入到去環境唔錯，光線幾充足，梳化亦都幾舒服。牆上亦有一幅好和風嘅畫，都幾有氣氛。鍾意飲嘢嘅我入到去梗係叫嘢飲啦，佢嘢飲嘅選擇都幾多，上至可樂、啤酒等罐裝飲品，下至蜂蜜綠茶、烏龍茶等紙包飲品，都好齊全，最特別嘅係佢竟然有新出嘅錫蘭檸檬茶，如果唔想飲凍飲，仲可以飲熱飲，有潤喉清熱嘅柑桔蜜同薑蜜，款式多樣化，任君選擇。我地叫咗好多嘢食，幾乎全部都有試過，包括：刺身、創作壽司、海王翅、手卷、沙律、天婦羅等等，真係非常多，我幾欣賞佢啲手卷，全部都的的骰骰咁，幾啱想嘗鮮又唔想食太多嘅人。另外，我想推介大家食牛油粟米，幾濃味，幾好味，只係份量好似多咗少少。而我最鍾意食嘅就係佢個煙肉包燒蠔，煙肉同蠔嘅味好夾，蠔好多汁，亦好香，呢個菜式亦非常有創意，之前都未見過。另外，甜品雖然選擇唔多，但勝在幾特別，冇係其他放題食過，有雀巢雪糕杯、多種味道嘅雪糕糯米滋，同埋好耐冇見嘅大腳板雪條，簡直係童年回憶，好夠凍。因爲太夠凍，所以我建議大家早啲叫雪糕糯米滋呢癱熱下，等佢融返少少再慢慢品嚐，就唔會太硬而咬唔到啦~…Read More

今天又到一年一度的同學聚會，為了迎合各人的品味，日式放題必然是我們的首選。之前已經吃過大喜屋已經覺得相當不錯，上網看見有姐妹店 殿.大喜屋，所以就二話不說想試試。我book了7人的座位，去到的時候已能準時入席。環境裝修有別一般的日式放題，竟然有水晶燈你裝飾，真是很新穎的配搭。出面有一整排的甜品放在櫃裹，款式眾多，亦有楊枝甘露提供，一些熱食、飲品也是自助形式提供。另外，外面還有長腳蟹，螺及蝦提供，更有師傳即叫即劏的特色刺身，十分新鮮。放題少不了要點刺身，這間放題刺身的種類可為相當多。刺身一如既往的厚身，三文魚油脂分佈平均，十分肥美。鮑魚更是原隻上，十分奢華的享受！油甘魚及吞拿魚甘香肥美，帶子大大粒，象拔蚌和甜蝦也什分鮮甜爽脆。殿壽司的配搭十分特別，赤海蝦，吞拿魚，油甘魚，三文魚等等配以晶瑩剔透的啤酒jelly，海膽份量多，豪不吝嗇，而且上面還有一些金箔，感覺很高級煙肉芝士焗蠔相當不錯，我第一次吃這個配搭，煙肉烤得香脆，而且底下還有一塊多士，吃時有多層的口感，值得推介。汁燒牛仔骨我覺得也很好吃，濃濃的醬汁配以燒得表皮微焦的牛仔骨，十分惹味!!吃完我已急不及追加了哈哈!蟹粥味道清甜，有蟹的鮮甜味道，粥底亦煮得綿。…Read More

為了滿足好朋友想要一邊去旅行又可以一邊食好嘢， 所有上網尋找了這間位於長沙灣的西餐廳。 雖然餐廳門面較細， 但因為用色特別， 所有不難看到 一進去就看到餐廳的招牌非常閃亮， 雖然店內空間較細， 但每個座位旁邊都有一個比客人放手袋的籃， 實在夠貼心，👍🏻再加上柔和的燈光配合店內火車餐卡的特別設計， 另有一番風味， 猶如置身於外國火車內一樣🚈 Grilled seafood platter squid, tiger prawns and salmon $218好朋友喜歡吃海鮮， 叫了個海鮮拼盤🍤 三文魚煎得剛剛好， 外脆內滑， 🦑魷魚筒都幾彈牙， 帶子都算大隻， Argentina red shrimp & sun dried tomato spaghetti lobster sauce W/ Parmesan cheese 這碟意粉一上檯就聞到陣陣的香味， 有大大的3隻紅蝦， 味道鮮甜爽口， 醬汁是龍蝦醬汁🤤，配合軟硬剛好的意粉👏🏻飲品叫了兩杯pineapple juice , 酸酸甜甜， 不錯👍🏻叫了兩個主菜， 份量剛好， 如果想要嘗試不一樣的用餐體驗， 值得一試…Read More

今天預約了八時到十二味麻辣小當家一嘗正宗川菜的味道。餐廳有分室內和室外，但基於天氣和食物的關係，還是選擇在室內進餐。食物款式真的很多，但看見很多人點麻辣香鍋，實在忍不住要試試。點了經典香辣鍋，另外需再點五個配料以上才起炒。等了一會，才上菜，香氣撲鼻，果然好東西是需要較長的等候！我們另點了白飯配麻辣香鍋，除了可減輕辣味，這樣的配搭更佳，因為有點像小菜配白飯。不得不讚這餐廳的薯粉真的很好吃，配上麻辣味，是絕佳的配搭，很後悔沒有點上兩份薯粉...另外，手切肥牛粒較細粒，所以也很入味。再配上我很喜歡的午餐肉，飯也吃下兩碗！吃完後，一直沒有口渴口乾，看來是沒有加味精的正宗川菜呢！…Read More

好姊妹請左我去食極尚大喜屋..好興奮，之前已經聽過質素吾錯！今次終於可以試下！位置好方便就係the one旁邊👍🏻👍🏻一入場職員安排我地坐卡位!!終於可以舒舒服服大食一餐🙈🙈當然首先要食番輪刺身先啦😍😍刺身非常新鮮甜美👍🏻而且你寫5件佢真係俾足你架❤不過都係食得囇先好點啦!!個松葉蟹腳真係推介👏🏻👏🏻好多汁之餘仲好多肉🦀🦀平時吾係好食象拔蚌，但係真係爽口！個甜蝦真係不得了，係食過咁多間放題最甜！☺☺☺平時食開其他放題餐廳有時會解吾切凍就擺上枱，點知會食到小小冰😒但呢度絕對吾會發生！真係一分錢一分貨😆😆😆另外仲點左個花之戀，龍蝦膏帶子甜蝦，牛油果三文魚龍蝦沙律,蟹子三文魚壽司😍一上台超靚👏🏻👏🏻👏🏻龍蝦膏帶子甜蝦我就覺得個龍蝦膏有小小太濃味搶左帶子同甜蝦😬😬好鐘意食牛油果，但係從沒想到原來配壽司係咁夾咁好味架👍🏻花之戀同蟹子三文魚同平時食開嘅無咩分別😂😂海膽壽司😍😍😍一食食左4件好鮮甜！完全無腥味👍🏻👍🏻- 其實仲叫左其他燒物串燒同小食！- [ ] 其中我最愛都係雞軟骨👍🏻👍🏻👍🏻黑松露帶子刺身沙律，細細份一個人食岩岩好👍🏻👍🏻呢度竟然有我最愛嘅飲品，雖然有小小酒精但其實吾難入口，桃味十足又甜甜地，不過有氣嘅，吾好飲太多啦！費事太飽食吾落其他野😏😏😏絕對身為雪榚控嘅我！幾飽都要食😆😆好耐無食過caramel biscuit &cream😍但可惜每人只可以要一杯😂😂呢個極尚大喜屋值得一試架👏🏻👏🏻服務態度好，位置方便！環境都吾錯，上菜速度又快！同朋友屋企人黎係吾錯嘅選擇!!…Read More

同朋友系旺角行街，一邊傾一邊行，行行下唔經唔覺去到左太子，於是就系附近搵嘢食啦，見到7仔對面間餐廳幾特別下，門口有個細細噶旋轉木馬同天使👼氣球🎈噶擺設 就決定去呢間cafe paradise 食啦聽個名都覺得好特別， 拒地噶餐牌設計都特別過人， 側邊有好得意噶公仔陪你一齊食晚餐最後同個朋友仔一人叫左一個Set dinner. 前菜系沙拉🥗， 酸酸地夠開胃，但我個朋友仔對火箭沙拉就麻麻地啦， 所以我都好唔客氣咁連拒果份都食埋🙈 個玉米湯🌽唔會太creamy, 顏色又吸引，飲落口好香滑👍！對於雞翅我地都好難拒絕， 所以又再叫多個芝麻雞翅🍗 另外仲有一人一杯紅酒🍷 ，個雞翅內脆外香，炸到岩岩好， 好有芝麻味，側邊仲有D沙拉拌碟，夠健康啦。紅酒易入口， $60一杯可以試下， 如果跟餐都系$40咋煙三文魚蜆肉天使麵- 蜆肉味道幾鮮，唔會有腥味， 天使麵個汁岩岩好，唔會太稀，份量都幾大下。 5成熟噶西冷扒- 本身我地都唔鍾意太生噶牛扒，但係呢個西冷5成熟就岩岩好啦，配埋個燒汁，味道無得頂啊👍🏻，最後黎埋個是日甜品，真系完美噶一餐啊，今日噶甜品系朱古力蛋糕，見到個樣麻麻地，以為都系普普通通噶蛋糕啦，點知一試，有驚喜，個蛋糕食落好軟，唔會太甜，不過如果個甜品有些少噶裝飾視覺上會更好。 不過呢個價錢可以食到個咁好噶set dinner， 已經好好， 兩個人買單一共四百幾，唔算太貴， 而且呢度噶服務好好， …Read More

有段時間，每星期放工都要去油麻地返夜校，由油麻地鐵路站沿路到學校，中華書局旁有間感覺好溫暖既西餐廳，唔知點解只特別對呢間餐廳留意，但返學期間一直無機會入內一試，今日又忽然諗起，所以特地搭車到油麻地，到Plato一嘗。門口以木色黑色為主，以一格格玻璃窗組成落地玻璃既感覺，感覺溫暖開揚。餐廳內都以黑木色為主，灰色牆身掛上懷舊感圖畫點綴。晚市有數款Dinner set選擇，價錢合理，菜式都好吸引多元化。忌廉湯，入口濃郁香滑，完全唔同平時飲罐頭湯，亦無一般餐廳感覺溝左水既稀淡感，如果份量再多d就更滿足。炸魷魚圈，即叫即炸熱辣辣，外層香脆唔油膩，最驚喜係內層魷魚好鮮味，彈牙鮮甜，忍唔住好快就食晒成碟。 黑松露野菌牛肋粒意大利飯，黑松露味道好香，一上菜就聞到，即刻食指大動。牛肋粒夠腍，意大利飯都煮得剛好，粒粒飯都好飽滿既感覺，加埋個汁，配搭得好好，好好味。熱花茶，個茶杯好精美，好古典感，視覺效果已經加晒分，味道都唔錯，好清香。食物整體滿意，環境乾淨舒適，連店員都待客有禮，非常親切，實在難得。…Read More

今日出開去旺角行街，行完就去左通菜街個邊食西門町台灣野，座位有梳化位坐都舒服，裝修以釣燈，綠葉既佈置，比人感覺好舒服舒適！花蓮鹽水雞，雞皮都唔肥有d爽口添，雞肉啖啖肉得黎都好滑，鹹鹹地都幾好味，岩晒撈飯食！涼拌茄子，凍食既茄子淋淋，茄子索晒鋪頭自家製既醬汁，非常惹味，食落好開胃！秘製香鹵拼盤，d鹵水蛋好夠味好入味，蛋黃仲特別香地唔錯！雞腎入味爽口，口感非常好！豆腐味道唔錯得黎又唔易散，仲要食落滑嘟嘟！豬腸洗得又乾淨，鹵得色水又靚又入味，口感又好唔錯！牛肚鹵得夠晒淋，唔會韌一咬就咬到！雞絲拉皮，雞絲撕得條條差唔多大細，拉皮口感好好，滑嘟嘟又爽爽地，配埋爽脆青瓜絲同特製醬汁，非常惹味！芋香珍珠奶茶，珍珠煙煙韌韌甜甜地幾好食，茶味比例岩岩好，飲品味道都調教幾好！…Read More