FH27's Profile

週日約咗位住西灣河朋友happy hour傾偈，我哋揀咗一間叫 The Blind Pig，餐廳有啲似酒吧，有多部電視播放足球比賽，應該係區內係區內球迷嘅聚腳點。慢煮醬燒牛肋骨：口感軟腍，帶有陣陣蒜香，最正嘅係肉嘅側邊有少少燶，香味四溢。香煎海鱸魚：鱸魚皮薄香脆鱸魚皮薄香脆，配上法國菜常用醬汁十分開胃。歐式脆皮乳豬：非常大份，完全夠兩至三位食，另有薯蓉、雜菌、法邊豆on side，加埋胡椒汁十分惹味。乳豬皮趣肉嫰，而且唔會好肥，非常好食，推介。…Read More

長沙灣日式石燒烤肉平時經過牛極嘅分店都好多人，今日約咗朋友食晏晝，一齊試吓呢間朋友推介嘅餐廳。餐廳主力做食少烤肉，大部份都係自助服務，例湯白飯沙律一律任食任裝，最貼心嘅就係有圍裙俾防止油煙唔會彈到啲衫一達達。落單用自動售賣機，即刻諗起去日本食拉麵時候嘅回憶，我哋一行兩人叫咗和牛石赤身燒，同埋牛肩排。石燒板溫度好高，咁啱朋友同我都好鍾意食石燒，兩款牛肉各有千秋，赤身肉質方面肥瘦適中，牛肩就抵食夾大件。值得一讚嘅就係兩款肉唔係好多筋，放上石燒板之後好快就熱辣辣食得。最正嘅就係醬汁：生蒜、燒汁、辣椒汁，夾埋熱辣辣嘅牛肉好快已經K.O.咗兩碗飯，一定要飲埋佢哋用牛肉所熬製嘅餐湯。…Read More

今日放假，去到尖沙咀，想搵間茶樓飲茶，但係發現好多酒樓都已經搬咗或者唔存在。行經漢口道見到一間點心餐廳有好多人排隊，再睇吓餐牌都幾啱食，決定一試。茶錢經濟實惠，只係每人＄2，響尖沙咀仲見到呢個價錢，簡直係難以置信。點心價位都好實惠，好可能因為每一籠係得兩隻，其實酒樓餐廳早應該係咁，有時一籠燒賣蝦餃四粒真係好難食得晒。同朋友一口氣點左幾款點心，試吓佢哋嘅手勢。碧綠蝦餃王，鮮竹牛肉球蝦餃皮薄，入面嘅餡真材實料。牛肉球彈牙但係唔肥，點心到蒸得熱辣辣。安蝦鹹水角，沙律蝦春卷好多點心餐廳都係返炸點心，呢間餐廳一定唔係咁樣做，因為佢啲入面嘅餡料好熱，個人覺得最特別係沙律蝦春卷，因為連埋沙律醬成為左春卷嘅餡料一齊炸。鮑汁花膠鵝掌配籠仔飯呢個籠仔飯係最有驚喜嘅，花菇花膠同鵝掌炆得好淋，獻汁濃郁又唔鹹，基本上送飯一流。珍寶帶子腸粉珍寶帶子腸粉嘅皮同蝦餃一樣都係好薄，布拉腸粉十分幼滑。杏汁燉蛋白，樂意水果茶朋友點咗水果茶我就點杏汁燉蛋白，水果茶用料新鮮豐富，雪得又夠凍，如果唔係飽我諗我個朋友會叫多一兩支。蛋白杏汁味濃，蛋白柔嫩，本應飽晒嘅我都可以成碗拍晒。…Read More

旺角一向好多食肆，今日約咗朋友去睇戲，順道去搵下有咩好嘢食。經過左一間西餐廳，見佢人頭湧湧， 一於去試吓。餐廳主力做石燒牛扒，除咗套餐之外，仲可以加錢食生蠔。同朋友一齊叫咗兩款牛扒——肉眼及牛柳，再加左兩杯特飲同半打生蠔。半打生蠔生蠔最大忌就係洗得唔乾淨，不過餐廳處理開蠔處理得好好，既冇蠔殼碎，蠔身亦都保持冰凍。食落口感特別，最重要係唔太肥，唔覺得滯之餘味道亦都好濃郁。石燒牛扒——肉眼/牛柳石燒板溫度唔太低，啱晒鍾意食鐵板我，塊牛扒size一啲都唔細，肉質方面肥瘦適中又唔係好多筋，放想石燒版之後好快就熱辣辣食得。乳酸特飲——個餐仲包括一杯乳酸特飲，正，好耐冇飲過益力多，再加上果味，口感清新仲可以消滯。…Read More

尋日同朋友食咗 寿司源 / 壽司源 Sushi Hajime嘅$780lunch set, 大家都十分滿意，真心覺得高質，性價比高。食材新鮮，舍利酸度適中，粒粒分明。除咗前菜、茶碗蒸同味噌湯，禧司傅準備咗：🦪牡蠣- 九州門司港🐟春子鯛 - 鹿兒島🌊帆立貝-北海道根室🍣白蝦 - 富山🍣墨魚 - 鹿兒島🐟 鮫鰈 - 北海道🍣 池魚 - 島根浜田🍣 平政-房州鴨川🍣 毛蟹 海膽迷你丼 -北海道🍣牡丹蝦配即燒蝦膏 🍣熟成大拖羅 - 長崎縣🍣 醬油漬赤身 - 長崎縣🍣馬糞海膽 - 浜中小川🍣北海道三色手卷🍲和食 - 牛肉sukiyaki 🍨 開心果雪糕最值得讚嘅係服務非常周到，禧師傅又好健談，細心介紹食材，每件食物都處理得好好，又要book定下個月再訪。…Read More

啖啖台灣味——而打淥鹵汁拌粉行經青衣城，搵咗好耐都唔知食乜，上網搵到一間台式嘅舖頭，冇得飛都好掛住台灣嘅小食，一於去試吓。餐牌好多嘢揀，首先俾佢嘅三成蔥油鹽水雞飯吸引咗，然後睇吓又發覺台式滷水都好似好正，於是就叫咗台式香腸、雲耳生菜、同埋一定唔少得嘅台式鴨血。外賣嘅餐盒都好有特色，有啲台式加港式嘅感覺。食物份量啱啱好，雞飯去骨啖啖肉，有雞味但係又唔會好肥膩，滷水嘅菜式勾起左去台北試小吃嘅感覺，鴨血都幾辣，再加埋條台灣香腸，大滿足。…Read More

「午間的酸菜魚水煮牛肉」今日經過觀塘工廠區，除咗人多車多之外，原來都有好多餐廳。今日試吓呢一間主打酸菜水煮嘅「川霸王」。叫咗個霸王粉麵，碗麵有好多料，包括：鴨血、鮮牛肉、油麥菜、薯粉、紅油抄手、雞絲粉皮同埋四季春嘅冷茶。唔係好食得辣嘅我只係帶咗BB辣，個人覺得可以再辣啲，下次可能我會試吓小辣。講返食物方面，份量好足料，湯底令我滿意嘅，但係最好食嘅就係紅油抄手，可能太飽關係，雞絲粉皮要拎返屋企慢慢食。…Read More

元朗清新健康餐廳——健舍便當元朗市中心開咗間主打健康食物嘅餐廳，今日有時間去試吓。餐牌有好多可以揀，仲照顧埋素食者，同埋體重管理人士嘅需要。見到有兩款慢煮菜式，牛扒同埋雞胸，今日就揀咗慢煮紐西蘭牛扒便當同埋蒲燒鯛魚拼魚湯泡飯。牛扒果然係慢煮，肉質柔嫩但係又唔會血淋淋，最緊要好強嘅牛肉味，再加埋配菜同埋糙米飯，果然係健康飲食之選。鯛魚好夠味，同魚湯嘅奶白湯底好夾，兩者混合嘅時候又唔會感受到好肥膩，步入夏天最好食一啲清爽嘅菜式，泡飯就係一個好好嘅選擇。…Read More

跑馬地九雲居搵食搵到去跑馬地，行經有一間新嘅舖頭，俾佢嘅東南亞風格吸引咗。睇餐牌果然冇錯，係一間賣東南亞菜式嘅餐廳。午餐都幾多嘢食，有main course，仲有小食同嘢飲。今次放棄咗我最鍾意食嘅肉骨茶同叻沙，諗住試吓海南雞同埋香茅雞翼。海南雞去咗骨啖啖肉，再配以地道嘅黃姜飯，同其他餐廳爭好遠，雖然減緊肥，但係都拍晒成碗飯。香茅雞翼就更加罕見，超級大隻，香茅味亦都好夠，食咗兩樣泰式嘅飲品我就揀咗越式嘅凍咖啡，越南嘅凍咖啡好濃郁，食完呢餐非常滿足，下一次一定要試肉骨茶同埋叻沙。…Read More

我今日去到荃灣交收，順便食埋晏晝，揀咗呢間有40年歷史嘅荔記車仔麵，應該係新裝修嘅。裝修餐牌好靚好新，竟然車仔麵都有喇沙湯底選擇，結果我就揀咗喇沙湯底，朋友就揀咗微辣湯底，餸方面就揀咗佢推介嘅豬手同埋牛筋腩，仲有炸雞翼。牛筋腩我哋特登叫牛筋腩淨食，諗住可以試真啲個醬汁，嘩真係好正，牛筋同牛腩都炆得好淋，但係有冇散晒，醬汁就再好味啲。炸雞翼即叫即炸，上枱嘅時候熱辣辣，雞翼爽脆又唔會太細隻。叻沙湯底米線其中一個餸菜係炸腐皮豬肉卷，再次證明係即叫即炸，糖心蛋方面就有日式風味。小辣湯底米線其中一個餸菜係炸蝦棗，口感彈牙，滷水食物方面叫咗兩樣——冬菇同豬大腸，豬大腸份量足料，滷水汁調校得好好，入味之餘又唔會太鹹。總結：誠意推介呢間喺荃灣阿茘車仔麵，尤其是係對車仔麵有要求嘅你。#車仔麵 #回頭率超高 #高質 #牛筋腩 #豬大腸 #糖心蛋 #減肥餐單 #甲殼素 #消脂抗脂片 #蘆薈汁 #食住瘦不是夢 #不要去羨慕不要去妒忌 #係人都想瘦 #hongkongfoodie #荃灣美食 推介指數 🌟🌟🌟🌟🤩…Read More

三月開始轉天氣，有時大風，有時好熱好乾，晏晝都冇乜胃口，今日經過呢間娜姐糖水，入去睇吓有啲乜嘢清熱甜品清下腸胃。阿姐推薦左黑白涼粉，已經比個名吸引到，原來係普通涼粉加蒟蒻。甜品份量適中，甜度亦恰到好處，最重要係阿姐介紹咗黑白涼粉嘅食療功效。佢話涼粉有助排毒去濕，蒟蒻就零卡路里食得多都唔會覺得好滯。冇錯，食完雖然又飽肚感但係唔會頂住，間唔中食一次，清下腸胃。…Read More

實在好耐冇返鄉下，咁啱行過見到呢間日本過江龍嘅拉麵店，就入去試吓。睇完個餐牌，掙扎咗一陣究竟叫佢哋嘅名物沾麵好，定拉麵好，最後都係叫咗個魚介豚骨拉麵，加隻味付玉子。湯底超級濃郁，好厚身，充滿魚同豚骨味，麵條又粗又彈牙，好容易掛起啲湯汁。叉燒肥瘦適中，裏面仲有好多荀片，好豐富。另外仲叫咗佢哋個大勝軒炒飯併餃子定食，個炒飯用咗日本米，充滿蛋香同香蔥嘅味道。餃子外皮煎得香脆，送到黎仲熱辣辣。好滿足嘅一餐。…Read More

終於book到呢間人氣Cafe，週末可以去郊外輕鬆吓。cafe位於錦上路,喺西鐵站搭的士去唔算太遠。餐廳亦都有泊車位，適合自駕人士。Cafe充滿歐陸風情，好似去咗外國旅行。室內用膳個半小時，不過餐廳有勁多打卡位，有好大片草地，食完野可以去室外繼續影相。食物擺盤非常精緻，未食見到已經好開心。今次叫咗招牌黑松露香煎帶子大蝦法式可麗餅，個醬汁有少少辣好開胃，可謂餅裏面有芝士同埋椰菜絲，好滿足。另外叫咗蒜片辣椒欖油大蝦意粉，個香辣蒜汁好香口，意粉亦都好彈牙，好好味。甜品叫咗芝麻芝士蛋糕，十分有驚喜，香濃芝麻味配香軟嘅芝士蛋糕，好夾。杯Flat white咁拉花好靚，坐喺室外，再配合埋溫暖嘅陽光，好chill。…Read More

之前去開尖沙咀行街，見到呢間新開嘅壽司店，套餐同埋omakase嘅價錢都幾吸引，就入咗去試吓。餐廳室內以吧枱為主，開放式廚房設計，睇住師傅即叫即整壽司，飛當自己去咗日本。叫咗個omakase 梅嘅set, 包括時令壽司10件同埋手卷。每件壽司都相當新鮮，師傅好詳盡咁介紹每件壽司，產地喺邊度同埋應該點樣食法最好。其中一件最吸引我嘅係蜜柑鯛，一啖放入口，有微微嘅蜜柑味，口感清新。今日仲有季節限定嘅沙甸魚，好肥美，配以選擇同青瓜絲，好好味。青森躲嘅大拖羅，入口即溶，一啖放入口，非常幸福。北海道海膽，好鮮甜，配以竹炭同紫菜，好特別嘅食法。#食咗當去咗 #食住瘦 #手機食先 #食好西 #hkfoodie #hkfood #美食分享 #美食推薦 #食多咗飯都唔緊要 #好彩有美纖片 #終止單糖轉化為脂肪 #omakse #sushi…Read More

之前三聖食海鮮，試咗呢間叫棠記海鮮小廚。問阿姐有乜好介紹，佢推介左幾味簡簡單單嘅，值得一讚嘅係幾位阿姐都好好招呼，於是我哋兩個人叫咗四碟餸。椒鹽鮑魚——椒鹽鮑魚外脆內軟，鮑魚用料新鮮，又夠厚肉最重要係調味適中，唔會覺得好鹹。豉椒炒蜆——蜆夠大隻，炒得啱啱好，唔會過老，配埋個鼓汁同配菜（青椒辣椒洋蔥），好惹味。生炒咕嚕肉——選用新鮮菠蘿仲用火槍燒過，咕嚕肉好脆口又唔會好肥，個汁味道適中。金銀蛋浸菠菜——已經飽得七七八八，加埋呢個菠菜啱啱好。值得一讚嘅係個碟頭都好足料。…Read More