chowchung's Profile

今次同朋友黎到何文田搵食，我地見到有間有品味既cafe，啲餐檯係有雲石紋，影野食既相特別靚！如果唔係商場鋪 其實都幾有外國風格。呢間意大利式Cafe，見到展示櫃內的意式包頗吸引，點了一個焦糖洋蔥蘑菇+蕃茄醬意大利包。包的Size很大，有一個男士手掌大，意大利包口感一般都是乾乾的，焦糖洋蔥蘑菇汁較多，還加了橄欖油，易咬口，是切好一小塊的，不是一大塊夾在包內。蟹肉橄欖油白酒忌廉汁意粉，重點係個醬汁度，將蟹肉精華發揮得極點，而且蟹肉拆左出黎，份量非常多啖啖肉，而且意粉彈牙，整體相當夾。甜品係檸檬批，批底夠脆又夠香口，而檸檬醬汁酸度剛剛好，最面層既忌廉微微焦香，係不錯既效果。整體黎講，餐廳味道不錯，店內非常乾淨舒適，裝修亦睇得出店主很有心思經營，如果食連鎖式餐廳偶然食到有點悶，不仿試下一這些小cafe，靜靜地享受。…Read More

朋友食過話d 野食質素幾好，於是今日同朋友一齊黎試下，內裡環境裝修都唔錯，好在我地食得早，再遲些少己經見到好多人等位。入場梗係急不及待睇有咩食啦，出面自助吧都幾多野食，有野飲，幾款壽司，小食，冷盤，中湯，甜品。每次食放題當然第一件事就叫刺身，勁多款選擇，賣相好靚，魚刺身肥大肉厚不在話下，牡丹蝦都好新鮮爽口，一個人已經食左六七隻啦。點了個"雪花牛肉鍋", 牛肉滑溜而且牛肉味濃，其次粉絲彈牙,菜也很淋,豆腐也很滑，仲索晒牛肉精華汁添。天婦羅同燒物係唔錯，夠熱而保留到汁，油不多唔會覺得膩。炸物好食，個人最喜歡芝麻雞翼，不停再追加。串燒都頗有質素，尤其牛舌同埋燒菠蘿，叫左幾轉先夠喉。飲品櫃好多選擇，有汽水又有無糖茶，甜品有各款奶凍，亦都有唔同口味既雪糕雪條😋最後當然唔少得甜品任食，種類都好豐富，食左幾支雪條然後飽住離開了。因為今次早入座，7點前離座都係每人$200真係非常抵食。…Read More

有一個好朋友搬咗去天水圍某個屋苑，屋企附近有一間日本菜幾好食，今日去完朋友屋企打麻雀之後，朋友就帶我地去食嗰間日本菜。店內裝修好有特色風味，而且服務員好有禮貌，亦都可介紹好多不同菜式俾我哋，我哋揀咗以下幾款：鱈魚片唔係好多日式餐廳有鱈魚片點，所以點一客試下，一試就愛上左，鱈魚片非常香脆，而且好香鱈魚味，大家一定要點一客試試串燒蒜片牛柳粒牛柳粒牛肉味好重，而且好多汁，肉質非常嫩滑，其實加小小鹽已經非常好食，仲配埋炸到好香脆嘅蒜片，口感同味道更加得以提升，如果鍾意食芥辣嘅朋友，仲可以點芥辣食，餐廳嘅師傅非常貼心，有多種選擇俾你揀串燒雞軟骨雞軟骨外面燒到好香脆，每一粒都非常之有咬口，加上少少海鹽調味，提升雞軟骨嘅味道，好正燒秋葵好鍾意食秋葵因為好爽口，而且有啲黏黏地嘅感覺，好特別牛油果軟殼蟹手卷軟殼蟹一咬落非常之香脆，仲熱辣辣，又一d都唔腥，加上蟹籽，好有口感，又香口，又鮮味，而食手卷塊紫菜都非常重要，要夠脆，呢個即叫即整既手卷紫菜好脆，呢間餐廳手卷既質素非常高，一定要點鹽燒雞翼燒雞翼，我鍾意食，燒到外皮脆卜卜，但同時又鎖住雞汁，一咬既香又脆，鹽燒提升雞味，餐廳食物整體質素非常高，而且服務很好，店員效率高，又有禮貌，環境又好舒服，非常推介，下次去朋友屋企都一定要再去！…Read More

天氣開始轉涼，同朋友去左打邊爐。呢間舖頭感覺乾淨，隔離就有得泊車，坐得舒服，多fd一齊食坐埋一張大圓枱，仲有埋電視，好正！侍應服務態度好。講下個湯底，係豬骨濃湯鍋，豬骨精華味道甜，呢個係冬日之選！非常暖胃，加上胡椒味道，有驅寒既作用，中意微辣朋友可以揀呢個。海鮮拼盤超大盤勁多選擇，成條沙巴龍躉，幫你起埋肉，千萬睇住時間唔好過熟，一片片食落口勁juicy又夠滑，仲有豬骨味添。仲有勁新鮮鮑魚仔，咬落爽口，同埋元貝，超大粒之餘味道鮮甜可口。蝦勁大隻，成隻手指咁粗，食落去勁新鮮彈牙。蜆份量好多，雖然細細粒但冇沙勁甜。仲有尤魚同埋青口添，份拼盤真係無得輸。極品安格斯牛頸脊這個牛肉跟肥牛不同，肉質緊實，有嚼勁，但又不會太韌咬不動，肉香超足。切得比一般厚，建議一口一片，超有滿足感。價錢較高，但是份量也多，建議4-5個人點這個最好。之後叫左個鮮打四寶丸，因為係新鮮手打，所以彈牙爽口。尤其是牛丸同埋蝦丸，新鮮之餘又夠肉味，口感又正。鮮炸脆響鈴：如其名，真係新鮮自己整嫁！大件過平時急凍果d！而且超級脆口！生菜每一棵都聽洗得非常乾淨，食得放心。…Read More

今日約咗朋友嚟元朗呢間小店度食飯，因為佢話之前試過都唔錯，所以黎你度收咗工食嘢，即管試一試。首先為佢哋嘅南瓜湯，南瓜味濃郁，食得出用了係唔馬夫，而且口感香滑，加埋佢哋送嘅麵包，麵包質感外邊而裡邊軟林林，係有質素嘅前菜。第一道菜係香炸蝦餅，蝦餅佢用嘅粉唔會厚，所以炸出嚟唔會一嚿嚿，跟住裏面嘅蝦肉同香料混合，令到口味非常惹味，炸到金黃色之外，加上泰式辣醬，令味道層次更加豐富。跟住第二樣要食嘅就係鰻魚意粉，呢樣係有西式與日式嘅混合風味，鰻魚同佢哋獨家自製嘅鰻魚汁帶出濃厚嘅日式風味，而意粉就用咗鰻魚汁黎煮，所以未到帶嚟驚喜，食落唔錯，係其他地方食唔到嘅意粉。最後點左嘅就係安格斯西冷牛扒，由於係用咗佢哋餐廳獨有嘅煮法，所以食落好香口，生熟度剛剛好，肉汁收埋晒喺裏面一次先留咗出嚟，加上碟嘅芥辣，係有英式嘅風味，仲有用牛肉汁煮成嘅醬汁，加埋一齊食就更好味，整體來講係唔錯嘅質素。…Read More

我一直都係火鍋發燒友，今次黎左尚鮮一試，值得推介比各位食家 :)我地兩人點了二人套餐，價錢係$688，先選湯底，佢有牛肝菌昆布，冬陰功，同土鄉清湯三款選擇，我選了冬陰功湯底，湯料好足好濃味 (食到最後我直情飲哂個湯) 。先嚟特尚手切牛，牛睇得出好新鮮，鮮紅色嘅而且脂肪比例都好靚，好重牛肉味，正!!再嚟手打牛丸同豬肉丸，食落好彈牙，肉汁充足，好好味!!海鮮就有脆鯇片同廣島蠔，脆鯇夠爽，又無骨，蠔就好肥美，我本身唔太鐘意食蠔都食左 3 大隻 :)台式黑椒腸，日本蟹柳，木耳鮮蝦雲吞同西洋菜香菇餃。黑椒腸我第 1 次食，好夠味，加埋個湯底真係無得彈呀。自家制木耳鮮蝦雲吞，包得好靚，又 keep 到彈牙!!食到呢到我都飽左 8 成，差 d 唔記得仲有一大碗菜同一丁麵，最後飽到摸住個肚仔咁走。$700 左右係比外面貴左少少，但食物質素比外面高一大截，我覺得好值得!…Read More

好耐冇食過泰國野啦，泰國野既醬料香料都係重口味既一份子，岩晒我! 有朋友食過呢間新泰既分店都話唔錯，咁我就揀呢間就腳少少既黎試下啦~一入到去餐廳發現地方好大，D卡位好靚好舒服，睇下餐牌，除了傳統菜式，亦都有其他東南亞地區菜式，新加坡、馬來西亞同越南菜式都有。首先入面既環境都好有feel，格調都係黑色為主，員工都好有笑容同樂意解答問題，服務都好好泰式生蝦好好味幾新鮮，好彈牙，醬汁味道也不錯。係好開胃之選。拼盤（蝦餅、魚餅）魚餅都唔錯，好彈牙，好中意呢種口感。每樣小食都有四舊，兩個人食一個已經超夠！！泰式菠蘿炒飯也很不錯，菠蘿造型很可愛，上面鋪住好多配料，炒飯都多啫，食到好飽。呢度既環境相當好。位好多，好闊落，坐得好舒服。辛苦左成日都唔想同人逼食飯而且燈光柔和，營造一個好好既氣氛，同朋友都食+傾得開心啲!…Read More

今次同屋企人嚟就試唔辣既花膠雞湯。離遠見到店員捧個煲己經聞到好濃雞湯味，而且煲內勁多雞件同花膠，充滿膠質。呢間火鍋店有即時食嘅小食，我哋叫咗個椒鹽豆腐，好食到不得了，夠咸夠脆！店員話炸芋頭同響鈴係即叫即炸。響鈴係上菜個陣已經聞到好重豆香，響鈴幾特別，中間有芝士，喜歡芝士的朋友一定要試下！聽到岩岩上獲既喳喳聲，浸三秒可以食啦，芋頭係外脆內粉，很實心。安格斯牛小排分量都幾多，左下係我一隻手。唔好睇佢薄薄地，食落牛味好，油脂岩岩好，一粉足夠六個人食啦!食到尾聲仲有少少位，就試埋佢地既酥炸魚皮，新鮮即炸，好香口同好脆，魚皮比其他餐廳比較新鮮好多，極度推介!總括而言，尼間餐廳的食物唔錯，真材實料，款式又多，仲可以係廿幾樓望著油麻地的景黎食，都有另一番風味！…Read More

今日同朋友一齊荃灣睇戲，睇完戲去荃灣附近食嘢，行行吓就去咗愉景新城，樓下有一間西餐廳，裝修好casual，感覺舒服，就揀咗一間餐廳食晚餐。炭燒厚切美國天然極黑豬鞍扒嘩~~ 一睇個賣相就知道好味，新鮮車厘茄、即炸粗薯條，而且塊豬鞍grill 得個紋好靚，色澤好靚，油分充足，一切開，肉汁流哂出黎，肉質好嫩滑，口感一流，grill 得非常香，肉味濃郁，加上少少mustard ，更加突顯豬鞍扒既香味。粗炸薯條非常香口，而且好有口感薯味好香，好耐冇食過咁好食既薯條了。車厘茄非常鮮甜，用料新鮮，所以味道一流。初搾純橄欖油蒜香白酒煮紐西蘭海鑽蜆扁意粉紐西蘭海鑽蜆既蜆肉比起一般既蜆大，而且味道好鮮甜，肉汁同口感都好正，扁意粉好加上初搾橄欖油，好香好滑，而且蒜香味啱啱好，唔會食到口臭之餘又會好有香味，加上火箭菜，味道好夾，清新既火箭菜加上淡淡既橄欖油香味，非常好食荃灣愉景新城竟然有間咁出色既西餐廳，如果下次經過荃灣，一定會再去食!…Read More

有個朋友好耐冇見，佢就約我去食餐飯，喺尖沙咀一個有名嘅商場裏面，佢叫得我去食應該係唔錯嘅，因為佢不嬲鍾意食好嘢。先食呢一份燒豬頸肉意粉，呢份豬頸肉係用炭燒，所以食落非常有風味，炭燒既豬頸肉汁鎖住喺肉裏面，豬頸肉口感夠滑，證明用料新鮮，意粉就煮得好彈牙，而且豬頸肉汁流晒左落去意粉度，所以食意粉都有豬頸肉味，係外表精緻又好味嘅意粉。另外主菜就係燒羊鞍，羊鞍由於燒到七成熟，所以一切開裏面就充滿肉汁，食落就知道羊肉鮮甜爽滑，羊肉味充足，加埋外皮上面有炸蒜蓉同埋Rose Mary，令羊肉咬落更充滿香料味，係有質素嘅羊肉。伴碟嘅除咗有唔同嘅蔬菜瓜類，仲有焗薯，焗薯用咗好新鮮嘅美國薯仔，所以肉質夠爽，連伴碟都咁有心機，值得一讚。…Read More

今晚約好左同中學同學食飯，咁耐無見，當然搵返間舒適既黎坐低食下野啦。每人叫左一份餐，先黎餐湯，係南瓜湯黎架，味道濃郁，南瓜香味仲有清甜味道，絕對係當造南瓜既味道。加埋麵包焗過外脆內軟，估唔到麵包都做得唔錯。跟住係鴨肝漢堡包，鴨肝食落外脆內軟滑，比鵝肝瘦一點，而且冇一陣蘇味，所以比鵝肝更容易入口，另外漢堡扒夠多肉汁，芝士夠晒香，麵包又軟淋淋所以食落好滋味，加上粗薯條炸得博博趣，配上沙律菜夠清新，確實係幾吸引。另一樣係虎蝦比目魚，虎蝦非常新鮮，蝦肉食落夠晒彈牙，而且充滿鮮味，比目魚大大嚿，魚皮煎得非常趣，加上魚肉又夠滑溜又夠新鮮，食落仲充滿海鮮嘅鮮甜味，仲有薯蓉帶牛油香味，係有質素嘅西菜。…Read More

放假當然係要悠閒啦，朋友話行完南生圍出返黎食野，叫我帶佢去，我話附近有好多餐廳，佢就揀左呢間食中菜既餐廳。黎到呢間京滬餐廳，當然要試佢地既京蔥爆牛肉啦，京蔥係炒得非常香，而牛肉炒得嫩滑之外仲將京蔥味入晒肉，野味到流晒口水呀，另外仲配埋薄餅添，包埋一齊黎食，薄餅夠薄薄地，將牛肉汁同京蔥汁包起晒，食起上黎口感更豐富。跟住又點少得小籠包呢，一籠有四隻，一夾上黎已經見到湯汁積晒係包裡面，睇落唔錯，一咬就知湯汁夠晒多，真係小心辣咀，湯汁同豬肉混合埋一齊，加上小籠包皮薄，口感一流，點埋份醋就真係岩晒啦。最後仲有雲吞擔擔麵，擔擔麵麵底夠彈牙又入味，湯底既少量辣味加上麻醬，係經典既配搭，仲有雲吞皮夠滑，肉就夠厚，食起上黎同份擔擔麵好夾，值得一試。…Read More

銅鑼灣一直是我們的首選，地點方便，餐廳選擇又多，今次我們選了位於金百利的築地，評分吾錯，所以一試！本來以為裡面好細，點知空間感都幾大，可以兩個人坐四人枱。築地日本料理，內裏環境很有日本風情。三文魚刺身非常鮮甜，加上放入左乾冰，視覺效果非常之好！三文魚厚切且大片。先來壽司，點了赤海蝦、鮮帶子、鰻魚。其中赤海蝦色澤也晶瑩剔透，咬落爽口鮮甜。全數放進口中，很滿足。清酒蛤蜊，用窩上keep住啲湯熱真係好貼心，蛤蜊比平時日本餐廳食果啲大隻好多而且肉厚，啖湯都甜過人，可能係加左木魚既關係。黑蒜油豬軟骨拉麵的湯底帶鹹香味道，質感creamy油潤好香口。紫菜吸收湯底精華更好吃，木耳爽口，粟米粒清甜~中身麵質感微彈牙，煮得剛剛好。豬軟骨有兩大片好足料，肉的部份煮得超入味，甜甜的，好軟好易咬，軟骨爽口帶軟好有咬口，有些還像啫喱呢！每人只是200元左右，好抵啊！…Read More

朋友話想食日本野，佢話佢同事介紹過一間有質素既日本餐廳，但價錢係合理，唔會成千銀一個，咁就一於陪佢試試。位置的確相當隱蔽，唔係佢同事介紹根本唔會摸入黎，因為係屋苑樓下既餐廳。地方環境都算舒服，先黎軟殼蟹牛油果卷，大大舊牛油果係壽司飯上面，加上蟹子令口感夠滑之外咬落層次豐富，而裡面既軟殼蟹就軟中帶鮮甜味，令人好開胃，係最適合既前菜。跟住係一系列既魚生刺身壽司，食得出用料係新鮮既，例如左口魚裙邊，食落帶少量魚油，質感勁滑而略帶鮮味，另外火炙松葉蟹柳食落非常鮮甜，火炙後口感就更佳，章紅魚就非常鮮甜肥美，魚鮮味原汁原味，至於壽司飯細細舊，岩晒女士既口型。鹽燒牛舌又係另一種好美味既燒物，因為牛舌本身薄薄地又夠新鮮，所以肉汁豐富，無需多餘既調味，簡單地用鹽黎燒，就可以帶出牛舌獨特既鮮味。另一樣燒物係燒雞翼，都係簡單地鹽燒，食落就知道，本身新鮮既材料真係用簡單既方法就夠好味，雞肉夠實而滑之外，雞肉汁充滿係雞肉裡面，好味。…Read More

屋企人吹雞去食飯，咁興致高昂當然要出席啦，話說呢間係潮州餐廳，我重更加鍾意添呀。第一道係川椒雞，賣相已經幾靚仔，紅紅既雞肉同埋綠綠既伴碟互相輝映。雞肉口感非常滑，食得出係有食物質素，味道相當惹味，川椒味突出，吃辣既朋友不能錯過，因為鮮味與辣味並重唔係咁容易。另一樣係金華炆大芥菜煲，芥菜食落無苦澀味，仲甜中帶鹹，相信同金華火腿有關，而口感咬落多汁而爽脆。至於用金華火腿黎煮既汁係零舍入味，甘香而層次豐富，將簡單菜式變得美味，殊不簡單。最後係合時腊味飯，真係超多腊味呀，而且唔算肥但又好香，其中腊鴨肉係好滑添架，陣皮更加係無得頂呀。由於用煲仔上，腊味飯已經滲滿腊肉味道，食落充滿腊味香，但又唔覺肥又唔覺鹹，又唔會遮蓋住飯香，正。…Read More