飛天少女豬事丁's Profile

近排好想食高汁壽司，見佐敦近近地就試下依間壽司既omakase 啦。今日叫咗個980既午餐omakase。其實佢午餐選擇都唔少，不過太想食壽司，所以 omakase gogogo!前菜有銀雪魚，酸汁白子，茶碗蒸。白子係季節限定，本身質感好rich，配上酸汁，為佢加添一啲清爽感，入口唔會太厚重，前菜黎講幾好。銀鱈魚，外皮香脆，內裡油份足，夠嫩滑。剌身方面有兩道，分別係章紅魚同帆立貝。章紅魚上面加咗店家自制海膽粉，鮮味提升了，帆立貝方面加了少許青檸汁作點綴，添加清爽感，此外，店家所預備的帆立貝十分新鮮，質感爽甜，值得一試！剌身又點少得大拖中拖，兩款師傳都好細心去咗筋，入口即化，不過一次過食4件對女仔黎講，都係少膩。魷魚壽司，入面加咗紫蘇葉，接受到紫蘇既人一定鐘意，事關紫蘇味會充斥住你個口，然後師傅仲會微微燒一下，令紫蘇既味更岀，醋飯正常發揮。海膽手卷，店家用咗馬糞海膽，超新鮮，入口鮮甜，必點item!！…Read More

刺身整體很新鮮，尤其喜歡蝦，把蝦頭也附上了，吸著吃蝦髓。山葵偏甜，配著剛好。薑汽水割燒酎，薑的味道不是很重，比較像通寧水割燒酎，很清爽。濱燒拼盤，照片看不出來尺寸但其實每個貝比想像還大，直接淋上醬汁在炭火上烤。趁熱吃燙口但很鮮，蝦肉質扎實，貝的彈性也足。稱得上是主食的一道，海鮮丼二吃。飯是白米飯而非醋飯，放上鮪魚、鮭魚子和大量蟹肉，撒上的些微芝麻提升整體香氣。二吃包含用海苔片做成手卷和加入海鮮湯做成茶泡飯。個人比較喜歡清爽的口味所以比較喜歡做成手卷，因為茶泡飯用海鮮湯所以稍微濃厚了些。海鮮丼的量很多，夠兩個人吃足兩種方法。馬刀貝刺身，非常脆，非常新鮮。真的滿喜歡這裡的山葵，甜甜的提味。漬瑩烏賊，鹹鮮很適合下酒，做個小菜很適合收尾。選的都不是重油煙的菜，所以食材本身品質很重要，整體來說是個以海鮮原味與鮮味並足的一餐。…Read More

今日黎到中環，見到一間fusion 壽司卷店，店內人頭湧湧，不過都無阻我初嘗的決心。店內設有座位，不過位置不是太多，大概15名左右，所以午餐時間比較難找到位置。Hamachi sushi with aburi $51超好吃的火炙油甘魚！油甘魚的油用火炙迫了岀來，加上八爪魚的醬汁，令整個油甘魚壽司鮮味可口！ Philadelphia $72壽司卷上層佈滿咗甜甜既牛油果，入面有三文魚加cream cheese，整體偏膩，鰻魚汁既咸甜有補救一下，不過牛油果控應該絕對喜愛！Cali salmon roll $70入面有熟三文魚，蟹棒肉，油炸過後的三文魚脆脆的，咬下的，口感豐富，再加上卷物上的芝麻，真的非常match！…Read More

約了同事在銅鑼灣吃飯，不知道選什麼好，就進了這家日式串燒店嚐一嚐，店在樓上，不過一點都不難找，店面頗寬闊，滿適合放工小聚一下。黑鮭刺身 $498鮭魚帶有淡淡的鮮香味，口感普通，若加以清酒作佐酒菜應該會很不錯。免治豚肉串 $58免治豚肉串本來醬汁稍重，但若將蛋黃拌至醬汁內，則可令原先濃味的醬汁變得柔和。豚肉串口感不俗，無豬騷味，值得一試。韭菜泡菜豬肉卷 $31加了泡菜，所以多了一點辣味，但不是很強烈，不吃辣的人也可吃。吃卷物時有點怕吃到韭菜，因為不是每個店家都能處理好，很多時候韭菜都咬不爛，可是這個店處理得很好，韭菜不老，加上豬肉的油香，吃下去剛剛好。青椒芝士豬肉卷 $36這個卷物也很好吃，青椒全熟了加上芝士再加上豬肉油香，一點都不膩。黑豚肩肉串 $36肉汁很多，很濃。豚肉串肉質好嫩，很值得一試。原來每逢星期四有店家對女士的優惠，第一杯酒類飲料免費，下一次一定要星期四再來！…Read More

鐵板燒係一個好考驗廚師功力既菜式，因為好講究處理食材既技巧，廚師稍一不慎好容易會將食材處理得太乾。伊勢海老鉄板燒 二人前前菜方面有沙律🥗，有藜麥，沙律菜新鮮，配左自家製醬汁，淸新又開胃。汁煮白鱈魚，鱈魚肉質新鮮，表皮煎得甘香，脆口，肉質厚，啖啖肉，口感唔錯。廚師將龍蝦放在鐡盆上，龍蝦好生猛，手腳仲郁緊。廚師熟練地將龍蝦起肉，慢慢煎。龍蝦爽口彈牙，配上海膽汁，鮮味更為突出。熊本A5和牛，顏色鮮豔，油脂分佈平均侍應介紹多種食法，有蒜片，喜馬拉雅山岩鹽同芥末。和牛本身煎得好香，牛味濃郁多汁，已經好好味。個人黎講，加蒜片係我最喜愛既食法。不過配菜方面都超岀色，茄子同大啡菇鮮甜多汁， 毫不遜色。和牛炒飯，用左日本米，炒到粒粒分明，唔油膩，不過已經飽咗。清酒雞湯，雞湯清甜，而且滲出淡淡酒香。紅荳雪糕，呢款味道平日比較少食，紅荳味道濃厚，加埋脆米，口感十足。…Read More

行過利東街，有間韓式餐廳，外表有別於一般韓國餐廳裝潢較為新穎，所以決定同朋友一齊試吓。餐廳總共有兩層，下層比較多卡位，上層嘅設計同cafe類同，適合朋友傾計飲嘢。手工泡菜韓式煎餅 $118118只係得兩塊韓式煎餅，但係性價比非常高，因為餐廳落咗魷魚🦑，再煎到金黃色，外邊酥脆，再加上泡菜既辣味，簡直係冇得彈。人蔘炆牛肋骨 $258大推介！牛肋骨一上菜就已經勁香， 係用煲仔上菜嘅，所以食到中途都仲好熱。牛肋骨邊度啱啱好，唔會韌，味道香濃，而且配菜都處理得好好，有薯仔、蘿蔔、冬菇，全部都炆到腍晒，入晒味，話明人蔘炆肋骨，梗係唔少得人蔘啦，廚師處理到人蔘一啲甘苦未都冇，索哂牛肋骨啲味，very nice！香煎韓式薯仔脆餅 $98呢個薯仔脆餅比起韓式煎餅更為酥脆，廚師用咗滿滿嘅薯仔絲加少量麵粉，不過可能材料方面只有薯仔，味道略為單調，所以要連同韓式調味醬油一齊食。…Read More

墨魚丸 $78一客有六粒，墨魚丸表面帶金黃，不過並不油膩，墨丸彈牙，熱辣辣，大人小朋友都一定啱，作為前菜十分合適。香茜皮蛋龍躉豆腐湯 $198湯底清甜，香茜味香，好下火既感覺，例牌大概有3碗左右。燒龍躉班球 $388調味偏濃，葱都輕輕走油，連埋班球一齊食，又香又鮮。咖喱牛筋腩煲 $198份量超級大，咖哩走中式風，唔辣，有椰香，牛筋腩處理得好腍，好入味，另外啲配菜都吸哂啲咖哩味，好好食！鮮蝦荷葉飯 $188荷葉飯乾身，飯粒粒粒分明，除咗蝦粒，仲有香菇，好食。整體服務唔錯，環境都幾安靜，適合朋友聚會。…Read More

南亭進駐尖嘴綿登徑啦，對於九龍人仕真心開心😭😭，終於唔洗跨區食串燒。尖沙咀南亭開咗無耐，所以餐廳超級乾淨整齊。裝潢設計舒服，位置不俗。雞翼 $34一串有2隻，外皮燒得香脆，重點係切開咗，好易食😂。牛舌 $44薄切牛舌咬薄落口，肉汁十足，唔韌。免治雞肉串 $34雞肉帶點軟骨，咬落去口感十足，雞肉調味不俗，加上雞蛋同醬汁更係配合十足。鱔肉串 $52鮮，彈，香！雖然52蚊，份量較小，但好食咩都抵返😂。帶子 $69帶子鮮甜多汁，超級juicy!柚子酒 $68食串燒點可以唔飲野呢😂，柚子酒味道一般，果味甜，稍欠香味，啱哂唔太飲酒既朋友飲😂…Read More

尖沙咀厚福街又有新野開，食石板牛，顧名思義，餐廳會燒熱石板，火山石，再放上一成熟既肉，然後上菜，讓食客進行二次烹煮，自行決定熟度。牛肉以gram數售賣，100gram起跳，可以俾人選擇唔同肉類，不過壞處係，大家對gram依個單位比較陌生，難以決定份量。門外參照日本餐廳，放有一部售票機，要自己買飛再排隊到餐廳享用餐點，不過香港人尚未習慣依種點餐模式，所以餐廳尚有員工負責點餐。牛舌芯 $148大推！！！！首先，牛舌超嫩，一切就開，口感嫩滑，無牛騷味。由於牛舌都幾易熟，建議大家可先切一半，再慢慢食。牛舌建議大家食全熟的哦。咁好食既牛舌芯，原來係店家將幾百gram既外層捨棄，再留最嫩滑既部位售賣，抵食到呢！所有鐵板餐都可以加做套餐，有沙拉/miso soup，飯/意粉，仲可以無限添加，啱哂大食既朋友。門外仲有立食既位置添。…Read More

又到養心殿打邊爐，要打邊爐又想健康，唯有打啲養生bino😂湯底揀咗鴛鴦，有美人鍋拼麻辣鍋。湯底一到梗要飲咗個湯先啦，美人鍋有成半隻烏雞喺入面，湯底清甜，藥材味唔重，烏雞都幾滑。麻辣鍋本身已經贈送半份鴨血，啱哂鐘意鴨血既朋友。手切牛肉 小 $238份量大概啱2至3人，質量中上，優勝在少肥膏，雪花紋平均，嫩滑。水蓮餃 $42個心係想食水蓮，點知無哂水蓮菜，唯有食水蓮餃補返數。一份有6隻，豬肉份量唔算多，啱哂我口味，水蓮菜清甜，有口感，餃子調味不俗，不過差在餃子皮欠口感。蟹籽墨魚滑 $88墨魚滑彈牙，加埋蟹籽口感十足！如果蟹籽可以再多啲就好。冰菜 $78菜由台灣直送，夠哂原汁原味，爽脆！埋單都係平均250一人，都幾扺食。…Read More

最近返工太忙冇咩返屋企食，為左安撫媽媽就帶左佢黎食omakase 😎松葉蟹·昆布啫喱 前菜已經有媽媽最鐘意食嘅蟹，滿滿嘅蟹肉同膏，佢大讚好鮮甜柚子豆腐·蕃薯·銀杏·螢光魷魚 特別鐘意螢光魷魚，好嫩，蘸埋芥末醬食落特別甜大蜆清湯 呢個湯好難忘，一打開清酒嘅香氣湧上黎，蜆肉剪碎方便食，但依然鮮到不得了拖羅·池魚·石鯛 石鯛有獨得香氣，油脂半半 ，帶點好香有少少似鵝肝嘅味。天婦羅 天婦羅蝦 呢間餐廳嘅天婦羅非常出色，餐廳指引我地食，蝦頭蘸咖喱鹽、蝦身就蘸白鹽，直頭係新嘅體驗，特別香。沙追魚外脆內軟，魚肉非常棉滑帶子帶子係呈半熟，肉質細嫩，加上粒粒飽滿嘅魚子，視覺效果一流天婦羅金鯛魚配蝦湯 金鯛魚連魚鱗一齊炸，極度脆。自家製蝦湯非常清甜😛子持魷魚 岩咁係春天係子持魷魚嘅季節，好難得有得食，一入口我同媽媽都同時露出好感動嘅表情😂 未食過魷魚可以咁嫩滑慢煮豬肩肉 豬肩肉本身就屬於嫩嘅部分，油脂比剛好， 配蘋果蓉食又可減膩蕎麥麵 佢個湯本身就好甜，加上天婦羅碎，飽到癲我都清曬😂甜品鹿兒島安納芋 原來係生炸，功夫非常多。 蘸百蘭地再點糖，非常甜。本身以為佢炸完外皮唔食得，餐廳話原來係可以食😛脆到好似薯片咁水信玄餅 😂淨係睇到個樣都心心眼，裡面係櫻花瓣😳加上沖繩黑糖、黃豆粉，質感好正，口味會甜左少少，不過自己舀少d黑糖都可以控制甜度食完呢餐之後，媽媽表示好滿意，我都可以安心😙…Read More

今日去咗屯門食飯，見到間泰菜都幾吸引，又有lunch set，都幾值，入咗去試下。午餐都幾多選擇，有炒粉麵又炒飯，不過泰菜梗要食冬蔭公湯，所以就揀咗冬蔭公河粉，$51，價格屬中位價。湯粉類都有幾款餸揀，心大心細之下，最後揀咗肥牛。一上菜，份量多到呢😂，湯底香濃，夠酸小辣，完美，啲河粉吸哂啲味，正。 而且送餐速度快速，高質午餐至選。跟餐仲配餐飲，改配特飲要加8蚊，小貴，柚子茶普通，除非你好想飲，如果唔洗太期待🤭。同朋友一齊健康人生，所以叫多個菜。馬拉盞炒通菜 $60菜喺主餐牌，所以貴啲，不過無令我失望，炒得超級有鑊氣，好香，稍嫌有點多油，不過依個正正就係美味之處嘛💖…Read More

今日想食清d，搵下簡簡單單嘅車仔麵食下。難得灣仔有間平價嘅餐廳，睇裝修又幾新淨。燉湯聽名都覺得養生，花膠好厚肉😛，仲有鮑魚、雞腳，感覺好重骨膠原，好養顏。湯係清甜，一d都唔會覺得佢落左味精。車仔麵黎講佢d餸唔hea😳，有好多款簡。南乳豬手入味，唔肥膩。豬腩仔同樣高質，肉質鬆化。另外仲叫左車仔麵必叫配搭-蘿蔔，清甜入味，食左咁多肉，咬啖蘿蔔balance 返又幾好。呢到竟然有菠菜麵，麵質彈牙，配香濃牛骨湯底，基本上每啖麵都要飲飲個湯先開心😛。…Read More

餐廳係油麻地站五分鐘路程，樓上舖，好企理，樓底高，所以坐得幾舒服😌。宜家喺openrice收藏餐廳，仲會送餐湯😙阿根廷炒大蝦配龍蝦汁 $58一份原來得一隻，如果一開始店員有同我地講就好啦。不過龍蝦汁夠哂岀色，香，濃。大蝦合格。三文魚子墨魚汁扁意粉 $158超推！！！墨魚汁愛好者must try item! 好香咸香味，某程度係三文魚子啲味，加埋墨魚汁嗰種鮮味，不得了，扁意粉煮得剛好，偏向硬身，所以仲有啲彈牙感！炭燒美國安格斯牛 $258肉質有牛味，處理得幾好，唯一係調味不足，需要自己再加粗鹽才可。水蜜桃雪芭 $58唔太甜，味道清爽。只係水蜜桃外殻凍得太厲害，太硬了。…Read More

尖沙咀新開火鍋店，試業期間仲有68折。湯底有十幾款，我地最後叫咗醉雞鍋，2個人食半隻啱啱好，湯底先上，好香花雕味，好濃郁。 雞件冇肥膏，幾滑，幾啱女仔食。手切肥牛 小 $239雪花肥牛紋理清楚，唔肥，咬落口，有韌性，牛味唔算重，不過都幾唔錯。分量約3人份左右，如果鐘意食牛嘅，可以叫大份。墨魚麵 $89魚麵有彈性，質感都起哂膠，又有得玩又有得食，抵食。韭菜餃 $59餃子皮適中，唔厚，一碟有八隻，夠哂一班人一齊食，餃子屬於偏向肉類既餃子，韭菜比例唔算多，適合一般人口味。魚生拼盤 $399外型美觀，有帶子，甜蝦，呑拿魚，八爪魚，三文魚同海膽，當然味道唔可以同日本餐廳比較，不過都新鮮，價格相宜。紫貝天葵 $39啱哂火鍋飲，夠哂下火，不過味道較甜，懼甜人仕要小心。埋單仲有68折，真係好扺食🤭。…Read More