Bigbelly2021's Profile

我會覺得立鮨係一個可以安靜享受壽司既地方。有別於香港一般人均300蚊既壽司店，立鮨用既係赤醋，味道主張是醋的香味而非白醋果種明顯的酸甜味，醋味會更隱含，唔會蓋過魚生的鮮味。 店內座位都係圍著壽司吧，師傅會直接遞野食比我地，可以直接同師傅交流，感覺上好close。野食方面整體方面水準都非常之高，當中魚生、各類刺身都十分鮮甜，食物的鮮美程度絕對值得一讚。其中，北海道帶子刺身、赤蝦刺身、吞拿魚壽司更是尤其出色，非常推薦大家一試。在平價少少既壽司，例如三文魚壽司佢地都別出心裁，蔥蒜搭配上三文魚魚油令平凡的壽司味道更上一層樓。整體而言，會是我中低價壽司店的必然之選。也是壽司癮起時，飽食一餐的高CP 值之選。…Read More

今次已經係第四次再黎食物水準不錯 性價比高 好抵食一口豚肉 ＄28豚肉幾厚 一咬落去好多肉汁鹽嘅調味加分 啱啱好 不錯明太子醬玉子燒 ＄26次次見到都忍唔住叫仲有最鐘意既明太子食落一啲都唔乾 咬落去仲熱辣辣 推薦忌廉芝士饅魚卷 ＄78估唔弼Cream cheese同饅魚出奇地夾味道balance得啱啱好 而且價錢唔貴9點壽司＄228壽司有9款 精緻仲一次試哂咁多隻唔洗煩三文魚 吞拿 帶子 等等都好新鮮肥美深海乳龍蝦 ＄108賣相特別 好新鮮甜美原隻刺身塞入口好滿足…Read More

好少見點心鋪頭個門面會咁young 同colorful，入到去有少少似新式茶餐廳的感覺，感覺裝飾同用色店家都係有用心設計過既。仲有好多靚靚neon light，有舊香港同少少fancy 酒吧既感覺，夜晚影相好IGable。今晚7點 兩人入座唔洗排隊，分別叫左唔同既點心，都係蝦餃燒賣果D腸粉為主。但係每一款都絕對唔係平時酒樓既味道。 可能，燒賣會有係酸菜魚味? 鵪鶉蛋燒賣入面竟然有漬物? 土匪味既點心? 仲有好多唔同既特別口味， 值得大家去試下~ 呢到就唔講咁詳盡啦  留翻少少神秘感。 而且店家在創新同時又不失味道， 可能唔少菜式都會打破 大家對點心舊有既認知~ 而家店舖新開張仲會有一客甜品送~…Read More

灣仔一向都是美食雲集既地方，在各大商場及樓上商廈一直都潛藏著不少好有特色既餐廳。餐廳選擇雖然不少，但要搵間好味又CHILL 既餐其實並非件容易既事。今次就黎呢間design 有少少輕奢華感覺既扒房試下! 餐廳門口擺放左一個木櫃作為屏風，櫃入面放左好多乾花同植物既Decoration, 既美觀又可以提出一個更好既私隱空間比食客。餐廳入面周圍都擺設左好多VINTAGE 既酒樽做裝飾，同時有一個MINI BAR枱製作唔同既款項既COCKTAILS。地方算寬敞，枱與枱之間既距離都好夠。餐廳入面有個BAR枱成個氣氛真係會唔同晒，果種好CHILL同GRAND酒吧既感覺出晒黎。我同朋友order 左午市既牛扒套餐，包含10安士紐西蘭草飼無激素牛扒套餐 ($328)，餐湯、自家製餐包、沙律及薯條。凱撒沙律甜甜地既生菜、炸麵包糖沁蛋，黑椒及蛋黃醬。炸麵包非常鬆脆! 蔬菜湯南瓜雜菜濃湯，好多雜菜蓉，沙沙地幾有口感，味道甜甜地帶少少酸幾開胃。自家製餐包餐包很出色，上菜既仲非常熱，中間開半煎脆，伴以牛油同肉桂牛油夾著食，好CREAMY ，味道不錯。U.S. Prime等級既牛排牛扒好厚身，兩面已經煎到脆晒，滲出好香既燒肉味道。但裹面依然十分軟嫩，5-7成熟岩岩好，調味岩岩好，又香又惹味。薯條夠熱夠脆，可以REFILL ，味道不過不失。果把印有餐廳名MOO MOO S既Cleaver Knife 非常EYE CATCHING。夠狂野既牛扒當然都配上一把夠型既刀，細細把好睇好用。Overall 黎講價錢都算OK，環境唔錯，地方都算就方便。係三五見己聚腳既好地方。…Read More

今次係第二次黎旺角分店燒肉放題選擇好多豬雞牛魚海鮮菜都有齊旺角店空間感好好 大部分都係卡位 非常闊落飲品自助區有冷泡菜同汽水 又或者自己落單先黎每人送兩件頂級牛舌芯係難唔韌爽口的 不錯海鮮叫左青口 帆立貝食過幾次表現都穩定出色大大隻新鮮 肉質爽口特別係青口今次非常突出 encore 了三次小食選擇好多 但黎到要留肚只係叫左平時最愛既黃金泡菜同梅山酥炸薯澳洲M5和牛肩胛肉安格斯牛小排嚴選牛舌三角牛肩肉極黑牛肩肉試左都幾多款牛 佢地厚度均一最愛一定係M5油脂感重原住民鹽燒肉正花豬豬頸肉豬大腸今次試多左豬肉 唔會食到鞋口豬豬大腸燒左又幾香原住民鹽燒肉必食帶點點淡甜味 好爽身好香口另外私心推介雞泡魚干～超超超好食 encore 左3次燒到微微黑色非常香口 食落味道同聞落一樣香台灣小枕頭～麻糬愛好者要試 燒到漲卜卜飲品試左百香果綠茶 推薦味道比意料之外出色百香果同綠茶嘅味都幾濃少甜剛好另外一個想賺嘅位就係而家疫情嘅時候佢哋飲管雖然係自取 但係做返獨立包裝夠衛生如果驚唔食澱粉會死佢哋仲有拌麵同埋飯最後甜品係movenpick 雪糕/ 檸檬愛玉檸檬愛玉都幾唔錯 有埋椰果粒珍珠鳳梨粒識落有點清新解膩嘅感覺…Read More

路過見到餐廳好多LOCAL 韓國野賣，就黎試試呢度韓燒正唔正宗。餐廳裝潢好工業風，座位都幾寬闊，臺與臺之間都安排得幾開。同行2個人叫左一份壹頭牛燒肉套餐，感覺呢個餐for2個人既CP值應該幾高。主菜未到，先黎講下爐邊蛋同埋隋餐配菜。爐邊蛋有2個味道，一邊是芝士爐邊蛋，一邊是泡菜爐邊蛋。另有一邊是生蒜，烤肉時的油會慢慢流入生蒜那一邊，燒一陣就有好香既蒜油。爐邊的熱力將兩邊既蛋慢慢煮熱，烤出黎既蛋非常滑嫩，芝士味既爐邊蛋好好味!隨餐會附上一盤新鮮生菜，味道很正宗的泡菜、醃蘿蔔洋蔥及涼拌大豆芽。我會用生菜配上醬汁夾著熱辣辣既燒肉一齊食，平衡翻個味道同埋油膩感，同埋唔怕燒肉太熱會燙親個嘴仔。店員告知所有配菜同爐邊蛋都可以REFILL，抵讚!主角 燒肉!喜來烤肉喜來烤肉既份量都幾多，薄薄地既新鮮肥牛卷成一團，外型十分EYE CATCHING。烤肉落鑊很快便熟透，兩面燒到微微的焦香，入口燒肉香氣四散，非常不錯。牛肋骨肉牛肋骨肉滿佈油花，比較厚身，燒肉表面微焦但裹面依然十分軟嫩。呢個部位既肉有很濃郁的牛肉味，也十分JUICY 。牛五花牛油香味濃郁，微微用醬料醃過，呢個部位既肉帶較多油脂，燒既時侯會釋放勁香既牛油味道，黎夠晒香夠晒味! 正呀!調味牛排骨燒汁有少少東南亞同韓國風味，惹味得黎又酸酸甜甜。排骨既肉棉棉地，醃料好入味，味道有驚喜。…Read More

今次去咗試荃灣牛大人晚市可以食120分鐘我地嗌咗。。和牛吃到飽同埋加$50嗌咗鴛鴦湯底嗌咗麻辣湯同埋鳳梨雞湯🍍麻辣湯最小辣對我依啲唔係好食得辣嘅都接受到而且鴨血加辣湯更加惹味鳳梨湯有好大舊雞 而且清甜攞嚟滾娃娃菜一流佢哋送咗四粒和牛牛丸好好食而且肉味油脂味都好夠～肥牛我哋主要都係嗌澳洲和牛牛肩卷間唔中就有一兩碟係特別靚油脂分布得越均勻越好食手切封門柳有驚喜 唔使淥好耐攞翻起啱啱好唔會好韌今次第一次食咗美人花膠加埋落鳳梨湯嗰度更加養生啲花膠都幾大嚿而且好咬小食推介鹽酥雞同酥脆薯炸起嘅番薯加埋埋調味出邊嘅鹹同番薯嘅甜味好balance…Read More

平時BURGER 食得多，鹹牛蛋治都食得多，今次就黎試下芝士安格斯牛肉治堡!三文治個都幾大份，兩面包烘到脆卜卜，咬落有口感過平時果D軟淋淋既BURGER。入面夾著3種唔同既芝士，混著小小甜甜地既自家製醬汁，包裹著中間既肉碎，味道好正，咁樣既大細都好方便食用。Buffalo chicken wingCLASSIC 既水牛城雞翼，好大隻好好味。味道上作出左少少既調整，醬汁酸酸辣辣，醒胃又CREAMY。Black Truffle Cream Pasta 好香黑松露同埋炸葱既味道，混埋好CHEZZY 同CREAMY 既醬汁，味道好豐富。菜品中伴有少少腌紅蔥，可以調和翻個味道，感覺食落唔會太HEAVY，好正呀。 Dirty咖啡好好味，兩層味道分明，好RICH 既口感。…Read More

今次嚟左紅磡搵食搵有間特色小店 日式料理價錢合理唔費佢地既滑蛋饅魚丼飯量好足 饅魚大大條 配料洋蔥都好多味道唔錯 飯汁都夠 唔會太濃太鹹另外可樂餅有驚喜 芝士味同紫薯都好夠餡 一個甜一個咸食完咸野食翻個紫薯可樂餅埋尾 夠晒滿足吉列炸蠔大大隻蠔 炸得啱啱好炸粉一啲都唔厚性價比高又好食～章魚燒不過不失 唔會好粉但章魚存在較少朋友試左鍋物好似都不錯整體黎講食物 性價比高 質素唔錯小食好抵仲幾出色而且選擇多 推薦比想食哂唔同日式野既人…Read More

坐底店員會比前菜 泡菜係幾辣下搞左陣終於叫左一個set韓牛拼盤套餐有7款肉同紫菜飯，每款三至四塊。由油脂重啲到瘦啲既都有！但係都係油脂分佈都超平均！超高質！每塊都燒到半熟就好，中間少少粉紅色就最好食。食果時 佢啲牛都係好高質，唔會太肥，最緊要係牛肉味好濃最最重要係燒嘅時候，職員會定時過黎幫我地換鐵板。環境方面就坐落都幾舒服 呢排疫情大家都會驚同人地坐太近，但呢間鋪枱與枱之間坐得幾寬闊，抽油煙方面更加係做得幾好。食完個身係唔會覺得臭。紫菜飯都超好食 好夠味仲有得自己玩下 下次都會再食呢個 …Read More

今次去咗試葵廣地下車仔麵 已經好耐冇食過車仔麵喇！車仔麵配油麵先係絕配啊～今次第一次食 試咗佢地個秘製汁 果然無失望車仔麵一嚟到就勁大碗勁豐富 蘿蔔好甜好䭃豬頸肉好好食 一啲都唔難咬又大大塊 好有驚喜豬紅好入味 推薦～ 唔會有種個麵同豬紅係分開嘅感覺牛雜要另加$4 不過好多 食極都有 而且食得出係新鮮嘅！另外嗌左個拼盤 不過食麵已經好飽 所以淨係食左豆腐 蛋 同雞翼都係不過不失～個人覺得車仔麵較吸引～…Read More

今次就嗌左套餐加熱狗。落完單要自己係雪櫃拎汽水，下晝去唔係特別多人好快就拎得！漢堡扒配料好多，食到好飽但又唔會好漏。漢堡扒好好味好juicy，而且個醬超夾成個包，好開胃。最最最重要係包身乾 口感軟熟 加埋真係一百分。仲要唔會滴到成手汁。估唔到100蚊內既SET都可以食到令人驚喜既burger～薯條高質 因為～好少食burger係配幼薯條係唔食m記情況下搵到幼薯條好驚喜，好多茄汁好好！套餐加十蚊有個熱狗，腸仔好好食，加埋個醬汁好夾個包，好抵食 …Read More

Early on in my fine dining journey on traditional Japanese cuisine - Teppanyaki, I was lucky enough to meet The Hennessy who serves authentic grilled food in a dramatic cooking style by using “Teppan”. The restaurant has a mixture of Classic Japanese design with luxurious european decoration, clean dining area and a gorgeous city view of Causeway Bay. I picked the seat at the Teppanyaki counter and placed an order for “Omakase”, leaving it up to the chef to select the best seasonal specialties and a “taylormade” dinner menu for me. The chef was nice and friendly and he particularly introduced the origin of the food, seasoning method and  adequate order of tasting the food.  The appetizer surprised me that the crab tofu with crab butter topping had a very intense white meat flavour of crab, and the crab butter brought additional taste for the tofu. Delicious and well-balanced! A very innovative appetizer, a must to try!Three types of sashimi were served, starting from Hamachi (lighter color, weaker taste), Hirame and to red tuna (darker colour, stronger taste). All sashimi were good but I particularly love the meat-like red tuna as it was nicely cut, thick and tender. The combination of sashimi types was thought out, bringing different and gradually stronger taste piece after piece. I love it!South African AbaloneAbalone was fresh, seasoned salt and pepper  -Simply a pinch of salt and pepper is the best way to bring out the sweetness and original flavour of fresh seafood. A lip smacking dish! Enoki Mushroom beef roll barbecue sauce A very famous and local dish in Hong Kong!  Wagyu beef in A5 grade wrapping juicy and fresh Enoki Mushroom. Succulent beef with tasty sauce. Ordinary style dishes with divine cooking method and seasoning, anything but ordinary. Good jobs! Giant PrawnFresh and well grilled. Within expectation, this restaurant never fails in serving high quality and fresh seafood and the sauce is scrumptious! Highly recommended and would have my next appointment to this restaurant particularly for these enticing seafood.  Egg fried riceThe cook showed off his extraordinary skills in cooking Egg fried rice with ‘Teppan”, beef, onion and veggie etc were perfectly balanced. Aromatic fried rice ,authentic Japanese cuisine.  The key of making egg fried rice: “No Colander” The set ended with a delicious milk pudding and caramel toast. Delectable!Good restaurant, impressive service for fine dining.  …Read More

阿仙奴足球主題餐廳牆身掛滿阿仙奴裝飾，可以住係到慢慢睇過夠。餐廳整體裝修就乾淨企理，設計都睇得出好花心機。1855美國牛肉眼牛排煎得OK，味道都幾夠。醬汁風味唔錯。波士頓活龍蝦配意粉好CREAMY 有好濃既CHEESE 同牛奶味，Recommended.…Read More

干鍋鮑魚 用唔同辣椒同花椒爆香材料，有非常出既辣椒香味，帶一點點既麻辣，但整體唔算辣。鮑魚採用罐頭鮑，切段後爆香，能好好吸收辣香發醬料味道。配料有椰菜花瓜菜，已經炸蘇炸香後拌入鍋中。整體菜品有很強的香麻辣味，是幾刺激味覺既送酒小菜。炸饅頭- 岩岩新鮮炸出黎，炸到個頭有薄薄的脆皮，包身好熱仍是十分鬆軟，做到外脆內軟，口感非常唔錯。椒鹽鮮魷- 都係岩岩烤出黎既魷魚，好熱。份量唔算好多，但魷魚好厚肉，炸出黎個皮好脆，沒有重粉漿又油益味重的feel。拌上炸咸蛋，令成個咸香同鮮鮮出晒黎。酸菜魚- 濃濃既酸辣味道，湯底以酸菜味道為主調，辣香味為輔，而且有很強既蒜香味。湯底味道很夠，酸酸辣辣，很醒胃，有種停不了口既食慾。魚肉去骨，很薄很滑，熟度剛剛好，掛上酸辣湯，不錯。…Read More