vickyyy824's Profile

去過啟德好多次，基本上次次都係Airside入面食，今日聽住附近嘅朋友嘅介紹，原來商場一出嚟好近都有其他西餐。餐廳係商場出面嘅公園隔離，而且係半開放式，基本上一眼就望到，而且望住個公園咁chill，都令餐廳感覺更有空間感。當日星期五收工時間嚟，基本上餐廳都滿座，睇嚟都好受附近居民或者上班族歡迎，好彩有book位啫 兩個人食，首先叫咗一個「卡布里沙津($155)」，細細粒唔同嘅水牛芝士，配上蕃茄仔，連埋佢本身嘅醬料好開胃，幾好食跟住就叫咗個「美國肋眼排($370)」，本身想揀牛裡肌，但貪呢道菜有薯條食：P牛我哋叫咗三成熟，肉質好軟熟，唔會太韌，加埋本身配上嘅玫瑰鹽好好味！最後就叫咗個「蟹肉扁麵 ($155)」，呢個麵啲蟹肉唔係講笑，真係成個麵入面都有超多蟹肉，料超足！另外都好creamy，正！…Read More

今次去咗厚福街呢棟好多日本餐廳嘅大廈，揀咗「一方堂」嘅間日本餐廳試吓。位置唔算太多，要嚟建議早啲訂位。枱同枱之間都有足夠空間，等同隔離枱唔會坐得太近，聽到晒大家講嘢，有返少少空間感。因為好想食刺身，見到當日有「原條真鯛」，我哋就叫咗嚟試試佢，份量多到食呢個都佔咗一半quota了，真調亦都好新鮮好正！同朋友分別各自叫咗一個手卷，我叫咗「火炙帶子手卷」，朋友都唔執輸，佢都叫咗個「A5和牛手卷」，份量好多，我哋交換一人一半嚟食。嚟到居酒屋又點可以點叫串燒？呢度除咗刺身壽司之外都仲有好多唔同款嘅串燒，首先叫咗我最鐘意嘅免治雞肉棒，點埋蛋汁真係再令個味道更濃厚！黑豚腩～第一次見有煙肉蝦卷嘅串燒！好好味！仲叫咗個白鱔！食到飽一飽！下次可以再帶朋友嚟試多啲！…Read More

陳儀興愈嚟愈出名，間唔時都會諗起佢想嚟食吓，今日就特登約咗朋友嚟好耐之前已經有嚟嘅新蒲崗分店，嚟試朋友試過話正嘅新火鍋湯底。地方好寬落，唔會同其他枱太近，坐得好舒服。 我哋就叫個「驚蔘鐵棍雞」湯底，$188已經有半隻雞，仲包埋菜，仲要真係有「蔘」，湯底又可以飲。啲雞仲要啖啖肉，部份係雞脾嚟添正呀！係放雞落去之前剩係飲咗個湯底先啦！好濃好香，我同朋友都各飲咗兩碗添！好親切嘅侍應叔叔仲幫我哋落埋雞，教我哋雞要放幾耐，真係好好🥹除咗煲之外，我哋仲加咗料，叫咗佢哋好出名，而唔係間間打邊爐都有嘅「超肥鵝腸」，唔係講笑，真係超肥，份量又多。叔叔教我哋拖住個鵝腸嚟淥，大概20秒就夠，跟住佢方法整，食落去又真係好爽。再叫咗個「黑松露豬肉丸」，黑松露同豬肉比例都超多，唔似撈咗粉咁，好好味。打邊爐緊係要食個峰巢豆腐啦！另外有樣好好嘅就係好多料都可以揀雙拼，可以樣樣都要少少，我哋再叫咗個鮮牛肉x餐肉。嘢飲我哋都叫咗涷奶茶同涷檸賓，全部都大大杯好正！全部都大件夾好食！…Read More

之前網上見到有人介紹呢間Fusion菜，今次同位都好鐘意食Fusion菜嘅朋友都嚟試試佢!餐廳職員好好客，都介紹咗我哋好多特色菜，睇吓我哋鐘意食邊樣。同朋友都想飲個湯，我哋就揀咗個「玉米濃湯」($68)，粟米味好香，十分creamy，粟米好有平時嘅中湯味道，但又有西湯個種奶油味，飲落去好特別。頭盤就叫咗個「香酥鴨跟薄餅」($200)，問過職員，其實呢個好似片皮鴨嘅做法，但係佢就有啲似手絲鴨嘅方式，醬料同配料都好類似，食落去好夾好好味!本身仲同朋友慳住無食太多鴨，但原來食下食下仲有好多剩，證明佢真係好多料，最後我哋仲就咁夾嚟食添!主菜就叫咗個「炸魚薯條跟咖喱汁」($230)，因為個配搭實在好得意，所以忍唔住試吓，炸魚就係本身嘅英式風味，魚好大塊，肉汁好多，呢個完全唔洗懷疑。而薯條配咖啡汁就真係好少試到，好好彩味道又好夾，咸咸地唔太辣，好正! 同埋佢仲有配一個青豆，呢個平時都好少會咁配搭!食咗好多肉，我哋都想嚟個菜，叫咗個「豆腐什菜煲」($138)，料好多，豆腐多菜多，特別嘅係平時食呢道菜都會係酒樓或者大排檔，但今次就係一間咁靚嘅西餐廳，仲要飲住cocktail，真係別有一番風味。飲品我哋就各自叫咗一杯cocktail，一杯「Suzie Wong」同一杯「Be My Honey」，兩杯都各$125，兩杯都係比較啱女士嘅甜酒，兩杯都好好入口。…Read More

每次食韓燒嘅首選都係平昌，價錢唔貴，選擇又多，位置又好方便，今次有朋友提議去食韓燒，我又即刻提出：去平昌啦！～依家任食有三款套餐，我哋揀咗中價嘅「世子」餐，我平日食就$318一位，不過weekend其實都係差$20一位，唔算差太遠，而且「世子」餐仲要有醬油蝦、醬油蝦，就咁食呢啲都回晒本就咁手寫返number俾職員就可以叫嘢食~職員一開頭已經幫我哋加咗蛋漿，韓燒其中一樣最開心就係無限添蛋，我哋仲食咗兩次添一坐低就忍唔住叫咗個醬油蝦同蟹，好好味仲有唔同嘅肉同海鮮，例如豬頸肉同鰻魚其他海鮮當然唔錯過，特別呢度居然有埋任食蠔同帶子，蠔仲要唔洗隻添除咗蠔仲要有扇貝燒肉都有好多款，每款有唔同嘅醃料，我哋都係主力放係牛度!唔止燒肉出色，一啲小食同熟食都好正，食食下居然又想食返個蟹肉薯餅，呢個都好好味食得個人太燒，叫返個水冷麵balance吓…Read More

行APM經過Cupping Room就望吓有咩特別嘢食，仔細睇原來入面隱藏咗一間小餐廳，望到門口感覺入面都幾舒服，Menu又幾吸引，就入去試試佢!環境好木系，好清新，平日晚上嚟講都唔算太少人。同朋友各自叫咗每人一個set，餐已經包埋餐湯同嘢飲都有，當日嘅事日餐湯係蕃茄忌廉湯，甜甜地都幾好入口。而前菜我哋就分別叫咗唔同嘅嘢share食，我就揀咗個大啡菇，呢個大啡菇我同朋友都讚不絕口，好好食，好入味，水份好多，唔會怕太乾身。朋友就叫咗個田螺配薯蓉，田螺嚟講都幾大雙，而且都唔會太油，唔錯主菜都係各自叫咗一個，我就叫咗個澳洲和牛牛排配薯條，呢個都超好味，口感啱啱好，亦都好多肉汁另外就咗個飽肚啲嘅蟹肉黑松露意粉，黑松露味都好重，好正飲品嘅話menu上貼咗藍色貼紙嘅都包咗，最衰當日唔係晏晝，唔係飲杯咖啡都幾正，我哋最後就每人叫咗杯大吉嶺，好清甜好飲…Read More

每次係大角咀經過呢間感覺好decent好chill嘅餐廳都好過入去試吓，今次終於約到朋友去完旺角過大角咀試吓佢！我哋係平日去，嚟到都已經見到唔少人係餐廳人面食緊，大家都同唔同嘅朋友食緊，感覺好開心！我哋就坐咗係一個近門口嘅位置。入面都有好多唔同嘅葡萄酒可以開，同唔同朋友嚟食都好適合。我哋叫咗一個肉同一個麵，肉我哋就叫咗個「烤法式羊架配薯菜」($268)，我哋叫咗五成熟，職員推薦唔好低過五成會比較好，羊架好有香草味，五成熟啱啱好，唔會太熟去到太「銀」，又唔會生到放唔到入口，我同朋友都好鐘意呢款菜。另外就叫咗個「明太子蟹肉天使麵」($178)，我好鐘意呢個天使麵，因為本身就係明太子嘅Fans，佢個麵嘅各一啖都有好足料嘅明太子，食落口真係好滿足，再加上份量好多，食好多嘢嘅我都有滿滿嘅飽肚感，好正！…Read More

今次慶祝朋友升職加薪，特別去咗三日月食鐵板燒！我哋一人叫咗一個一人前，可以share嚟食，我哋一個叫咗「A5宮崎和牛鵝肝帝王虎蝦一人前鐵」，因為見到佢原價做緊$1098，依家特價做緊$798咋！而且食材都好豐富！另外就叫咗個「三日月一人前鐵板餐」，都係做緊$798。點完餐好快就有前菜到咗，一份係沙津，有師傅調教咗嘅柚子汁，另外就有啲涼菜，有茄子、豆腐同漬物，職員教我哋由淡嘅茄子開始食會最入味。轉頭師傅就show咗轉頭要煮嘅食材俾我哋，真係超豐富！牛都見到好靚好新鮮！跟住就嚟咗和牛餐嘅刺身，有油甘魚、吞拿魚同赤蝦！跟住就上咗茶碗蒸，蒸蛋上面有黑松露油同三文魚子，味道都好香再加上三文魚子嘅鮮味好夾。之後就上咗鵝肝，油脂好豐富！之後就上咗個帆立貝，好大一隻，兩個人share都好夠，而且好新鮮好香！下面仲有啲菠菜襯低！之後就上咗白鱈魚，首先放得非常精美，佢嘅魚肉非常鮮甜，魚皮都整得好香脆！跟住就係帝王虎蝦，除咗蝦本身好大隻之外，佢嘅醬料都好用心製作，綠色嘅係橄欖油加香草，紅色嘅師傅用蝦頭打成汁嘅醬料嚟。跟住就係A4鹿兒島和牛薄燒卷，牛肉非常軟熟好好食，佢另外配咗日本野菜可以中和返牛比較肥膩嘅感覺，另外作為配菜嘅蒜片都好香好好食！之後就上埋紐西蘭肉眼扒，佢本身配咗三隻醬料，包括酸汁、麵豉醬同芝麻醬俾我哋可以配和牛，但我同朋友覺得牛本身嘅味已經好出好香，就咁配岩鹽同黑椒已經好足夠。之後就上埋炒飯，師傅用咗日式梅醬嚟炒個飯，等啲酸味可以中和返個飽度，上面仲有啲日式白飯魚。職員再教我哋可以就咁食一半先，之後再上埋個鏗魚湯俾我哋可以變做茶漬飯，同加小小wasabi去調味。最後最後就飲埋個麵豉湯同紅豆雪榚結束完美嘅一餐…Read More

禮呢間居酒屋聽過唔同朋友介紹好多次，不過佢哋通常都係去九龍城個間，今次同朋友約咗太子就試吓佢哋嘅太子店。我哋八點到，嚟到已經滿座，大家都食得好開心，好彩一早訂咗位啫，唔係嘅話應該都要等。(圖入面有空位因為之後影咁啱有人食完走咗)嚟到就已經有小小前菜提供自己都叫咗個前菜 - 蒜頭漬 ($38)，佢有菜前，蒜頭撈埋啲菜食唔會太咸，啱啱好 ! 芝士玉子燒 ($88)，細睇你就會見到啲芝士係流心咁溶出嚟半熟鏗魚他他 ($118) - 食落去鮮鮮地，魚味好出，正！沖繞炸雞 ($78) - 隻隻雞都好大隻，咬落去仲有雞沖流出嚟!火炙明太子 ($78) - 成片明太子俾你！好少見呢個造法，佢下面仲加咗青瓜，夾埋一齊食就唔會怕太咸。接落嚟就係食串燒嘅時候，我哋就乜都試吓！秋葵 ($28) 青森青提豚肉燒 ($48) - 好少見豚肉係包提子，第一次見呢個組合，估唔到食落去又幾夾！鹿兒島一口牛 ($58)京蔥雞肉串 ($48)見到串燒有素肉丸，見咁得意，我哋又叫咗個，又幾新鮮 !…Read More

過年出左Bonus 想話請下屋企人食餐飯 朋友介紹食呢間靠得住好彩無令我失望 樣樣送都好足料 ！！前菜係麻辣小黃瓜$22客家風味酸蘿蔔$22兩樣都好好食，岩曬大家傾緊計黎食！好脆卜卜又開胃馳名東江鹽焗雞半隻$148呢隻雞仲幫你起埋骨 仲要啖啖肉 ，好好食～點埋旁邊個汁！好野味心肝寶貝粥$78入面啲豬膶同帶子都極肥美！好好食，個粥底都滑好綿客家北菇紅炆豬肉$98呢個炆豬肉燉到入口即化 ，一夾落去都知腍又唔起渣！配埋個汁用黎送飯一流呀！魚湯海味粉絲雜菜煲中間叫個雜菜煲中和下，魚湯比d菜索左黎食，好鮮甜！重慶酸菜魚 $138呢個酸菜魚用左原條䱽魚去做，所以好好食！因為我係䱽魚fans啊，個味道岩岩好，都唔係好重味！白𤆥薑蔥珍珠蠔$68好新鮮既蠔仔，點埋個汁好夾🫶🏻特別要講下呢個蘋果紅茶，好好飲，勁香蘋果味！岩曬食飽飲啦而且服務都唔錯上菜都好快 黎緊新年都可以再黎食團年飯…Read More

唔係朋友介紹都唔知道呢間餐廳，佢係九如坊嘅一條後巷中，唔係咁容易留意到。入到去真係幾有驚喜，店員服務好好，幫我哋好好咁掛好啲袋。我哋坐bar枱，可以好清晰咁睇到師傅燒啲食物，平時一般串燒都可能係加熱返本身已經熟咗嘅食物，但呢度真係由生嘅燒到熟，所以口感會更加好，亦都好感受到誠意。我哋揀好要嘅食物之後，店員會拎晒嚟俾我哋睇吓。海鮮就叫咗個帆立貝($128)同銀鱈魚($98)。帆立貝鮮味好重，再加上啱啱先燒熟又有好多鮮汁出嚟，師傅再加埋啲配菜一齊更加好食。銀鱈魚亦都燒到啱啱好，魚肉好滑好好食，我諗呢個我其中最鐘意嘅一道菜。雞肉我哋就嗌咗個免治雞肉($58)。豚肉就叫咗個黑豚五花腩，脂肪同油分比例啱啱好。菜就叫咗個洋蔥仔($35)Balance吓！最鐘意嘅牛我哋當然唔放過，叫咗個宮崎和牛串($148)同埋網燒牛肉($258)，牛肉熟度啱啱好，出面勁熟，入面小小生。呢間餐廳好好就係佢嘅牛肉都會配返兩隻調味料可以俾我哋加上去食，一個係柚子胡椒，另一隻就係法式芥末，呢個配搭都係出面比較少見。最好食埋個甜品～好完美！…Read More

成日經過都未食到嘅餐廳，今次終於同朋友嚟到試吓。坐得發現都幾多人，好多一家人食。我同朋友兩個人嚟食，就叫咗啲唔同嘅嘢嚟食。冷盤就叫咗個蒜泥白切肉($68)，都幾大份，比起出面食到嘅蒜泥白肉，呢道菜嘅辣味會重啲，鐘意重口味嘅我都好鐘意。跟住再叫咗個乾煸四季豆($88)，四季豆咸咸地，好香好惹味，亦有唔少肉碎，口感好好。要飽肚嚟講就再叫咗個欖菜肉碎炒飯($88)，因為通常係上海菜館先有，所以特登叫呢個嚟食，份量好大，味道都好香濃。最後，甜品就叫咗個炸饅頭($30)，啱啱好！…Read More

今晚同同事係佐敦收工想醫下肚，佢話想食西餐，行行下就搵到呢間係吳松街既西餐館，一於就入去試下先！👍🏼👍🏼餐廳入面既裝修都幾簡約別緻，係呢個環境下開餐應該都零舍寫意啦！孜然風味原隻單骨雞翼($60)外皮炸得脆卜卜，雞肉都好嫰多汁，最緊要有孜然味既辣香襯托，成碟野都即刻加哂分！💯麻香海鮮扁意粉($128)一送上枱面就已經聞到陣陣濃烈麻香味，海鮮種類都好豐富，有蜆肉、幾隻大蝦同魷魚。意粉方面質感都好淋身，另外配上粒粒崧子十分有口感。調味都好充足，花椒味同青醬味原來都好夾，唔錯唔錯😋😋慢煮牛肋條配香煎上海年糕($158)慢煮牛肋條配上黑椒汁整得好入味，牛肉咬落去都好嫰滑，配埋上海年糕既煙韌口感，真係好特別啊👏🏼👏🏼81 Signature ($78)餐廳的特色cocktail，最底層的係vodka，中間就係果汁，最頂有個波，打卡真係要把握時間，如果唔係佢就好快爆架啦🤣🤣成個渡假feel都翻返嚟($48)呢杯特調的mocktail有哂椰子水同椰奶的香味，飲落又唔覺好甜，椰子控可以一試！超脆油炸鬼配芒果汁及雪糕($68)油炸鬼的香脆口感同雪糕的軟軟質感，兩者真係出奇地夾，值得推介👍🏼👍🏼…Read More

成日都經過呢間新開嘅越南餐廳，見到佢門口餐牌有大大碗嘅叻沙，想食好耐，一直都未有機會，今次就終於約到朋友一齊嚟試下啦。Menu實在太多選擇，無論二人餐定散叫都諗咗好耐，最後都係決定散叫。第一樣就梗係叫我想叫好耐嘅叻沙河鮮河($95)，原來都有分越式定泰式，職員會問你，我就揀咗個越式。平時叫叻沙通常都會係摻摻，呢度就好特別，嚟到居然係河粉。佢都幾大碗下，咩餸都有，連青口同蝦都有幾舊。個湯底嘅顏色都見到會係好深色，偏濃烈，但唔會太辣食豆卜個啲特別索到啲汁。之前係啲Group見到，有介紹呢度嘅咖哩配千層薄餅，就叫咗個嚟試，佢有得揀印式或者越式，我就都係繼續叫咗個越式嘅千層薄餅配豬頸肉($78)，雖然唔係真係太知道印同越式嘅分別，但我估就係佢嘅薄餅會比較碎啲、散啲，其實咁樣點咖喱嚟食都唔錯，可以點到多啲咖喱嚟食添。咖喱好濃但唔辣，係我鐘意嘅感覺，豬頸肉都超多，啲嘢全部都好足料。最後就叫埋個越南小食拼盤，我見其實都只係$88，上枱後更加覺得超值。佢有豬肉、札肉、雞翼、春卷同埋蝦片扎肉，蝦片扎肉我都係第一次試，好新奇。脆卜卜嘅蝦片再配咸咸地嘅扎肉上去，口感好得意。本身嘅札肉再配咗蔥油，呢個配搭都係第一次試。我同朋友每人叫咗一杯嘢食，都係一啲東南亞式，出面比較少見嘅飲品，佢叫咗珍多冰，我就叫咗個椰汁綠豆冰。…Read More

放假同朋友仔係旺角睇戲，睇完就想搵個地方舒舒服服坐底傾下計，係Openrice search到呢間Café，就上咗嚟試下。可能因為當日係平日同早嚟到，都仲有好多位，我哋得兩個人都俾咗個好大嘅梳化位我哋，坐得好舒服。Set唔算太貴，仲包咗杯飲品，飲品又有好多選擇。朋友仔叫咗個明太子海蝦意大利粉($128)，超多蝦，仲要隻隻都好大隻，朋友直頭食唔晒分咗啲俾我食，個意粉都好creamy同埋明太子味好重。朋友再叫咗個跟餐嘅蜂蜜綠茶。我就乜都想食啲，所以叫咗個All Day Breakfast，啲嘢全部都好大份好足料，特別個蛋！蛋控最開心！煙三文魚唔好睇佢好細份咁，其實都好多。我自己唔想飲有糖嘅嘢，特別問佢月無梳打水，雖然Menu無，佢都特別安排到俾我，好好。…Read More