我哋坐bar枱，可以好清晰咁睇到師傅燒啲食物，平時一般串燒都可能係加熱返本身已經熟咗嘅食物，但呢度真係由生嘅燒到熟，所以口感會更加好，亦都好感受到誠意。
我哋揀好要嘅食物之後，店員會拎晒嚟俾我哋睇吓。
海鮮就叫咗個帆立貝($128)同銀鱈魚($98)。帆立貝鮮味好重，再加上啱啱先燒熟又有好多鮮汁出嚟，師傅再加埋啲配菜一齊更加好食。
銀鱈魚亦都燒到啱啱好，魚肉好滑好好食，我諗呢個我其中最鐘意嘅一道菜。
雞肉我哋就嗌咗個免治雞肉($58)。
豚肉就叫咗個黑豚五花腩，脂肪同油分比例啱啱好。
菜就叫咗個洋蔥仔($35)Balance吓！
最鐘意嘅牛我哋當然唔放過，叫咗個宮崎和牛串($148)同埋網燒牛肉($258)，牛肉熟度啱啱好，出面勁熟，入面小小生。呢間餐廳好好就係佢嘅牛肉都會配返兩隻調味料可以俾我哋加上去食，一個係柚子胡椒，另一隻就係法式芥末，呢個配搭都係出面比較少見。
最好食埋個甜品～好完美！
