kmyeeee's Profile

雖然冇乜事唔會特登係醫院食飯，但今次咁啱有朋友係到生小朋友，就相約咗係二樓嘅green cafe 食飯😛佢有午市set，但我屎忽痕試食佢個半自助餐沙律吧。（價錢：$188 / per one) （需加1）成個自助餐有10幾款左右食物，多數為冷盤，熱食就較少。而且有中西湯、麵包、甜品等等，仲會包一杯餐飲。而食物質素都幾有驚喜，味道唔差，特別係有個炒腸粉、迷你魚生飯同芝士蛋糕，食落好完全唔似醫院飯。😍而且最出色係個環境，比起樓下canteen環境清靜好多，又坐得舒服，最後同朋友坐咗兩個鐘傾埋計先走。…Read More

一向都係foodie力推嘅扒房，想試好耐，襯住白色情人節，同老公黎試試佢。餐廳氣氛好好，播住法文歌，幽暗及紅色為主調嘅燈光，配合埋女侍應條黑色連身裙（個人覺得好靚🤤），成件事好有feel好舒服。成場人大家都係食牛扒set，首先會上前菜 —— 合桃沙律。鑒於本人唔係太喜歡沙律醬，一開始都擔心會係好重沙律醬嘅沙律，點知佢唔係用美奶滋，反而似少少黑醋嘅味道，所以食落都唔會好膩口，仲要比佢開咗個胃。之後就會上主菜牛扒，我地叫medium rare，出到黎唔會過熟，口感一流。份量都好多，足夠兩個人食。牛扒唔係勁重牛味嘅品種，但都足夠滿足味蕾。當然La Vache 最出名係佢嘅任食薯條，size係比M記嘅再幼少少，條條都好脆口，除咗灑鹽仲有啲胡椒香料味，個人係食咗1.5盆🤰🏽。（最重點係大家唔使驚要叫佢refill咁尷尬（I人），因為侍應好主動拎埋盤薯條嚟問咗我幾次要唔要refill🤣）我地仲每人嗌咗一杯野飲，老公個杯叫Mousse de Pomme，姐係檸檬味野飲，酸得來甜甜地，啱晒食油膩嘢。我個杯叫B75，其實就係雜莓梳打，雜莓就一向好伏，但依杯又唔怕似藥水味，所以可以一試。最後仲嗌埋甜品Lemon Tart，唔會太甜，檸檬味偏酸，但溝埋上面啲cream就啱啱好，係個餅底唔夠厚同牛油味，搞到成件事爭咁啲。總括然而，單售一樣菜式證明餐廳對自己都好有信心。雖然性價比唔算極高，但都係一間值得encore 嘅扒房。🙌🏻🙌🏻…Read More

年尾緊係約唔同嘅朋友聚一聚，今次朋友話想食北京填鴨，左搵右搵下見依間餐廳有不少好評，就即刻book枱試試佢。餐廳地店鄰近地鐵站，行十分鐘內即到。原本以為係好似美中鴨子嘅高級中菜館，點知餐廳鋪面設計反而似大陸啲餐飯，就咁睇都幾有風味🤣因為得3個女仔食，嗌唔到好多餸，嗌咗1個小食、2個餸加埋半隻北京填鴨，再嗌多兩碗飯就夠哂飽。首先上嘅炸饅頭，每次都抗拒唔到炸饅頭嘅吸引力，點都會叫😂可惜佢就炸得普普通通，唔算炸得好脆，食落少少油，冇乜野可以唔洗叫。其次就係魚香茄子，食落啲茄子唔會淋哂，辣辣地，幾好送飯。再之後就係重頭戲北京填鴨，估唔到咁出色，啲皮唔會太肥太油膩，啖啖肉又唔會太柴。反而附送嘅皮就差啲啲，口感偏乾同埋全部黐埋一齊，比較難夾（唔記得影相🥲）。最後係我最意想不到嘅松鼠魚，味道甜甜酸酸，想追住食😍而且條魚炸得好夠脆，上枱個時熱辣辣，非常惹味！！建議必試！！埋單$403，每人只係百零蚊，但非常之飽，都叫幾抵食！🍀…Read More

難得男友放假，佢就早啲黎到最近好出名嘅山本屋排定隊等埋我收工一齊食飯。佢到個時已經17:30左右，因為冇得攞飛，門口已經排咗4-5個圈嘅人龍。Around 18:00我到咗，條龍係冇乜點郁，咁繼續一齊排，排到7點終於入得。舖頭面積唔大，大約淨係坐到40個人左右，相信都係大排長龍嘅其中一個原因。而我同男朋友一人嗌咗一個烏冬，等咗起碼15分鐘先上菜，感覺佢啲烏冬係一輪輪起，一起幾枱一齊起。我就叫咗個廚師推介嘅親子煮烏冬配味噌湯，加年糕(+$15)。首先，部分烏冬係痴埋，散唔開；然後個湯係無味，隻生雞蛋放喺個湯上面都無作用；啲雞肉份量較少，食落有雪味；啲腐皮食落普通，最激氣係個年糕，唔知係個湯太熱定點，溶咗，中間完完全全冇味。男朋友嗌咗天婦羅烏冬加腐皮，點知用10幾蚊加嘅腐皮都係碎上。而隻天婦羅蝦浸住啲湯，一夾皮肉分離散哂，隻蝦細過隻手指尾。仲要佢個湯底同我個個唔同，唔知點解越食越杰。最後唯一值得讚嘅係個煲由頭熱到尾😂同埋個波子汽水好飲😂埋單成$271，食唔飽又要排個幾鐘～我自己就絕對冇下次～～…Read More

今日約咗個朋友收工食飯，因為要去一轉尖沙咀先，朋友就推薦食牛屋。由尖沙咀行到佐敦，貌似好遠距離，其實15分鐘左右行到，地點非常方便。舖頭無論門面定內裏裝修都非常有氣氛，好有以前舊式扒房嘅感覺。我哋食20:30，入坐率都有8成。門口餐牌大概就係晚餐主打。我同朋友都叫咗精選套餐裏面嘅紐西蘭牛柳，佢5成我7成，而所有套餐都包餐包餐湯同野飲。餐包上枱仲熱嘅，已經幫你搽埋牛油，走油嘅朋友要注意！餐湯都係紅白兩款，我地都揀紅湯，味道不過不失，但份量都大碗。主菜方面，牛柳有手掌咁大亦都非常厚，即使咁厚都做到5同7成嘅分別(朋友個塊明顯紅啲），雖然好基本，但宜家好多餐廳都做唔到，所以值得一讚！其次係就算我叫7成都唔會太韌，好易切！而伴碟嘅薯條份量亦非常足夠，普通女仔一定會勁飽！埋單每人$196，坐足兩個鐘，無人吹無人趕，美中不足嘅係無鐡板，但食物高質，氣氛一流，可以encore。…Read More

20:45😢最近成日忙到好夜先食飯，好彩尖沙咀啲食店叫做開得晏啲先仲有得食。就好似依間店咁，就21:30先last order!!!!其實次次行完The One都會比小胖台灣便當2/F嘅大大隻招牌吸引，但一直未有機會試，終於係機緣巧合之下同男朋友試到佢。店面唔算好大，相信平時食飯時間都會幾逼人。我同男朋友一人嗌咗一個便當，包兩杯野飲，再加多個小食，總數$174。便當會跟粟米、粉絲、兩條大白菜、炒雜菜、紅色一條條同一片簿簿嘅雞蛋，所有配菜味道都唔錯，全部都有味。男朋友嗌咗個期間限定嘅逢甲香烤豬軟骨便當，豬軟骨好淋好入味，啲骨位唔會有脆或硬嘅感覺，美中不足嘅係啲肉有啲啲韌。我就嗌咗個三杯蜜汁烤雞便當，雞扒肉質好滑，而且唔乾，味道就冇乜驚喜，似係蜜糖雞扒嘅味道。而全店最大驚喜就係個炸大腸！！！！首先個炸大腸一定係即叫即炸，因為上枱個時係熱辣辣嘅，啲炸大腸炸到好脆，但又唔會太乾身，食落口感極佳！而炸大腸表面有啲平時食鹽酥雞上面嘅粉，所以帶有咸香咸香嘅感覺，但又保留到大腸嘅味道。我同男朋友都表示可以為咗依個大腸encore食依間野（因為宜家炸大腸好難搵到好食😢）。而所有便當都會免費跟熱飲或冷泡茶，其他台式飲品就+$6起，眼見好多客人叫樽裝嘅冷泡茶，但作為養生之鬼，我地係叫咗熱無糖綠茶😂…Read More

星期日一早起身唔知食咩好，突然醒起之前ig page話寶琳人極力推介嘅豆漿粢飯舖，就專程過嚟試吓。地點都叫近地鐵站同商場附近，所以即使大熱天時都唔難走去食。我同男朋友11點左右到，唔算好多人，舖頭一睇就係傳統豆漿粢飯舖嘅格局。我哋叫咗一個咸栥飯+兩碗熱豆漿。咸栥飯個size比我想像中細，糯米飯只係薄薄一層(本人係澱粉愛好者)，同埋食落有啲散，冇乜煙韌feel；肉鬆唔知點解帶少少甜味，榨菜切到細細粒味道唔會太搶，而重點油炸鬼係超脆，值得加分！整體黎講唔算太驚喜，$20係少貴，如果你要多肉鬆多炸菜之類嘅特別要求係要+$2至$3。而我哋兩個養身之鬼就嗌咗熱豆漿，味道係重豆味，口感係薄嘅質地，好易入口，唔覺唔覺會飲哂。嗌完之後先聽到隔籬枱嗌無糖，原來豆漿本身無糖，甜味係店員’bug’咗一羹砂糖落去先有，雖然豆漿最後唔算好甜，但為咗健康我會嗌無糖😂😂😂😂而家有得食粢飯嘅小店買少見少，係需要好好珍惜。如果住附近，依間係唔錯嘅平民食店，但如果特登過嚟就唔需要喇🙌🏻…Read More

有朋友係外國返黎，緊係要三五成群咁約出嚟食飯，揀餐廳我一向free rideヾ(¯∇￣๑)朋友就話想試吓依間新開嘅餐廳，就book咗黎試吓（要打電話book）。位置係郎豪坊以前double park個個位，所以都幾大間。可能係閒日關係當日去到餐廳等都唔洗等就入得，全晚1/3枱係吉嘅～餐廳由入門口到內部都好光猛，而裝修都好配合到camp嘅原則，所有擺設都好精緻，好啱打卡٩(˃̶͈̀௰˂̶͈́)و其實睇餐牌就真係樣樣都好吸引，但因為第一次食唔知個份量大細，所以都唔敢一黎就嗌咁多。而我哋當日五條友就嗌左3個main、1個小食、3杯野飲同1個甜品（小鳥胃⋯⋯⋯⋯）第一道上嘅菜係「黑松露薯條」：薯條本來就打不死，夠熱夠脆，但黑松露就淨係得個醬有～唔似有啲餐廳會有埋啲黑松露油係薯條上面，所以整體就普通啦～第二道就係「豆腐柚子櫻花麵」：本身聽個名都知係試伏，點知！！！真係伏伏地～個麵就冷麵黎嘅，個冷麵汁就係咸咸地又酸酸地咁，係開胃嘅，但食落就麻麻哋吸引，而個豆腐就只係剪咗嘅豆腐，好彩大家一齊share，自己一個真係唔會食得哂(°_°)第三道就係「茴香肉腸蘑菇薄餅」：Pizza係薄底個款，整體冇乜太大驚喜，味道唔會太濃，並冇勁重茴香味，正常人都啱食。第四道就係「鑄鐵鍋煄燻黃油雞飯」：好似話招牌嚟⋯⋯但我就真係覺得勁普通⋯⋯雞就好似平時去飲個啲豉油雞嘅味，唔覺得好有黃油味，個飯就係茄汁炒飯，成件事唔難食，但你唔會expect 係用依個價食依個味，而且份量偏小。最後就係用嚟打卡嘅「營火朱古力棉花糖夾餅」：當晚見到差唔多枱枱都有嗌嚟打卡，味道唔洗講，因為只係棉花糖+朱古力醬+餅乾（餅乾仲要係嘉頓雜餅椰絲味嗰款) 但用黎打卡成班人開心下係唔錯嘅。我地仲嗌咗三杯嘢飲，埋單$958。總結我就覺得成間鋪嘅性價比唔算高，野食味道就普普通通，如果想食好嘢就唔使嚟喇，但就適合一班人過嚟打卡吹吓水，因為舖頭啲裝修係幾靚嘅。…Read More

放假同男朋友去鰂魚涌睇日落到油塘站都大概4點幾就食個Tea先出去大本型就真係冇乜野食 左揀右揀見依間餐廳個樣咁日本風(利申崇日) 就揀咗佢黎食入到去全場得3枱食客 自行用手機scan QR code落單 下午茶款式唔算多 亦都唔算驚喜男朋友嗌咗個牛肉壽喜燒讚岐烏冬Um 就係最普通嘅烏冬唔係好覺有讚岐烏冬啲煙韌口感，又唔算話係好爽口嘅口感；湯底係冇味精味，但又唔係好有濃湯味整體而言就普普通通(´･_･`)我就嗌咗個紫薯冬甩雪糕~幾年前係鑽石山分店食過佢個冬甩外賣而我就真係已經冇哂印象係咩味(證明冇特別）點知今次竟然有驚喜！！個冬甩上枱個樣就唔算好驚艷喇～但食落個冬甩好夠熱，依樣真係加分，因為配雪糕唔夠熱又係差咁啲，要做到個雪糕溶溶地有啲冰火feel先至好食，而佢就做到嘅♪( ´θ｀)口感上係同普通冬甩唔同，唔係麵包質感，咬落有啲煙韌，加埋個表面脆脆地，感覺係幾惹味。唯一缺點就係個雪糕得個甜字，冇牛奶味又冇雲呢拿味，講唔出係咩雪糕。而所謂嘅紫薯就係上面一條條紫色個啲，唔洗諗都知係冇紫薯味（苦笑）嗱 我就冇去過沖繩食過真正嘅沖繩冬甩，但整體而言用嚟做下午茶係幾好嘅(*¯︶¯*) …Read More

大年初二同男友拜年前食個靚早🧨費事諗嘅情況下揀咗食百份百～我就懶健康咁叫咗無糖麥皮+蛋治;麥皮食落冇大家樂個啲咁滑，而且明顯見到有加蛋白，所以都比自己係屋企煮好食嘅～蛋治我就加咗$2烘底，個包出到黎都唔算好夠熱同脆，而個蛋都唔係個啲好濃奶味或者好重蛋味嘅滑蛋，但反而合我口味(本人鍾意食啲冇味野(˶‾᷄ ⁻̫ ‾᷅˵))餐飲就一定係跟百份百最好飲嘅熱奶茶，一如既往咁好飲又夠熱！100分ദ്ദി‪- ·̫ - ̳^‬成個餐total:$37 女仔黎講食得飽都算抵食而男朋友食咗個牛扒早晨全餐；有啲咩食就下面一眼見哂，比起其他餐廳感覺份量較少，塊牛扒更加係細過我隻手。雖然唔算韌，但就真係薄+細～好彩我分咗半嚿三文治比佢食，唔係隻肥豬點夠飽(´･_･`)依個餐要$42就真係貴貴地喇～～～總結黎講～大年初二有開門做生意都已經讚一讚，辛苦哂所有要返工嘅職員，而且職員都好有禮貌，效率都唔錯。簡簡單單食個早餐黎講，百份百比起某一啲(懶係野嘅)冰室，我本人覺得都算係咁*^o^*…Read More

屋子咖啡好似成日都見到啲foodie介紹但我自己就真係未試過～亦都冇特登去搵黎食點知今日放工太肚餓～同男朋友行行下見到有棟白色大廈個外貌簡約得黎又帶點日系(同我本人一樣style( ･ิω･ิ))就即刻入咗去食～餐廳有三層，入到去要自己搵咗位先，再去收銀處落單比錢先。我地上咗2樓，個環境果然夠簡約，冇乜突然設計，旁邊有啲自助斟水、攞餐具嘅位置，如果志在打卡我本人就認為唔洗黎( ´▽｀)食物款式以小店黎講都算多，又有甜品，飲品又唔係常見嘅款式。鑑於我係山藥愛好者，所以諗都冇諗揀咗山藥牛肉飯；味道呢～就係冇乜味(´･_･`)山藥冇味係正常，但啲牛係冇醃過嘅感覺～Sukiya有同款牛肉飯係有味好多而我跟餐跟咗杯熱桂花烏龍茶um⋯⋯就係烏龍茶⋯冇乜桂花味⋯而男朋友就食咗店員推介嘅咖喱吉列豬扒飯；咖喱係比平時食開嘅日式咖哩辣少少～吉列豬扒都係冇驚喜，但至少唔係厚粉，係真係有肉食，值得一讚。跟餐佢就跟咗杯蜂蜜檸檬抹茶，佢第一下飲完個樣係勁難受（？），咁我就即刻試下啦～咦～個味係我冇飲過嘅味道～苦苦地又帶酸又甜甜地咁～三樣野個味係融合唔到一齊，但我又覺得幾好飲喎～最後：總括以言，我覺得以簡簡單單一餐黎講都算唔錯嘅，小店黎講都算價錢合理。但你話會唔會特登過嚟食又話者再encore呢～可能就未必喇（⌒▽⌒）可能係因為我地冇試佢最出名嘅窩夫～疏乎厘啦～～**btw 店員好nice nice~問佢咩都好客氣，走又好熱情咁bye bye!!…Read More

辭職後約舊同事食飯；係ig見到有人推介依間餐廳，比佢個忌廉烏冬吸引咗，而舊同事又冇意見，就即刻上OpenRice book位。餐廳係銅鑼灣百樂中心，眾所週知成棟野都係餐廳，再加上食飯時間，係樓下等lift上去都等咗10分鐘，加上當日落雨濕濕真係差少少去另一間食～(容易放棄嘅人類)(///▽///)即使book咗位，都未即刻入得～等around 5-10分鐘～Yeah！入得！餐廳用手機scan QR code落單，舊同事叫吉列牛set，我就緊係叫忌廉烏冬。忌廉烏冬先上：^係我影得衰，人地影得好靚∠( ᐛ 」∠)＿v嗱，我覺得撈咗係靚啲xd 個人認為食落個口感好好，齋睇樣會以為佢係好creamy 好rich嘅質感，但撈完之後即刻變返好水、好流質、與一般湯底無乜分別嘅質地～所以食落都唔會好滯。上面啲忌廉感覺就好似平時飲cheap cheap珍奶店個啲奶蓋咁～無乜味而個口感又好薄，所以成個麵嘅味道反而係落咗係下面啲咖喱湯到，而唔會係好忌廉。咖喱味道亦好自然，唔似係粉溝出黎嘅味～整體都算好食。吉列牛set：講真，我本人就真係冇食過令我感覺好驚喜嘅吉列牛，食過好幾間感覺都係差不多。而依間都係正常發揮嘅水準，啲牛唔係重牛味(食過另一間牛味重啲嘅)，出面啲吉列無油益味，一切都中規中矩啦。成餐飯最搞笑嘅係朋舊同學個吉列牛到咗唔夠3分鐘，突然又上多另外一個吉列牛set，以為上錯啦，點知原來係我哋點餐嘅時候㩒個個忌廉烏冬set係兩人餐，自動包埋一個吉列牛set，加埋佢㩒個個，total 3個餐。而啲staff都一直冇提我地ಥ_ಥ你知啦，吉列牛一向好易食到有種好滯嘅感覺，我地仲要兩個人食三個set，食哂啲牛都已經要比啲掌聲。總結黎講啲野食係幾好食，但落單個時記得睇清楚，唔好好似我地咁傻豬豬擺烏龍（苦笑）…Read More