Nimau's Profile

好耐無去過諾士佛臺，一樣仲係好熱鬧，今晚穿越哂樓下拉生意的哥哥姐姐，去左騰龍閣4樓的GuluGulu咕嚕咕嚕。依度好靜好空曠，有桌球、Beer Pong等枱上遊戲~唔會煙霧彌漫，今晚人唔多，又唔會嘈喧巴閉，係傾計relax 的好地方。一坐低就有一大兜蝦條，店員仲會不停Refill, 前前後後都食左4兜~我點左串鹽燒牛舌、冷烏冬同一杯Hoegarrden~鹽燒牛舌細細塊但有厚度，好香好軟熟，有口感，燒得岩岩好。冷烏冬份量多，彈牙~加埋一大杯Hoegarrden同食極都仲有的蝦條，飲飲食食，談天說地，簡簡單單的晚餐。…Read More

今晚去返尖沙咀想食串燒，但原本果間已經轉左做「珍味食堂」，都係食串燒，所以照入去試下。餐廳的環境同舊鋪無分別，反而菜式多左好多野揀，除左原本的串燒外，仲有西餐、日餐同海鮮。傳統四式芝士薄餅依個薄餅真係即叫即造，即造即上枱，非常熱辣辣，餅皮金黃色，好香口，配上不同的芝士醬，濃郁又有口感。火炙芝士翠玉瓜哈哈，又係芝士，芝士燒到半溶在翠肉瓜面，提升鮮甜味，而翠肉瓜燒完仲好juicy, 唔會太乾，正。鹽燒鯖魚鯖魚份量都算大，燒得岩岩好，皮微脆，魚肉鮮滑，檸檬有夾夾出汁，唔會整污糟手，好細心聽餐廳講做會員會有優惠同間唔中會有唔同活動，有時放工攰攰地可以再黎嘆下玩下。…Read More

好耐無去過觀塘食飯，之前係openrice search 到 I Kitchen, 一直都想試，今晚終於約到朋友去食。餐廳係一幢工廠大廈入邊，樓下無宣傳，但都唔算難揾。我地7:00pm左右去到，餐廳差唔多坐滿人。餐廳有個bar 枱，我地被安排坐近梳化，可以睇到街景。食物選擇多，價錢都算中等偏平，我揀左帶子黑松露肩意粉 ($128)~可以加$58轉set 就有頭盤、餐湯、餐飲同甜品，不過我無加，就咁叫多一杯凍朱古力 ($20)~帶子黑松露扁意粉︰意粉份量適中，汁有黑松露同洋蔥粒，好香口。帶子煎得好香，大粒，爽口，鮮甜。加埋10%都係$160, 我覺得算抵食。…Read More

晚上約了朋友及他兒子行荃灣AEON, 所以係悅來芳搵食，行過一排食店見到一隻大叮噹，小朋友即刻話要入去食拉麵……入到去店員好細心奉上叮噹茶杯給小朋友，他見到好開心。睇睇menu，嘩……拉麵好多選擇， 我揀咗個豚軟骨拉麵， 豬軟骨好淋好入味， 湯底夠熱，肉味濃郁，仲有半隻流心溫泉蛋, 正……朋友叫咗個炭燒雞扒飯， 佢話塊雞扒燒得好香， 多肉汁， 定食仲包一個沙律、蒸蛋、麵豉湯。$68好抵食。佢見到有日本製既三得利啤酒， 唔係周圍有得飲，即刻叫番杯。 啤酒香滑，易入口， 解渴一流!小朋友叫咗個叉燒拉麵， 嘩有成五大塊叉燒， 份量十足， 我偷咗一塊黎食，叉燒有咬口， 小朋友成碗麵食曬， 食到舐舐脷!我哋仲叫咗個小食"吉列蝦"， 外面炸得好脆，蝦好大隻，有蝦味。唔錯……總括嚟講，呢度出品唔錯，下次可以再嚟試其他食物。…Read More

Barg位於耀華街百樂中心一樓，由地鐵站行去十分方便。餐廳地方唔算大，但坐位唔算太密密麻麻，裝修簡約時尚，再配以柔和燈光，比人放鬆舒適嘅感覺。香煎鵝肝 配 焦糖蘋果鵝肝厚身，配上焦糖蘋果連同多士一齊食，味道清新不膩，作為前菜係一個唔錯嘅選擇。法式蟹肉虎蝦多士虎蝦非常巨型吸睛，肉質彈牙鮮甜，連同蟹肉同多士，口感豐富，海鮮迷不容錯過。紐西蘭羊仔柳 配 薄荷酸忌廉汁由於我地唔食牛，於是點選左紐西蘭羊仔柳配荷酸忌廉汁。羊仔柳切開鮮嫩多汁，入口腍軟，羊味濃而不臊，一向唔多喜歡唔食羊嘅我亦都覺得非常好味，值得一試。…Read More

今日同事帶左我去食好西，係一間係橫街的小型日本丼飯餐廳。地點位於一蘭隔離。餐廳比較細，仲充滿日本味道，設計、環境、擺設都令人好舒服。仲有好多得獎lable 同可以免費添飯返左一個星期工，獎勵下自己，揀左赘沢雲丹丼 ($308)，睇圖片見到係一大堆海膽，原來係原板韓國海膽、日本海膽、赤蝦2隻+碎蔥吞拿魚腩蓉。海膽份量多到見到都流哂口水，入口好香甜好滑溜，仲好新鮮，唔會腥，超正~赤蝦2隻，夠哂大隻，新鮮爽口，鮮蝦味出眾。碎蔥吞拿魚腩蓉我之前未食過，今次第一次食，好滑好新鮮~用海膽同吞拿魚腩蓉黎撈飯食，奢華的午餐。餐廳原來可以join 會員，生日黎食有折。鍾意食丼飯的朋友可以考慮下join~…Read More

出開旺角，又唔想去D好多人但又趕人走的餐廳食晏，友人話不如行去砵蘭街睇下，發現有間燒肉放題，原來除左放題仲有set lunch, 不過我地唔趕時間，所以揀左燒肉放題。餐廳唔大，但人流不少，好多人都食set lunch, 下次都試下。加 $40 仲可以升級食物，二話不說就加左。刺身雖然唔係冰震，但都好新鮮，選擇都唔少，有三文魚、馬刀貝、甜蝦，帶子，北寄貝，鮑片等等，值回票價。 燒海鮮都好吸引。小小墨魚的好爽口，又juicy帆立貝肉質鮮甜，厚肉大粒虎蝦大大隻，肉質爽口彈牙，鮮味十足。燒肉選擇多，又夠惹味。特別係芝士豚拖羅，香口薄切，好味。飲品甜品炸物蔬菜飯烏冬應有盡有~餐廳雖少，但五臟俱全~…Read More

上次試過旺角分店，今天來到新開既太子分店，地方大了很多，但客人相對少了，未知是否新店不及舊店，與其擔心，不如點菜吧。先來是原條蒜蓉燒茄子，一試，風味不減舊鋪，燒得夠透夠冧，調味粉均勻分佈，淨係賣相都攞哂分。再來分別是串燒豆腐，芝心丸，雞中翼，冬菇，菠蘿。豆腐上次已經一試難忘，夠脆，帶少許甜，必吃。雞翼燒得剛熟，內裡還很濕潤，外面夠味。接著的是聖子王及扇貝，扇貝很大很甜，但驚喜在於聖子，雖兩者都清洗得很乾淨，但聖子已幫忙切了小件及聖子肉下墊了少許金菇吸味，讚！海鮮類還點了燒蠔，不知為何，覺得如果帶甜一些類似金蠔的味道應該會更好。最後有紐西蘭羊扒及海蝦，羊扒配的醬汁原來是店家自己調配，問過店員是蜜糖及香草，很配合羊扒既味道，如來了此沾醬味道應該會失色不少。今次比上次試多了很多，十分滿足，環境亦鬆動了不少，我想如有機會，應該會再來此分店。…Read More

曾經到過此區不少樓上餐廳，但一般質素未如理想所以已經甚少光顧。今天友人訂枱，本人並沒有期望，但試後反而有驚喜。點餐後送來墨西哥脆片，可以添食，用黎送酒吹水一流。先來了黑松露野菌薄餅，黑松露分量剛好，不會搶了整個味道。薄餅底亦焗得透徹，配合埋溶了的mozzarella, 一人一個才足夠。 再來的是海爐魚柳香草醬燴飯，綠醬一般用來煮意粉，今次用了來燴飯，感覺新鮮，醬汁整得很creamy，配上白身魚，不錯。脆燒德國豬手，上枱點火此招確實夠吸引眼球，其後店員會幫忙起肉，皮的確脆，肉夠味但唔過咸，不錯最後一道是溫泉玉子菠菜大啡菇，流心蛋汁加上芝士，濃郁既菇味，單看名字已經無得輸。擺碟亦見有心思。雖說不上超級好食，但此區來說已很不錯，環境亦夠寧靜。…Read More

同朋友去開奧海城，順道落大角咀食晚飯。行左陣，最後選左Villa Villa試下。餐廳已佈置左聖誕裝飾，加上以木為主的裝修，好舒適、好有氣氛。木紋餐牌好特別，而且有好多選擇，心大心細，2個人真係好難決擇。最後選左秘制燒春雞半隻、北海道帆立貝意大利飯、黃金炒薯條同水果茶。先黎燒春雞，燒完既外皮又香又脆，肉質比想像中更嫩滑多汁，一d都唔乾，配埋秘制醬汁，一流！北海道帆立貝意大利飯，帆立貝大大粒，外層燒至金黃色，內裡仍然好爽口彈牙，配上香濃意大利飯，好有水準！仲有超邪惡的黃金炒薯條，用料十足，每一條都佈滿鹹蛋黃的味道，又香又脆，食唔停口！最後配埋杯水果茶，一樣用料十足，又唔會太甜，恰到好處！…Read More

今天來到沙田找吃的 聽聞河畔有不少好吃的便來看看 行到見到這間越男仔 好像不錯 便來試一下 餐牌上有不少都想試試 但只有兩人 為免眼闊肚窄 今次只點了三道菜加飲料。首先來的是招牌椒鹽軟殼蟹，果然是招牌野，外面炸得香脆但內裡又保持了濕潤，加上避風塘式炸蒜辣椒，有夠風味再來的是蕃茄火車頭煲配法包，這道點的時候其實是友人見名字幾吸引試試看。怎知道居然滿有驚喜，內有十多樣食材，如果只看外表是完全估不到，再加上蕃茄湯底夠濃，食材都很入味，另外配的法包，加熱了，外皮不硬，外脆內軟，很不錯最後的是招牌生蠔椰汁酸湯檬，分量足，生蠔新鮮，加入椰汁酸湯，搭配很特別。另外紙卷，拼盤好像都不錯，擇日再試。…Read More

友人上次食完極力推薦，今天有機會來一試。店內空間感不錯，很舒適。除左主餐牌還有一張是日推介，來吃日本菜都喜歡看看廚師推薦，通常最時令既材料都會放入去點餐後店員送來一客前菜，很快東西便到來，首先上的是碎蔥吞拿魚軍艦，碎蔥分量足夠，令吞拿魚鮮味加以提升，一般遇到的碎蔥都不夠多，只能扮演裝飾之用再來是時令刺身盛八點，每樣分量都足夠誠意，難忘的大拖羅，入口即溶，滿口旋即充滿魚油味店員待我們把整盤刺身消滅後，再把現場清理。才再送上其他食物，十分貼心，接著的是串燒盛六點，面頭的煙肉蕃茄串很讚，蕃茄仔燒得很夠透，完全不是求奇將煙肉燒熱得一般串燒店可媲美另外車海羅天婦羅是和串燒差不多一同端上，海蝦很夠味道，不錯最後店員推薦追加鐵板黑毛和牛飯，賣相很吸引，和牛以外，會再加上很多不同配料，令這道菜味道加上很多不同層次。本身不多到工廈搵食，睇黎一直都走寶了。…Read More

一早知旺角有這家串燒店，但一直未有來試。今次試後就後悔...太遲來了，哈哈。友人一早便致電訂座，所以不用等，店員一早便安排好位置。打開餐牌發現除了串燒之外，還有其他選擇，點了白酒忌廉煮澳洲藍青口，無渣，好吃！估唔到串燒店能吃了這水準青口。重點推介一下，串燒豆腐，有種類似食臭豆腐既感覺，但不臭，表面加左蜜糖，正。另外鹽燒白鱔還有安格斯西冷，鱔皮燒得香脆，安格斯牛味濃郁，叫了5成熟，沒有太多肉汁流出，肉汁保留到肉內，不錯。煙肉燒蠔，其實幾款燒蠔都有試，個人喜燒這款。燒年糕平常少吃，因通常都感覺比教乾，但這次沒有這感覺。坐得比較近門口，一路食一路聽到電話訂座沒有停過，但店員幾忙都好，都會介紹太子分店就開幕，找機會都會去幫襯吧。…Read More

星期四收工時間尚早，經過這家極上龍吟水產，被名字吸引了進來。店內位置不多，我想下次來最好先訂位。不過店鋪雖少但原來餐牌食物都好整全。不過今日太餓既關係，全都點了飽肚既野食，刺身串燒，留待下次再試。先來了滑蛋豬扒飯，份量足，滑蛋加上醬汁很好送飯，豬扒都炸得很香脆。另外點了這客極上太極卷，料足，賣相不錯。最後還有這幾款壽司，油甘魚壽司，海膽炙燒三文壽司及松露炙燒左口魚邊壽司，魚生全都很新鮮，中。還有很多想試，找機會再來吧。…Read More

旺角這個商場開啓後都沒有來過，今天來到這裡順道試試這家LAB EAT。店內空間感十分足夠，環境十分適合與知己暢談。點餐後便送來餐包，本身沒有特別期待，但麵包溫暖軟熟，其實很想叫店員多來兩客。我們點了海鮮拼盤，店員推薦配這杯Riesling，比較甜，配上海鮮果然不錯。拼盤十足豐富，龍蝦、生蠔、鮑魚、翡翠螺、蜆、花甲。我喜歡沾青檸汁，不過份酸，但很開胃。牛尾湯十分濃郁，賣相很好，內裡有不少牛尾肉，已除骨，吃得很方便。再點了鮮海膽蟹膏蕃紅花扁意粉，首先材料很新鮮，完全沒有半點腥味。海膽蟹膏本身都可以獨立成菜，現在再加上蕃紅花獨有既香味，回味！無論環境味道，以致服務都很到位，我想一定會再來！…Read More