點餐後送來墨西哥脆片，可以添食，用黎送酒吹水一流。
先來了黑松露野菌薄餅，黑松露分量剛好，不會搶了整個味道。薄餅底亦焗得透徹，配合埋溶了的mozzarella, 一人一個才足夠。
再來的是海爐魚柳香草醬燴飯，綠醬一般用來煮意粉，今次用了來燴飯，感覺新鮮，醬汁整得很creamy，配上白身魚，不錯。
脆燒德國豬手，上枱點火此招確實夠吸引眼球，其後店員會幫忙起肉，皮的確脆，肉夠味但唔過咸，不錯
最後一道是溫泉玉子菠菜大啡菇，流心蛋汁加上芝士，濃郁既菇味，單看名字已經無得輸。擺碟亦見有心思。雖說不上超級好食，但此區來說已很不錯，環境亦夠寧靜。
