kinwai.ckw's Profile

一家人喺匯舫食飯晚，叫左個双寶，有半隻雞、酥炸桶蠔，算幾抵食。白切雞處理得唔錯，唔會過老或過生，桶蠔就真係全晚最好既一味。除左依一個双寶，再叫左個黑醋骨、付足浸菜。整體可以接受，只是個價錢拍得住鴻星，當然鴻星會好味好多。而個黑醋骨都算幾甜，如果唔鍾意食太甜要唸唸，如果你叫左依個咁可以唔駛叫扙絲黑豚肉，因為二者都好似。如果間餐廳做多點半席既晚餐就最好啦，可以試多d唔同野，眼見都算多人食佢既冰鎮鮑魚，推廣價都係48一隻，可以一試最…Read More

依間小店都係我最鍾意最有誠既小店，所以一定要寫下食評支持下佢，等多D人幫襯佢，等佢地長做長有。最要讚既係依間餐廳既廚師會成日唸d新既丼飯，又會定時出唔同套餐。今次試左個好底食同有誠意既一人晚餐，平時依個價錢喺其他餐廳最多都係得個飯，依個餐喺度竟然有前菜、小食、丼飯同飲品，價錢都唔過一百蚊。試左日式炸豆腐、炸蝦卷、金沢丼、麵豉湯。好滿足，特別讚下個炸蝦卷，份量竟然有三件，仲要即整架。新鮮好味，豆付都即叫即整，入口好滑，加少少木魚水，好味道。最後緊係個飯，見到師傅即時切魚即時整蝦，新鮮都爆，就係依種整野食既堅持，令我一直到咁支持屋台。…Read More

依條街真係成日變天，漢堡包執左、米線執左，轉頭又多左間餐廳。唯一依間佢仲可以Keep 住，由開店同依家都仲係好有熱誠，成日都有新花款，最近依間鋪頭多左唔同既丼飯，仲要有自家製既特飲，又出奇地好飲同夾今日試左最愛既鰻魚三味丼，鰻魚好肥美，鰻魚蛋卷，蛋味好香濃，仲要有二件鰻魚天婦羅，用料同份量係都值得比依個價錢。雖然依區有好多選擇，但係對我嚟講，好味好食係最重要，位置唔太舒服都絕對唔係問題。荔枝青蘋果綠茶，好清香、好香甜喺依條街都係汔水為主，依家有得飲下特飲～下次一定要試下個黑糖特飲，老闆話依個唔錯，多人叫。…Read More

今時今日，一個三文治跟杯野飲，要三十蚊，喺元朗都唔少得，但係要我食到背脊骨落，真係要多得依間黑面小叙。 我有個袋放喺個位都唔駛黑我面，仲要好串咁講，我有四位入拎開個袋。我聽完都費事應佢，比錢走人。二個字討厭。一個很差的服務體驗。要多得依個黑面收銀，有你咁既員工，真。溫馨提示，如果你有小朋友，帶bb車仲死，我見佢都要好無禮貌咁叫人搬開d野。其實食物我見都唔太差，但係影響晒d廚師，有你一個員工，勝過開多二間對手喺你對面，自己唸下改善下。…Read More

是日公司活動，適逢於西貢碼頭解散，於是提議和同事一起吃地道海鮮餐‌～～借機會好好放鬆下椒鹽鮑魚～3星芝士焗龍蝦伊麵～3星龍蝦較少肉，但味道幾好:(炒蟶子～4星好好味，份量亦夠:)蒸沙巴～4星只略太熟，但味道不錯，肉質較鞋口。粉絲蒸扇貝～5星好新鮮，好大隻西芹炒蝦仁～3星感覺較普通上湯娃娃菜～3星召鹽鮮魷～3星炸不夠香口，上粉未夠:(蝦仁柱貝炒飯～3星整體味道唔錯～3.5 星（5星）整體上菜都算，海鮮都好新鮮～…Read More

自問自己經常上Openrice搵好野食，周圍搵下邊區有好野食。一直都睇多過寫既我，今日放工無意試過依間日式小店，好想讚一讚，依間有心既丼飯小店。原本唸住同友人去試下附近既日式餐廳，但無意之間行錯路入左內街見到依間新既小店。本來唸住望下餐牌算，點知比間小店牆上面幅豬扒飯相吸引住我，因為依個豬飯係二年前喺一間連鎖日式丼飯店試過，好好味，好回味，可惜而家冇左。為免中伏，就問下門口收銀既姐姐，個一個飯係咪同相既一樣，佢話係，仲話係用特製既醬汁，聽到心郁，就同友人講不如試下啦。入到去再望下佢牆上個餐牌，真係好鬼多野食，心唸真係做到咁多款，最後我都係維持原判，㨂左依個醬汁豬扒飯，友人揀左個照燒雞扒半熟蛋飯，等左差唔多十分鐘上菜啦，嘩真係做到同幅圖一樣，砌到起座山咁滿，即叫即做依個時間可以接受。試完個飯分別有以下評價：飯：用珍珠米，一粒粒，軟硬適中，煲得好好食，大大碗豬扒：食得出即叫即炸，好香口，外脆內軟，唔會有好油既感覺，最緊要係大大塊醬汁：酸酸甜甜，好開胃，（真係同以前食個既一無一樣），只係如果多D汁我依個汁怪會好D雞扒：煎得好香脆，肉質唔錯，份量算多（數個砌完好似有8件）半熟蛋：好有蛋香，估計係日本蛋食完個師傅走出嚟問我地好唔好食，叫我地比D意見佢地，我梗係一口氣講返D意見比佢。講直依家邊有咁多咁有心既師傅，所以決定要撐一撐佢，下次決定再來開飯，返工附近又多一間好選㨂。…Read More