sansan_210's Profile

無諗過開左堂食店服務可以咁差跑馬地店食過幾次覺得ok，諗住開左新店同朋友黎支持下點知就出事晚市等左1個鐘可以接受，但落單啲侍應不斷走黎走去無理過客人（無QR CODE落單），因為眼見係佢地接外賣單同安排坐位已經非常混亂餐廳環境狹窄，只有25個位左右，2張大枱已經俾2班老闆娘朋友佔據（1張8人、一張6人），我地係坐bar枱，拎住嘅隨身物品無地方擺，無掛勾無籃無椅擺放，坐得好唔舒服pizza係可以，但明顯退步....d人讚到去天花板都好，食過就知咩事，有比較有傷害賺就賺到笑，服務就大倒退，其實做唔掂就做番外賣算，唔好搞咁多野令舊客失望。總括黎講，唔值得再去，大家有興趣去就再觀察下佢地d服務質素。…Read More

早幾星期食過蝦濃湯米線同蠔餅覺得不過不失 ，剛剛落車經過未夠2點下午茶懶得去第度諗住食個自選米線，配料無乜特別，諗住平平地叫一餸米線食下，門口餐牌係寫粉麵底$24，$8係菜、粟米etc，$11係芋頭丸、墨魚春卷ect....一心諗住叫個墨魚春卷米線清湯$35落樓，價錢不過不失。呢間店最伏係落完單唔會俾單你住，上次都係，食食下先會隊張單話你知幾錢，但完全無諗住食個自選米線都會中伏。一坐底就直接叫左春卷米線，點知上枱黎左個牛腩春卷米線，斷估都唔係肉碎底黎，同佢講我係要春卷米線，之後佢換過一碗上枱，春卷由1條變成2條。當我一開始食嘅時候佢就擺張單響枱，我嚇親點解係$48，$24+$12+$12，春卷計左2次錢，我即時問老細點解會收2次春卷錢，佢嘅回應係「自選米線最少2餸嘛，你叫1個春卷得1條架咋！」ok fine....我半信半疑繼續食，拎枱面張綠色點粉麵紙睇下，的確係括住（最少叫2個餸），我就以為自己睇漏眼。到埋單出門口好奇心之下睇多次個牌，根本無寫明要叫2個餸，而且春卷的確係$11......你話$48食碗米線係咪貴就見仁見智，但係呢個價錢，先唔講同其他店相比，呢間店內好多其他選擇，點都會抵過2條春卷米線！門口菜牌價錢錯而且誤導係事實野食真係好一般，如果我好似之前黎食蠔餅蝦米線嘅心態就覺得唔算好貴，但今日我係諗住食過簡單下午茶心態，整2條春卷仔米線收我$48，就真係好唔掂！好失望以後唔會再幫襯，大家記得睇路。:(…Read More

見好耐冇幫襯童年回憶Happy Lemon，今次就唔揀飲開果幾間台店，行過睇下有咩好飲多左好多選擇，花多眼亂，俾爆粒系列吸引住，就多口問下收銀姐姐，「我想問爆粒入面係咪甜架?」因為想確定下係甜、酸定純口感冇味，換黎既答案真心想走人!!姐姐竟然一個眼尾閃過黎答我「我地所有野都甜架喎!」即係我係問爆粒，我由始至終都係為爆粒而飲，咁既態度都算，我就叫左杯爆粒繽紛水果茶（走糖），佢有建議我走糖會好酸，但天氣熱想飲啲酸野我話照走糖ok，最後......飲落唔會好酸，但除左態度問題，另外有2點係令我一定要上黎寫評1。就係杯野一粒爆粒都冇!係一粒都冇!!大家應該記得我係為爆粒而問同買呢杯茶我好想知佢指既爆粒係咩意思?係爆珠粒粒定係水果肉既粒粒，係咪誤導緊消費者，因為我咩都食唔到!!2。水果欠奉，相比飲開既茶x，人地成杯都係水果，呢杯大家睇下有幾削，得幾片橙都檸檬，sorry應該係我期望大左你實話咁你又唔上去問。。。我敢問你都唔敢飲啦係咪先我諗都冇咩回憶令我再黎支持,bye…Read More

諗住食完個素再食佳佳，響正隔離就試下，後面街有另一間少d人，就揀左呢間➡️黑木耳百合炒准山一上枱反哂光，十級油，食完個底唔洗講，一堆油水准山好多都黑色爛哂，都照上枱俾客人食，話哂都係連鎖食店都可以咁求其我明白炒呢道菜需要多d油，但出面食過好多間都唔會咁➡️酸辣湯面唔係上海面，係用雲吞面既鹼水面，味道好古怪，呢種酸味同辣味好唔夾，得個辣字:(➡️最尾既芋頭西米露先經典，點解會有條細魚骨?糖水有骨你食過未?響素食店入面發生我更加諗唔明.....➡️出面既外賣檔，諗住打包聽日做早餐，心諗呢d唔會都伏呱?!點知阿姐將腐皮卷同芝麻卷等等放哂入一個袋，咸甜一家親，明明有膠兜可以用，而唔係一堆野放入一個薄袋入面，我即時擰哂頭寫個服字，點解我唔出聲?因為腦海「走塑」兩個字圍住我，既然佢無分開就算吧………以上所有經驗加埋一齊就係問題，當我唔好彩。不過唔洗明，因為以後唔會再去❌唯一好彩係當晚堂食姐姐服務唔算太差，有主動收拾同加茶，呢個讚係俾佢地…Read More