maggiedim's Profile

一行4人想食煲仔飯，今次揀咗呢間，朋友於8:45pm先到達餐廳，知道煲仔飯都要等得比較耐，所以佢哋一坐低已經先叫咗兩個煲仔飯先。到9:00pm左右齊人，我哋點咗三個餸食住等，到三個餸都食晒，見等左有45分鐘，9:30pm左右開始想吹下個煲仔飯，侍應叫極冇人理，舉手就扮睇唔到，一個企收銀位疑似老闆，佢見到你舉手呀，示意左一下，但從來冇行過埋嚟，到另外一個矮d嘅男人經過我地張枱，同佢講佢又話唔係佢負責，要問其他人，淨係想搵人跟吓個煲仔飯者，都要等一大輪，最終有個女人終於睬我地，佢去問下廚房覆返話等多10分鐘，咁我哋就再叫多一個餸，繼續食住等。等到9:50左右見唔對路，又話10分鐘？同埋點解另外兩枱遲過我哋入席嘅客人，都已經有飯上枱？一枱最少10個人已經有6個煲仔飯上枱，另外一枱2人亦已經有一個飯，我朋友即刻問企收銀位個男人，點解佢哋遲過我哋到，已經有六個煲仔飯？佢居然回答話：人哋係預訂。唔係化，就算係預訂，都要平均分配呀？我哋早咁多叫，就算預訂都冇可能上哂比人先囉，可以先分一個我哋食住先都冇咁嬲，係咪熟客有預訂就有得食，生客又冇預訂，你就慢慢等成1小時都唔會有得食呀？最終結果到我哋10:10要取消煲仔飯埋單走人，2個煲仔飯都冇出現過，真係從未試過食煲仔飯食到一肚氣，等左足足差不多1小時15分鐘都冇得食，加上侍應愛理不理的態度，預訂又大晒，絕對唔會再幫襯。…Read More

我哋係平日夜晚大約7:45入座，知道有限時90分鐘，到9點左右侍應已通知我哋就快夠鐘，當時我哋已經食飽，只係坐度傾計，跟手問下餐廳收幾點，佢話9點半，見重有幾個字都收工，咪諗住坐到夠鐘走囉，其實當晚有好多吉枱，唔覺會阻佢哋做生意，到9點7左右，有個講唔鹹唔淡廣東話嘅肥女人走埋嚟，好冇禮貌一野就話：你哋已經坐咗好耐，(心諗都係坐多幾個字者)，同佢講又冇攞野食，傾多陣計者，佢話我哋已經坐咗兩個幾鐘啦，過哂時間，唔可以咁樣，要即刻走，其實你哋都收工啦，唔使咁趕客呀？就算叫人走，都唔係咁態度，要有禮貌囉，再者重有其他客人未走，都唔明點解個腦唔識轉彎，要趕人走都要睇情況，座無虛席多人等位，你唔叫我夠鐘都會即刻自動走人，咁樣幫老闆趕客，d野好唔好食除外，但有個咁嘅員工，下次唔會再幫襯囉。…Read More

第一次令我要寫食評分享的用餐感受喔！第一次來這食店 >.<食物無咩特別，唔難食，又唔算好好食，d包唔係新鮮整，全部一早整好，包哂放响度賣，搞到d包扁哂林哂，Langoustine太少，沙律醬太多，Roast Beef牛肉細片到差d揾唔到，淨係見到2片好薄既煙肉，各$50元，果杯湯$33元，咖啡$32元，餐廳價錢但Food Court環境和服務=無服務，全部自己搞掂，膠兜膠用具n紙杯，50元的這個牛角包，真的不外如是，物不所值，收這價錢，吃這種品質，大把食店選擇好過呢間了，失望！…Read More