Issho Shabu Shabu

我哋係平日夜晚大約7:45入座，知道有限時90分鐘，到9點左右侍應已通知我哋就快夠鐘，當時我哋已經食飽，只係坐度傾計，跟手問下餐廳收幾點，佢話9點半，見重有幾個字都收工，咪諗住坐到夠鐘走囉，其實當晚有好多吉枱，唔覺會阻佢哋做生意，到9點7左右，有個講唔鹹唔淡廣東話嘅肥女人走埋嚟，好冇禮貌一野就話：你哋已經坐咗好耐，(心諗都係坐多幾個字者)，同佢講又冇攞野食，傾多陣計者，佢話我哋已經坐咗兩個幾鐘啦，過哂時間，唔可以咁樣，要即刻走，其實你哋都收工啦，唔使咁趕客呀？就算叫人走，都唔係咁態度，要有禮貌囉，再者重有其他客人未走，都唔明點解個腦唔識轉彎，要趕人走都要睇情況，座無虛席多人等位，你唔叫我夠鐘都會即刻自動走人，咁樣幫老闆趕客，d野好唔好食除外，但有個咁嘅員工，下次唔會再幫襯囉。