Vivalala的个人专页

呢間小店係街坊隱藏寶藏，懷舊糕點 $5 一件抵到笑！試咗幾款，款款有驚喜，以下係我嘅試食筆記：* 紅棗糕 🍑：紅棗味清新濃郁，甜度啱好，Q 彈唔黏牙，食完暖入心* 綠豆海帶糕 🌱：綠豆多到誇張，加海帶絲，似濃縮綠豆沙糖水，咬口豐富好新奇* 紅豆糕 🫘：紅豆粒粒肥美，唔過腍仲有沙沙口感，CP 值爆燈好滿足* 千層糕 🍰：9 層紅糖整成，蜜香滿口，甜而不膩，完勝酒樓單調甜味* 白糖糕 🧁：QQ 彈牙，甜度適中無怪味，似深水埗坤記嘅古早味* 芝麻卷 🌾：似細個酒樓嘅「黑膠菲林卷」，芝麻味有但唔夠濃，$7 略貴質感硬行家 #暖心芝作 芝麻卷 🌾致勝之處$25有6條：* 勁量級芝麻味，好香好濃好滑，軟硬適中有質感，仲唔會雪到死實實，新鮮
💰 價錢：除咗芝麻卷 $7，其他 $5 一件，性價比超高！環境簡單有街坊味，糕點質素同價錢無得輸，值得一試同推介畀朋友！
#港式糕點 #古早味 #平民美食 #香港隱世店…查看更多

炮台山呢間磯釣私房菜——Ellie’s，聽聞快將結業，真係唔捨得！靚女大廚Ellie親自掌廚，佢嘅功夫令人難忘，每道菜都體現咗佢對烹飪嘅熱情和技術。知道呢次係最後一次品嚐佢嘅手勢，真係非常感慨，希望佢將來能重出江湖。今次食嘅係佢精心設計嘅活海鮮套餐，食材非常新鮮，佢甚至會親自出海捕撈。主角係活琵琶蝦、南非鮑魚同新鮮貝類，每一道菜都突出咗原汁原味，每一口都係海洋嘅滋味。頭盤包括刺身拼盤，有蝦刺身、蟹餅同極罕有嘅法國飛魚，味道出乎意料地配搭得宜，口感層次豐富嘅同時亦非常清新。跟住嘅象拔蚌用白酒同牛油輕煮，加入秘製醬料，味道更加濃郁但又不失鮮甜。南非鮑魚係彈牙中帶少少嫩滑，比想像中更容易咬開，而且海鮮香氣十足。魚湯係由多種深海魚熬製而成，滋味豐富，魚子嘅點綴仲令湯更加精彩，同其他海鮮相比更加別具風味。至於琵琶蝦，絕對係亮點！蝦身巨大、肉質彈牙，清蒸後保留咗海洋嘅甘甜，咬落去汁液四濺，鮮味濃烈到令人難忘。香煎狼牙魚亦係另一驚喜，魚肉鮮嫩多汁，充滿自然嘅鮮味。另外，煙燻乳鴿表面極吸睛，香氣撲鼻，外觀與味道同樣吸引。結尾嘅手撕魚肉小魚炒飯粒粒分明，炸魚仔增加咬口，非常有心思。甜品芝士蛋糕配紅莓沙冰亦有驚喜，香濃嘅芝士帶有清新的果香，使人欲罷不能。總體嚟講，Ellie’s嘅菜式無需花巧嘅外觀，但每一道都係心血結晶，性價比極高。店內氛圍好似朋友屋企咁親切，但美食將成為回憶，實在令人感到遺憾。#ElliesHK #炮台山美食 #最後盛宴 #私房菜天堂 #海鮮控必試…查看更多

我是6:28分到場取位的，但因我們拿了兩個大袋，想要一張四人枱放東西，那個女職員堅持要我們坐二人枱，其他兩位男職員說可以坐四人枱的，當場只有一張四人及另一張三人枱訂位，即根本有地方給我們坐四人枱的！我們不是第一次幫襯，也不是消費平的地方，真的不應將我們逼在一起吃飯，很失望！這餐廳不會再來的，也明白大家返大陸消費的原因…查看更多

很離譜，我在openrice訂坐壽喜燒 樹10月30日確認730晚餐位置，店方為做兩回生意強行要求我830入坐，我不可以,那我另選日子又說要休息，好嬲，所以依家大家北上吃飯更開心，地方大，平、服務一流，香港美食天堂美譽已不存在…查看更多

行過見新店，店員介紹有好西就去一試！五百蚊四個菜，唔算貴，但行中間價路線元朗好多，要突圍而出，真係要加倍努力，唔係整個門口位俾人打卡抄深水埗文青咖啡店☕️路線就得。食物：煙三文魚+ham 凱撒沙律菜清甜 大碟，肉都算中上，唔會太多沙律汁同cheese power,👌香檳🍾️煮蜆蜆無沙唔大唔細，香檳酒味當然蒸發晒，蜆汁🥣可以飲，但欠一點吊味，例如用海鹽提升海鮮味Bb羊架女店員介紹話係signature dish,我肯定唔係，因為羊肉嫩得嚟都有啲羶，完全係無調味就煮，依靠普通鹽，少少黑胡椒吊味，唔突出，配上羊扒汁又係普通無咩味，點搞？同店員講medium,問客人係咪五成？咁想幾多成？可能係店員對西餐認識不夠，要強化，可取係伴碟蕃茄幾甜黑松露薯條🍟其實，好多店為咗賣多啲錢就話黑松露，根本個醬無咩黑松露，味道係千島醬味，何必呢？薯仔本身係ok，唔係大陸貨，但有好貨唔識提升餸菜水準，廚師就唔夠班啦！場內冷氣好凍，老闆加廚師問我係咪凍，我要帶帽你話？但問完我又無反應，最後隔離枱位太太(應該係佢哋親戚)指住我話人哋咁凍重唔較下冷氣，於是就關了一部告訴我不冷了。其實，問完客人唔即時反應，要家人提示，呢度究竟係食店或是屋企？我明白新店係要不停試行提升水準，但見全場室內約廿個位，室外少過十個位飲咖啡加小食(無蛋糕，係整蘋果批嗰啲),真係好難賺錢。俾心機試吓自己食物及服務，問多啲客人意見改善。唔係工業風裝修打卡就揾到食。…查看更多

行過銅鑼灣新開”潮州軒”食餐，嘩！個場服務🙋🏻‍♀️裝修🔨幾高級，有💰人好多🥂🍷🥢🥄，但樓底好矮有啲嘈🎧。食物方面，幾正係「韮🥬🥟」，一生未試過咁細緻肉質處理方法，好入味，煎得好香又軟，皮薄喊靚！普寧咸🐔又係一絕，普寧醬咸甜適中，入晒去🐔,滑🐔連🦴都有普寧醬美味！胡椒🐷肚湯同甲級粵菜一樣水準一流👍👍，你一定飲晒生醃🦀就輸俾太子陳儀興尚潮樓幾班📉，我係即興叫要生醃一個⏱，但個🦀殼幾咸，🦀無鮮味，重要💰啲，無下次❌❌❌方魚介蘭🥬🥬炒老左，❌❌❌無本事食甜品，但值得再去食！…查看更多

話說睇片見到俾三百幾坐九個幾鐘🕰「鍋霸」，又食又飲，好似幾正，於是book位係一個月前訂位，好勁！電話☎️唔會聽❌📞，WhatsApp 等覆，有人覆就近乎全個月📅都無位，好巴閉😎！現場:食物係幾高質(如果以自助餐計），🐷好味，丸🍡好爽彈牙但細粒，魚🐟好嫩滑，超多自家製飲品🍹，名牌雪糕🍦雪條你食....唔好係第二輪手機漏單....原因？可能要你食少啲總結：I”ll be back🦸‍♀️🦸‍♀️🦸‍♀️…查看更多

長話短說，當年新樂酒店我都無去過，見咩懷舊菜去食去！垃圾點:1)訂位過鐘🕰無位，因為我要等人哋食完先？我訂位做咩？訂7點九係你錯，應該訂夜的。點解夠鐘啲人唔走👣？因為佢哋未食完！原來係佢傳菜遲咗！你唔chur唔俾位，俾位我就係原本分菜枱，即使有空枱都係俾大圍。另之後帶位話我應該平日嚟，咁你做咩其他時間開門🚪做生意？2)落單👀係自行加價📈，好彩我記得，佢改番都係奇怪3)我後面係私家房，全晚係咁開關門🚪，樓底矮嘈到爆4)懷舊=肥🐷?蜜骨肥到一半食唔到，個咕嚕肉就塊雲吞皮好食，個肉炸漿腍到呢，個自動加價翅，食完餸都無，追就員工加太子女追，我理佢邊位？當然又係🌬🌬🌬先到！翅身稍硬加石油氣味，湯就罐頭🥫都贏佢！其實再關番🚪都無意思❌❌❌…查看更多

非潮州人但喜歡食潮菜！自從老闆關門無做堂食，我即刻少去九龍城。上周六(27/10)終於可以再嘗「真潮菜」，老闆將日間滷味店轉成私房菜，更加有住家feel美食報告及真心推介:1）滷水鵝非常足秤，入味非常但有點瘦，不過香港依家有肥燒鵝難過登天2）凍馬友👍👍👍，唔食魚嘅我都要讚，魚嫩肥美，沾上點點普寧豆醬，魚鮮味立即昇華，令人一嚐再嚐3）四喜大拼盤蟹棗、蝦棗、豆腐、鳳尾蝦（無魚粿），好新鮮好彈牙好滑好爽，無得頂4）椒鹽白飯魚魚大大條，但有點炸過龍，呢個餸佢唔係專家5）水瓜烙好到不得了！火🔥候適中，水瓜無炸到乾口，外脆內嫩，惹味無窮6）青欖杏仁豬肺湯青欖鹹中帶酸，杏香滿溢，清潤養身7）煎蠔餅一級製作，無出水，口口蠔肉，脆脆好味8）紹汁芥蘭完美演繹，好嫩好爽好甜好青，師傅俾心機整，大人細路都啱9）糖醋麵脆脆，兩面都煎，無水出，必吃10）返沙芋頭真心無靚芋頭點整都唔會有勁爆芋香，但要炒得好芋頭上糖而不掉，真係唔易11）清心丸綠豆爽生平最好食的一碗正宗潮州甜點，清心丸有咬口又Q彈，真係清心有餘，綠豆香味四溢，跟甜而不膩的糖水融合得天衣無縫由資深大廚主理，侍應們都幹了數十載，很值得食客支持！再加上得幾張枱，環境不會太吵鬧，又不會俾人趕，值得一去再去！…查看更多

我現身處葵芳芽莊，很想告訴各位很難食！我的蟹湯檬，蟹是嗅的，男店員說原因是由於牠是用來煲湯？毫無歉意！乳豬肉勁肥皮又腍，即係點？成班員工只顧圍著談笑風生，枉我一路支持你的店，水準太差了！俾錢買難受！其實中環、尖沙咀、旺角等分店水準保持穩定，怎麼到了新界區就變成垃圾？管理層有沒有時刻來視察服務及食物？我很喜歡吃越南菜，但香港大部分店子都做到三不像，還有，此店是限時雅坐，那我又要付大鈔卻要食垃圾嗅東西是理所當然嗎？…查看更多

不知為何香港食肆不肯大力投資越南菜,所以店子十居其九都是細細間無咩裝修!!!根據蔡瀾先生介紹,我已經去了幾次味佳居,因為店小但食物超班!1) 火車頭湯好明顯經過牛骨煮過,清甜鮮味,牛材料包括:牛丸、牛腩、牛筋........彈牙肉味濃郁,河粉尚算爽口，不過相比昔日炮台上火車頭,水準差一皮!2)椰青燉大頭蝦湯首先,你要有心理準備要等半小時先上枱,因為廚房係即叫即做,不過你會心甘情願去等! 椰青大家多數你會叫嚟飲,無想過椰青煮湯咁清甜滋潤，大頭蝦超多羔,肉鮮甜,最驚喜係居然椰青同大頭蝦好夾,你不斷飲既時候,由於椰青肉、湯、蝦及羔的分量改變,你會飲到湯的層次感,即係話湯越滲入蝦羔及肉味會變得更香更濃,你只會追住飲呀飲,況且,椰青滲入蝦香伴上蝦羔,根本同飲椰青食椰肉係兩回事!價錢118不算貴,試想想越南菜大頭蝦普遍收百幾蚊,咁有湯飲又有蝦食重收平些,你又會點選擇???說到店舖環境,講真好細好窄,唔好一家大細幫襯!!!…查看更多

我是經Open Rice 看見大家稱讚這一間食肆才決定一試!!!整體來說,合家歡嚟聚一聚都唔錯(不過最好你係有車一族,詳情最後再講)。當日我無叫到餐,相反叫咗以下幾款經典滬菜睇吓水準如何:1)小籠包2)煙燻小黃魚3)片皮鴨4)百頁小白菜5)醋溜魚6)芋頭雞7)毛豆年榚炒蟹1)小籠包渦心係店舖從善如流,原本一籠四只但因為有五個人,侍應話可加多一只!包皮薄可打鞦韆,肉分量適中有肉汁,但相比翡翠拉麵,後者肉汁更鮮甜,應該係新鮮及凍肉做材料既分別,況且翡翠日產成千上萬,材料一定更新鮮!!2)煙燻小黃魚魚肉嫩滑新鮮香口,煎得香脆,抵讚!不過對比小南國,都係後者出色一點,因為小黃魚不能太大，否則就不精緻!3)片皮鴨:(另一渦心之舉,片皮鴨有半隻叫!!!唔駛幾條友硬食一隻!!!可惜,鴨身偏乾及瘦,好彩薄餅皮有麵粉香又不會一塊貼一塊而弄穿餅皮!!其他香蔥及醬料一般貨色!!4)百頁小白菜:(簡單小菜,湯尚算清甜,小白菜嫩口不油,百頁不太稔,但我總認為百頁炒毛豆好食一些,因為百頁濕食無咁彈牙5)醋溜魚炸得香脆,醋溜汁無蓋過魚鮮味!條魚分量十足,唔似外邊普遍上海食店條魚細細得幾件但收二三百蚊!6)芋頭雞芋頭出奇地夠"粉"又香,芋頭汁好濃!!不過雞件太細嫌雪藏味重(因為件雞入醃咗都無咩味)7)毛豆年榚炒蟹蟹大隻有羔,可惜相比我心水店(尖沙咀夜上海),始終差一皮,因為後者蟹身及腳肉好甜,羔更多,價錢相差不遠的話,無理由唔食好些!!年榚彈牙有"咬口",不過醬油略"杰",咁就比較難滲入年榚及蟹身!!!愛蟹及年榚的食饕,首選都係去試尖沙咀夜上海,次選係滬江!由於我係上海菜粉絲,因此菜式要求較嚴格。總結:夢上海價錢相宜,十分滿分點都有八分!!!可是,如前文所言,交通不便成為此店發展絆腳石!自問我駕車認路能力好強,加上先前上網看地圖及問清楚接線生前往路線,想著帶住大人細路駕車去無問題。點知去到紅磡灣(估計係什麼軒商住宅區)入地車場前問門口管理員係咪泊呢度,對方話要行多十幾分鐘沿海邊路行，轉下左轉下右(咁即係邊度???雞同鴨講),同場有個穿得好華麗的中年女士又問呢度係咪夢上海,個場務員又係咁教她行去!(車同人行都差不多時間??)無咁好氣開車!!!行了十多分鐘看見海邊有幢商住地方好開心駛入去,可惜,操不流利廣東話保安員又話唔係,泊係度要三十幾蚊一個鐘,就算泊好車行都要十分鐘,於是又叫我番去見燈口轉左,見廻旋處又轉右，行到見到有個好隱蔽的避車處有個"九龍會"牌及泊車燈箱,停低就有人代客泊車,咁即係點行???天啊!再找不到就走,最後我沿住好複雜既指示行,在黑夜下隱隱看到一個像車牌尺寸咁大既"九龍會"標誌,再行見到另有一個代客泊車燈箱板，列有七八間食店LOGO(你要戴超級放大鏡先會睇到!),不過空無一人,最後下車找了幾分鐘才有泊車員出現。那一刻,我"登"華麗女士難過,究竟她行幾耐先去到飲??????????…查看更多

曾在週刊蔡瀾先生介紹此店,但因位置較隱閉久沒前往!終於一天晚上路經此地,從店門中看到外國人、菲律賓人、香港人、馬拉人都雲集,估計都唔差得去邊,於是決定一試。兩個人唔能夠試太多菜,所以得以下幾款:1)炒蘿蔔榚2)喇沙3)蝦湯麵4)馬拉盞通菜1)炒蘿蔔榚榚多少粉,有驚喜,尚算香辣，但相比尖東好時餐廳,我認為後者更香口入味2)喇沙非常正宗,湯濃郁又香辣,但不會搶口,湯成碗飲都得,喉嚨不會痛;麵彈牙滲入喇沙味;材料充足,青口有鮮味,三十幾蚊算超值,不過同一條街有間只賣喇沙,後者麵質更彈,雙方可以匹敵!3)蝦湯麵此麵不可不試,湯底蝦味清甜帶點蝦頭榚香味,一碗飲到底,正!!!油麵比喇沙的麵更彈更帶有麵香;片頭好爽口(不像街邊勁多雜質粉味重)。既然同喇沙價錢差不多,那我一定選擇蝦湯麵4)馬拉盞通菜嘩!!!好多店煮此菜一係油多,一係就馬拉盞不多,只係狂加辣椒!!!這店係我咁耐以來馬拉盞最香,菜又嫩,抵食其實我上次都食過咖哩羊,油酥餅及椰青,咖哩羊真係好入味,肉好稔,配油酥餅一流,況且油酥餅係印度師傅即場做,唔油又香,餅切開會見到一層層餅底,好明顯搓餅功夫一流,唔似一般泰菜油酥餅咁一塊餅就算數,所以你會忍唔住叫完一客又一客。椰青第一次飲真係好清甜,肉又滑,好好食,不過第二次去無咁好味,不過,相比近年食店賣的椰青相比算好好多!!!總結:二百幾食到近乎滿分馬拉菜,真係會令你心思思想再去。…查看更多

我很懷念舊店時的火車頭(約兩年前),湯味濃而不燥,帶出牛肉鮮味,加上各式各樣牛肉彈牙爽口,令我樂而忘返! 當舊店伙計另開新店,我當然不會錯過!看見新店被本地旅遊雜誌讀者評為"推薦食肆",心中萬分喜悅,因為食物水準理應不俗!我叫了類似火車頭的河粉(已忘記店舖另起的名子)、紙米蝦卷、柚子沙律、香茅乳鴒、花甲湯,食評如下:柚子沙律 - 柚子新鮮肉多,魚露酸味令柚子肉更清甜,可一試花甲湯 - 花甲無沙不太硬,不太細隻數量足(想是因為要七十八元/碗),但湯下了太多薑除腥味，反而蓋過貝殼海產的鮮甜味香茅乳鴒 - 乳鴒真是充滿香茅味，特別是鴒身胸部,但自行加少少鹽味道會更香(但最爆笑是店舖不會主動供應青檸及鹽,要求後者又說不好因鴒身用香茅調味!!!!!!各位,人人味覺不一,何解大家飲食習慣要一樣??????????)紙米蝦卷 - 失望之作,因為紙米包得厚,牙咬不開,只吃到勁酸紅蘿蔔條及無味雪蝦火車頭 - 牛丸超爽口彈牙,吃得出是人手打,應該係我幾十年食到最出色的,不過,其他牛部份不是無味,就是過老,湯亦不鮮甜,簡單形容是"肉身分離",沒靈魂"可言!不知道食肆出名後是否很難保持食物水準?各位飲食間朋友,要努力!!!…查看更多

昨天因公事請客於紫玉蘭用餐,想著甲級地點水準理應不錯,事實是失望而回!!!兩位叫了小黃魚、生煎飽、炒菜、魚蓉麵、擔擔麵，前兩者賣相好,好味道! 特別是小黃魚,金香魚鮮,沒多餘油分,值得推介,其他不過不失!可惜,當我吃了第一口擔擔麵,腦海出現"錯愕"二字,因為味蕾只嚐到不彈牙麵+滾水+辣椒油,老實說連公仔麵都比不上,不過我怕係自己錯,於是又吃多一口,用匙攪拌湯,希望味道好一些,怎麼又是一成不變,兼找不出一滴麻醬,所以,我見到侍應就問這是否廚房的一貫煮法,第一位否認,另一位已跑去廚房拿麻醬供我調味,我們無法阻止,但何解我像吃"撈麵"????最奇怪是她成十分鐘後誠意拿來麻醬,但麵己又漲又冷,為何不肯換一碗新的????當然,我們善意叫她更新,她沒拒絕,稍後還問我新的麵好吃嗎????????答案是:不好,湯不濃,麻辣味奉欠,最後她說送贈甜品(根本無送過),結賬時,又一侍應說擔擔麵照收錢,但兩位茶介免收,為什麼?因為後者貴前者兩元,已給我們著數了...........天呀!這是什麼飲食管理方法,何不兩者全免希望人客不怪責和回頭呢???日後我膽敢請客到此店嗎???真心希望管理層懂得待客入微!!!…查看更多