FannyChan920's Profile

📢旺角分店限定兩人下午套餐優惠12:30至5:30原本諗住食一個鍋飯或者叫少少嘢食就算因為費事午餐食太貴一入到場見到個餐牌有分店限定250 左右就有3 款肉類可以燒，以為睇錯點知無🤣🤣🤣幾乎係晚市嘅一半價錢架車來到旺角的人士一定要泊車入停車場因為街邊的黃腳立，每隔兩小時會抄牌一次👉🏻前菜泡菜、酸瓜、蔬菜絲加沙律醬、多塊生菜、爐邊蛋，開胃之選👉🏻牛五花秘製醬汁醃製，聽落好似好肥但係識落非常牛香，最好食係呢隻，推介呢款👉🏻薄切五花肉（ 180 g ）薄切得黎無牛五花甘juicy 👉🏻護心肉200 g脂肪均勻分布，牛的色澤不錯相比下牛雪花最正，呢隻比較乾身少少👉🏻菇類拼盤食完燒肉同前菜少不免要食埋啲菇類，包括雞髀菇、冬菇等👉🏻喜來烏冬熱湯烏冬，食完燒肉及前菜，驚唔飽肚嘅一定可以食埋呢個烏冬就一定飽肚這間店的卡位非常大，午市來到食午餐幾乎沒有人，因為當日係打風哈哈…Read More

午市自選壽司定食（富沙律及麵豉湯）6件$128/8件$158/10件$188自選壽司定食選項每款最多可選擇兩件壽司店習慣客人每食完一款再上第2款 每舊壽司都已配有豉油和少量芥末，已不需要另外加上非常貼心另外壽司套餐已配有沙律菜配麵豉湯真鯛深海池魚兩走都勁好食，鮮甜可口，食完已想再食落去油甘魚鮮味十足，食得出油甘魚的味道赤蝦大大舊，唔洗脫蝦殼，非常貼心鰻魚長長的鰻魚，食到甜甜的幔魚醬，底部仲係暖暖的松業蟹肉軍艦新鮮紫菜，食到卡卡聲，蟹肉鮮甜好味海膽軍艦鮮味海膽，食完仲有餘韻在口中…Read More

喜來稀肉一路出名都係貴價高質肉今次食到最貴個隻，888 總共有成400g 有牛肉眼、牛外脊、牛里脊入到餐廳已經有哂前菜無限添加既泡菜酸瓜，醃青瓜洋蔥，辣醬伴菜絲另外有無限添加泡菜爐邊蛋，或者係芝士爐邊蛋，食完想再食夠哂新鮮另附上生菜任添，唔會只食烤肉甘單調，再加埋d醬汁別有一番滋味第一次食牛肉眼、牛外脊、牛里脊，唔同部分，由細舊食到大舊，由乾身食到肥美，每種牛都有牌仔介紹係邊款牛， 肉質嫩滑！好食推介！…Read More

無得去日本又好想食拉麵，去左呢間位於荔枝角既元札榥拉麵，果時9點幾呢個時間都無乜客人，餐廳環境寬敞舒適，唔會話坐得迫，Menu選擇都好多有拉麵刺身串燒等等，價錢合理，仲有拉麵小食自選套餐選擇。燒牛舌牛舌最好食！數量有好多塊之餘而且燒得好香多汁惹味，厚度適中口感唔錯。招牌牛油拉麵。湯底係醬油湯底配埋牛油多左份香滑感，叉燒味道不過不失。螃蟹拉麵同樣是醬油湯，味道岩岩好唔會好咸，值得讚既係蟹柳好鮮甜，唔會有雪味，糖心蛋都煮得岩岩好👍🏼串燒雞軟骨同串燒冬菇冬菇無咩特別，但唔會話燒得干。雞軟骨燒得唔錯，又香又好味！…Read More

第一次食呢間台灣好出名的鼎王火鍋，入進門口服務員都好有禮貌同笑容，講哂普通話，好似真係去左台灣咁。還境裝修都好新整齊乾淨，以木為主題，好有古式味道。黎到呢度當然必食鴨血麻辣火鍋，重點是鴨血和豆腐都可以無限次任加，小辣的台式湯底味道不太辣，鴨血又淋又大而且不易散，真係好好味。我哋叫左鴛鴦鍋，另一邊是酸菜白肉鍋，只有酸菜可無限refill，酸菜煮得夠入味又開胃。短短一個lunch time，酸菜和鴨血都各自refill了3次有多，真係好滿足。食物大都好新鮮又精緻，我們叫了粉條，但原來火鍋裡已有包埋粉條喔。特別推薦蝦滑比大家，新鮮得黎而且真材實料，可睇到蝦滑當中有唔少原粒蝦身，入口彈牙又爽口。我地仲點了蛋餃，甜甜地好香雞蛋味。五花去骨鮮牛$188，份量唔算好多塊但每塊都好大塊。牛肉新鮮有牛味入口爽口彈牙。每人埋單$300幾，服務同食物質素絕對抵得住呢個價錢，會再黎！…Read More

二鍋頭係近期旺角一間相當受好評既雞煲火鍋，好奇之下一於去試一試。早一日預訂佐位，一去到就可以入座。舖面好光猛，環境整潔，仲坐得相當舒服，令人有好感。講返食物先，同好多坊間食店一樣係先食雞煲後打邊爐，店員送上雞煲後會係顧客面前炒香。雞煲分大中小辣，加入大量乾葱同京葱，香味十足，麻辣味反而少啲，但濃淡適中，屬於大眾化口味。食完雞煲會換湯底打邊爐，有多種選擇包括豬骨、蕃茄薯仔、沙嗲等等，蕃茄薯仔湯由蕃茄薯仔西芹茄膏混合而成，相當濃郁。火鍋配料有超過五十種，除佐大路既肥牛、豬、雞、各式丸類同菜之外，白鱔片驚喜之選，仲有超大隻既帆立貝。飲品方面就正正常常，主要係汽水同韓式飲品。值得一讚係店員有禮殷勤，入舖頭坐低後好快送上味架、幫你落單，中間會主動幫你收碟加湯，間唔中會教你淥下嘢野食，食物味道唔錯之餘亦食得好舒服。…Read More

約朋友係上環食飯，search到呢間我愛慢煮新分店，位置在於孖沙街，地鐵A出口行3分鐘就到。原有的普慶坊店我之前都食過一次，位置也在新店附近。Menu上主菜的choice唔係話好多，都有烤雞牛扒羊架ribs等。但都有唔少配菜同甜品，而且全部都唔過$40，好抵啊！點了兩本無酒精嘅梳打，一杯係青檸梳打，另一杯係荔枝接骨木花梳打。芝士忌廉菠菜苗，好多芝士好好味啊但又一d都唔漏，而且讚既係d菠菜一塊塊好新鮮好爽口。香草丹麥烤雞半隻$128。烤雞肉質幼嫩完全唔鞋，配上香草烤得又香又滑，半隻雞的份量好大，最岩和朋友share食。法式豬鞍架$138。用香草黑椒焗嘅豬鞍架食落肥美多汁，而且肉質鮮美味道剛好唔會過鹹。如果可加上薯菜做配菜更好。慢煮白酒菠蘿配意大利雪糕。焦糖菠蘿好鮮甜也帶點點白酒味，配上鹹鹹的海鹽雪糕味道驚喜地幾match幾好味。我愛慢煮呢間餐廳絕對係性價比高嘅西餐，呢度半自助形式先付款後享餐唔需要+1服務費。服務好好味又唔貴，絕對會再幫襯！…Read More

作為一個新界妹，我必須重申，新界係有好多隱世食店咖！之前去大埔見到呢間火鍋店已經好想試，今晚終於食到！呢度有雞煲同粥底火鍋，我同朋友都好中意食海鮮，所以唔洗諗！$238/1位，包7款時令海鮮，5款自選食材，選擇都好夠！呢個價錢suppose係有蟹，但老闆通知我地無貨，仲超疏爽咁幫我地免費upgrade左做龍蝦！原價428咖！好快海鮮拼盤上枱，擺盤一啲都不馬虎！打卡一流！2人份量嚟講都好足夠！至於自選食材就有呢啲，肥牛雪花均勻，睇得岀唔係cheap野！心急嚐鮮嘅我地二話不說把海鮮倒入鍋，好快食得！海鮮絕對新鮮！縮左水都仲啖啖肉！唔記得講，呢度調味料齊全，不過就咁食就最原汁原味！食到咁上下，終於嚟到重頭戲！落粥底了！Staff 非常耐心介紹粥底無味精無鹽，仲落埋芋頭，南瓜，粟米，令個粥更甜更綿。最後可按個人喜好落菜甫同豬肉渣粒雖然已經好飽，但我都忍唔住食左2碗粥！太鮮甜了！環境方面，大廳好多大圓桌，幾多人食都無問題，但2-4人gathering 亦無問題，我地入左卡位房，隔嚟枱無人可以包廂！計埋加一，2個人食左280左右，絕對可以一試！…Read More

無意中發現呢間位於旺角朗晴坊嘅西式餐廳，一上樓就覺得餐廳環境浪漫別緻，令我有喜出望外嘅感覺。我和朋友唔算好肚餓，叫咗一個set同小食一齊share。餐湯係忌廉蘑菇湯好濃郁好好味，而且沙律份量亦比想像中大，仲配埋蒜蓉包。芝士煙肉焗燒烤菇$83大啡菇有成隻手掌咁大，焗得好重好香菇味，焗得夠乾身但食落又夠多汁，配上香濃嘅芝士煙肉好好正！推薦！白酒煮美國馬拉蜆$118白酒味唔算好濃不過蜆肉十分新鮮，粒粒都有肥美嘅蜆肉，真係粒粒都有唔係得個殼而且非常鮮甜。主菜係芝士焗波士頓龍蝦併美國牛柳$208龍蝦大過一隻手掌，龍蝦肉新鮮，肉質口感彈牙，加分嘅係隻龍蝦仲要有好多膏，真係好好味。牛柳煎得好香牛味，不過略嫌熟了一點，有點難切。個人覺得鍾意食牛又鍾意食海鮮是必點這個set。呢度有好多cocktail, mocktail,紅酒白酒嘅選擇。我這杯是荔枝mocktail。這裏旺中帶靜，係朋友聚會或者戀人拍拖食飯嘅好地方。…Read More

好想据扒！無意中search到呢間性價比高既高質扒房。餐廳面積唔算大，可以容納20-30人左右，環境裝潢則以簡約為主。Menu主菜款類唔多，只有五款。一開始店員會過黎介紹每道菜的特色同煮法，也介紹佢地既牛肉全部來置flat iron部位，係成隻牛第二嫩滑的肉質部位。加$48就可以配有沙律同餐湯。而且呢度既薯條原來係All You Can Eat!!!即係任食！薯條係幼身的而且新鮮炸起熱辣辣。最特別係佢地係用黑松露鹽，食落好香好重黑松露味，超正！沙律份量適中配有tuna同甜薯，好fresh! 主菜一定要試390日谷飼prime級平鐵牛扒，價錢$268。店員推薦medium rare望落紅紅地，但食落一d都唔生好香牛味，肉質好林鮮嫩多汁店員真係無介紹錯，而且個薯蓉都好好味。另外點了西班牙豬鞍架。份量比想中大，肉質無牛肉咁林但唔會好鞋口而且煎得好香。豬鞍肉配上酸菜食的味道同口感會更佳。冷壓Earl grey apple tea，味道不錯而且100%raw apple無糖，有興趣可以trytry…Read More

星期日嘅晚上，同屋企人一齊到呢間餐廳享受晚餐，環境認真不錯，窗外景觀都好開陽，點菜之後，上咗三個熱辣辣嘅麵包，仲有香草牛油。牛油查咗落麵包度，非常清香。係點餐之後，個湯好快就黎到，南瓜湯嘅味道十分濃郁。個沙律都好清新，啲菜好新鮮，牛油果同火雞肉嘅味道好夾。仲有個小前菜。牛扒我叫咗七成熟，個賣相相當吸引，個牛扒非常之林同埋好食。配菜亦都好好味，蘆筍嘅味道非常之好。另外在叫咗個鱸魚，配菜都比我食晒，魚肉非常之鮮嫩。一啲都唔鞋。另外再叫咗個虎蝦天使麵。隻虎蝦勁大隻，足足有成隻手板咁大，個天使面嘅香草汁亦都好好味。最後仲有個甜品，草莓芝士餅，味道唔算太甜，草莓亦都好新鮮。味道非常之清新。整體來講成間餐廳比我嘅感覺就係好寧靜，環境同氣氛都好好，裝修又靚，食物質素又好好，好新鮮。朋友果然介紹冇錯。我下次一定會再嚟幫襯，試吓其他唔同款嘅菜式。…Read More

想食日本野唔一定要去旺角尖沙咀香港島，係黃大仙中心就有一間性價比極高既屋邨食堂。餐廳環境光猛，坐得舒服，上菜快。第一道先試香芒鴨胸沙律配黑醋汁。沙律份量多，芒果鮮甜，鴨胸唔咸，整體食落好開胃。如果菜多啲就好。跟住上鯛魚魚湯泡飯。食落有驚喜，魚湯濃郁，做湯飯一流，而鯛魚啱啱淥熟就食，鮮甜而且口感唔會太林。加埋味素，葱同米粒食一流。小食嗌佐炸魚皮同燒魷筒。魚皮咬落真係脆到隔離枱都聽到，有飲酒一定要嗌。燒魷魚筒配鰻魚汁，食落味道超濃郁，不過再燒乾身啲會好味啲。跟住嗌佐樣特色既芒果牛油果三文魚班戟，用班戟皮包住所有料，面頭有沙律醬，邪惡到極點。食落口感三樣野都好似，味道係幾好食，但感覺無突出特定一種食材。最後食埋綠茶雪糕，配嶡餅同玉子。配料正正堂堂，重點係極濃既綠茶雪糕，有日本食既味道，誠意推介。總括黎講，食物賣相同味道係水準之上，屋邨慣常飯堂。…Read More

觀塘apm旁的亞太中心餐廳林立，今次黎到在5樓全層的尚大瀛喜食日式放題lunch，時間由中午12點開始任食3小時。呢度環境寬敞好多sofa位，坐得舒服。呢度設有自助沙律吧，有中華沙律、海蜇等前菜小食。亦有花膠補身湯同任飲梅酒，而且飲品雪櫃好大，選擇非常之多。呢度選用電子下單方法，既方便又環保。用WeChat掃個qr code就得。食物種類繁多，可惜吞拿魚刺身一早就售罄了。電子落單速度好快，食物好快就到。刺身都好新鮮肥美，特別是牡丹蝦同北寄貝刺身。另外都有必點既海膽手卷，我自己好鍾意食海膽但平時好少食，手卷size唔會好大舊，我食左4-5舊以上另外呢度既天婦羅都炸得唔錯，唔會話好厚粉。而且仲有比較少見的炸鮮奶天婦羅。好食口感特別，有興趣可以嘗試下。星期日午市放題任食3個鐘真係好抵食。最後我同朋友真係飽到上心口但好滿足咁離開。…Read More

當日係同男朋友拍拖紀念日，決定要食好西慶祝一下，就選了這間尖沙咀的黑門水產。這裏的裝潢門面都好有日本居酒屋風，令我地覺得真係好似去咗日本咁，當晚人客都唔少，好熱鬧。Menu好豐富好多選擇而且全部都好吸引！赤鬼蟹味噌甲羅燒 $78 侍應會先比未燒的樣子比你影相，然後佢地會負責燒。第一次食甲羅燒有驚喜，口感軟滑好重蟹的鮮味而且份量唔少，蟹膏鹹鹹地配疏打餅口感豐富。當然要試吓呢度嘅磯燒水產。燒之前侍應比我地睇既活鮑魚超大隻肥美，而且真係仲郁緊架！！磯燒白蛤7隻 $68 刺身4盛$160帶子3切甜蝦油甘三文魚各2切。全部都好新鮮，特別係帶子同甜蝦。赤鬼海老天反卷 $158賣相吸引，滿滿的明太子加上反卷裏的蝦天婦羅，口感爽口豐富。點了兩杯有酒精的cocktail 酸酸甜甜易入口袖子胡椒豬骨豚肉鍋 $118估唔到袖子加胡椒的湯底係咁夾，袖子味道令濃濃既胡椒豬骨湯變得清新。湯鍋也十分足料有金菇豆腐椰菜等。豚肉滿佈油花，肥美爽口。推薦總括黎講呢間黑門水產真心高質，不得不讚侍應的服務都好有禮，我和男朋友都好滿足…Read More

第一次食呢間灣仔的中茶小炒。餐廳環境裝修簡單整潔，樓梯中間仲有啲特色擺設。餐廳分上下兩層，老闆安排我地坐上層，比樓下靜啲。攞餐牌一睇，其實選擇相當多，仲有啲多人餐可以揀。我地兩個人嗌佐三個餸，分別係砵酒焗蠔、腐乳通菜炒鮮魷、同埋士多啤利香蒜骨。首先係炒菜上先，食落都算夠火喉，腐乳味唔算濃，反而辣味好出，夠惹味。鮮魷幾爽口。第二道士多啤梨香蒜骨，排骨炸得好鬆脆 ，粉唔厚。個汁好似生炒骨個啲，但無咁酸，有啲士多啤梨甜味。加埋菠蘿同洋蔥酸酸甜甜，配飯食非常開胃。最後係砵酒焗蠔。一煲四隻，好大隻，堅係美國桶蠔。蠔面沾佐啲脆漿再焗，所以食落有兩層口感，蠔身相當嫩滑，薑葱味配搭得啱啱好。如果砵酒味再濃啲就好。個人認為值得推介。仲有要讚一讚杯凍奶茶，茶味夠濃有水準。整體餸菜份量足，味道夠，價錢相宜，中上水平。老闆娘也很熱情有禮！～…Read More