Noob_bb's Profile

一直想搵一間性價比高嘅 Omakase 餐廳，搵吓搵吓，見到有好多人讚呢間玄鮨嘅 Omakase Lunch Set，於是就黎試一試佢～一黎到餐廳就有專人黎帶位入座，食 Omakase 最正嘅就係可以坐響 Bar 枱一邊睇住師傅準備一樣樣嘅食材，一邊品嚐一樣又一樣美味嘅食物。我同女友直接叫咗兩個 Omakase 餐，樣樣刺身都好新鮮好好食，其中一定要提嘅就有：好肥美嘅油甘魚，同平時響出面食嘅唔同地方就係佢真係超級肥肥肥！一咬落去就感覺到啲魚油“咇”出黎咁，好正 😋😋帆立貝，師傅即場劏即刻放隻帆立貝入冰水度，保持住佢嘅新鮮度之餘，更令到帆立貝嘅肉質變得好爽口彈牙 😍🤩大拖羅，呢樣唔駛講，一定冇得輸，就咁睇已經見到佢嘅油脂係幾咁多 🤪😌 可以嘅話真係想叫多幾件日本白粟米，唔好睇佢個樣咁白好似台灣啲苦瓜咁，師傅又係一切好就將佢哋放入冰水，一咬落去以為會係好清嘅粟米味，但出奇地甜！唔講仲以為係食緊甜品咁 👍👍原隻牡丹蝦 ＆ 蝦膏撈飯，師傅起好成條蝦肉出黎之後，再將蝦膏用火槍加熱撈埋啲飯度一齊食，真係超級邪惡！！！！🤗🤗海膽手卷，師傅有兩個好細心嘅位，一就係問我哋想食濃味定淡味嘅海膽，我呢啲唔執書嘅梗係想兩樣都試哂啦～ 😜 結果師傅就落咗一半淡嘅一半濃嘅，務求俾我哋試到哂兩種味道，真係好好人🥰 另外一個細心位就係知道我哋會想影相，到佢包第二份手卷嘅時候，特登 show 俾我影咗相先，先再包好佢俾我哋享用，見到成份手卷都係滿滿嘅海膽嗰陣，真係特別滿足架 🤤🤤🤤總結成餐飯都好有水準，服務都非常貼心細心，價錢絕對值得，一定會再返黎食同埋會介絕俾身邊朋友～ 😃😎…Read More

趁住星期六，一於去試吓朋友介紹嘅呢間位於工廈頂層嘅 cafe~一入門口就已經俾佢嘅透光度高嘅大玻璃同舒適嘅座椅吸引咗，成個感覺好似入到黎放鬆哂咁。叫咗個明太子海鮮意粉，好好食，略嫌啲明太子唔夠辣 再配一杯焦糖牛乳，好正。…Read More

今日黎到西環試試呢間好有格調嘅 cafe，叫咗兩件 cake － lavender earl grey & black rose cake，賣相好靚，味道就覺得 black rose 比較普通，lavender earl grey 味道比較突出再叫咗杯 blue earl grey latte，拉花配上藍色碎花真係幾吸睛，味道都唔錯，值得一試 👍…Read More

今日約咗朋友黎試呢間響 K11 musea 嘅日式餐廳，行到門口覺得似 bar 多過似餐廳🤣第一樣係味淋雞泡魚乾，幾好水準，好入味明太子雞肉串，略嫌明太子唔夠味，比較重沙律味海鮮茶碗蒸，個蛋好滑，又有蝦又有菇 👍明太子稻庭烏冬，個烏冬好正，加埋明太子的確一流最後係和牛壽喜燒，味道唔錯，不過只有四片比較少🤔幾好嘅格調同有水準嘅嘢食，值得一試…Read More

今日難得好好天，約咗朋友去 K11 Musea 呢間餐廳食個飯輕鬆吓。第一樣係蒜香蟹肉香辣意粉，味道好好，略嫌辣味唔夠同埋有啲油，但都好值得一試，好有口感。第二樣係安格斯牛柳，一啲都唔韌，雖然份量偏少，但質量好好。價錢又唔貴，地方環境又好，絕對值得推介。…Read More

今日2019年最後一日，同同事去咗呢間 Caviar House & Prunier，一於對自己好啲豪食一餐。叫咗個 Cappucino 同番茄雜錦海鮮稻庭烏冬，坐響吧枱仲可以有8折優惠，啲番茄湯好足料，絕對唔係馬虎之作。碗烏冬黎到嘅時候，隻蜆仲會郁郁吓，好新鮮，再配埋兩隻大虎蝦，真係冇得頂。…Read More

今日做冬，同屋企人去咗灣仔嘅呢間大榮華，開開心心食餐飯。梅頭叉燒，略為偏瘦，多少少肥膏會好啲，但都好好味吉列香酥鮮魷，炸得好好，層漿一啲都唔厚咸魚豆腐炆雞，味道一般，都好在唔係太咸菜甫煎魚腸，好好味，唔係好多地方有得食魚腸整嘅餸菜了玉蔥醬爆鱔球，好好味，不過份量比較少， 每人分得一兩件最後黎個奶皇馬拉糕，好甜 ~~ 😂…Read More

趁住假日，同屋企人入去赤柱試吓呢間鍾菜，聽講呢度啲點心好好食，一於試試先蒜茸蝦春卷，啱啱整好新鮮滾熱辣，好正香煎蝦米腸，略嫌味道淡咗啲萌萌流沙包，淨係個 minion 已經值回票價松茸燒賣皇，松茸味好香，同出面嘅好唔同仲要對住個靚海景飲茶，的確唔錯，人又少 👍👍…Read More

今晚約咗同學黎食呢間台灣臭臭鍋，一入門口就已經聞到有陣好香嘅豆腐味，再見到一人一鍋嘅食法，已經忍唔住想快啲食了。叫咗個蕃茄白豚鍋，湯底好有蕃茄味好正，配料又多，一人份量黎講算係好足夠，我哋再叫咗個鹽蘇雞試試，咸味適中，仲係啱啱炸好，加埋杯香芋奶茶，好正。…Read More

好耐冇行過太古城，今日出黎行咗陣就同屋企人去咗呢間潮庭試一試啲潮州菜。先叫咗個芝麻蒜茸鬍鬚雞，同一般嘅燒雞豉油雞唔同，佢有陣好香嘅芝麻味同一粒粒嘅蒜茸響面第二樣係脆炸牛坑腩，外脆內軟，好好食第三樣係潮式魚麵，好彈牙，出面真係好難搵到最後係潮式咸骨春菜煲，唔會太咸，啲春菜又多，唔錯…Read More

啱啱同朋友食完個晚飯，心血來潮就衝咗去 K11 Musea 試試呢間 Happy Pancake。新開張好多人排隊，食飯時晅都要等咗30分鐘先入得，一坐低就叫咗個最經典嘅幸福 pancake，簡簡單單都已經好好味好鬆軟，真係食多一份都仲得…Read More

今日約咗個老朋友黎試呢間嵐山日本料理，果然冇黎錯。先叫咗個燒雞泡魚乾，新鮮滾熱辣，好好食。之後黎個刺身九點盛，全部啲魚生刺身都係二人份量，件件都相當厚切，好新鮮好正呀！再黎個蒜片和牛薄燒，燒完嘅和牛一啲都唔油膩，入口即溶嘅感覺真係正 👍👍最後叫咗個串燒豆腐，外脆內軟，唔錯唔錯。…Read More

今日黎到金公館慶祝生日，黎咗康怡咁耐都未試過上到呢層食嘢，一於黎試試佢。我哋叫咗個必叫嘅片皮鴨，有四款配料同醬俾你加，幾好味。蒜泥白肉，師傅刀功好好，切得好薄，辣得黎唔會太難入口。南瓜火腿燘米線，呢個好夠鑊氣，食起黎好似潮州麵咁，好正。仲有個蒜蓉炒菜心，呢個一般般。最後黎個擂沙湯圓，應該係即整，好好食。…Read More

今日黎到呢間生記海鮮飯店同媽媽慶祝生日，估唔到可以意想不到咁好食。我哋叫咗個鹽焗雞，隻雞望落平平無奇，其實相當入味，每一件味道都好好，唔會太咸。之後黎嘅椒鹽鮮魷真心覺得好正，個粉漿一啲都唔厚，啲魷魚又新鮮，所以整出黎特別好食。再叫咗個薑蔥蝦乾爆鮑魚，啲鮑魚都幾大隻，啲蝦乾嘅精華入哂啲鮑魚度，好爽好彈牙。最後黎埋個白菜仔，為今餐慶生飯劃上句號。 …Read More

今日心血來潮，黎咗呢間 bite & bite with line friends，一試同熊大食 lunch。雖然選擇唔多，大部份都係漢堡包餐，不過味道都算 ok，最緊要係同啲公仔影相。不過環境比較熱，坐得耐會有啲焗，希望呢樣可以有待改善。…Read More