生記飯店 (Moved) New Location

今日黎到呢間生記海鮮飯店同媽媽慶祝生日，估唔到可以意想不到咁好食。我哋叫咗個鹽焗雞，隻雞望落平平無奇，其實相當入味，每一件味道都好好，唔會太咸。之後黎嘅椒鹽鮮魷真心覺得好正，個粉漿一啲都唔厚，啲魷魚又新鮮，所以整出黎特別好食。再叫咗個薑蔥蝦乾爆鮑魚，啲鮑魚都幾大隻，啲蝦乾嘅精華入哂啲鮑魚度，好爽好彈牙。最後黎埋個白菜仔，為今餐慶生飯劃上句號。