星業's Profile

琴日去左朋友屋企慶祝佢新屋入伙,佢話附近新開左一間歐陸fusion菜幾好食, 就決定去試下la由於即興冇訂枱, 所以都要等左一陣…咁啱有張大枱就食完, 唔洗5分鐘就有位lu餐廳裝修得幾好, 環境都幾舒服… 我地叫左個西班牙海鮮湯, 感覺有d似龍蝦湯, 但係冇平時飲開個d咁咸…..湯裡面仲有d海鮮:帶子, 青口肉, 蝦…跟湯既蒜蓉包都好好味~頭盤叫左個焗法式田螺, d田螺撈埋d薯蓉一齊, 唔係平時一粒粒咁分開咁上碟, 所以感覺上好似比一般較多薯蓉, 好味~ 只可惜6個人分, 只係食左一粒咋><, 本來想叫個非洲辣汁煮花螺, 不過有人唔食辣野, 所以冇叫到叫左一客燒鵪鶉, 有d似乳鴿,伴菜加上炸得幾靚, 賣相都唔錯~我地好鐘意食蠔, 所以一人叫左一隻西洋焗加拿大生蠔, 蠔唔算大隻, 不過佢連埋d煙肉粒同薯蓉一齊焗, 好香好好味~讚!馬介休焗西蘭花, 個汁幾特別, 冇芝士焗西蘭花咁漏, 唔錯~食羊既人一定會好鐘意食lee個燒羊仔柳, d肉好滑, 同埋冇陣so味…推介~  黑松露菌什菜炒飯, 未食已經聞到好香黑松露味, d飯炒得夠乾身, 清清地, 真係吾錯我地開左枝葡萄牙紅酒, 都幾好飲, 果味清香，易入口, 可以試下總括而言，呢間餐廳真係唔錯！同區黎講lee個價錢食到lee個質素真係好ok, 只係地點唔係咁方便, 撘地鐵係”香港大學站”落車. 但係我地都一致認為有得再encore, 趁佢地仲有9折會黎食多次, 試下其他菜式 …Read More

久違的晚飯 , 從我老婆轉工後 , 都好小去兩合食野lu , 難得今晚約埋佢兩個舊同事一齊去開餐 .... 坐左一陣我地先開始叫野食 , 兩合d員工落單係十分專業十分快 , 係落單既同時 , 佢仲可以介紹下d餸俾我地 , 落單同聆聽既速度令人佩服 開飯喇 !老闆今日推介鹵水鵝腸 , 可惜我唔食呢個餸 , 但見到佢地食得好似好滋味咁囉 , 應該好食掛 哈 ! 老婆真係有我心 , 知我鍾意食油麥菜 , 好味 鹵水鵝片 , 鹵水完全浸入鵝片 , 正 !朋友特別推介既胡椒蟹 , 超正 ! 超得 ! 下次再食都要encore 老闆推介既流沙蝦 , 味道幾好架 , 不過賣相就比起之前四樣差左小小 成個晚飯都令人太回味 , 鑊氣夠 , 味道好 ......... 正 ! 最重要老闆 & 伙計都會同你老實 , 記得上一次去食 , 果次係星期六黎架 , 我地想食蠔餅 , 伙計先生就直言話:::"""今日d蠔餅唔得,食第二樣吧啦! ''''' , 淨係呢點已經like x 10 , 食飽就已經期待緊幾時有得再去 …Read More

今日係星期日 , 我地返左去同媽媽飲茶 , 近近地去左福滿樓飲茶 , 新開張都係第一次黎飲乍我地3個大人 , 1個小小朋友 , 環境上其實都無諗過有驚喜 , 所以都係平常心咁叫野食叫左部份例牌點心 ............山竹牛肉 , 肉質都ok 芝士春卷棒 , 就係因為叫佢幾靚先買 , 估唔到食落去真係色香味都齊呀 香煎南瓜餅 , 本身我唔係好食呢d野架 , 但係因為個女叫食既關係 , 所以俾左小小佢食 , 自己又食小小 , 估唔到又ok wor 蘿蔔榚 / 芋頭榚 / 馬蹄榚 , 竟然可以係張點心紙入面選擇要邊隻口味 , 咁當然係想食哂三樣啦 , 有諗頭有諗頭 , 十分buy佢 蝦餃除左個皮厚左dd之外 , 內裡味道適中燒賣肥豬肉份量極少 , 可見都著重健康而做 , good ! 呢個荷葉飯巴閉喇 , 哈 ! 因為我叫呢個飯時 , 老婆大人話你叫左我唔食架 , 到最後佢食左d魚 , 之後話又幾好食wor , 當然到最後連飯都有食 , 仲讚佢幾好味 , 的確係好味過某d名牌酒樓好多 雞頭大包聽就真係聽得多喇 , 食就真係第一次食 , 材料上我就真係唔知同原裝既一唔一樣 , 我就覺得同雞包仔係一樣 , 只係沙煲咁大個雞頭大包幾特別 , 味道都ok架 um . . . .除左酒樓內部裝修一般般同埋冷氣唔夠外 , 大致上都係好 , 食物竟然出奇地好味 , 令我十分有驚喜 , 食得特別開心 , 酒樓上我諗要改善既係佢係牆上既熱水水口 , 因為果個行人路位比較上危險 , 若可改善呢點及冷氣 , 效果上會更更更更佳 , 有待改善改善 …Read More

今日我地三五知己勁早食完飯 , 跟住就勁早去左食甜品呀 呢張係俾你選擇雪花冰既配料紙 芒果雪花冰 , 好味呀 , 配朱古力醬 , 加埋可可/椰果 蜜瓜雪花冰 , 都係好好味架 , 配料咁岩同一樣 和風豆奶凍 , 朋友仔話如果底無糖漿會好味好多西瓜西米露 , 特別在佢d西米未完全解凍 , 但朋友仔話咁樣好味d 仲有蛋白燉鮮奶+薑汁 , 但係原來無薑汁 , 最後轉左淨蛋白燉鮮奶 , 普通食物 , 朋友仔話都ok啦 其實我自己就鍾意食雪花冰 , 都係推介食呢樣野 , 因為比較上特別 , 最重要係大熱天時食d咁凍既野 , 真係真係特別 yummy !整體上食物方面係好架 , 但係服務態度就真係一般般 , 有待改善 …Read More

今日係星期六 , 特登約埋三五知己去小曼谷食晚飯 , 因為可以叫多d野食呀嘛 , 我地一共有5個大人 , 1個小朋友 其實我去小曼谷已經去左多多年 , 1 年都最小去5次 , 但係寫食評真係第一次 , 今次食既野係全讚 由於小曼谷實在太多太多太多人喇 , 所以我一家三口首先到場 , 當時係下午5點45分乍 , 門口已經有部份人排定隊入去喇 , 但係小曼谷係六點先開門架 , 咁老闆都好好早左放我地入去 天氣太熱喇 , 我地一坐落黎 , 第一時間叫野飲先呀 , 我就叫左西瓜冰 , 老婆就叫左龍眼冰 (龍眼冰黎講小曼谷係好好飲) , 以前仲係細舗時間 , 龍眼冰係送架 , 不過係每人限一杯 , 送完即止 每次去小曼谷都會先叫例牌野先 生蝦刺身 , 只可以用3個字形容 , "平靚正" , 我地叫左兩碟 蒜溶炒椰菜苗 , 由於有小朋友關係 , 所以要清小小 , 都好好味架 燒豬頸肉 , 呢個都應該都算係推介之一 , 唯獨係水準就一時時燒羊架 , 好有羊味 , 小小酥味 , 好好味燒烏頭魚 , 呢個絕對係推介呀 , 水準保持得十分好 , 每次去食都係有讚無彈 , 食開明爐魚既朋友 , 可以試下燒魚呀 , 另有一番風味咖哩炒蟹 , 蟹膏特別多 , 蟹都特別大隻 , 肉質非常新鮮 , , 咖哩汁都係好好味 , 指定要叫薄餅去食佢d咖哩 牛油煎蠔餅 , 呢個餸其實係雞蛋+蠔仔+芽菜 , 最重要蠔仔一粒沙都無 , 鐵板上配合牛油 , 賣相ok , 香味一流 , 口感佳 生菜包 , 呢個一定要注意 , 因為肉比較辣 , 可叫佢小辣架 哈 ! 其實除左上面8樣野外 , 我地仲有叫左蝦餅 / 菠蘿炒飯 , 真係爽 , 5個人叫左10樣野食 , 今次仲要比起上次6月黎小曼谷更加好味左 , 正正正 , 埋單既時間大家俾錢都俾得特別開心 , 因為佢真係做到 "平 . 靚 . 正'' 絕對係一間出色既泰國餐廳 …Read More

hehe ! 今晚同朋友係塘尾道打完邊爐後 , 就特登行過去食水記 , 我地一行七人去其實之前都食過一次 , 不過今次係想帶d朋友仔試下d特別野 大家見到d甜品都開始興致勃勃地諗下食乜好 , 最後叫左幾個甜品 , 可惜d名我唔係太記得喇 味道不錯 , 側面橙色珠珠係乳酸黎架 , 好特別面頭係牛奶 , 下面係豆腐 , 如果食建議由上"不"到下 , 跟住一同"不"上黎食 , 會好好味呢個係有份子蛋 , 唔係真係蛋黎架 , 係好似布丁咁架 , 好有驚喜 , 好特別蔗糖布丁 , 面脆內軟 , 整得剛剛好好似叫黑森林 , 唔太記得 , 呢個朱古力味好好 , 面頭係moss , 建議由上"不"到下 , 跟住一同"不"上黎食 , 會好好味好似份子三重湊 , 最右面原隻份子蛋好得意 , 其實入面個心同第三張相一樣 , 好精細 白雪公主 , 唔記得用乜整 , 記得味道算唔錯 今次既甜品大家都好滿意呀 , 其實我地香港人頭腦真係好好 , 可以將一個布丁變成雞蛋 , 呢個過程真係唔簡單 , 佩服 ! 佩服 ! 美中不足係甜品款式太小 , 希望下次去可以有更多好味新款式選擇 …Read More

因為某餐廳無位 , 所以我地決定試下呢間餐廳的早餐 一入到去 , 坐既位超窄呀 , 個袋放係大脾上簡直就唔可以再郁前郁後 其實本身我唔係一個太睇價錢食野架 , 但係一睇個餐牌 , 真係叫唔落手囉 , 一碗沙嗲牛肉面竟然要$27 , my god !! 我係某餐廳食比佢平之外 , 仲要可以選擇配多一樣餸 , 所以有對比之下就肯定唔會食囉 !到最後我叫左漢堡扒包+凍檸茶 , 我老婆就叫左豬扒包+熱奶茶 , 結果早餐時段竟然要等接近7-10mins先黎到 , 已覺得有點過份 , 幸好我個包都無乜問題 , 但係我老婆就話個豬扒包有d怪 , 佢杯奶茶先奇怪呀 , 有d浮起似粒狀既物體 , 但係經攪拌後就無左 , 食完後埋單大家都決定唔會再去呢間餐店食野 其實最大原因係餐廳位於住宅/港鐵站/工廠區 , 竟然繁忙時間要等7-10mins真係過份 , 服務員既服務態度嚴重欠佳 , 笑容無 , 禮貌無 , 食個早餐竟然要睇人面色去食 , 連機本禮貌都無 , ""多謝哂 , 下次再黎幫襯""" -------- 無囉 ! 食材上比起其他餐廳無特別 , 但價格上就比其他貴小小 , 環境/服務/食物絕對唔值得再浪費金錢/時間再去多一次…Read More

今日係舅父仔生日 , 所以就出外晚飯 , 我地一行5大1小就去左北京人家試下 好彩地我地先先打左去訂位 , 訂位時會問你會唔會食"北京填鴨" , 佢話如果食要訂定先 , 咁我地都決定食啦 一去到 , 門口擺設都ok , 但入到去枱同枱距離比較近 , 有小小不自然 , 跟過點菜後就叫左6個餸呢個前菜係未點菜已經有架喇 , 小小酸小小辣 , 開胃開胃一流呀 西洋菜肉餃: 味道都ok , 可惜西洋菜比較小 滾地三鮮: 係疏菜瓜類 , 我就覺得普普通通 , 因為個汁味道似我平時煮雞翼個醬汁 , 所以無驚喜之作 宮爆杜鵑蝦: 醬汁味道剛剛好 , 味道似鎮江排骨 , 但醋味絕對唔同 , 注意一定要放低即食先好味 蔥油大餅: 蔥同餅分開 , 導致有蔥味既地方先會感受到食蔥油餅既味道 , 而無蔥既地方就啖到無味 , 自己食開係粉同蔥一齊攪混後先煎 , 味道係會比較香口更多 , 唯一好既係油比起其他出面蔥油餅係無咁多油 北京填鴨: 全晚既主角 , 我地坐低點送到主角出黎等左一個鐘呀 , 但係食落口後都覺得係值得等 , 同埋明白點解要預訂 , 食落口第一個感覺係話俾我知 , 鴨係即燒 , 最重要係 , 香脆鴨皮下既鴨肉都一同片出上碟 , 令到口感更加豐富 , 更加有層次感 , 係暫時食過最好味既一隻北京填鴨醬爆鴨架: 一鴨兩食 , 配合得非常好 , 鴨架連醬汁配合得好好 , 其他食店此配合相比 , 北京人家勝好多唯一美中不足都係部份侍應服務態度唔係太好 , 唔夠細心 , 本身可以體諒侍應係椅前後行 , 但係侍應行既地方都係有小小朋友既時間 , 我覺得作為一個侍應係應該要睇到呢一點 , 可惜無 , 咁都算 , 只好向部長轉告一聲 , 部長好明白我地意見都一一照做 , 唯獨一名侍應係無理會下照行照撞 , 希望有待改善今晚餐飯整體都係滿意呀 , 絕對係驚喜之作呀 , 價廉物美又好味 , 可以再試再試 …Read More

等位時 , 真係見到好多奇怪事 , 侍應們不專業 , 態度奇差 食物方面:刺身 : 三文魚 / 吞拿魚 食落口一d都感覺唔到凍 , 肉質已經係高過室溫 , 食完第一個round已經唔需要再選擇燒物 : 一般般 , 叶肉比較偏咸及重味精 其他食物 : 炸蠔(粉真係超厚) / 天婦羅蝦 / 帶子 / 餃子 . . . . 正常偏差 食到中間時候 , 侍應們工作時大叫大玩 ....... 唉 ! 都係想食野jei , 唔該尊重下食客及自己工作 (個人意見) 衛生程度係差 , 隨處可見污漕物 , 因我坐的位置是廚房門口位置服務真係比起電影中演繹劣既茶餐廳更加劣 , 完全覺得浪費左原本好既食材 , 廚師既個人衛生係會直接影響客人對食物質既信心 , 眼見事實後 , 真係絕對唔會再食 , 入座連埋單時間不足30mins最後埋單時 , 竟然就係一個女仔出單 , 另一個男仔找錢 , 找錢既男仔正正就係最初所講出去食煙既人 , 難道佢就係負責人 , 真係奇怪 , 找錢後多謝都無一句囉 唯一讚揚既係 , 耳仔帶哂耳環既男侍應及唯一女侍應 , 識得同我地講 (多謝哂,拜拜) , 我都非常感謝兩位的專業精神…Read More

今日朋友食飯日 , 最後選擇左去靚煲王 , 我地一行6人去食 , 等位好好呀 , 唔需要1min就可以安排到 , 上到1樓就有小小失望 , 因為估唔到咁求其jei , 大家坐定定後開始叫野食 , 我就一路上openrice睇其他食評人推介去叫野食喇首先就叫湯底啦 , 叫左靚煲王 湯底真係好失望呀 , 估唔到係接近差囉 , 我覺得出現問題地方應該係貝殼類 , 貝殼類洗唔乾淨 , 湯底落得太多(老師父) , 豬骨方面反而食落去又ok , 貝殼類真係要分時間 , 我覺得唔岩時候既時間可以選擇放其他落去 手切肥牛 : 肉質真係好正呀 , 鮮味十足 魚片 : 放左係度好耐 , 唔記得左食 , 但係放得耐都食到佢既鮮味 , so good 鮮帶子 : 同樣地放左好耐 , 但係食落去都係好味 鮮雞 : 估唔到又幾好食 其實仲叫左好多野食架 , 只係唔記得影相 , 墨魚滑就連我老婆唔係太鍾意食既都話好味 整體上食材係ok架 , 但係個湯底真係十分失望 , 成個邊爐失去左主要既靈魂 , 好好彩地食材夠新鮮救番其他乍大家都食到好飽 , 大家都係讚食材方面ok , 湯底就 .................. 希望有待改善 …Read More

我同我老婆d朋友仲有我個囡囡去左呢間野打邊爐 , 因為訂左位既關係所以等都唔需要等 , 門口個服務員安排既位置都好好 一開始叫湯底時 , 我拎左一張coupon出黎 , 係9折既coupon , 我第一時間就問個服務員係唔係全部都係9折 , 個服務員話係 , 仲介紹我地食要加錢果d食物 , 咁ok喇 , 我地就慢慢睇下食d乜經典的火鍋 湯底 : 紅蘿蔔馬鍗粟米湯底 - 都ok 甜 肥牛 - 完全唔好食 , 不知所謂 , 搵磨機磨先磨得開果隻 , 打邊爐主打都攪到咁差 , 可能係想迫d人加錢食佢果個頂級 羊肉粒 - 呢個先經典 , 羊肉粒無羊味 牛柏葉 - 差到爆 , 自己係街市買仲好食過佢 , 明顯地d牛柏葉係放左係一個好熱既地方 , 但無搵水浸住 , 所以變左囉 !! 鮮牛肉 - 又係不知所謂 , 都唔知點解佢要落生粉去叶囉 , 咁就唔好叫鮮牛肉喇 , 我睇食評話好食我先食架乍 , 點知原來佢既好食係落味精去叶囉 黑琢肉 - 又係叶左既肉 , 離譜 海蝦 - d蝦都唔知死左幾多年 , d肉都爛哂 墨魚滑 - 呢個都係唔新鮮架 , 肉質十分怪 鱔片 - 又係難食 海膽包心丸 - 街市都有得買呢隻丸喇 , 唔該交足功課 , 認真d整返隻真正既海膽包心丸喇 , 真正既係出門係全白色 , 入面都係淺橙色架食物差 , 我地可以選擇性咁食 , 但係d服務態度就真係好唔掂囉 , 問佢係唔係無羊 , 佢又話應該係 , 頂 ! 佢係唔係係呢間野做架 , 我地都算喇 , 一路食落去都無乜太特別 , 因為我地食菜多囉 , 成間野d菜係最好味 , 打邊爐最緊要d食物要新鮮 , 如果食物唔新鮮 , 咁唔好學人專做火鍋店啦 , 要叶既肉我就唔需要係火鍋店食啦 , 不知所謂我地一路飲住啤酒 , last叫多一set啤酒 , 啤酒到左5mins左右 , 個經理走埋黎同我地講"""仲有半個鐘 , 要唔要幫你地last order"""" , 火都黎埋喇即刻 , 你又無客等位 , 同趕我地走無分別囉 , 跟住就即刻取消last果set啤酒 , 聽完佢講呢句野之後 , 已經唔想再食落去 , 埋單去廁所時 , 就衰到連廁所水都無埋單時我地拎左張 9 折coupon出黎 , 張單黎到唔岩數囉 , 係計多左 , 我地問佢點解 , 佢話張coupon淨係人頭 9 折 , 我地即刻嘈 , 因為佢全間舗都無一隻字註明 , 正常如果要加錢食果d食物無折扣優惠會註明一行字架嘛 """ 此食品沒有折扣優惠''''' , 咁樣佢即係取巧啦 , 埋單果個經理態度十分差囉 , 佢指返openrice 張coupon果行細字 , 話係有最後決定權果句呢 , 我地問係唔係你現在話唔折都得呀 , 佢又話唔係 , 今時今日咁既服務態度咁既食物 , 最大個問題係我入座時已經問清楚 . . . …Read More