一入到去 , 坐既位超窄呀 , 個袋放係大脾上簡直就唔可以再郁前郁後
其實本身我唔係一個太睇價錢食野架 , 但係一睇個餐牌 , 真係叫唔落手囉 , 一碗沙嗲牛肉面竟然要$27 , my god !! 我係某餐廳食比佢平之外 , 仲要可以選擇配多一樣餸 , 所以有對比之下就肯定唔會食囉 !
到最後我叫左漢堡扒包+凍檸茶 , 我老婆就叫左豬扒包+熱奶茶 , 結果早餐時段竟然要等接近7-10mins先黎到 , 已覺得有點過份 , 幸好我個包都無乜問題 , 但係我老婆就話個豬扒包有d怪 , 佢杯奶茶先奇怪呀 , 有d浮起似粒狀既物體 , 但係經攪拌後就無左 , 食完後埋單大家都決定唔會再去呢間餐店食野
其實最大原因係餐廳位於住宅/港鐵站/工廠區 , 竟然繁忙時間要等7-10mins真係過份 , 服務員既服務態度嚴重欠佳 , 笑容無 , 禮貌無 , 食個早餐竟然要睇人面色去食 , 連機本禮貌都無
, ""多謝哂 , 下次再黎幫襯""" -------- 無囉 ! 食材上比起其他餐廳無特別 , 但價格上就比其他貴小小 , 環境/服務/食物絕對唔值得再浪費金錢/時間再去多一次
