xilin's Profile

個個都北上揾食，我就選擇喺香港搵食，因為總有種「搵到寶」嘅快感。話說我最近中環歌賦街撞到呢間大阪過江龍，試佢哋嘅牡蠣白湯拉麵，仲忍唔住加咗份清酒牡蠣同粒燻蛋。作為一個34歲嘅搵食狂熱份子，鍾意四圍搵好嘢食，食完真係有種難以形容嘅感動，忍唔住同大家分享呢場味覺盛宴。牡蠣白湯：濃到令人心跳加速一擺上枱，牡蠣嘅鮮香同湯頭嘅熱氣已經喺度勾引你嘅靈魂。湯底用日本蠔、豬骨同雞骨熬成，濃郁到好似俾大海深情擁抱緊咁，入口絲滑，帶點鹹鮮嘅蠔味，層次豐富得令人唏噓。麵條彈牙，中等粗度，掛湯能力一流，每啖都吸滿蠔香，食落好似同海洋嚟咗場浪漫對話。慢煮叉燒係另一個亮點，邊緣微微焦香，入口軟糯到化開，簡直係拉麵界嘅暖心存在。我仲加咗份清酒牡蠣 。哇，呢個決定真係要畀自己一個大拇指！嗰啲蠔肥美多汁，帶點清酒嘅甘甜同蠔嘅鮮味完美融合，咬落去係滿口嘅海味精華，食完真想再加一份。仲有嗰粒淡淡嘅煙燻味配上流心蛋黃，creamy到好似喺湯頭入面跳舞，好似喺同我講：「食我啦，人生無憾！」。湯、麵、叉燒、清酒蠔同蛋，呢個組合真係一場味覺嘅高潮，食完只想唏噓：「點解唔係日日有咁嘅拉麵食？」店內氛圍：簡約又chillNEXT Shikaku嘅店面細細，20個位左右，bar枱設計，坐低可以望到師傅喺度精心製作每一碗拉麵。店員招呼親切，簡單一句「請慢用」已經夠貼心。裝修係簡約日式風，木系色調加暖光，唔浮誇但好有氣氛。不過位有啲窄，食到high嘅時候可能同隔離枱嘅兄弟「親密」撞吓膊頭，但有咁靚嘅拉麵同清酒牡蠣喺手，呢啲小事點會計較？總結：一碗值得一試嘅幸福呢碗用心熬製嘅蠔湯，配上肥美嘅清酒牡蠣同creamy燻蛋，簡直係味蕾轟炸。如果你都係拉麵控，或者鍾意試吓鮮味爆棚嘅滋味，NEXT Shikaku真係非試不可。下次我仲想試佢哋嘅沾麵，聽講湯頭更濃縮，啜麵嘅快感應該又係另一場冒險。…Read More

近排睇開奧運，見到香港運動員咁盡力咁去奪金。我同朋友都唔輸蝕咁落力咁去支持下本地嘅良心餐廳。星期日捱完夜，撐左全日星期一，放工梗你同個朋友去平衡下心理啦。今次去咗呢間位於尖沙咀H8 22樓梵日本焼鳥。入到去俾得嘅VIBE真係幾好，環境好幽雅好適合一邊食一邊傾下計，但可惜我俾佢陣串燒嘅香氣沖昏左腦腦，二話不說充拎起menu就起勢叫野食。首先係前菜係醬油漬鮑魚片。柚子醬雞胸肉（半生熟），雞胸肉嫩滑多汁，配上清新的柚子胡椒醬，味道真係一流。雞皮外脆內嫩，油香四溢，每一口都咁滿足。雞頸肉味道濃郁，口感豐富，真係令人驚喜。雞肝處理得好好，滑溜香濃，完全冇腥味。牛脷細嫩入味，每一口都充滿肉香，真係一試難忘。 雞脾肉鮮嫩多汁，簡單嘅調味已經足夠令味蕾滿足。忌廉芝士玉子卷甜香濃郁，玉子卷柔軟同忌廉芝士嘅豐富口感真係完美結合。和牛沙朗肉質柔嫩，入口即溶，享受無比。 其他唔記得自己叫咗啲咩，淨係記得每串嘅質量同味道都好滿意!睇相算啦~最後食嘅係豚肉溫泉溏心蛋，蛋黃溏心好滑，加上豚肉嘅香味，簡直係絕配。雞軟骨脆口，每一口都令人欲罷不能。咁令人慾擺不能嘅串燒又點可以缺少一杯令人GUR哂嘅SAPPORO BEER呢。一淡冰爽嘅啤酒解解渴，配上呢啲美味燒物，真係人生一大享受！🍺 不得不提嘅係，呢度嘅服務態度真係超好，服務員非常親切有禮，廚師更加會親自介紹每一串燒物，令你每次用餐都好有感覺，同時了解多啲每道菜嘅背景同特點，呢個細心嘅安排真係令整個用餐體驗更加完美。 梵日本焼鳥無論食物質素定氛圍都超高，真心推薦俾鍾意燒鳥同日本料理嘅你，去尖沙咀一定要去試下，包你唔會失望！🎉…Read More

最近去咗一試店小二，真係唔錯呀！嗰度環境好靚，整潔得嚟仲有一種80年代大排檔嘅感覺，好有情調！✨我嗰次試咗幾道菜，第一道荷葉清酒蒸澳洲青口係。青口超級新鮮，每隻都蒸得啱啱好，鮮甜得嚟仲有淡淡嘅荷葉香同埋清酒嘅幽香，真係冇得頂！嗰種味道真係令人一試難忘！😋之後上嘅係避風塘爆茄子，哇，呢道菜真係驚喜！茄子外面炸得金黃酥脆，內裡卻係嫩滑多汁，配埋香脆嘅蒜蓉同辣椒，嗰種濃郁嘅風味，真係好正！🔥再嚟係蒜蓉素翅蒸扇貝，呢道菜真係清新爽口。扇貝好鮮美，蒜蓉味道濃郁但唔會搶味，素翅嘅彈牙口感同扇貝絕配，真係令人一試再試！👌最後嘅十三香炸子雞真係無得彈！外皮酥脆，肉質嫩滑，每一口都充滿香料嘅味道，十三香滲透得好均勻，令每一口雞肉都係咁美味！我一口接一口，完全停唔到口呀！🍗🤤總括嚟講，呢次喺北角嘅用餐體驗真係好滿意，環境好，食物又美味，值得推薦俾你呀！你快啲去試下，包你唔會失望！🎉…Read More

星期六同女朋友做左半日偽文青, 諗住就近近地同埋有好多人食梗, 諗住正啦~無死啦~ 就二話不說排隊入座. 呢間餐廳個MENU真係花多眼亂. 好多野都想試. 經過幾翻爭扎之後我同女朋友一人叫一個MAIN. 印度咖哩雞配脆香薄餅 $168 - 名就寫印度, 實質就港式咖哩雞飯.. 老實講個味道仲差過大家樂.. 脆香餅就得一塊.. 個餐名誤導性極高.. avoid.煲仔XO醬鮮蝦炒粉絲 $168 - 呢個反而幾喜望外, 好惹味之餘, 啲蝦都新鮮.最後都不忘叫返杯甜野 - 朱古力咖啡奶昔 $88 - 賣相打卡OK, 但個人覺得啲冰落太少, 整到杯野好杰..整體而言 - 無咩特別, 如果有其他選擇唔會考慮再入去食. …Read More

石門京瑞廣場係沙田茶飲嘅核心地帶當中都有幾間良心店同埋比較勁嘅店去做競爭同佢相比就真係會比下去🥲因為附近嘅都比佢有心思同埋好飲胡桃果奶蓋烏龍茶 (微冰微糖) $28 - 5/10奶蓋都份量都算多 但奶味唔出 唔夠細滑反而面頭胡桃果幾好食 有少少創意分加Max埋會好飲dd烏龍茶味唔太出 茶底比較普通整體不過不失 好一般葡萄鮮柚綠茶 (微冰少糖) $32 - 4/10店主建議少糖 佢真係做到好少甜但係柚子味入口太澀 澀到飛起 相信就算全糖都唔會令到成件事變好飲/飲落舒服葡萄柚味蓋過左其他嘅味道綠茶味唔係好出非常一般Overall: 4.5/10會唔會再去: 未必會再去幫襯🥲…Read More

好鍾意呢啲店家好有心思去整野飲 着重每一個細節雖然我未試晒呢一間舖頭嘅嘢飲 但係非常相信無論係茶類定水果沙冰系列都一定係數一數二嘅好飲點解只係得九龍灣同埋上環店🥲小編建議喺各區都要開返間 一定超級多人飲綿芝青森縣蘋果(少糖) $45 - 8/10芝士奶蓋非常濃厚 芝士味幾出 偏咸而且順滑我會話佢嘅芝士奶蓋同茶芝味嘅好似 所以都係數一數二好味嘅聽聞係用咗明治奶同埋澳洲芝士整出泥 用靚料整出嚟都自然正用日本青森蘋果加綠醇打成沙冰 酸甜適中仲食到少少果肉 Feel到真係攞咗一兩個蘋果連埋皮去打出嚟夾埋綠茶同正芝士奶蓋 真心perfect match!!綿芝白桃烏龍 $34 - 8.5/10芝士奶蓋就同我樓上講嘅一模一樣 非常正正常外面嘅白桃烏龍只係會輕輕咁有d香味 偏淡但係呢一間嘅真係有幾濃而清香嘅白桃味 烏龍茶底香濃好飲Overall - 8/10會唔會再去:即使少分店 我都會特登去 因為值得!…Read More

我諗一芳平時大家都成日飲 所以我就唔介紹啲普通野了今次介紹吓佢嘅季節限定嘢估唔到又真係幾好食幾好飲喺旺中掃街 食完熱氣野飲返杯水果茶 幾舒服芳脆雞蛋糕(黑糖粉圓味) $28/4件 - 7/10完全啱晒俾人打卡 佢個外觀就做返一個珍奶杯嘅形狀🧋幾鬆軟有蛋味 有少少喺台灣食雞蛋糕嘅感覺 質感外脆內軟黑糖粉圓煙韌 我相信佢哋嘅黑糖鮮奶 應該都唔會太差?!粗略估計每舊蛋糕入邊平均有6-9粒黑糖珍珠黑糖味幾出但唔會過甜依種雞蛋糕係香港來講都算係幾高質 尤其係熱辣辣食就好好食完熟椪柑水果茶(微糖少冰)$38 - 6.5/10佢最低甜度係半糖 甜度啱啱好 唔會過甜 小編幾鍾意佢嘅味道似係一芳原本嘅水果茶 但係加重左柑嘅味道 飲完會回柑佢茶底用左松柏青茶 飲到少少佢本身嘅茶味 都幾甘香飲完喉嚨好舒服!整體都唔錯!Overall: 7/10會唔會再去: 值得支持 試吓啲季節限定嘅嘢…Read More

終於比我食到了! 以前只有一間分店喺西環 位置比較唔方便但係依家石硤尾都有一間 相對就會方便左九龍新界嘅人去食成間店裝修風格好美式 啱晒俾人打卡同埋佢啲嘢食都砌到好IG able佢嘅Milkshake真係值得一試 飲完會令人有一種好滿足嘅感覺 非常邪惡唯一唔好處係貴咗少少 間唔中食一次就接受到 唔可以成日食Caramel Peanut Butter Real Bacon Milkshake w/ Whipped Cream $69 - 7.5/10皇者焦糖花生醬真脆煙肉奶昔杯milkshake入口嘅花生醬味好香好濃好鍾意佢哋嘅甜唔係死甜唔似外面其他飲幾啖就唔想再飲 甜到個喉嚨唔舒服嗰隻每啖都會有一粒粒脆既煙肉比你咬 鹹鹹香香嘅煙肉粒平衡返milkshake嘅甜膩整體真係幾好飲 令人一啖接着一啖係咁飲Rocky Road Milkshake w/ Whipped Cream $79 - 7/10石板街奶昔第一啖飲落口都幾香嘅朱古力味 但就唔係好濃郁嗰隻每一啖都飲到好幾塊杏仁片 有啲咬口幾得意加埋面頭嘅cream一齊飲 好肥仔好邪惡 但又幾好飲甜度都係同上面嗰杯一樣 唔會係死甜整體來講都係好飲 只不過俾我揀會揀樓上嗰杯 jeng ddFried Hot Chicken Burger w/ Cheesy Fries $89(+$10) - 7/10個包真係幾大個 細食嘅人要同人share!大大嚿嘅炸雞配埋佢嘅自家製芥末醬都幾夾幾好食個包做到外脆內軟 唔錯!另外薯條一定要叫埋有芝士版本!!勁香濃嘅車打芝士醬配埋薯條真係冇得彈Signature Pancake Burger $108 - 7.5/10有啲人唔鍾意將鹹食同埋甜嘅擺埋一齊但係小編就幾鍾意同埋覺得幾特別所以就比呢一個pancake burger幾高分佢有兩層樓流心燶邊太陽蛋 同埋兩大塊都幾厚實嘅Buttermilke味pancake重點係加埋啲楓糖漿食 真係幾好食Overall: 7/10會唔會再去: 佢哋嘅Milkshake真係好特別 值得一試啊…Read More

今日黎到元朗，放lunch黎左呢間「 稚」試一試佢～同同事一人一入，是日午市定食無加一！吉列豬扒定食 $62一捧到埋黎，我淨係feel到好多野食，視覺上好豐富囉！啲湯雖然唔係好大碗但用料十足，菇味勁香！小菜就選擇左日式炸芝士，外脆內流心，正！而個豬扒唔會炸到好乾，仲有兩款醬汁可以自由配用，一啖燒汁一啖mayo，你都咪話唔過癮！成個定食都feel到係用心之作。山賊豚肉燒定食 $72同事就叫左呢個用黑椒汁去炒嘅豚肉。係錯覺？我偷食咗佢一舊，然後我竟然食到有鑊氣！小菜方面竟就揀咗唐揚炸雞，同事話估唔到佢大大舊之餘，仲又脆又多汁，好食！下次黎元朗必須回頭！…Read More

返工要四圍出site，今次去到旺角，放lunch見到呢間台式料理就盲鐘鐘入左去。點知CP鬼咁高呀！我地分別喊左：香酥綜合便當 $65: 滷肉飯好食，唔會太咸，碎肉大有咬口，唔會得pat醬。啲炸物都唔算太油，熱辣辣食入口好正。香腸雖然油但好食，係咸甜既台灣夜市風味～仲有少少蔬菜，可以解油膩感。仲要係炒過，少許調味又好食的，唔係白洽。醬軟骨滷肉便當 $53: 醬軟骨滷肉便當既醬汁似係滷肉汁lol，但好食的。不過就厭佢肉質有點柴，唔係軟淋口感。每款便當配菜都一樣。芋泥肉鬆蛋餅 $36: 當其他餐廳都賣緊$4x既蛋餅又唔係特別好食既時候，呢間蛋餅簡直係曙光！佢有台灣最hit既芋泥肉鬆口味，好食之餘又平，完全令我忘記左佢其他食物既不足。芋泥壓成漿冇粒粒口感，覺得咁樣係搭ｄ！肉鬆入面係咸蛋黃，蛋餅皮有加蔥，平衡番芋泥同肉鬆既甜味，咸咸甜甜得黎又唔突兀，好好食！每人都加左8蚊跟餐個凍珍珠奶茶。碟碟都勁大份，超抵食！…Read More

前排好想食扒，行開老銅就好又有張6折discount cupon 所以就去左Ruby Tuseday試試佢。Triple Play 露比三合一拼盤 $418Wagyu Cheeseburger 精選和牛芝士漢堡 $278Premium Aged Prime Sirloin 特級Aged Prime西冷扒 $468Onion Rings 炸洋蔥圈 $118Strawberry banana mango smoothie $138味道: 4/5 (唔考慮價錢因素)只評論食物質素‼️露比三合一拼盤 $418: 半條排骨+炸雞柳+炸蝦+薯蓉+配菜。佢啲雞柳都好大舊，啖啖肉，夠厚實，啲蝦好彈牙。雞柳同配菜輕輕調過味，薯蓉有啲胡椒味，好食。條排骨啲肉好軟淋，一咬就散，但醬汁唔入味，只係一大pat淋係表面拎去焗。而且得半條排骨只係得三楷肉食。和牛芝士漢堡  $278: 舊肉好Juice，不過一咬就散，砌得唔實。然後⋯冇咩特別，個人認為個burger相當普遍，係平時$100-$120的質素，周圍都試到。整體係唔錯，唔會覺得舊肉特別高級/好食。薯條係真材實料，唔會得個殼，係實心薯仔，炸得幾好食，但偏咸。西冷扒Medium $468:五成熟黎講我覺得口感偏韌，好多筋同好漏既脂肪膏，難食過普通價位$2xx專食扒既餐廳。建議可以將呢道菜落架，唔好做臭個朵。炸洋蔥圈$118:好好食，但唔會係好食到要我比$118 ⋯⋯係好新鮮香甜既洋蔥味，而且厚實既，並唔係好薄一片。好鬼甜！係靚洋蔥黎！炸衣唔會好厚，而且唔油～Strawberry banana mango $138:佢個cookies味賣哂，唯有揀呢杯。味道幾fresh，新鮮水果製成，但對比cookies，都係差啲。好大杯，兩個人都飲唔哂。冷氣都唔細，愈飲愈凍⋯⋯雖然普遍黎講係唔錯，但正價黎食我會卻步～…Read More

前排同事喺咁話想食Lady M，難得早放就諗都唔諗一齊去食個Tea~值唔值見人見智，但CP值就一定低既。雖然市面上有好多聲聲「平價版LadyM」，但我試過就覺得味道質素上都仲有一段距離。所以佢貴係貴得有道理。千層蛋糕真心好食！首先呢個係高技巧又哂時間既蛋糕款式，仲要佢既cream既質地拿捏得唔錯，甜而不漏。平時勁怕食cream既姨姨表示可以自己砌哂一件細cake。餅皮整到好薄得黎又保留到應有既口感，唔會食落成口cream，可以咬到軟冧既餅皮，靚balance。口味黎講，首推原味，百吃不厭！其他口味都不錯，就算出限定口味都可以一試，差極有個譜。抹茶好香好濃，食落好似飲緊手搖咁，夠甜。桂花就比較清新，冇咩特別濃味，但就會突出左個甜味，食得耐就會覺得太甜。…Read More

今次誤打誤撞搵到間都ok好食既平價泰式餐廳，除左服務態度同衞生情況，總體而言都值得推介。食異地食外國菜就肯定貴架啦，不過呢間算係咁，價錢公道都大份，所以抵食。不過佢個價錢係唔包裝修/衞生/服務態度，燥底嘅朋友就avoidd喇⋯⋯入正題，我哋叫以下嘢食。菠蘿炒飯 $54香茅豬扒湯河 $38泰式豬頸肉飯 $60自選半打串燒 $72泰式三色冰 $22泰式珍多冰 $8野飲多數$22（梳打/茶/啡⋯）讚左先。你會見到好多食物都好大份，賣相都好睇，味道都好食。串燒冇得頂，佢燒嘅時候已經落左沙嗲醬，上枱可以再點花生醬（唔知咩名）本身已經好好惹味，然而個醬好食！牛肉好入味，但d筋都少許大舊。雞同豬都好嫩滑！因為姨姨唔食內臟，所以冇試其他，但試左呢幾款，相信其他都一樣好味！泰式特飲：好飲！好重椰奶味，我同姨丈都比較喜歡三式冰>珍多冰，因為珍多冰個餡有少少似藥水jelly糖入面包住馬蹄口味既野。相反三式冰係有大樹菠蘿同椰子食，yumyum!菠蘿炒飯好大碟而且唔孤寒！好多蝦、菠蘿、肉鬆，同大大舊雞肉！仲要係好食，啲飯粒粒分明沾哂黃薑粉，唔會太濕/乾。啲蝦極嫩滑！不過係有d腸未挑乾淨。菠蘿炒飯好食過豬頸肉～再彈下。我會話，食物水準都叫出色，但部分食物因應廚師心情而影響，一句講哂，靠運。點解咁講，因為食左兩次，第一次覺得湯河係出色的。第二次，碗豬扒湯河d豬扒柴過豆豉鯪魚⋯⋯環境就有待改進了，類似茶記裝修，所以清潔/衛生都係咁上下，而且泰菜多汁，濕炒多，容易食到周圍都係。地下會有痴笠笠既感覺，而且會有少許食物/垃圾係地同埋唔會抹枱抺得好乾淨。燒烤爐係舖外，而且對住馬路 (多車經過)，所以可能會有塵埃飛落食物到 (對食物衛生潔癖既你 可能就會抗拒) 。雖然枱同枱既間距唔逼，但枱櫈就比較細，櫈既間距又細，變相都幾逼。總結：平價好食泰國菜，只賣食物質素，不賣服務態度+衛生。…Read More

今日去到灣仔區出site，見門面幾靚仔就闖左入去。Lunch黎講算係咁，價錢落係$6x-$7x 一個飯跟湯/熱茶。打工仔日日都諗食咩，偶爾食下呢間可以換新口味。畢竟開係灣仔寫字樓/商店林立既旺區，價錢算ok架啦～如果係平日行街去食飯，我會話麻麻地仲好x貴。一個普通食量男仔食 份量應該岩岩好。特製吉列豬扒蛋包飯$68 配餐湯個日個海帶湯有啲太甜，可能咁啱失準⋯⋯個豬扒唔係原塊豬扒，係將豬肉攪碎然後合埋，好似漢堡包入面嘅豬扒嘅口感。外面嗰層炸衣超級深色 唔知翻炸咗幾多次或者炸完攤咗喺度幾耐。但係佢個咖喱汁都好食，可以揀辣或者唔辣。我叫咗唔辣，個咖喱咸中帶甜，其實都幾重口味。個飯有驚喜！係炒飯黎！入面有洋蔥紅蘿蔔 意料之外地好食！個蛋都幾滑。唔錯。配菜仲會跟醃蘿蔔。如果大家去食 建議嗌流心芝士漢堡扒～覺得呢個價錢，呢一區，肯定有更好既選擇，不過偶爾想換下口味都可以一試。總結:灣仔番工人士可以一試。…Read More

之前同女友黎左呢間位於灣仔鐵鐵燒試吓新嘢，食後之後一直都念念不忘，今日有時間就打返我嘅飯後感啦。我哋點咗呢度嘅套餐  「椿·席前鐵板燒」，除咗份量十足仲充滿驚喜！ 前菜 - 醃蒜 芝麻醬菠菜 蟹肉豆腐一上菜已經俾個擺盤精緻嘅程度吸引住，侍應仲好貼心咁教我們由比較淡嘅豆腐食起，最後先食酸蒜。同時都好欣賞料理師傅為客人精心配搭嘅呢個前菜組合。味道從淡到濃，就好似專登為呢餐飯拉開一個序幕咁。個人比較鐘意蟹肉豆腐，淡香嘅玉子豆腐加上鮮甜的蟹肉，after taste 個鮮味真係回味無窮。另外酸蒜個蒜味無我想像中咁重，反而比較偏酸甜，蓋過蒜嘅味道，食完都唔怕口臭。季節沙律除左醬汁多咗少少之外，食材都好新鮮，雞胸肉應該係慢煮處理，入口好juicy好滑。整體上味道都幾唔錯。刺身三款日式料料又點會少咗刺身，不過係鐵板燒食到咁新鮮嘅刺身又真係幾難得。每一款刺身都係厚切，每一啖嘅油香都令我哋有講唔出嘅滿足感。南非鮑魚非常新鮮，所以唔洗點落調味反而完美地呈現左海嘅鮮味白鱈魚煎得外脆內嫩，保持左肉汁。大蝦睇得出又係好新鮮，鮮甜而濃郁嘅蝦味又係食過翻噚味。A5和牛薄燒最期待嘅主角登場！ 廚師將炸蒜同蔥炒後，再放呢塊肥美的A5和牛包起黎。嫩嫩嘅牛肉充滿了肉汁，配上脆脆嘅蔥蒜，一啖食落口嗰種那雙重的口感…實在令我覺得人活著實在美好喇～和牛炒飯食到呢度菜，我哋基本上都已經好飽，所以就將佢拎走做第日Lunch！甜品 - 焦糖吐司 牛奶布丁呢道甜品係菜單入面無嘅，係「阪神」為顧客準備嘅小驚喜！ 吐司烤得好鬆脆，而且符合亞洲人嘅口味，唔會太甜。牛奶pudding 同樣都係唔會太甜，非常嫩滑，配上酸酸甜甜嘅藍莓同藍莓醬，平衡返牛奶嘅溜。呢餐飯雖然唔便，但份量同質量絕對對得起佢嘅價錢。成個格局又好feel，咁正嘅餐廳我又點可能淨係食一次。必定翻兜！…Read More