summer.wong的個人專頁

疫情之下大家都少左出街食飯，平時尖沙咀棉登徑一定會逼滿等位食飯嘅人，但今去到就見唔到咩人龍，唔洗等就有得食！作為牛魔王的我即刻拉埋朋友衝入去！牛魔嘅裝修係我好鐘意嘅地方，簡約有格調。而且每次入去都唔會聞到油煙味，證明佢地嘅抽風做得非常好。今次黎真係好想狂食肉！燒肉方面就叫左 香蔥牛舌，prime牛肋骨，同埋豚肉五花腩。牛舌爽口有肉汁，而最驚喜嘅地方係經理見到我地係燒烤新手，就主動過黎幫我地燒，仲教我地每種食材燒烤嘅要訣。服務質素滿分！講埋其他燒肉，牛肋骨醃得好香，一上已經見到靚油花！燒完中間好多肉汁，油香爆登係當日最滿意嘅菜色。而五花腩有送埋生菜同辣豆醬，好掛住韓國啊！肥肥的五花腩燒完真係好香，雖然佢無醃過，但feel到係好新鮮的肉加埋生菜，好完美食到成口油所以叫左杯柑橘梳打，入口清爽少少甜，唔鐘意飲啤酒可以試下。食食下肉我朋友話仲未飽，不如叫個辣海鮮烏冬。佢個麵質偏軟，食完好飽足！…查看更多

今餐同朋友食呢度dinner set,令人相當滿意！前菜：⭐️蜜桃紅火龍果蜜瓜沙律和日本黑豆亞塔子伴吉列天貝酸酸甜甜開胃，等你ready食d濃味野！仲要咁豐富，睇得出比左心機係前菜，絕不馬虎。湯品：⭐️黑松露淮山桃膠忌廉濃湯黑松露加忌廉認真絕配，無比香濃。⭐️鹿茸菌冬瓜黃耳竹笙百合雪蓮子燉湯足料滋補中湯，熱辣辣，養生一流！手卷：⭐️蘆筍素香鬆苜蓿芽手卷清爽口感同味道，非常light，幾impressive!⭐️香芒牛油果苜蓿芽手卷 。爽脆配上香甜芒果同牛油果，真係perfect match！主菜：⭐️牛油果南瓜紫薯藜麥焗千層闊麵營養滿分，味道同一般千層闊麵好似，口感都係，好正！芝士味又香！⭐️白松露粒粒意粉酥皮盒配苔菜三絲脆卷非常新鮮的配搭，意外地好味，粉粉意粉配酥皮原來係咁好味！甜品：⭐️玫瑰荔枝千層班戟玫瑰同荔枝味好爽，cream清香又唔會太甜，讓人一口接一口，必食！⭐️紫脆金迷濃濃的香芋味，不錯！ …查看更多

本身好中意食韓式湯飯😙係openrice見到好多好評就走去試試。環境完全為打卡而設，中意打卡絕對可以黎呢度！叫左個平時香港好少食到的薯仔豬排骨湯，佢個味道好特別 ，同我地平時食開ge的味道好唔同，睇佢湯唔會覺得佢係辣，但食落小小辣好開胃，好似話佢係韓國醒酒湯。加上佢d豬排骨都夠冧，又多肉，非常唔錯！另外叫左個炮菜蒸餃，好中意佢個皮超級薄！入包係肉碎同泡菜，非常香辣，好好味！其實唔洗點個汁已經夠味，點左反而小小咸。真係超唔錯！…查看更多

之前經朋友介紹去左尖沙咀焱丸水產食飯，果然非常唔錯，食到飽飽！咁我地就叫左麻醬蕃茄豆腐沙律、刺身三盛、鮑魚殼燒、帶子殼燒、焱丸號壽司、轟炸雞&北海道海鮮炒飯。先講麻醬蕃茄豆腐沙律，酸酸甜甜非常開胃，不錯吃。刺身三盛就有三文魚、鰤魚、帶子。我特別中意佢d刺身，新鮮又厚切，份量十足，而當中的帶子刺身特別鮮甜，下次會再叫。蟹味噌甲鑼燒和黑松露蟹肉甲鑼燒各有特色，蟹膏味道極極極香濃，在蟹殼中燒烤過後，混合的鵪鶉蛋、蟹子、蟹肉更鮮味，即刻想叫個白飯整個拌飯！鮑魚殼燒與帶子殼燒都加左白酒烤，入口滿滿鮮甜，搭上酒香，絕對一試難忘。呢個焱丸號壽司非常特別啊，有海膽有魚子有蟹肉，又係大大件，好正啊。轟炸雞個名好搞笑，所以叫黎試試有幾轟炸，個外皮唔會過厚，內裡夠多汁肉嫩，不錯食到北海道海鮮炒飯已經感到飽飽，佢個飯有濃濃胡椒味，幾特別我地叫左白桃燒酎，甜甜的好易入口…查看更多

個人覺得呢間餐廳相當唔錯，誠實推薦比大家。Set dinner for two 已經食到兩個人都飽哂。首先，秘製龍蝦湯味道濃郁，每一口都充滿龍蝦味，下次都會再叫。前菜方面，涷八爪魚配牛油果蕃茄醬幾特別，小巧的八爪魚鮮味十足，配合牛油果蕃茄醬，別有一番風味。而煎北海道帶子配波蘭汁非常不錯。帶子新鮮，而且非常彈牙，煎過的外層特別香口，入而爽嫩，配上獨特的波蘭汁，出乎意料之外。主菜方面，西班牙豬扒配香菇意大利飯的豬扒每一口都有肉汁，非常好吃。而香菇意大利飯同坊間的有些不同，香菇味更濃郁。而新西蘭鱈魚柳配泡菜茨茸帶給我無限驚喜，鱈魚外面小小脆，但肉質有彈性，鮮味十足。泡菜茨茸超高水汁，味道好夾。最後有薑味雪糕，士多啤梨同埋cream，都不錯…查看更多

呢間真係食完好想再食，同朋友行開大圍，無意中發現佢，就入去trytry。我地叫左個二人餐。前菜方面我地揀咗鵝肝伴沙律+火腿配蜜瓜。 個人覺得個火腿配蜜瓜好正，密瓜鮮甜、配合咸咸的火腿，非常match。而鵝肝煎得剛好，一d腥味都無，入口即溶，超正。我哋揀咗龍蝦湯，呢個龍蝦湯同其他餐廳好唔同，食得出係好真材實料，唔係罐頭湯，香濃順滑，不錯！而主菜我哋揀咗肉眼扒+青醬鮮蝦寬條麵。牛扒帶有油香，剛好5成熟。連芝士焗薯都好正，食到唔停口。好中意個寬條面個調味，加上d蝦又大隻又爽口，好滿意。到最後甜品，估唔到呢度的甜品都一樣咁正，除左有3款，仲要每款都咁好味。個人最中意有焦糖燉蛋。而朱古力慕絲都不錯，超順滑。食埋朱古力布朗尼真係飽到不得了！…查看更多

同朋友興祝，佢中意食海鮮，就帶左佢黎呢間好出名的搖搖海鮮袋。我地叫左餐湯南瓜湯，佢味道淡淡的，加埋個包，個味道好match!叫左個Lobster Combo,我地揀左個辣味汁，佢入面有薯仔，龍蝦，蝦，章魚仔，腸仔等，加埋個汁，超級惹味！佢d 海鮮好新鮮，樣樣都淡淡肉，勁正！呢個蟹餅Louisiana crab cake真係不得了，佢真係用蟹肉整，啖啖蟹肉，真係好surprise!味道一流！不得不講呢個Focaccia Bread點個lobster combo個汁，真係超級超級夾，好味，叫combo必叫！Rose Lychee Mojito我朋友勁中意，經典又好飲！我就中意呢個Pina-Coloada，酒味唔濃，易入口，女仔飲就啱哂！…查看更多

想食台灣野，就同左朋友黎呢度，叫左紅燒牛肉麵，三寶麵，鹽酥雞同兩杯野。牛肉麵湯底濃郁，好香。蘿蔔同牛都好淋，索哂湯的味道，好正。好中意佢有免費酸菜，任加，同個湯好夾，加左好食，係另一種風味，一定要試！另外叫左個三寶麵，有牛根牛肚牛肉，一次過滿足你想食唔同牛部位的需要!鹽酥雞整得幾好，咸度剛剛好，食到我同朋友唔停口。黑糖珍珠凍鮮奶唔太甜，好香黑糖味，不錯！起司奶蓋茉莉花茶個奶蓋同花茶原來都幾夾。幾得意！…查看更多

餐廳裝修有日本風味，座位寬敞，而且店員服務唔錯，會主動添茶同收碟。檸檬蜂蜜秋海所謂秋海其實係日本清酒溝果汁，雖然外表似普通冰水，但飲落檸檬同蜂蜜味道都足夠，相對下酒味唔濃，平時少飲酒都會鍾意。串燒五款串燒set原本包括豬腩串、帆立貝、免治雞肉棒、蕃薯仔，同雞翼串，但店員話雞翼無貨，所以轉左做煙肉茘枝。一試之下煙肉同茘枝比我想象中更加夾，成為當晚最驚喜菜色。白鱔串+雞軟骨串白鱔串油脂充足，入口外脆內嫩，肉質結實。雞軟骨調味足夠，下酒一流。雞泡魚干雞泡魚干燒到香口，亦唔會好似其他餐廳咁燒到乾晒，係相當唔錯下酒菜。明太子雞蛋卷雞蛋卷軟嫩唔會overcook，有蛋香，可惜明太子份量偏少，唔太食到明太子香味。壽司set壽司set有三文魚、油甘魚、吞拿魚、帆立貝、紋甲魷魚、北寄貝、海膽、牡丹蝦。魚生質素唔錯，牡丹蝦肉厚鮮甜。可惜壽司飯無落壽司醋，只有少少甜味，無法以壽司醋酸味引起魚生鮮味。豬骨湯海鮮鍋海鮮份量豐富，而且全部海鮮都好新鮮。煮熟海鮮後，豬骨湯湯底會變更鮮甜，非常好飲。蜜瓜小丸子小丸子中間有橙/柑桔味夾心，幾特別。雪糕、小丸子、紅豆，同其他配料加埋口感豐富。抹茶心太軟心太軟完全overcook，中間無一絲流心，唔推介。…查看更多

想食台灣菜，上網搵到呢間，就同frd 黎。我地嗌左台式滷水拼盤，嘉義蔥酥雞肉飯，藥膳孜然湯火鍋，阿華田豆漿同埋黑白珍珠豆漿紅茶。先講下個滷水拼盤，入面有豆腐，滷水蛋、牛腱，同埋雞中翼。全部都滷得好入味，而且唔會太淡太咸，味道剛好。佢溫度也剛好。個嘉義蔥酥雞肉飯蔥絲好正，好中意佢個醬汁，好香好味，佢擺盤又好靚，好唔錯！ 我起仲嗌左個一人火鍋。但佢有好多料，有豆腐，丸，牛肉，鮮蝦，蛋餃，血糕，菜，同米粉。湯底係藥膳孜然湯，好有台灣食藥膳的味道，好懷念。佢有少少辣，好惹味！阿華田豆漿好搞笑，飲的時候就插雪糕（其實條冰）落豆漿入面等佢融化。仲有杯黑白珍珠豆漿紅茶，好好飲！…查看更多

最近有睇下韓劇，睇到入面的人食韓燒，搞到自己都好想食，所以就約朋友一齊去食。我地兩個人嗌左個豬肉套餐，已經好夠同好飽👍👍係幾唔錯。個豬肉套餐有護心肉，五花肉，豬排骨，蝦，香腸等，仲有步隊鍋，好豐富。好中意個部隊鍋，佢唔算好辣，但好個都幾好飲。佢d料都足，夾埋面好正！食食下韓燒膩的話，食翻啖面好爽。樣樣材料都夠新鮮👏鍋邊蛋同前菜都無限加！好中意個鍋邊蛋！仲有護心肉，完全係今晚亮點，真係好唔錯，肉味夠香夠濃，真係好中意！用生菜包住d護心肉，再加其他前菜，一啖咬落去，真係好夾好好味！蝦又夠新鮮！下次應該會再黎食！…查看更多

平日得閒放假無野做，其中一間最中意去既地方就會係ikea，真心好中意呢度既野食。今次又係行完ikea，覺得好肚餓，所以心郁郁好想食，而我朋友咁岩都話想食，所以係度食晚餐啦！今次叫左好多野食，有肉丸拼薯仔，有薯格，有波菜煎餅，有龍蝦芝士麵，同牛扒。叫左都幾多野食，食完又係飽飽。好中意佢個肉丸拼薯仔無退步，個汁同埋材料仍然一樣好食。個薯格就無咩特別，脆脆地幾好味。我最中意個波菜煎餅，一d都唔會膩，好香濃，好好味。個龍蝦芝士麵個芝士都好濃郁好重芝士味，不過個龍蝦d肉就比較少，相對上被芝士蓋過左咁。而牛扒就真係生過頭，搞到無食晒全塊，今次個火候掌握得一般。不過我都係好中意食呢度既野。…查看更多

有時候，真係會唔想諗去邊度食乜野，所以今次交比我d朋友去諗下食乜好。佢地就話要黎食呢問，甘就同左幾個朋友一齊黎左。佢地到先，一黎，就見到高台高椅，佢地揀左黎坐，成晚感覺好chill，大家一路食一路傾心事。我地嗌左唔同的串燒，款款串烤都燒得好好，好入味，但又無燒過頭，所以非常唔錯。仲叫左炸黃金薯條，個炸薯條炸得好好，外脆內軟，咸淡適中，我本身好中意蛋黃，而佢每一條薯條都好有蛋黃味，所以我地幾個勁快食完，因為真心正。…查看更多

同朋友去完mega box，開始好肚餓，見到呢間好似幾抵玩，所以就入黎試下，同埋因為都算早，所以唔係等左好耐，就好快有得入坐。二人餐有皮蛋凍豆腐，我嗌左個滷水拼盤，口水惹味雞，雲腿菜肉餛飩雞鍋，香茹肉燥飯。好多野食，食到勁飽，每人百頭有找，幾唔錯。先講下我最中意既雲腿菜肉餛飩雞鍋，佢真係好香，d料又足，個湯又好飯，配飯真係一流!!佢個滷水有蛋豆腐，蘿蔔、牛腱同雞翼，樣樣都好入味！個肉燥飯都唔錯！咸淡適中！個口水雞都幾正，d肉好滑好嫩！個豆腐好大舊，皮蛋夠味，唔錯！…查看更多

聽朋友講話呢間野幾好食，就黎試下，不過佢條隊都幾長，都要等幾耐下先有位，如果肚餓，就唔建議黎呢度。同朋友一齊食飯，但係唔係話真係好肚餓，所以就叫左一客意粉同d甜品。先講下個海膽意粉，唔係真係咁好食haha，因為有d怪味，d海膽唔算好新鮮，而食完上面個d海膽，下面就變番一般既意粉。另外，嗌左個甜品combo，有焦糖燉蛋，雪糕同埋拿破崙。都幾好味，甜品反而幾唔錯，焦糖燉蛋好香，入面好滑，d甜品賣相又好。甜品就真係幾滿意既！…查看更多