呢間真係食完好想再食，同朋友行開大圍，無意中發現佢，就入去trytry。
我地叫左個二人餐。前菜方面我地揀咗鵝肝伴沙律+火腿配蜜瓜。 個人覺得個火腿配蜜瓜好正，密瓜鮮甜、配合咸咸的火腿，非常match。而鵝肝煎得剛好，一d腥味都無，入口即溶，超正。
我哋揀咗龍蝦湯，呢個龍蝦湯同其他餐廳好唔同，食得出係好真材實料，唔係罐頭湯，香濃順滑，不錯！
而主菜我哋揀咗肉眼扒+青醬鮮蝦寬條麵。牛扒帶有油香，剛好5成熟。連芝士焗薯都好正，食到唔停口。好中意個寬條面個調味，加上d蝦又大隻又爽口，好滿意。
到最後甜品，估唔到呢度的甜品都一樣咁正，除左有3款，仲要每款都咁好味。個人最中意有焦糖燉蛋。而朱古力慕絲都不錯，超順滑。食埋朱古力布朗尼真係飽到不得了！
