radarater's Profile

咁啱行過海防道時見到廣告牌，就嚟咗呢一間喺樓上嘅泰菜，上到去嘅環境同想像中超唔同，都幾開陽同好有情調，唔講以為係西餐廳🤣泰式啖啖蟹肉蟹膏炒蛋配薄餅（$268）蟹肉份量真心幾多，蟹膏味唔算好重，但係配埋蛋食就突出到鮮味，配埋烤得微脆嘅薄餅味道好夾！酸辣青檸明爐魚（$248）烏頭魚下面有爐一路㷫住，食到熱辣辣！魚嘅肉質都算細嫩，個湯底酸辣度偏辣，青檸香氣幾出，入面料好足，店員特登提我哋最後先食粉絲，麵條吸晒啲湯汁夠晒清爽開胃！😋 🔥泰式生蝦（$128）生蝦好新鮮，一定要點埋泰式辣汁👍🏻泰式蝦醬炒飯（$128）不過不失，蝦醬味夠香，飯粒偏濕🙈串燒沙嗲牛（2串）（$38）千層糕 （$48）店員特別推介店舖自家製嘅泰式風味Cocktail😙Sandalwood Sip（$108）睇得出好有心思，仲配埋荔枝，帶有特別嘅木質香，飲落去有種成熟穩重嘅感覺，幾特別！不過朋友就唔係幾飲得慣🤣Cobalt Blossom（$108）漸變色好靚！酸酸甜甜、清新嘅果香Feel！🌸…Read More

一入去就有少少以前大排檔Feel！環境裝修好樸實，周圍都黐滿咗一啲令人有共鳴嘅小巴牌句子✨全部嘢食都係即叫即燒，食落熱辣辣♨️串燒二人餐 ($238)性價比超高！呢個餐包咗鹽燒雞中翼串x1、燒蜜糖腸串X2、燒牛柳粒串x1、燒五花肉2串×1、日本芝士流心年糕x1、燒八吋大虎蝦隻x2、燒杏鮑菇串x1、燒翠玉瓜串x1、荔枝烏龍茶x2，一定抵過散叫！🤩最驚喜嘅係日本芝士流心年糕，年糕軟糯，中間芝士會流心，甜甜鹹鹹幾好食！😋仲有隻八吋大虎蝦，蝦肉紮實彈牙，食落好滿足！其他就不過不失🧐另外我哋仲單點咗幾串，全部都揀咗微辣，質素都唔錯！燒白鱔 ($48)強烈推介！白鱔皮燒到極脆，肉質真心幾嫩滑，出色！🤤燒安格斯牛小排串 ($48) 牛小排油脂分布平均，肉質軟嫩帶有油香，味道唔錯，質素真心幾唔錯👍🏻燒雞全翼串 ($40) 微焦嘅雞翼一咬落去就爆汁，正！鹽燒雞皮 (2串) ($28)好香口，味道不過不失~整體份量好足，質素唔錯，美中不足嘅係套餐內嘅串燒肉質略嫌普通咗少少，食落唔算好有驚喜🫣…Read More

最近同朋友去咗尖沙咀一間位於酒店叫The Pearl 嘅樓上鋪，餐廳燈光暗暗哋好有情調，充滿着微醺氣氛，嘢食同酒都好有驚喜！🫶🏻📍前菜Ceviche Tuna Salsa ($68)清新醒胃！新鮮吞拿魚配酸甜嘅蕃茄沙沙，嗰底仲有塊香烤鱸魚脆片，加埋少少黑醋汁，口感同味道都好有層次感！👍🏻Garlic Prawns Conflict ($88)橄欖油味好香，大蝦勁Q彈鮮甜，配埋烤過嘅小多士，蘸埋啲蒜油同加埋炸蒜片一齊食，超惹味！😋📍主菜Risotto with Isoyaki Abalone ($288)磯煮鮑魚燉到勁軟熟，飯就煙韌得嚟又夠creamy同入味，食到菇菌嘅香氣同高湯精華，唔錯~😙Iberico Pork Loin Rack ($188)厚切慢煮豬鞍，食落有少少嚡，不過配埋酸酸甜甜嘅醬汁就好平衡彌補番🙏🏻📍飲品En / Tre / Mets ($140)Entremets喺法文可以解作精緻嘅甜點，呢杯Cocktail就同佢嘅名字一樣，飲落去有多重層次感✨頂層厚厚嘅泡沫聞落有淡淡嘅蛋白清香，飲落品嘗到蛋白嘅輕盈感，再滲出少少抹茶嘅味道，都幾獨特！仲有種沉穩嘅木香，鍾意飲偏濃味cocktail嘅朋友仔會比較中意😗Passionate Night ($100)呢杯Mocktail提子汁加熱情果糖漿調製，酸酸甜甜超開胃超易入口！😍…Read More

同朋友嚟到旺角東附近搵食，搵到一間叫鮮丼家嘅日式小店，位置唔算顯眼，不過去完之後真心覺得佢哋整體性價比超高，食物份量好足，質素都好好！😍什錦壽司（上） ($188)一上枱已經覺得好抵食超滿足，啱晒我呢啲有選擇困難症嘅人！呢個壽司拼盤嘅用料好豐富，有齊：三文魚腩、火炙三文魚、八爪魚、吞拿魚、鰻魚（各2件），仲有海膽、帶子、三文魚籽、有頭甜蝦（各1件）同埋反卷（3件）。特別鍾意佢嘅三文魚腩，食落油脂香好夠！最開心係連海膽同有頭甜蝦都有，食材都幾新鮮！😋海陸一品鍋（2人前）($198)我哋揀咗壽喜湯底，呢個鍋份量都幾大，兩個人都唔係幾食唔晒！主食方面，肉有牛肉片、豚肉片、雞肉，海鮮有蝦、青口、帆立貝、廣島蠔。配菜方面有娃娃菜、金菇、冬菇、豆腐、竹輪、芋絲、鳴門卷。仲配埋白飯兩碗、麵豉湯兩碗同前菜兩客。湯底甜甜地好開胃，帆立貝都幾大粒幾新鮮，食到最底，娃娃菜吸晒肉、海鮮同埋其他材料嘅精華，超鮮甜！食完之後成個人都暖笠笠，份量同性價比都超高！😎炸花枝丸 ($25)三件餐前小食我哋叫咗份炸花枝丸試吓。佢外層炸得幾酥脆，雖然彈牙，但都幾乾身，食落去不過不失🫣…Read More

佐敦出名多隱世美食，冇諗過喺度都見到劉興記！之前喺旺角食過幾次都勁鍾意佢嘅爆汁生煎包😍呢間舖頭最出名嘅係食生煎包，我同朋友仔嗌咗幾款生煎包試吓！食生煎包溫馨小提示：要先咬一個細細嘅洞，飲一飲湯汁，先好繼續咬落去，否則啲汁會爆到周圍都係🤣🤣(朋友仔一個唔小心，咬到啲汁周圍都係😶‍🌫️😶‍🌫️)經典生煎包 (配套餐)每次食都覺得係最好食嘅生煎包！真係可以用皮薄餡靚、外脆內軟嚟形容🥹咬開門口都係肉汁，超Juicy！😻肉質唔使講，非常之鮮甜👍🏻👍🏻蟹黃生煎包 （兩隻） ($38)雖然蟹黃味道唔算好濃，但係食落去都會feel到有啲蟹黃！蟹黃嘅甘香同鮮肉嘅肉汁好夾！瀨尿蝦生煎包 （兩隻） ($28)呢款瀨尿蝦生煎包食落甜甜地，不過就好似唔係幾食到瀨尿蝦嘅味道🤔招牌炸雞扒菜飯加生煎包 ($54)講到食上海嘢，菜飯就唔少得㗎啦！不過今次就有啲失望啦，啲菜飯有少少硬，慶幸雞扒炸得都好香脆又保留到肉汁！👐🏻招牌炸豬扒配拌麵加生煎包 ($54)拌麵調味同麵質啱啱好！上面仲配咗啲乾蒜同蔥粒，加埋炸豬扒嘅香脆都幾有口感！值得一提嘅係呢間舖頭嘅豆漿可以無限添飲！係一個意想不到嘅小驚喜！🥺🥺…Read More

之前lunch嚟過一次，感覺唔錯就帶朋友嚟dinner！份量真係超級多，女仔通常可能未必食得晒，調味好足，除咗自己本身嗌嘅配菜之外，入邊都超足料，性價比好高！！涼拌米線米線（凍撈）小辣 ($88)金獎腩肉（微辣）+$9滷水豬大腸 +$9鹽香手撕雞 +$15滷水雞翼 +$9（凍）豆漿 +$8一次過叫晒自己鍾意食嘅餸🤤之前嚟食過lunch，試咗凍撈薯粉，今次就試吓米粉，食落嘅質感好唔同，軟身之餘都好彈牙！今次encore金獎腩肉，依然都超入味好軟腍！豬大腸冇異味，滷香超濃郁！個人覺得鹽香手撕雞就相對上普通，可能因為有麻辣手撕雞做對比，覺得味道唔算好出🤔1人餐酸辣小鍋米線 BB辣金獎腩肉（微辣）牛肝菌（微辣）+$3魚皮餃 +$9（凍）豆漿 +$3都好大碗🤣BB辣啱啱好，少少辣吊吓味！超多酸菜，辣度啱啱好！第一次試牛肝菌，食落爽爽地酸酸地🧐藤椒魚皮 ($25)好爽口，辣度啱啱好，麻得嚟好過癮，唔太食得辣嘅朋友都handle到！麻辣手撕雞（細）($8)細細份啱晒過吓癮👻椒鹽炸燒賣（6粒）($12)椒鹽炸魚蛋（6粒）($12)相對上乾身，外面有啲椒鹽，炸燒賣幾有特色，可能因為魚蛋本身已經炸過，食落又唔覺同普通魚蛋好大分別🫣生菜（$20）…Read More

啱啱遲咗收工，就同朋友約喺中間點食一食飯，冇諗過成夜晚九點，都keep住有新客入嚟食餃子！食完就真係知道點解咁多人慕名而來😋龍鳳松茸雙餃（跟湯）(8件) ($92)今日最愛！先飲一啖送埋嘅湯，feel到落咗重料嚟熬製，淡淡都好清新健康，再配埋落足材料嘅餃子，每一嚿入邊都食得出有松茸同少少黑白松露嘅味道，配埋豬肉簡直係絕配！真心大推薦！！！香煎軟心芝士煎餃（大碗）(10件) ($69)雖然Menu寫住要20分鐘先整好，但係其實等嘅時間並不耐！煎到脆卜卜，一咬落去，完全有拉絲嘅感覺，差啲比啲芝士焫親🤣入面嘅配料相對就普通啲，主要為粟米同豬肉😗四川涼皮 ($33)啲麵質都好彈牙，仲見到好多嘅辣椒粉同花生粒，小辣都好辣🤣蜜錢雞翼（小） ($25)應該熬煮咗好耐所以食落甜甜地好入味！肉質都幾嫩滑，骨肉好易分離！蜂蜜檸檬薏米水（支） ($28)清清哋唔會太酸，底下仲有好多薏米超足料！…Read More

新蒲崗出名多隱世美食，咁啱放假去開附近參加工作坊，完咗周圍覓食，行到去越秀廣場附近就見到呢一間Pizza店！Asahi朝日啤酒1罐（買一送一）$29見到餐廳嘅裝飾寫住「有酒有故事」，當然要叫返幾罐啤酒嚟送炸雞，咁啱撞正買一送一，啱啱好一人一杯！🤓熱情如火 $138 （中）新鮮焗好熱辣辣！仲有芝士拉絲添🤤食落唔算好辣，係我好鍾意蕃茄、肉粒同埋西班牙酸瓜嘅配搭！😍 雖然話就話係厚批，不過配埋蕃茄醬同其他配料唔會話好濟！🔥台式辣味炸雞 (4件) $78 炸得啱啱好，外脆內軟勁Juicy，完全唔比大型炸雞店嘅炸雞失色！驚食到濟嘅話旁邊仲有一堆沙律菜~ 略嫌唔夠辣🤔檸檬惹味烤雞 (1件) ($21)烤雞上面塗咗一層蜜糖，好似仲有少少柚子味，再擠啲檸檬汁喺上面，食到勁清新！有驚喜！🤤Overall呢間Pizza店嘅食物都幾高質！價錢都尚算合理！…Read More

同朋友做完運動，梗係想食餐好！😋特登嚟到裕民坊呢個花園嘅位置，坐得舒舒服服咁嘆個靚tea~澳洲肉眼牛扒 配紅酒燒汁 配沙律 ($138)肉質非常嫩滑，入口真係有差啲即融嘅感覺，以呢個價錢食到咁高質嘅牛扒算難得！😙柚子雞翼（3隻）配薯條及沙律 ($48)唔算太甜嘅柚子味，食落去都幾開胃，薯條量都好多！😍朱古力心太軟配雪糕 (+$48)比想像中細舊，上菜時已經裂開咗，啲朱古力醬流晒出嚟，有啲可惜🥲Oreo奶昔 (+$26)大大杯加埋cream真係好邪惡！相對上淡味啲，奶味較重🙈芒果沙冰 (+$26)非常清爽，解渴一流！個人感覺甜度啱啱好👍🏻…Read More

屋企附近最近開咗間烤魚店，地鐵站一出行一兩分鐘就到，遠望店舖顏色非常搶眼，入面嘅裝飾亦加咗唔少潮語，非常貼近時下年輕人😎入座嘅時候仲送埋炸麻花條，食吓食吓都幾上癮🤣蒜香酸菜味烤魚 江團魚 小麻小辣 $358+萵筍片 $28嚟到烤魚店梗係要試吓最出名嘅烤魚！屋企人唔太食得辣，所以就嗌咗蒜味。特登揀咗呢一款餐廳特別推薦嘅魚，魚質非常嫩滑，超入味！😛入邊嘅配料亦好豐富，有芽菜、黃芽白等，我哋仲另外加咗萵筍片，份量算多，兩個人食都幾飽肚🙈但係亦都係因為配料太豐富，放耐咗有啲鹹同太濃味，好彩有叫飲品調和吓🥲胡椒豬肚雞米線米線 $68+招牌牛舌 $15屋企人比較鍾意，相對上清淡，湯底亦好濃郁，面質好煙靭。仲另外加咗個牛舌，不過同想像中有啲唔同，薄薄嘅一片，同平時出面食嘅牛舌感覺有啲唔同🤔烤雞腎（2串）小辣 $25味道好夠，落咗好多孜然粉，但係略嫌有啲乾身烤豆皮（2串） $15唔太推薦，可能平時食嘢比較清淡，呢款烤豆皮比較甜，外裏面包住蒜味，個人唔係幾食得慣🥲百香果益力多 少甜 少冰 $36椰果+$6好足料！食烤魚必備嘅飲品👍🏻加埋椰果更有口感！…Read More

難得約到好忙嘅朋友，點知朝早紅雨幾驚要cancel我哋嘅約會😢好彩雨過天青，最後都成功試吓呢一間Bookmark咗好耐嘅餐廳😎🥹餐廳四周都放滿左日系嘅裝飾，有啲櫻花、亦有好多宮崎駿嘅海報，讓客人尤如置身於日本🇯🇵芝士蟹肉玉子燒 $78一睇就知道係招牌菜！玉子燒上面用茄汁寫上「深宵」，一切開仲未完全凝固嘅蛋汁緩緩流出，入面加入蟹肉同芝士，全部都係我最鍾意嘅食材！😍食落去當然冇失望，開頭都驚芝士配蛋會有啲濟，但係食落有茄汁同埋蟹肉調和下完全冇呢種感覺！👍🏻名古屋雞翼（3隻）$42即炸好超惹味！炸皮有啲特別，食落唔會覺得太熱氣，仲有少少調味🤔蟹肉海膽炒飯 $88好出色嘅炒飯🤩無諗過以呢個價錢都可以食到海膽😛非常足料，飯炒得乾爽，味道啱啱好，略嫌蟹肉味道唔算突出🥲汁燒鱈魚櫻花蝦石鍋飯 $98望落有啲似福建炒飯🤣鱈魚好新鮮，加咗燒汁成個飯甜甜地濕濕地，不過味道相比下就有啲失色🙈大蔥雞肉串（1串）$32不過不失~凍柚子茶(凍）$30整體而言，味道令人驚喜，睇得出餐廳好用心咁特登搵唔同日系嘅擺飾嚟滿足客人！🥹…Read More

難得同呀媽出去食飯，梗係要揀間啱佢心水嘅餐廳🤩呢間餐廳滿足到佢幾個願望，又可以叫火鍋，又可以叫私房菜，最後佢就集中嗌火鍋😆提早預訂位置仲有八八折添！喺未揀湯底之前，店員已經好貼心咁攞定調味盤出嚟，調味料選擇都好多，可以調製到最啱自己嘅醬汁❣️火鍋湯底選擇都好多，有麻辣鴨血鍋、芫荽皮蛋鍋、沙嗲濃湯鍋、鮮茄雜菜鍋，單款或雙拼都得，我哋就叫咗麻辣鴨血鍋、芫荽皮蛋鍋，又清淡又邪惡😈湯底料都超豐富，鴨血煲入面有鴨血、豆腐，而芫荽湯除咗芹菜之外，，仲有好多件皮蛋、瘦肉等，齋食湯底料其實都飽飽地🤣由於我哋唔算太肚餓，就主要單點，散點嘅選擇都好多，可以滿足晒我呢一個食肉獸👾爽滑豬頸肉 ($58)未煮熟之前肉呈乳白色，食落唔覺好肥唔會好膩，不過不失紐西蘭羊片 ($78)食落去完全唔覺得羶！可能因為煮得耐得滯，煮熟咗之後比想像中細塊🤣鮮雞件($68）雞肉嘅肉質非常嫩滑，餐廳所提供嘅雞件亦都好多肉，食落啖啖肉好滿足😂不過相對可能因為腌嘅時間較短，肉味冇想像中咁重日本稻庭烏冬($28）吸收晒湯底嘅精華，麵質彈牙總括而言，肉嘅質素都非常之好，肥瘦分明，亦都超愛佢個湯底🤩可惜份量相對上比較少，不過對於我哋今日唔算太肚餓嚟講就啱啱好🙏🏻…Read More

雖然天氣開始熱，但係有時候都會突然想嘆住冷氣食啲熱辣辣嘅嘢🌶🌶同個friend聚下舊搵吓旺角有咩食，唔想次次食米線咁頹，就揀咗間粉紅色幾靚嘅餐廳💕💓💗我哋早食飯六點幾七點，唔算太多人，餐廳座位都好舒服👍🏻兩個人叫咗一個烤魚，再加一碟小龍蝦酸菜烤魚可以揀辣度，魚肉幾鮮滑，酸酸辣辣有啲腐皮喺入面，魚肉又索晒啲汁幾好味😋麻辣小龍蝦就真係好辣🥶但係啲肉好飽滿，除咗個殼，連啲肉都吸晒啲麻辣汁好入味😍正😛食物唔錯環境舒服服務都好好❣️整體中上，可encore👍🏻👍🏻…Read More

之前疫情都冇機會去台灣，突然有啲掛住當地地道嘅香腸同小食🥹於是今日叫咗個自家製台式烤香腸同蒜香麻辣豬耳朵食，台式香腸的伴菜非常吸引，香腸亦都好香口，個人認為無得輸，而豬耳花生青瓜蒜香配搭亦都得宜👍🏻嚟茶木食，就梗係要叫返個有名氣嘅主食🤭Teawood紅燒牛肉麵嘅份量十足，牛𦟌肉質嫩滑，有質感又彈牙既麵吸收左所有蘿蔔梅菜牛𦟌燉成既味道，湯亦唔會有太多味精既味道。而第二個主食烏魚子元貝手作麵，擺盤吸睛，份量不算多，勝在材料夠新鮮👍🏻有小食，有主食，又點可以冇咗甜品呢😎雖然都幾飽，但我哋都叫咗個甜品去填飽我哋第二個胃🤭草莓香草蜜糖磚塊歐軟既賣相特出吸睛，厚多士外脆內軟，有牛油香味。士多啤梨略細但香甜，不失為鎮店之寶😆野飲方面，我叫左個朱古力脆脆燕麥拿鐵🍫濃香既朱古力味，喚醒我地細個既感覺。而佛手柑水果茶就七彩繽紛🍇🍌🍊🍎水果在透明壺內已經好吸睛。盛載杯內既水果味香濃，有種純尚大自然果園飄逸既感覺，令人齒頰留香🥺…Read More

尖沙咀一向都有好多好嘢食🤤今日喺K11行街嘅時候見到一間設計望落好新穎、又有open kitchen嘅cafe，於是同朋友入去食個dinner😆餐廳嘅中間圍住一棵小樹，天花亦都裝咗好多燈泡，加上店內運用咗好多嘅玻璃設計，空間感十足，夜晚食飯嘅時候就好似喺大自然之下欣賞夜空一樣，感覺幾舒服🥰我哋叫咗兩個main分嚟食😙Braised Australian Waygu Beef Cheek with Drunken Beef Gravy ($238)見到寫住must try就叫咗嚟食😎果然有驚喜😆牛嘅面好淋而且入味，仲可以食到啲有咬口嘅骨膠原，而且唔會好油膩。而配上嘅黑松露薯蓉亦都係我嘅至愛❣️薯蓉香滑黑松露味亦都唔會太過強勁，加上有一啲小水芹作為點綴，喺我哋今晚最滿意嘅菜式👍🏻👍🏻Asian Style Citrus Spring Chicken ($198)最初睇字眼以為Spring Chicken 會似係平時嘅西式燒春雞，原來佢似係慢煮嘅雞胸，輕輕一切雞肉已經能夠散開😯而雞本身用左柚子釀製，食落感覺好健康，有一種好新鮮嘅感覺👍🏻入面有好多配菜，包括蘆筍、粟米、果仁、溫泉蛋等等，由於份量都幾多，個人覺得同朋友share會比較好少少，唔係嘅話會太過飽肚🙈…Read More