katherine.paris.73's Profile

你間餐廳係之前有朋友介紹嘅，所以星期日就嚟試吓啦。打咗電話嚟book，店員都有禮貌。嚟到都好快安排到入座。Baileys coffee Blood orange tea咖啡味好濃郁，有少少甜味但唔會過甜，酒味唁濃，女仔都啱飲呀。血橙茶有淡淡的清新茶香味，橙味唔會搶咗茶味。Meatball yakitori with teriyaki sauce即是つくね雞軟骨串，好入味，但食落去雞軟骨唔算多，另外用嚟點嘅蛋有好濃郁嘅蛋香味，好邪惡！ Fried oyster with lemon jam平時食開炸蠔通常都係跟返蛋黃醬，但呢度好特別係會有檸檬醬俾你點，炸粉略嫌少厚，但唔會皮肉分離同好油，檸檬醬正正可以中和返佢油膩嘅感覺。 Beef sukiyaki risotto壽喜燒味非常濃郁！risotto好 creamy, 加咗蒜片好香又加左重口感，但如果收汁可以再收好啲就好啦。但整體上我係鍾意同推介既Seasonal dessert之前有問過店員係咩嚟嘅，店員就話係配茶奶凍，嚟到好有驚喜，首先佢外型好靚，焙茶奶凍個味好出，隔離仲有白桃sorbet,frozen peach 同pistachio crunch，所有食材都好夾，令到奶凍唔會單調，我估大概因為係白桃嘅季節，遲吓可能會轉，所以想試就要快啲去食呀。 Matcha marscapone Mochi houjicha cracker呢個甜品都幾特別，將好多抹茶粉沈喺芝士上高，mascarpone芝士味唔濃，同抹茶粉唔會互搶，加埋白玉同埋焙茶餅乾有唔同既口感。…Read More

❝ ❝ ❝Royal Ming Garden(Lai Chi Kok Shop)❞ ❞ ❞Chinese Tea HKD 15 per person Per-Neal Snacks HKD28 (1-6persons)Abalone Fried Rice w/Conpoy , Barbecue Pork & Mushroom in casserole HKD 188⭐️⭐️⭐️⭐️Crispy Pigeon HKD62/pc⭐️⭐️⭐️⭐️Fried Jumbo oysters w/ Ginger n spring onion HKD188⭐️⭐️⭐️⭐️Steamed egg white topped with scallops and Shrimps HKD128⭐️⭐️⭐️Jelly Fish with aged vinegar HKD78⭐️⭐️⭐️Steamed layered Pudding with red dates and milk HKD28/3pcs⭐️⭐️⭐️Spare Ribs with black vinegar and peach HKD118⭐️⭐️⭐️…Read More

皇玥呢間餅店，之前係經親戚認識嘅，嗰陣中秋親戚送咗一盒奶黃月餅俾我哋，質素都好高。後尾再喺朋友口中得知，佢哋嘅蛋捲同餅都好好食，所以係馬鞍山食完飯行街見到開咗新鋪就去睇吓位置喺爭鮮壽司嘅隔離，轉角位都好顯眼。見到每一款產品都好多種口味，雖然因為疫情關係，店員話冇得試味，但佢都好落力介紹返啲產品嘅口味，服務都ok我哋最尾揀咗伯爵茶薄脆同埋開心果嘅曲奇伯爵茶薄脆我就覺得好啱放喺Office 3點3食，都幾有伯爵茶味，一開有幾塊仲可以分享埋比啲同事食。開心果曲奇個Testure 都OK,仲見到粒粒開心果肉tim, 同埋唔會太甜，媽咪都幾鍾意。:)…Read More

好耐都冇同朋友出街食飯，終於可以約出嚟就揀咗去食串燒，喺OpenRice見到呢間串酒里幾多好評，所以就黎試試。見到佢哋有特色手工啤，五款唔同粗口嘅名配合唔同口味，好有特色，打卡一流。試左呢支，有少少花香味，幾易入口。芝士玉子燒，呢個一定要試，真係好好味。芝士配甜甜地嘅玉子加埋木魚 好夾！雞軟骨同雞皮串，唔錯 食落唔會好油膩呢碟麻辣雞腎超級惹味！辣度非常之夠鍾意食辣嘅朋友一定要試我哋仲有嗌呢串火辣牛丸，辣嘅牛丸配上甜甜地嘅醬。而且辣度都係十分之足夠，推薦！芝士燒蠔，我好鍾意食芝士所以覺得呢個配搭好好。d蠔都好大隻，食完都有啲飽。呢兩串牛舌好大塊好厚！而且味道仲好香！咬落去真係勁滿足，但最好趁熱食。牛舌一定要試！黑松露薯條炸得剛剛好，外層脆口。配上黑松露醬，忍唔住食晒成碟！蒜蓉燒茄子有勁多木魚碎係上面，每一淡都食到蒜蓉同木魚，勁香。松葉蟹蓋甲羅燒拼薯角真係令我最驚喜嘅一碟。蟹膏溝埋蛋黃做醬汁點薯角食。你會食到淡淡蟹膏味再加上熱熱地薯角，味道真係超級夾，好好味！四條薯角真係唔夠食，下次一定要去再嗌過。…Read More

平日返工返得咁辛苦，放假梗係要同啲姊妹食好西啦。之前聽朋友講tiffin嘅afternoon tea性價比好高，所以都決定尼試吓。早咗兩個星期打去tiffin book 位，但接線生通知tiffin full 晒，問轉去Grand Cafe得唔得，食物同價錢全部一樣咁話，所以就book咗啦。酒店位於會展隔離，距離地鐵站都幾遠，行咗大概10 零分鐘先搵到。而餐廳就喺大堂果一層，喺間花店附近，都幾易搵。餐廳安排咗喺雪糕櫃附近嘅枱俾我哋，再俾咗張Menu我哋，都係介紹返個Tea set既內容，後面會有嘢飲揀，因為個tea 太濟，所以我哋都係揀飲茶。雪糕同埋出邊嘅水果係任食嘅，雪糕口味有八款，比較特別嘅係港式奶茶同椰子雪糕。水果我哋冇食到，但睇落個樣都幾新鮮。拎咗啲macaron 同朱古力，都好甜要即刻飲番茶中和返。tea set三層架係一人一個，唔知係因為疫情關係咁樣安排定係本身已經係咁呢:)scone有兩件，一件係原味一件係紅莓味，可以點clotted cream, lemon jam 或者raspberry jam 。個人喜歡clotted cream。另外scone 都覺得啱啱好，唔會太乾。中層係鹹點，有三文魚卷，青豆批，火腿三文治，鵝肝塔，吞拿魚包。頭三個都幾好食，鵝肝塔我覺得太漏，吞拿魚包就冇乜特別。頂層嘅甜品有四件，分別係玫瑰泡芙，櫻花蛋糕，藍莓蛋糕同梨撻。因為個外表好似落咗好多色素咁，我每樣都食咗好細淡就算啦前面玫瑰泡芙係OK嘅，藍莓蛋糕就有少少漏，梨撻唔錯，櫻花蛋糕就麻麻哋啦凍蝦杯落咗Thousand Island dressing ，幾開胃 croissant 唔知係佢哋自家整定係急凍，但上枱係凍嘅，如果熱嘅會更加好食。環境來講grand Cafe都唔錯，樓底好高，有落地大玻璃所以日光好夠，如果想影相建議唔好坐卡位，因為會暗左。服務方面唔錯啦，因為佢哋個洗手間有啲難搵，所以我問洗手間喺邊嘅時候，有女職員帶埋我去:):)食Tea set 限左兩個鐘，嗰日可能我哋口水太多，食得勁慢食到後尾好趕，同埋份量係多架，食到個個超飽，性價比都高既…Read More

之前見到社交平台推介呢間燒肉CP值好高，所以之前就算未有開放晚市嗰陣，都搵咗個禮拜日嚟試。Book枱嗰陣打咗一次電話但冇人聽，之後WhatsApp左佢哋訂位，第二日Confirm咗之後竟然再打返電話黎問我係咪要book 位，幾有禮貌。餐廳位於尖沙咀金馬倫道，位置都幾就腳嘅，尼地鐵西鐵同巴士線都幾近。因為之前見九宮格好多人推，所以都叫左一個。九宮格裏面得兩三款肉係好食嘅，雖然價錢平，但CP值感覺唔太高，寧願散叫返。其中有呢一個唔記得係A4定係A5嘅牛肉，油脂好多，個人覺得係好食嘅。另外叫咗個厚切牛舌，口感幾好，推介另外仲叫多咗一個牛肋肉，呢個就麻麻哋，冇咩特別。除咗牛之外，我哋仲叫多咗個雞腿肉，係唔錯嘅。我哋叫咗白飯尼送肉食，但白飯好似未煮熟咁，黐埋一pat，之後同侍應反映番，都有換過俾我。飲品方面選擇都唔太多，反而生啤做緊買一送一，都幾抵飲。整體上來講係抵食嘅，但就唔會話特別好食。同埋同好多燒肉店都有一樣嘅問題，就係通風同埋衛生問題需要改善下，地下同枱面都有少少癡笠笠，啤酒杯都有啲異味，希望可以改善返。…Read More

今日同朋友去完南豐紗廠，就喺荃灣周圍揾野食✨見到有間食台灣野好似好吸引就入去試吓，乾花裝飾好靚💐叫咗招牌芋泥紫薯吐司🍞芋泥超級厚，好足料。出面塊多士又熱又脆，內餡凍凍地，口感超正甜度適中，食完都唔會話好溜。然後就係牛肉麵～牛肉好淋，個湯都好夠味仲有溫泉蛋添。如果個面有埋刀削麵揀就好啦，依家係普通好似上海麵咁，不過都好食嘅另外叫咗兩個小食：梅甘地瓜條、檸檬風味烤雞腿。平時食慣薯條，久唔久轉下地瓜條都幾有新鮮感，一樣咁香脆。烤雞腿好似有啲香茅味，食落都好香口最後兩杯嘢飲都好平時飲士多啤梨可能會有藥水味，但係依間完全冇，係好似喺日本飲嘅士多啤梨牛奶咁🍓抹茶紅豆都勁好飲…Read More

因為前一排見到喺尖沙咀都開咗牛大人，地點仲係非常就腳嘅加拿芬廣場，所以就約咗friend搵一日lunch嚟試吓啦。避開咗12點至一點呢段繁忙嘅午餐時間，大概等咗15分鐘之後就可以安排入座啦。可能大家都食完lunch啦，仲安排到近窗嘅卡位添。湯底我哋就揀咗養生濃湯，湯底有D紅棗杞子娃娃菜，似冇好多味精，食完冇口渴感覺。其餘嘅餸都係用QR code喺手機度點，另外自取區都有好多菜、麵食、丸類等等，因為疫情關係都有用膠箱裝住，安心D。醬料方面都好多選擇，反而飲品選擇比較少。座位方面比起旺角店多好多，我諗尖沙咀易等過旺角。靠窗位置仲可以望返出厚福街果邊。呢個係佢地自家製既飲品，但係幾款茶都比較淡。雞肉大大件，都算幾滑。牛肉方面，因為我地今次係食最貴既極上和牛餐，所以叫左澳洲和牛M5牛肩卷同安格斯牛小排比較。前面果個係安格斯牛小排，後面係澳洲和牛M5牛肩卷。安格斯牛小排薄身D淋D既，牛肩卷就有份量D牛味濃D。台式小香腸，牛大人除左火鍋料之外都會有少少熟食既，幾款熟食賣相唔錯，份量細唔會話好飽肚鹽酥雞梅甘酥脆薯蟹籽墨汁漿，有食到細細粒墨魚肉。花枝漿滷牛筋同滷大腸另外自取區有牛大人自製既雪糕，不過太飽冇食到。今次因為時間比較多所以我地揀左90分鐘放題，但如果食飯時間得一個鐘或者細食既可以揀返60分鐘套餐…Read More

係樓上返工一直都有食開，係好食嘅，真心推薦個蕃茄通，但啲職員態度就好有問題啦。其實一年前左右已經比入面一個金毛長髮女職員鬧過。自己比錯外賣單我，然後話我唔講清楚，搞到佢收錯錢。其實一開始唔係我錯我都say咗sorry，但佢都係好悔氣，仲好大聲講咗句:「得得得，客人永遠是對的。」自問自己態度唔差，但佢啲態度都係差到嘔。因為有件咁嘅事發生我都冇再去過至少半年，但佢個通粉係真係好食，所以冇個嗰女人之後我都會去買返。但好可惜今日又嚟🙂👍🏻今日打咗電話外賣自取，好清楚電話係個講野唔正嘅女人接，好清楚聽到尖沙咀旺記，叫咗餐肉通粉，有埋電話record。落到去收銀都係個位講唔正嘅女人，但佢話堅持話冇呢張單，堅持冇接過，一句sorry都冇，講到係我自己神經錯亂咁。真係好嬲，幾好食都好，我唔會再去，已經叫咗同事都唔會再食。…Read More

趁着疫情開始緩和，呢個星期日同男朋友去咗銅鑼灣掃貨。睇到openrice 係sogo 附近有呢間居酒屋，佢想試吓所以就嚟咗。本身我哋都想來食刺身嘅，跟住侍應就推介左當日嘅精選刺身俾我哋，刺身分別有甜蝦、帆立貝、口感滑嘟嘟嘅深海池魚、比較陌生嘅目仁奈（有咬口）、好爽既左口魚、油甘魚同吞拿魚，全部都夠晒新鮮串燒方面我哋嗌咗牛舌、雞軟骨串、五花腩串。調味我哋都覺得岩岩好，燒出尼唔乾。溫泉蛋係用嚟點雞軟骨串嘅，雞軟骨串好有咬口，推介:)燒海蝦，非常之大隻多肉明太子蟹肉焗蠔大啡菇，呢個要出動到刀叉嚟食，切開面頭嗰層就會見到啲明太子流心，連埋蠔同大啡菇一齊食好特別，有驚喜。…Read More

桔梗呢間台灣菜，係文青之間已經出晒名。之前終於約到個fd 係放工之後一齊去。位置竟然係人車都多既旺角鬧市，砵蘭街差不多係創興後面，搭MTR的話旺角同油麻地站都得。星期四食飯時間竟然都係爆滿，好在朋友早左尼排隊，我去到等左廿分鐘左右就入到。餐廳採用self service 形式，由點餐取餐拎餐具同回收都係自己做晒，似日本既快餐店咁。水上芭蕾舞干貝繞圈圈 燉飯煎帶子燉飯，吉穿個溫泉蛋撈埋食好正，食落唔會話好漏，份量都適中。海底世界海龍王真的來了燉飯龍蝦帶子魚燉飯，sauce係pesto，比起上高果個清新d,而色彩都豐富D, 龍蝦肉有調味, 肉就唔太多,不過肉質OK既。salt caramel latte，鹹甜味既平衡唔錯，最驚就係焦糖落得過火，杯野變到超甜。季節果昔，用左草莓同香蕉打成，果味濃郁，唔錯。環境方面，打卡既位真係唔少，周圍都好多乾花呀書呀咁，影d igable 既相冇難度，但位同之間有D近，私隱度就麻麻，另外雖然多人，但可能樓底高所以唔算太嘈。…Read More

因為喜歡吃辣，咁啱同事推介公司附近新開嘅烤魚店，所以就同朋友相約放工後嚟呢度食烤魚。店舖環境乾淨，平日晚上人流不算多，可以同朋友坐多陣都OK。menu都有幾多款魚揀，但因為唔太熟悉所以搵咗店員介紹返。値得稱讚嘅係店員非常耐心講解，而且非常有禮貌，介紹嘅魚都真係幾好食。同朋友揀咗活火山味，喜歡食四川辣嘅一定會好鐘意，比想像中仲要辣，不過個人覺得味可以再濃少少。另外仲叫咗串燒，因為同朋友胃口唔算大所以無叫太多，但就咁食串燒都係唔錯的。下次再嚟都會想再嚟試下其他串燒。呢度啲魚夠滑，四川辣又夠味，價錢都尚算合理，都値得再去試的👍🏻…Read More

呢日約左舊同事去行維園順便食埋飯，佢就話食過呢間邊爐都ok 架，所以佢就訂左枱。8點半上到尼，唔知係咪臨年尾，真係幾多人食，好在事先訂左姐。餐廳安排左outdoor 位比我地，望出去就見到高樓大廈既夜景，幾好feel。餐牌設計都有諗過度過架，d 菜名非常啜核，鞭鞭有力湯，菜灼鹽搞唔餃，嫩滑台妹鴨血等等，淨係落單都笑餐死。醬料區感覺企理，醬料都係一般港式邊爐見到既。湯底終於尼到，話明席前就梗係即席煮啦，同爆炒海鮮一樣，首先落左洋蔥辣椒，兜一陣先落海鮮冇記錯佢係落左酒，所以出到呢個效果落水後冚蓋焗到佢水滾開蓋就變左勁香既龍蝦湯喇！佢建議我地飲左碗湯先，於是幫我地不左一碗，嘩呢碗湯真係不 得 了，同平時食平民西餐飲果D用粉開水沖出尼係兩樣野尼，個湯冇果D咁杰，但龍蝦味更濃，飲完係唔會口渴架。如果鍾意飲龍蝦湯，真係值得試吓！！另外，如果著淺色衫尼食既唔洗驚整烏糟喇，呢度係有肚兜提供架等緊湯底滾既時候，我地就食左椒鹽炸豆腐，送啤酒一流手切肥牛，肥瘦均勻，牛味濃，最緊要係厚薄適中，比機切既有口感。響鈴，唔洗講都知係自己炸，吸晒龍蝦湯正呀。牛肉餃，中間有馬蹄，似食緊牛肉球咁爽脆。大合照飲品方面，啤酒有4款，另有涼茶汽水等等。環境方面，成間餐廳都非常貼題，裝修都用上大量中式元素，連包箱都叫做東宮西宮等等。…Read More

回頭指數：😄😄😄😄😄（5最高）呢度嘅地理位置雖然真係唔係太方便，但係少咗呢一份嘅人來人往亦未嘗唔係一件好事。呢個夜晚同兩位小朋友來玩唔太多人，可以好輕鬆就望到小朋友喺度玩緊啲乜嘢。完全唔需要擔心呢度嘅餐牌以中式為主，食得出冇太多嘅調味，所以唔使擔心會口渴或者有味精。小朋友嘅兒童餐牌亦有精心設計過，大人見到都會覺得好開心同埋好豐富。而Baby Food 就有唔同嘅果蓉，當日都買咗一包俾妹妹試。除咗食物不得不讚之外，一個乾淨嘅洗手間都好重要。呢度既洗手間亦都有經過設計。呢個親子空間真係一流 值得推介比朋友…Read More

尖沙咀海旁既K11 Musea 開左幾個月，試新餐廳試到冇停口，呢日約左朋友尼呢間打卡聖地Camellia，就係因為比佢由頭到腳既粉紅色裝修吸引到。由梳化，雲石枱，餐巾，花牆，什至以後去既洗手間，都係以粉紅色做主調，另外餐具用上金色，少女得尼帶少少高級感，呃LIKE冇難度。Lunch Hour 入座會有Lunch Set，當然a la carte 都可以點啦。我地就叫左一個lunch set + 一個a la carte menu 既飯。黑松露溫泉蛋炸金菇 lunch set我地揀左呢個starter，意外地好食，炸既金菇炸到乾身一d都唔油，撈埋加左黑松露片既溫泉蛋汁一齊食非常之夾！大推！海膽薏米意大利飯a la carte 既risotto 有別於其他餐廳用意大利米，佢係用薏米炒，食落去比平時口感更加煙韌，呢樣真係估唔到，而海膽都算新鮮既。香烤比目魚lunch set 既main course 揀左煎魚，外皮炸得香脆，魚肉都唔會煎得過火變鞋。個人略嫌調味唔夠，side dish 既菇都唔錯。蘋果玫瑰Lunch set 加$40 既甜品，一開始我地都係預佢係係雪櫃拎出尼比我地既凍餅，點知我地叫上甜品既時候，侍應話要等15分鐘。出到尼既賣相好靚，蘋果切片後用浸泡成粉紅色，但果香仍然係度，上高加玫瑰cream同脆脆，夾埋一齊食都match伯爵茶基本要求用燭火興住，有既。茶壺茶杯茶碟match 返個theme。總結，原來以為呢d 為呃like而存在既餐廳，十居其九都係虛有其表，但camellia 睇得，亦打得，大大巴打落我塊面度…Read More